السكة الحديد و التعليم .؟؟؟؟؟
 

هل قرأت هذا الخبر ؟
صرف بدل قيادة لسائقي السكة الحديد بعد تهديدهم بالإضراب 26/11/2008 كتبت: مي شاهين
تراجع سائقو السكك الحديدية عن إضرابهم الذي كان مقررا له أمس، بعد قرار رئيس الهيئة صرف بدل قيادة لجميع السائقين، حيث قرر المهندس محمود سامي في اجتماع مجلس المديرين، أمس الأول، في حضور رئيس النقابة العامة، السيد رمضان الجندي صرف حافز قيادة للسائقين ومساعديهم علي أن يصرف لسائق الدرجة الأولي 200 جنيه والدرجة الثانية 150 جنيهاً والدرجة الثالثة 100 جنيه والرابعة 75 جنيهاً. وقال كرم فؤاد، أحد السائقين: «قرار رئيس الهيئة جعلنا نفكر في التهدئة لإثبات حسن نيتنا، مشيراً إلي عدم تراجعهم عن مطلبهم الأساسي وهو صرف 25 قرشاً للكيلو متر تحت بند ظروف الرحلة بدلاً من 7.5 قرش حافز
دة من جريدة البديل بتاعة اليوم ياترى امتى هيكون لينا كرامة زى الناس دى الحوافز 75 % مفيش الكارد فى علم الغيب المرتبات فى الارض بدل انتقالات الثانوية العامة اتكلت النقابة بتاكل رز مع الملايكة و كفاية كدة ضغطى ارتفع

اوافق بشدة

توافق بشدة على ايه؟؟؟ ان السواقين يقبضوا والا ان الاخ يجيلوا الضغط؟؟؟؟

لا حول ولا قوة الا بالله

هل امتحنوا في ( كادر السكه) لا امتحنوا في كادر السكه ولا عندهم (سكه حديد ) ولا حتي (سكه خشب ) ده كل قطار اسوأ من القبله والبعده .وعمري ما وجدت قطار اتي في ميعاده (دي واحده ) ولا عندهم لا ابواب ولا شبابيك في القطارات ولا دورات مياه بس عندنا في مدارسنا بصراحه . واخدوا احسن من الكادر بتاعنا وحتي عندهم حوالي ( عشر جرارات )درجه اولي كل شويه ينقلوا جرار من قطار لقطار وساعات القطارات بتاعتهم ( بتدخل في بعض ) علي الاقل ما عندناش ( مدارس بتدخل في بعض )جايز فيه( مدرسين او مدرسات ) بس لسه الظاهره (مستفحلتش ) وماعندناش تأخير في المواعيد وعندهم تسريب واحنا عندنا تسريب "عندهم هبر واحنا عندنا هبر "برضه عندهم جرارات درجه اولي وقطارات اولي وتانيه وتالته وسبنسه وتسطيح عندنا برضه في ( مدارسنا نفسه ) في المدارس عندنا في مصر فيه مدارس اولي وتانيه ومدارس تالته ومدارس سبنسه ومدارس تسطيح بس عمرك ماتشوف قطار فاضي من الركاب بس ممكن تشوف مدرسه ثانويه بدون ركاب تانيه وتالته
هههههههههههههههههههههههههههههههههههههههههههههههههه ههههههههههههههههه
عياد مدرس اول *-*/ مطحون مفروس مفرقع من البلد دي

الله الله ادي الرجاله ولا بلاش

والله كلام صح جدا أحييك أستاذ عياد

شكرا جزيلا لمجرد القراءه ابله هدي ربنا يخليك ويبارك فيك وجزاك الله كل خير وشكرا لاهل هذا المنتدي العظيم الجميل الجميل الذين اتاحوا لنا فرصه للتنفيس عن انفسنا من الهم والكدر والكادر والتكدير والمتدكدرين والكادرين والمكتدرين والكادريه والكادريات والكدره والكداره وكل مايمت لصله بكادر المعلمين واي كادر علي سطح الكره الكادريه
عياد مدرس اول مفلوق من البلد دي
عياد

كلا صح تانى وأغلب تعليقاتك سليمة وواقعية طول بالك كادر ويعدى :stickjo4:

