|
فوز الزمالك بقمة الشباب أكد على المفاهيم الرائعة بالقلعة البيضاء
http://www.zamaleksc.org/News_man/essay/essay_thum_1
الفوز الكبير الذي حققه شباب الزمالك على الأهلي لم يكن مجرد فوز في لقاء قمة للشباب بل اكد معايير ومفاهيم لابد أن نركز جيدا عليها لأنها تحمل معاني رائعة . أولا : جماهير الزمالك تعشق فرقها بجنون وتؤازرها في أصعب المواقف والدليل على ذلك هو الأقبال الكبير على اللقاء و الأكثر من ذلك أن جماهير الزمالك الوفية بقيت على نفس القوة والمؤازرة والتشجيع لفريقها طيلة المباراة في الوقت الذي مني فيه مرمى الزمالك بهدفين في النصف ساعة الأولى كما أن الأهلي عاود تقدمه بهدف ثالث بعد أن أدرك الزمالك التعادل . ثانيا : الزمالك يمتلك جيلا رائعا من الشباب والناشئين في مختلف المراحل السنية لديه قدرة رائعة على العزيمة والتصميم بدليل أن فريق الشباب حول الهزيمة أكثر من مرة الى فوز كبير بأربعة أهداف ولا شك أن الفريق يمتلك أيضا مدير فني قدير أسمه محمود أبو رجيلة وهو نموذج رائع للوفاء لنادي الزمالك عندما قبل تولي مهمة فريق الشباب في الوقت الذي عمل فيه مديرا فنيا للعديد من الأندية الكبيرة والمنتخبات سواء في مصر أو في العالم العربي . ثالثا :الدكتور محمود سعد المدير الفني لقطاع الناشئين بالنادي أثبت جدارة فائقة وأحدث تحول وطفرة كبيرة في القطاع في شتى المراحل والأعمار السنية على الرغم من توليه المهمة منذ عام ونصف وهي فترة وجيزة خاصة وأن نتائج نفس القطاع لم تكن على مايرام في السنوات الأخيرة وكانت معظم النتائج لا تتناسب مع أسم الزمالك ومكانته . رابعا : هناك روح جديدة في القلعة البيضاء تمثلت في حضور معظم أعضاء مجلس الأدارة للقاء وكابتن الفريق الأول أيمن عبد العزيز والجهاز الفني للفريق الأول بالكامل أضافة الى نجوم جيل الستينات والذين حرصوا على التواجد لمؤازرة الكابتن محمود أبو رجيلة أضافة الى جميع مدربي قطاع الناشئين ومعها أدرك الجميع أن الوقوف مع أبناء الزمالك في المواقف الصعبة خير سلاح لمحاربة المخربين والمتأمرين على النادي الكبير والذين يهدفون العودة بالزمالك الى الوراء . رابعا : النتائج الجيدة التي تحققها فرق الناشئين بالزمالك لن تثني مجلس أدارة النادي عن مواصلةسياسة الدعم باللاعبين المتميزين في الفريق الأول أو في مختلف المراحل السنية لأنها خطوة هامة بالتوازي مع تصعيد اللاعبين المتميزين من قطاع الناشئين والأهتمام بضم العناصر الجيدة من الأندية الأخرى . |
عقبال الفريق الاول امين يارب بس ده بعيده جدا
|
الزمالك هيرجع بأولاده
|
كم انت كبير ايها الصغير ............. الصورة دي لازم تتطبع علي علم كبير في الماتشات الجايه لو هتتكلف ايه مش مهم بجد صورة معبره عن الااااف المواضيع والولد دا يستاهل يطلق اسم ملعب الناشئين علي اسمه ياريت اللي يشوف تعليق ويشوف الصورة يفكر بعقلية الولد الصغير طفل مايعرفش حاجه والاطفال اكتر الناس انقيادا وطبعا احنا شايفين الاعلام مايتوصاش والزمالك في أسوأ حالاته والاهلي في افضل حالاته وقدام لاعيب اهلاااوي بيشوفه نجم والناس بتجري وراه ويطلع يعمل كدة بجد منتهي الانتماء ...................................... الولد دا لازم صورته تتعلق علي باب النادي لكل الي داخل والي خارج علشان اللاعيبة تتعلم منه |
