|
الى الادارة
يا مستر اشرف لو سمحت يعنى انا عاوز اعرف حاجة
دوقتى لما انا احذف حاجة وييجى مشرف ادارى او اى كان هو يرجعها تانى مفروض انه يقولى حتى لو انا غلطان صح برضه ولا غلط لو انا عيل مثلا فى القسم عندى اسلام دخل ورجع صورة انا حذفتها لانى شوفت انها تدعو للتعصب لان القسم عندى مليان ناس متعصبة كتير والكل يعرف كده ومش حاجة جديدة مفروض يا استاذ اسلام تقولى قبل ما ترجع حاجة لانى مش عيل اوك وياريت الاحترام يا مستر اشرف من اسلام بالذات لان بجد نصف الموقع بيتلاشوا الكلام مع اسلام وانا عارف ان اسلام من اول يوم انا دخلت الموقع فيه وهو مش طايقنى خالص انا حاولت انى اتكلم معاه انما هو مصر على اللى فى دماغة ارجو سرعة التصرف اما بحذفى من الاشراف او تنفيذ الاحترام بين الادراة ككل وانا شايف ان القسم من اول يوم انا مسكتة والحمدلله كل حاجة تمام انما اسلام لما دخل بوظلى كل حاجة شكرا |
يا ريت يا خالد متخدش الموضوع من منطلق
انك انت واسلام فيه بينكه مجادله خفيفه كده انت هتفتكر ان كل حاجه بيعملها اسلام عندك في القسم يبقي ده معناه عناد ليك وبعد كده هتقعدوا لبعض في كل كبيره وصغيره وممتخذش قرارك كده علي طول بحذف اشرافك وانا كان عندي اقتراح عشان نحل الازمات الي زي كده يتعمل موضوع زي الي في القسم العام الموضوع ده يتحط فيه اي تعديل عمله مشرف اداري او مدير علي مشرف القسم والسبب ولو المشرف معجبهوش السبب بتاع الاداري يقد يبعتله رساله خاصه يقوله انا مش معاك في كذا وكذا وياريت يا جماعه تنسوا الخلافات الي بينكوا لو كانت موجوده |
اولا انا مليش فى الكورة علشان اتعصب لفريق ضد فريق الكلام ده عيب ثانيا الموضوع اللى انتا بتكلم عنه مفهوش اى حاجة http://www.thanwya.com/vb/showthread.php?t=90315 ده الموضوع عادى جدا دخلت عضوة حطت الصورة دى http://img56.imageshack.us/img56/4615/dc30ao4.jpg المشرف دخل حذفها الكل قال ايه الغلط فى الصورة علشان تتحذف انا شايف ان الصورة مفهاش اى مشكلة مش عارف ليه اتحذفت موضوع انى حطك فى دماغى ده مش صحيح هحطك فى دماغى ليه او مش طيقك ليه ياريت انتا اللى تراجع سياستك فى القسم لان اللى بشوفه فى القسم من مواضيع كل يوم تقلب بخناقة يدل ان فيه حاجة غلط اقتباس:
|
اقتباس:
انا مش مستر/اشرف :d بس عاوزة ارد اقتباس:
ما انا بحذف مواضيع وبترجع تان وبنقل مواضيع وبترجع تان وبعمل دمج مواضيع وبتتفك عادى يعنى بينا رسايل بستفسر فيها هو رجعه ليه او هى رجعته ليه فى عمل جماعى :romarioxp6: اقتباس:
:rolleyes: اقتباس:
يمكن تكون دى وجهة نظرك بس متنساش ان فى قوانين القسم الرياضى مفيش اى قانون بيقول كده انك تحذف صورة فيها عصبية او اى حاجة ولو مش مصدقنى ابقى راجع قوانينك كويس :bosyht9: اقتباس:
اقتباس:
مش محتاج كل الحفلة دى خااااااالص راجع نفسك ايجيبت كينج :) |
اقتباس:
اعتقد يا اسلام ان وجهة نظر المشرف ان فى واد صغير فى الصورة لابس فانلة الزمالك وبيقرب من حسن مصطفى بشكل ملفت فقال علشان ما حدش من مشجعى الاهلى يقوله انت سايب صورة زى دى ليه دة طبعا من وجهة نظر المشرف هذا والله اعلم وفى النهاية اعتقد مشرف القسم له رؤيته لقسمه فى كيفية انجاحه ولو اختلف معه احد من الادارة بيكون النقاش من خلال الرسائل الخاصة وفى النهاية هى صورة مش حتغير حاجة من الموضوع وممكن نرجعها ونشيل حسن مصطفى منها وخلاص ما دام الصورة فى الاصل القصد منها التعبير عن مشاعر حب فريق الزمالك عند طفل صغير |
اقتباس:
انا بضم صوتى لصوت حضرتك ياستاذ محمد واعتقد ان الوحيد الى مسئول عن القسم هوة المشرف وهوة اكتر واحد يعرف قسمة ويعرف اية الى ممكن يسبب المشاكل واية لا وانا عن نفسى اعتقد ان الصورة المفروض انها تتحذف منعا للمشاكل شكرا ............... فى امان الله |
:):):)كل ده علشان صوره:):):) |
بص يا خالد إنت صح وجهة نظرك زى ما الأستاذ محمد قال حسن مصطفى أهلاوى والمفروض إن الولد فرحان بالفنله بتاعت الزمالك ورايح عنده وبما إن القسم مولع خلقه والناس فيه بتتشاكل مع بعض بسبب ومن غير سبب فإنت حذفت الصوره إسلام ملوش إحتكاك بالقسم أد كده ميعرفش إيه اللى فيه ولا إيه اللى بيحصل أكيد دخل لقى الأعضاء بتسأل إيه ياترى سبب حذف الصوره دخل ملقاش سبب مقنع بص على الصوره لقاها مش مخالفه من وجهة نظره لأنه مش ملم بأحوال القسم قام رجعها هنه الخطأ منكم إنتو الإتنين إنت المفروض قبل أما تحذف حاجه أو تعدلها فى خانه بتظهر ليك سبب الحذف أو سبب التعديل الفروض تكتب فيها وجهة نظرك وجهة نظرك دى بتوصل للعذو فى رساله إلكترونيه لو مش عباه هيتناقش معاك نقاشك مش عجبه هيتنقاش مع الإدارى أو المدير والإدارى أو المدير مش ملمين بالقسم كويس هيقومو يطلعو على السبب قدرو يقنعوه كان بها مقدروش هيكلموك ويعرفو وجهة نظرك والصح هو اللى هيتم فى الأخر وبكده لا إنت هتزعل ولا العضو هيزعل ولا فيه أى حد هيبقى فيه فى نفسه أى حاجه وملحوظه ياخالد إحنا هنه أسره واحد فبلاش تحط فى بالك إن إسلام حاطك فى دماغه ولا أى حاجه من دى يمكن إنت فاهمه غلط يمكن هو فاهمك غلط ممكن واحد فيكم غلطان يبقى الأصح تقول ايه اللى مزعلك منه بمنتهى الوضوح والصراحه وهو هيرد عليك والنفوس تتصافى أفضل من إننا نكتب موضوع بالشكل ده ونقطع فى بعض وآسف إنى طولت عليكم |
انا مش فارق معايا مين مخالف مع مين ومين اللي حاطط نقره من التاني
بس المفروض ان خالد مشرف على قسمه والادارة حطت فيه ثقتها كلها يبقى المفروض اسيبه يشتغل ودوري يبقى اشرافي او توجيهي ليه تمام المشكلة انه معروف من قبل كده انه زملكاوي وبعد ما بقى مشرف بقى يحاول يبان انه محايد وقد يكون ذلك صحيحا بس كده هو لا عاجب دول ولا دول.... لا الزملكاوية عاجبهم ولا الاهلوية وكله فاكر انه ضده او انه بيحابي للزمالك عشان زملكاوي او للأهلي عشان يبقى انه محايد وانا لو منه كنت حذفت الصورة لأن شكلها مش عاجبني ومش لائقة وملهاش لازمة زي مواضيع كتير ملهاش لازمة وتدعو للتعصب ومنها حاجات انا كنت بكتبها وربنا يوفق الجميع والحمد لله اني مش اهلاوي ولا زملكاوي :078111rg3::078111rg3: |