الله يعمر بيتك ويخليلك اولادك ويكبروا امامك وتبعديهم عن المهنه دي انا معلم صار لي اكتر من عشرون عاما كل يوم أسوا من القبله بسبب الوزاره بنت ( الايه ) دي ولما جاء دور ابني في الثانويه العامه جاب له الوزير ابن ( الايه ) امتحانات ما انزل الله بها من سلطان وراح جاب اساتذه جامعه معقدين حطوا امتحانات مالهاش حل لابني بالذات والولد انهار وانا انهرت معاه وضاعت كل المثل لدي وانا شايف ابني يحترق امامي من الوزير ( ابن الايه ) جاب اساتذه جامعه معقدين حطوا امتحانات معقده له والامتحانات تتسرب تحت في مصر العليا ومصر السفلي اللجان اسود من الطين وابني خدها بكاء من اول يوم لاخر يوم من هذا الوزير ( الذي قال لي هو ومرافقوه يوم 11-2-2007 حنخدوك الوزاره معانا وطلعوا كدابين) وبعدين كل وزارات مصر لها مزايا وحاجه اسمها ابناء العاملين خدي مثلا السكه الحديد سواق القطار ينحال علي المعاش من هنا وتلاقي تاني يوم اولاده سواقين قطارات وياخدوا احسن من اجدعها كادر بدون امتحانات ولا غيره مع ان السكه الحديد بتاعتنا افشل من المدارس بتاعتنا مليون مره بلاش بقي اتكلم علي الكهربا ولا المياه ولا التلفونات ولا الحرس الجمهوري
احسن خليني بقهري احسن
عياد معلم اول مطحون من غير كادر
مرتبه 600 جنيه
ابنه بياخد درووس 400 جنيه
وهو بيعطي دروس مجانيه ومجموعات تقويه مجانيه
اسمه
عياد

هو الموضوع عايز ايه علشان يأخذ المعلمون حقهم
انا اوافق بشدة على ما يطلبه الموضوع من المعلمين

ربنا يدينا البركة أهم من أى حاجة فى الدنيا يا أستاذ عياد
والوزير اللى الامتحانات تتسرب فى وزارته ويفضل عليها يبقا انت اكيد فى مصر
بتقبض 600جنيه بعد عشرين سنة يبقا انت اكيد معلم اول فى التربية والتعليم اللى تبع مصر وبسسسسسسسس واهداء هذا الراتب للاخ سيف اللى بيقول المرتب بعد 15 سنة 1100 وحاجات كده

يا ابله هدي باسال الاخت مديحه اداريه بمدرستي عن علاوه الدرجه الاولي تتصوري قالت ( خمسه جنيهات )لاغير وانضافت يا استاذ عياد الشهر ده تاخد جنيهان وشويه فكه الحكومه خصمت منها جنيهان وشويه فكه
يعني اصبح راتبي بعد الدرجه الاولي وعندي ثلاثه اطفال وزوجه ووالده( اطال الله في عمرها )602 جنيه
علاوه الدرجه الاولي خمسه جنيهات يا عالم فيه ظلم اكبر من كده وتقولو تعليم وامتياز وجوده وسكه حديد يا عالم ده الطفل لما يتولد ابوه يزيد جنيها ن يا خلق هوووووووووووه فيه ظلم اكتر من كده ابوه ياخد جنيهان والدته لا مع ان هي ( حملته وهن علي وهن وفصاله في عامين ) ابوه ياخد جنيهان امه ( الحتربيه) لا لا لا لا
ياعالم علاوه الدرجه الاولي خمسه جنيهات وبتتكلموا عن تطوير وجوده ومدرسه فعاله ومنتجه وامتياز مدرسي ومدرستي جميله متطوره ونظيفه زي نظيف بالضبط يا مثبت العقل والدين يارب
وبعدين نرجع لموضوع السكه الحديد السكه الحديد بتخسر ملايين طوال السنين واحنا علي الاقل التلاميذ اخر السنه بيبيعوا بملايين الجنيهات (كتب قديمه ) لتشغيل المصانع موضوع التدوير ( واعاده التصنيع ) معني هذا ان الوزاره بتاعتنا مش بتخسر زي السكه الحديد وبعدين ياخدوا فلوس اد فلوسنا مرتين تلاته بدون امتحانات في الكادر ولا غيره
عياد

الى الاخ عياد والاخت هدي
انت معين على الدرجة الثالثة ومضى على تعينك 20 سنة ودخلك الشهري من وزارة الترية والتعليم المصري 600 جنية فقط
اللهم ان كان صادق فاجعل دخله الشهري 6000 وكذلك الاخت هدي
وان كان غير ذلك .................................................