حلوه اوى يا لولو ههههههههههه ايه ده
|
تم حذف الصورة والرجاء النظر ولو لمرة واحدة على القوانين
شكرا |
الف مبروك للزمالك وان شاء الله يبقى فى تقدم مستمر
|
انا مش شايفه ان الصوره فيها حاجه يا خالد عادى
|
اعبال الفريق الاول لما يفرحنا باذن الله
شكر يا خالد على الموضوع |
اقتباس:
انا مش فاهمه بصارحه |
اوعى الا يكون انت الزملكاوى tegara_english
بتاع filgoal |
مش عارف المشرف حذف الصورة ليه انا شايف انها طبيعية يعنى |
لانها بتدعو للتعصب وده من رايي
|
تعصب ايه بس انا مش فاهم مشجع زملكاوى رافع فانلة فريقه امام لاعب من الاهلى فيها ايه دى ؟ |
يا جماعة الصورة عادية
بس فى هنا نفوس مش صايفة وبجد انا اول مرة اكره حد من قلبى شوفت طريقة علا و طالبة ثانوى عامة فى الكلام كرهتهم والله بجد من كل قلبى اى حاجة تحصل لازم يتريقوا على الاهلى اية دة دا انتوا حريقة لو كل الزمالكوية كدة كانوا اعدموا رميا بالطوب عندى استعداد اخيلكم انتوا الاتنين تكرهوا نفسكم بس مش لازم انتوا لسة عيال صغيرة |
ايه يا عم حسام مالك سخن كدا زعلان من الصوره انت وخالد مالها الصوره حاجه من نفس الزملكاوية ما الاعلام مش راحم الزمالك وبعدين دى مجرد تعبير طفل عن الى فى قلبه وبعدين احنا فى بلد حر ومن حق كل شخص يعبر عن رأيه وعن الى فى قلبه يعنى احنا نعلق على الصوره بكل احترام ومحدش يزعل والصوره متشلش زى ما الطفل راح قال الى فى قلبه وحدش يزعل وتحطيش فى دماغك يا علا انى وطالبة الثانوية وده اكبر دليل ان الوحد بيتولد قلبه ابيض بس الحراره الى حواليه بتحمر القلوب؟؟؟؟
زملكاوى محترم دون تعصب |
وبعدين فى حاجه تانيه انا كنت عملت موضوع عن جمال حمزه بيقول انه مش عاوز يروح الاهلى والموضوع اتقفل مش عارف مين الى قفله بس اكيد المشرف مش عارف ليه قفله والمفروض كان يبعت لى رساله يعرفنى واعتقد انى لو عامل الموضوع عن ابو تريكه مش عاوز يروح الزمالك كان الموضع بقى حلو اوى وكان اتفتح مدى الحياة وكان اتثبت كمان ؟؟؟ مع احترامى لأبوتريكه الخلوق دى مجرد مقارنه مش اكتر انا بحترم ابو تريكه وبحبه
|
يا ريت نشوف حرية رأى باحترام فى المنتدى شوية انا مش بطالب بالحرية الطلقه لأنى شايف أراء الزمالك مقيده ؟؟؟؟ فده شئ مش كويس
|
يا حسام اهدى شويه يا عم تكره ليه دى كوره وشوية كلام طب اهدى وحاول تشجع الزمالك كدا يمكن قلبك يبقى ابيض ويحلو؟؟؟؟ اوعى تزعل انا بس عاوز اضحكك شايفك زعلان بس انت اكيد هتضحك.......... اضحك بقى
|
حب الزمالك فى دمى
حب الزمالك ده همى حب الزمالك بيزيح همى ولا هيكون ابدا قلبك مكسور هتعيش يا زمالك عصور وعصور هتفضل مرفوع الرايه ومنصور وهتعيش يا زملكاوى مبسوط ومن قلبى بنقولها بعلو الصوت يا زمالك بنحبك بنحبك موت ولا هتكون يا زمالك متغرب زمن البطولات راجع وقرب ومش هنسيب الفرصه تهرب ومن تانى هنقول الزمالك حبى بقولها وشاهد عليا ربى نادى الزمالك حته من قلبى مش بس فنان ده فنان تشكيلى قول يا تاريخ عنى وغنيلى الى اسس الزمالك عنه احكيلى ومن قلبى بقولها يابو العلا حبيتك وبعلنها على الملا وعلى قلبى زاد الغلا وهتعيش رافه رايه الحريه وفدى تراب مصر الابيه يا زمالك يا بو الوطنيه "القصيدة منقوله من موضوع علا" محمد الدمرداش |