رأئي
اتفق مع الاستاذ محمد سرور ومع اللورد ومع الدكتور احمد ورجائي حذف الصورة |
سوف يتم حذف الصورة مرة اخرى واعتذر ان كنت قولت كلام مش لازم اقولة بس بجد هو موقف يزعل اى حد ويا استاذ اسلام اللى انت شايفة غلط فى القسم بتاعى قولى عليه واصلحة مع انى شايف ان مش فى غلطشكرا على كلامكم يا جماعة
|
اعتقد ان الموضوع انتهى مغلق شكرا .......... فى امان الله |
اقتباس:
ينهار ابيض كل ده علشان عيل رفع الفنلة بتاعته ده الاتحاد الدولى قال لو قلعها ياخد انذار الواد رفعها بس ادى اخرة اللى يمشى وراء العيال :) |
بس على فكرة انا مش مع حذف الصورة :) اولا: انا مش شايفاها مخالفة وبلاش من وجهة نظرى خليها من وجهة نظر القوانين بتاعة قسم/الرياضة للجميع :078111rg3: اقتباس:
مفيش اى قانون بيشير ان الصورة مخالفة ولا انا غلطانة :rolleyes: |
والله بصوا انا فاهم في الكورة كويس
ومشرف القسم فاهم في الكورة كويس وانا برضه شايف ان الصورة ملهاش لازمة وتعمل مشاكل من لاشئ عشان فيه ناس دماغها فاضية ممكن حد يقولك ده بيعمله حركة مش كويسة ولا اللي جنبه ده بيشتمه ولا لو كان ده لعيب من الزمالك كنت سبت الصورة وكلام من ده ومش دي الحاجة اللي نختلف عليها سلام |
ههههههههههههه
عندكو حق بجد سايبين المشاكل دى كلها وبتتخانقو على صورة هتفرق فى ايه وجودها من عدمها احنا بنتلكك لبعض كدا ليه |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
دى بعض الردود فى القسم الرياضى بين الاعضاء زى ما حضرتكم شايفين البيه المشرف اللى ادره بقسمه بيشيل الردود اللى على مزاجه وبيعدى اللى على مزاجه حضرتك زملكاوى اهلاوى مش يخصنى اللى يخصينى ان حضرتك علشان زملكاوى حابب تبين انك محايد فى طريقة شغلك فى القسم انما اللى بيحصل انك بتتحامل على الزملكاوية فى القسم لصالح فريق تانى علشان تظهر انك محايد حضرتك من ساعة ما مسكت القسم ده والخلافات بدأت بين الاعضاء نظرا لسياسة التمييز فى المواضيع والردود وعمر ما كان فى تعصب فى القسم الا لما انتا مسكته وعمر ما حصل مشاكل فى القسم الرياضى برضه غير لما انتا مسكته ياريت تراجع سياستك تانى فى القسم اللى انتا ادره بشغله سلام |
احم
نهدا ونصلى على النبى كدا مش مستاهلة كل دا لو شايف رد مخالف يا اسلام احذفه وخلاص انما بكدا هنتخانقو على الفاضى فنهدا ونصلى على النبى |
اقتباس:
فعلا هي دي المشكلة زي ما قولت في ردي الاولاني والمشكلة الاكبر ان لادول عاجبهم ولا دول اقتباس:
لما مشاكل الكبار تخلص بين الاندية اتحاد الكورة والتلفزيون الاعلام ومش عارف مين تبقى المشاكل هنا تخلص |
اقتباس:
اقتباس:
يعنى انتوا جاييين على الصورة الغلبانة اللى مش باين فيها ملامح وتقولوا هتقوم عليها الفتنة الطائفية :huh: والله بقى انا متفرج مش هقول ليا فى الكورة او مليش بس لما شفت الصورة ملقتش فيها اى حاجة هتقول ان عليها خلاص ثورة 19 هتقوم :rolleyes: وبرضه مش هقول رايى ورايك وراى المشرف وراى الاعضاء لا هقول القوانين اللى تحكم حد يطلع قانون يلغى الصورة دى :rolleyes: اقتباس:
اقتباس:
طب والله انا معرفتش انه بيقلع التيشرت اللى من الردود افتكرته بيسلم على اللعيب:d |
اقتباس:
انا مش بتكلم فى رد واحذف انا بتكلم ان الكلام ده مكنش موجود اصلا والخناقات اللى بتحصل كل يوم من مفيش مكنتش موجوده اصلا انما المشرف ادره بشغله ما انا كل ما اعمل حاجة يقولى انا ادره بشغلى يبئا شايف الغلط وبيكبر ما كلنا بيتحذف لينا ردود ومشاركات ومحدش بيتكلم علشان بيكون عارف ومتاكد انها فيها غلط او بره سياق موضوع او مضمونه والحمد لله اى نعم انا مليش انتماء كروى انما مسبش ردود بالشكل ده افوت اللى افوته واحذف اللى احذفه واقول اصل انا ادره بشغلى ومش علشان انا زملكاوى او اهلاوى اسيب للاعضاء المنتمية للفريق التانى علشان ميقولوش عليه متحيز ولما يوصل الموضوع بين الاعضاء لدرجة انهم يقوله لبعض انهم بيكره بعض يبئا فى حاجة غلط فى القسم والموضوع مش موضوع صورة |
بص يا اسلام
فى نقطتين عايز اقولهم اولا بغض النظر عن ان الصوره المفروض تتحذف او لا انا لو عضو و شفت ان المشرف حذف صوره و بعدين الادارى او المدير رجعها تانى مكانة المشرف هتنزل ادامى اقولك ليه لانى هحط فى دماغى ان المشرف مش ليه رأى مادام الاداره عينته و وافقت عليه يبقى تحفظ مكانته ادام الاعضاء و مينفعش المشرف يقل ادام الاعضاء انا عن نفسى فى الجامعات لو مشرف حذف حاجه ونا مش مقتنع بكده هكلم المشرف الاول و اقنعه بكلامى قبل ما ارجع الحاجه اللى حذفها حتى لو مقتنعش بكلامى هيقدر انى كلمته قبل ما ارجع قراره و هنريح بعض و نقدر بعض و هحاول كمان هوا اللى يرجع اللى حذفه مش انا عشان يبقى ادام الاعضاء المشرف ليه مكانته انا بعمل كده مع محمد كوماندو و استاذ مينا و فامبير و اسلام و د/احمد عشان هما شغالين فى القسم يبقى لازم اقدرهم مفيش غير اتنين مشرفين هما اللى مش شغالين بس لسه يعنى مديهم فرصه لغاية اجتماع هنعمله مع بعض الاسبوع الجاى المشرف مسئول ادام الاداره انه يظبط القسم بتاعه و بكده يبقى اد المسئوليه و مادام كده يبقى مينفعش اقلله المشرف بقى مش مظبط قسمه و انت معترض يا اسلام على المشاكل و الخناقات اللى فى القسم و هوا مش قادر يتعامل معاها يبقى الاداره تغيره اصلا و كده يبقى مفيش لوم عليها لكن طول ما الاداره باقيه عليه كمشرف يبقى زى ما قلت احاول ابين ان المشرف ليه رأى بمعنى ان فى اختلاف فى وجهات النظر بينى و بينه يبقى فى نقاش يحصل بينى و بينه مش تبقى العمليه ماشيه يا رأيى يا رأيك و ده رأيى المتواضع و يارب اكون قدرت اوصل وجهة نظرى ليك يا اسلام:) |
اقتباس:
طيب مهو انا اخدت الصورة اقتباس وحطتها فى رد ليا ودخل برضه حذفها من ردى متكلمتش ليه ومعترضتش عليه ليه وحاليا انا تجاوزت موضوع الصورة ودخلت فى الردود والمواضيع اها نسيت كل مشرف ادره بقسمه |
اقتباس:
يبنى اهدى بص يا ريس كل مشرف ادرى بقسمه بس انت كمدير حقك انك تتابعه و تنصحه بس بس السيستم بتاعه مش عاجبك او اسلوبه فى الاشراف مش عاجبك او مش عاجب الاداره يبقى ممكن تطلب حذف اشرافه لمجرد انه مش مديك الشغل اللى انت عايزه حتى لو مش غلطان يعنى ممكن اكون شغلى كويس بس مش هوا الشغل اللى انت عايزه او مش هوا الشغل اللى يتماشى مع سياستك يبقى ساعتها ممكن ترفع اشرافى ونا مش هزعل بس طول منتا باقى عليه كمشرف يبقى مثلا بدل ما كنت تاخدها اقتباس و تحطها فى رد ليك تقوله الاول مثلا فى رساله خاصه ان الصوره مفهاش حاجه و هوا واجب عليه انه يقدر ده كويس لكن اصلا معنى انك حطيت الصوره فى رد ليك كأنك بتقوله رأيى مش رأيك اللى هيمشى و مينفعش كده مفيش تعاون و كده بان صريحه ادام الاعضاء ان الاداره فى وادى و المشرفين فى وادى انا مش ضدك او ضده يعنى انا عن نفسى لو مدير و شايف ان فى خناقات مستمره فى قسم خناقات مش بتخلص ده ادامى دليل على فشل المشرف فى ادارة القسم يعنى انا مش مع المشرف انا كل اللى بقوله ان طول ما هوا مشرف يبقى فى تعاون بينه و بين الاداره ميبانش ادام الاعضاء ان الاداره و الاشراف كل واحد فى حته لوحده يعنى انا لو عضو و شفت ان المدير دخل و خد الصوره فى اقتباس فى رده بعد ما اتحذفت هقول اذا كان المدير موافق عليها المشرف حذفها ليه يبقى المشرف بيعاند الاداره و هوا مش فاهم حاجه مينفعش الصوره دى اللى تبقى واصله للاعضاء لكن انا مقولتش ان المشرف ناجح فى قسمه او فاشل بالعكس الخناقات دليل على عدم قدرته على السيطره على القسم فهمت قصدى؟؟؟؟ |
السلام عليكم ورحمة الله وبركاتة انا عاوز اتكلم بشدة شوية ... ممكن ؟؟ اولا اعتقد ان الاخ خالد عمل الموضوع وحطة فى المكان الصحيح صح ؟ واسلام رد علية صح ؟ والناس كلها ردت ومنهم الاستاذ اشرف ؟. وكان القرار النهائى هوة حذف الصورة لان المشرف هوة الوحيد المسئول عن قسمة ولو مقصر يتشال خالص دة الى انا اعرفة وبعد كدة الاخ خالد اعتزر لاسلام عن طريقة كلامة يعنى اعتقد ان بكدة الموضوع خلص قمت انا قافل الموضوع منعا لكثرة الكلام اولا اقسم بالله العلى العظيم انا معرف مين الى فتح الموضوع تانى ومش عاوز اعرف علشان اتكلم براحتى بس الى اعرفة عنة سواء كان ادارى او نائب ادارة او مدير حتى انة شخص بيحب المشاكل الا اذا كان عندة تفسير لسبب فتحة للموضوع والقرار النهائى فى الموضوع دة هوة الى اتفق علية مدير الموقع الاستاذ اشرف وهوة ان مشرف القسم هوة الوحيد المسئول عن القسم دة تقريبا راى الاستاذ اشرف والغالبية فياريت انا هقفل الموضوع تانى دلوقتى وميتفتحش منعا للمشاكل وكثرة الكلام شكرا .......... فى امان الله |