الله اكبر مرتب الدرجة الاولي من غير بدل المعلم و لا حوافز ولا مكافأة امتحانات 602
والاستاذ عياد 20 سنة وببدل 600 جنية
نرجو التفسير

الاستاذ سيف يظهر تبع وزارة تانية أو انه بيجمع المكافأة والحوافز عشان يحس انه بيقبض مرتب مع انه مافيش حد بيحسبها كده ابداااااااااااااااا ويارب ان كنت بتقبض 1100 يبقوا 11000ومية انما ان ما كنتش بتقبضهم يبقوا 1100 وبس

اللهم امين اللهم تقبل دعائها
ايه رأيك ومش واجب تقولي امين على دعائي علشان راتبك انت والاستاذ عياد يوصل 6000
وايه ردك علىayadooo

طب انت متفق معايا كده

ده 50% الاولي بتاعه الكادر عملت معي 120 جنيه
يعني مرتبي من غيرها كان حيصبح فضيحه زي فضائح الناس الذين تجاهلهم الكادر ومؤهلات عليا يا راجل يا استاذ سيف واضح انك مش في مصر
ياستاذ سيف في الدول العربيه بيعيروهم برواتبنا في مصر ا منذ تعييني ا واصبح اساسي المرتب بالكمال والتمام 318 جنيه فقط لاغير هو حضرتك تعيين كام واساسيك كام هي الامور بتختلف من محافظه لاخري ولا ايه
علي فرض انا راتبي اكتر من كده كام يعني يعني مدرس علي درجه اول له اكتر من خمس سنوات عليها بالكادر بياخد 600 وشويه جنيهات برضه بالبدل بالكادر بكله والله يا راجل باقبض اليوم بعد علاوه الدرجه الاولي النازله لي في 1-7-2008 اصبح راتبي 602 بالكادر بكله ابني دروسه 400 جنيه ثانويه عامه
ولا تعليق
عياد

نجوت من القوم الظالمين استاذ طارق
الاخ سيف فاكر انك موافقه مش واخد باله ان دى روح الدعابة لديك
انصحه بكلمة فى اذنه لله احسن احنا مش ناقصين حرقة دم والله

امين يارب راتبك يصل لرقم فلكي وينضرب مثلا في عشره (الخير والحسنات) تعم علي الكل بس بصراحه واضح انك مش في التربيه والتعليم ليه اقول لك لي زميل مدرس الموسيقي بالمدرسه دبلوم معلمين بيقبض اقل من 600 جنيه مع انه شغال من 23 سنه وفي الاول قالوا له انت معلم خبير بعد شويه ايام قالوا له انت (معلم ) بس رفض دخول الامتحان والفصول مقضيها علي ( بلكونه المدرسه ) من خبير لمعلم بس بعد تلاته وعشرين سنه عمل ليه لانه قال ايه درجه تالته قعد في الرابعه ايام ماقبل (الجنزوري ) من 86 الي ماشاء الله لحد الجنزوري اطال الله في عمره عمل دور تاني للراسبين ومن الرابعه للتالته والراجل لسه علي التالته 23 سنه يعني انا احسن
باقبض 600 جنيه واثنان من الجنيهات بتوع الدرجه الاولي (ومعلم اول ا ) بس ما دخلتش * وكمان علي الدرجه الاولي ام خمسه جنيهات
هههههههههههههههههههههههههههههههههه
عياد

يا اخ عياد ربنا يبارك لك في القليل
وبدون زعل انت دخلك الشهري من التربية والتعليم 600 جنية فقط
ارجو ان تسأل اي حد في الماليات وتقول له هي الدولة عاملة حسابه في ميزانيتها لحسابي انا الشخصي نظير عملي في وزارة التربية والتعليم في مصر كام
الصومال دولة عربية - العراق دولة عربية - فلسطين دولة عربية سوريا دولة عربية انت تقصد الدول دي
اساسي المرتب في الكهرباء لا يزيد عن اساسي المرتب اللي انت ذكرت 318
العلاوة 5 جنيه في الدرجة لجميع الوزارات ايه رأيك
لو المعلم شايف شغله كويس كنت وفرت 400 جنيه بس نقول ايه

لو انت متابعة معايا كنت عرفتي انه موافقني في التضليل لدخل المعلم على الهواء لاحد احتمال من ثلاثة - الحسد -