يارب دايما الفوز للزمالك....وبجد العيب مش من الفريق نفسه....العيب في الجهاز الفني...واهه يارب يفرحونا بقي في مباريات جايه:)...واديني مستني |
والله يا جماعة ربنا يعلم انى بتمنى ان الزمالك حالة يتعدل ويبقى فى مستوى الاهلى
والدورى يولع والصورة ما فيهاش حاجة والحركة اللى الواد عاملها دى بنعملها لبعض فى المدرسة عادى لما حد بيدخل جون بس علا وطالبة دول عاميلن زى ريا وسكينة ما بيصدقوا اى حاجة تحصل ويعملوا موضوع وينزلوا تريقة على الاهلى وعلى فكرة اعز اصحابى زمالكاوى |
اولا متشكره على الكلام الجميل ده بس اعرف كويس انتو الى بتخلونا نتعصب اكتر ونكره الاهلى اكتر محد يعنى شاف الموضوع الى هوه باسم قناه الزمالك الجديده نزلين تريقه على الزمالك بس اولا واخيرا متشكرين
|
خلاص يا جماعة ياريت بعد الكلام ده نتفق اننا اخوات ومش فى حاجة تفرقنا ابدا والنقاش يكون بينا كويس بدون تعصب
|
كمان
:stickjo4::stickjo4::stickjo4::stickjo4::stickjo4:
اقتباس:
|
اقتباس:
يا جماعه الخناق بين الاهلويه وال زملكاويه شئ عادى يعنى مش هنكره بعض علشان حاجات هايفه دى ف الاول و ف الاخر كورة يعنى انا صحباتى كلهم اهلاويه وعادى يعنى بنرزل ع بعض ف الكورة ورسايل ع الموبايل وحركات بس اصحاب عادى يعنى انما ان كل واحد يدافع عن فرقته ويتخنق م الفرقه التانيه حاجه عاديه يعنى take it easy اقتباس:
انتى بقى ريا ولا سكينه سيبالك حريه الاختيار شوفتى بفضلك ع نفسى اازى |
لا بليز يا الاء خلينى انا سكينه اوك
|
ولا اقولك انتى الكبيره اختارى انتى
|
اقتباس:
عيال ماشى انا مش هرد رنا يسامحك اقتباس:
اقتباس:
هى دى مصر يا عبله اقتباس:
لا الحجات دى عاديه اقتباس:
اقتباس:
ارسيلك ع حل يا بنتى وانا هفكر وابقى اقولك |
تم ايقاف العضو (حسام الشرقاوى)
وذلك نظرا لتعصبه الزائد ده تنبيه للجميع اى عضو هيصدر منه اى فعل غير مناسب تجاه اى عضو اخر هيتم ايقافه |
لاارى يا مشرفنا العزيز تعصبا فى الصورة
اريدك ان تنظر لنفسك قبل الاشراف وبعده اسلام (جودى)برافو قرار صائب المشرف- ارحمنا حسام - اهدا شوية علاوطالبة- تريثا قليلا على فكرة انا كنت ممتنع عن الكتابة فى القسم الرياضى ولكن الاخ المشرف استفذنى من بداية الاعلان المزيف ولكنى عقوله حاجة قارن بين ردودك ماقبل الاشراف وبعده هل لم تكن متعصبا؟؟؟هههههههههههه وكان القسم فى السابق الرياضة للجميع اما الان صار الرياضة للمفاجيع |
نريد من المشرف توضيح الامور
|
انت عارف انا مش همسح ردك مش خوف منك لا لانى مش بخاف الا من ربنا بس انما يكون فى علمك قارن بين المنتدى فى ايامك انت وفى ايامى انت وقارن وشوف مش تتكلم وخلاص ده انت كنت مشرف فى قسم الرياضة مش كنا بنشوفك كنت تمشى وتقول عدولى مش صح برضه ولا ايه يا سيدى ولو كان مش عجبك المنتدى والله انا شايف ان فى ناس كتير اوى بتدخل دول كفاية
شكرا لحضرتك |
وانا كنت متعصب ايوة بس فى حاجة اسمها اعقلها صح تعيشها صح
|
| جميع الأوقات بتوقيت GMT +2. الساعة الآن 08:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.