الف شكر يبئا انا مليش علاقة بشغل المشرفين ومليش علاقة با اخبرنا عن مخالفة او اى حاجة تانية ومع احترامى ليك يا استاذ عصام انا بره المجموعة الخاصة بالقسم التعليمى مدام الكل حكم ان المشرف مسئول عن قسمه ومدام المشرف شايف شغله يبئا اقعد فى بيتنا احسن مدام ملناش لزمة خلص الكلام واللى عايز يحلف يحلف على نفسه ميحلفش عليه |
اقتباس:
انا مش هتكلم كتير غير نقطة واحدة وهسيب كل حاجة لرجل الحق الاستاذ عصام والادارة الكريمة المفروض ان الموضوع اتقفل للمرة التانية يعنى مش علشان منا معايا صلاحيات ارد انا قافل الموضوع عن الكل مش عن خالد بساو المشرفين بس دى بس النقطة الى كنت عاوز اقولها بس شكرا ........ فى امان الله |
اقتباس:
ههههههههههه كان ممكن توضح النقطة دى للاستاذ عصام او الاستاذ اشرف فى رسالة مش تخالف القوانين وتنزل رد تانى ولا علشان انتا اللى قفلته يبئا انتا اللى تفتحه انتا كده ضيعت حق مش ليك اصلا اتقى شر الحليم اذا غضب :) |
بغض النظر عن مخالفة او مش مخالفة
اقل ما يقال انتوا الظاهر فاضيين :) الموضوع هيتحذف تماما يا سادة لا اداري يرد ولا مشرف يرد ولا وجع القلب دا بس بعد ما الادارة تشوفه عشان استاذ اشرف يعرف أد ايه هو عملنا مكانة بين المشرفين :) خلاص الي حصل حصل وبعدين مش الموضوع المفروض اتقفل لما استاذ اشرف قال مشرف القسم مسئول عنه بغض النظر انا معاه في الكلمة دي او لأ لان دا معناه اننا هنا نحذف مواضيع مخالفة بس ونعدل تواقيع وبس ايه الهم دا بجد هم بتهيألي اذا كان المشرف ادرى بقسمه :) فالاداري ادرى بالاقسام كله :) والا يبقى مش لينا لازمة وبلاش كلمة انا ادرى بشغلي دي عشان لما حد بيقولها بكل بساطة الرد عليه وانا كمان اداري وادرى بشغلي الله المستعان فضاوة وكلام يحرق الدم وبس وحضرتك يا استاذ اشرف طالما شايف ان المشرفين ادرى بشغلهم برده بغض النظر الصورة ومش الصورة والكلام الي اتقال هنا دا يبقى انا بقول ترجعنا اعضاء تاني لان لو احنا في نظرك ونظر الاعضاء والمشرفين ناس بتنقل مواضيع وتحذف مواضيع مخالفة الي الاعضاء بس يقولوا عليها كمان وتوقف اعضاء يبقى رجعنا تاني زي ما كنا حتى يبقى لينا كرامة عن كدا دا الاداري والمشرف السوبر مش ليهم كرامة هنا زي المشرف انا لما كنت مشرفة سوبر واظن المشرف السوبر المفروض يبقى ادرى بشغل قسمه المشرفين الي كانوا على الكليات معايا كانوا عاوزني استأذنهم قبل ما اعمل اي حاجة انا مش مع ان الواحد يمشي بدماغه علاطول بس دا مش معناه انها توصل اني استأذن منهم اني احذف الموضوع الفلاني يلا مش هتفرق واسفة اني رديت والموضوع مغلق يا محمد مع انك قفلته بس الكلام بجد غريب اوي والاغرب ان المشرفين طلعوا ادرى بشغلهم واحنا مش من حقنا نتكلم :) بلا وجع قلب بجد الواحد يرجع عضو تاني احسن :) |
| جميع الأوقات بتوقيت GMT +2. الساعة الآن 10:50 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.