ا أستاذ سيف (غلبان سابقا ) مبروك ع الاسم الجديد الاول
ثانيا : لو مش المشكلة بيكفى والا لأ؟ هل يناسب المهنة والا لأ؟ هل مثل الوزارات الأخرى والا لأ؟؟ فلما الحديث من أساسه؟؟؟؟؟؟؟؟!!!!!!!!!!!!!!!!!!!
ثالثا : انت بتحسبها من وجهة نظرك والا ايه؟؟؟ كل الدنيا بتتكلم عن اللى بيدخل جيبها خلال الشهر وانت عمال تجيب مكافأة امتحانات وحوافز وتجمع وتطرح مخصوم وتجمعه تانى؟؟؟ ايه المطلوة بالظبط؟؟ بتقبض 1100جنية الف مبروك يا استاذ سيف؟؟ لكن من يعمل بالضرائب والكهرباء الا يقبضون حوافز؟؟ الا تعلم ان فنى فى البترول تصل حوافزه اخر السنة بخلاف راتبه وحوافزه وخصومات نقابة وتأمينات وضرائب تصل حوافزه اخر العام الاف الجنيهات؟؟؟؟؟؟؟؟؟؟؟؟ يقبض فى يده الاف شهريا ومع ذلكم لا أحد يتكلم عن الراتب بهذا الشكل .... رجاء القصة مش ناقصة فلسفة فى أصل المرتب الناس بتتكلم عن حقيقة المرتب وقلوبنا تعبانة م الوزارة مش ناقصة تعب هنا كمان الله يخليك

نظرا للخوف من ان الموضوع يكبر ويزعل الناس من بعض
نرجو من السادة المشرفين اغلاق الموضوع مع وعد من اي مسئول بالمنتدي يكوت لديه اتصالات مع اي مسئول بالدول هو صحيح اللي اخذ الدرجة الاولي هذا العام من المعلمين و كان بادئ بالدرجة الثالثة حسابه في ميزانية التربية والتعليم 1100 ام لا

ده رد سابق على الاخ سيف فى موضوع مثبت سابق

وجب التصحيح ليس (غلبان ) ولكن(الغلبان اوى ) علشان تفرق كتير

كلامك فيه تجريح اخ سيف ثانيا واضح انك فعلامن اسلوب كلامحضرتك مش في الوزاره بتاعتنا المصونه ثالثا واضح انك في عداء للمعلمين انا درجه اولي والله باقبض 602 اليوم فقط مش مصدق تعالي اسال الابله مديحه والاستاذ سيد السكرتير
اذا انت في وزاره منتجه اكيد كهربا ممكن لا هناك تضليل ولا يحزنون الموضوع مرتبات التربيه والتعليم هزيله
ايه رايك ان حوافزي 75 جنيه سواق القطار احسن مني وانا حاصل علي مؤهلان علميان عاليان
وايه رايك ان اكبر مرتب عندنا الست الناظره 900 وشويه يعملوا ايه في الزمن ده دي بتيجي ( بتوكتك )المدرسه بياخد منها شهريا حوالي 200 جنيه يبقي فاضل 700 وشوف باقي مصروفها لوحدها يوميا كام ؟؟؟؟؟
سؤال تاني حضرتك شخصيا بتصرف كام يوميا لوحدك وبلاش حسد ومش حنحسدك والله
عياد

الله ينور يا باشا
لسه الأمانى ممكنة
لا تقلق

الأخ سيف بيقول المرتب بعد 15 سنة 1100
ياترى هوتبع وزارة التربية والتعليم فى اىدولة يا استاذى انا اديلى 30 سنة متعين ومرتبى لسة موصلش لـ 1100 بلكادر والحوافزوكمان فية علاوتين تشجيعية بس انا تبع وزارة التعليم فى مصر يا عم قول يا باسط

استغفر الله العظيم
مصروفي الشخصى ومليش دعوة بالبيت 5 جنية وايام اقل وايام اكثر ولكن الاغلب 5 جنية

ممكن تسأل في ادارتك التعليمية عن المستحق لمرتبك وحوافزك ومكافأة امتحانك وترد عليا
اللهم لك الحمد

وادي الاستاذ العظيم ( وليم ) موافقني الراي كما الاستاذه العظيمه هدي كما الاستاذ القدير طارق ادي يا سيدي الفاضل الاستاذ وليم صار له 30 عام ولم يكمل الالف وشويه الحضرتك نازل دعايه لهم من الصبح وكاننا في انتخابات وبعدين انت راجل ( منوفي) يعني من بلد الريس بدافع دفاع مستميت عن حقائق لا تقبل القسمه علي اثنان يا سيدي الفاضل نحن لدينا سعه صدر وديمقراطيه ليس علي شاكله (لا مبارك ولا جمال ولا سرور )وليلتنا هنا وسرون وتصبحوا علي خير
عياد

قول كده بقا ........ ((((((( ومالكش دعوة بالبيت )))))) امممممم اهااااا

لما يكون لنا نقابه زيهم

مكافاه الامتحانات دي احنا طافحين بيها الدم طول العام من تصحيح لمراقبه طوال العام من نقل لشهادات لابتدائيه لاعداديه لثانويه يا راجل مش كده الله لا يسيئك تعالي وادخل الفصل ( ودرس ) وشوف ال احنا بنشوفه
عياد

اتفاق الاغلبية ليس بالضروي هو الحق
كلامي واضح وصريح وانا اتحدي اي عضو بالمنتدي ان يكذب ما اقول وليس دعاية للحزب - لم ادخل الاحزاب ولكن اجبت بصدق عن سؤال - و لا للحكومة - فانا اختلف معها اكثر من ما اتفق -
حساب المعلم الاول أ قبل المرحلة الثانية من الكادر والذي عين بالدرجة الثالثة في ميزانية الدولة اكثر من 1100 جنية

انت بتقول مرتب فقط وانا بقول مرتب حوافز مكافأة امتحانات
ارجو السؤال عن الثلاثة والرد

استاذي العزيز وليم السيده الفاضله ناظره المدرسه تعيين 83 وبتقبض 900 وشويه بتوصل المدرس كل يوم (بتوكتك ) بياخد شهريا منها 200 جنيه يبقي فاضل لمصاريفها الشخصيه وبيتها وعندها اربعه اولاد كام غير انها اكبر راتب في المدرسه وبتقبض 900جنيه بعد خدمه اكتر من 25 سنه والاخ سيف مش مصدق ده غير الحسد النازل عليها يا قلبي وساعات (التوكتك) مش بييجي تروح علي عربيه ( كارو )والله
لو مرتبها كويس مش كانت اشترت (سياره ملاكي ) وروحت بيها بدل ( التوكتك)
ولا ايه يا استاذ سيف
انا مع الاستاذ وليم في كل كلمه قالها وله من الشكر علي مشاركته لنا
وتصبحوا علي خير جميعا وكذلك الابله العظيمه هدي وايضا الاستاذ سيف يصبح علي خير
عياد

لا استنى عندك
انت بتأخذ مكافأة لم ادخلها في كلامي عن الشهادة الابتدائية والاعدادية والثانوية يعني كدا المبلغ حيزيد

الرد سبق وكتبتهولك ورد عليك اخوة اخرون لا احد يحسبها مثلما تقول ابداااااا فهتعملنا دعاية كاذبة ليه ولمصلحة ميييييييين؟؟؟؟؟؟؟

استاذي العزيز وليم السيده الفاضله ناظره المدرسه تعيين 83 وبتقبض 900 وشويه بتوصل المدرس كل يوم (بتوكتك ) بياخد شهريا منها 200 جنيه يبقي فاضل لمصاريفها الشخصيه وبيتها وعندها اربعه اولاد كام غير انها اكبر راتب في المدرسه وبتقبض 900جنيه بعد خدمه اكتر من 25 سنه والاخ سيف مش مصدق ده غير الحسد النازل عليها يا قلبي وساعات (التوكتك) مش بييجي تروح علي عربيه ( كارو )والله
لو مرتبها كويس مش كانت اشترت (سياره ملاكي ) وروحت بيها بدل ( التوكتك)
ولا ايه يا استاذ سيف
انا مع الاستاذ وليم في كل كلمه قالها وله من الشكر علي مشاركته لنا
وتصبحوا علي خير جميعا وكذلك الابله العظيمه هدي وايضا الاستاذ سيف يصبح علي خير
عياد

وانت من أهل الخير يا استاذ عياد

تصبح على خير والسلام عليكم ورحمة الله
طبعا الدخل ليس كويس على الاطلاق دا في الحضيض مقارنة بكثير من من هم اقل منا في وزارارت اخري وانا لم اقل غير ذلك

اولا هذه ليست دعاية لان 1100 المستحق حوالي 190 دولار يعني اليوم حوالي 3 دولار ودا اجر زهيد اذا ما خصم منه الضرائب والتأمينات والنقابة والتأمين الصحي وخلافه لمعلم
فما بالك بقولك دعاية كاذبة
مصلحة من ( ان يكتب عند الله صديقا )