|
شاعر جديد معاكم فهل من ترحيب بقصيدتى الأولى؟
ساكت
ساكت زى الصخر ما يقدر ينطق .. زى الحيطه ساكت ...... لما الفجر يشق الليل بفاسه البيضا... ساكت..... لما ببان الدور تدور ويجى نور بابك يخايلنى ويخيلنى بشعاعك ساكت . لما النظره تمد حبالها .. تشد السد تهد السد اللى بنوه بينى وبينك ساكت .. لما الحجر الصوان فى قلبك ينكسر وانكسر زى عود الزرع لما ينكسر (فى حضن غيطك) ساكت .. لما الرضا تكتر زراعته فى الصحارى والحنان اللى زرعته ف وسط دارى والزمان اللى ما بعته والكلام اللى بعته ..من زمان يجيى يونس السكوت ساكت لما القمر ينقسم والصبح يجيى يبتسم والورد لاحمر يترسم علشان يموت ساكت وكاتم كل الحروف شايل حروف الخوف وما باعرف ألوف وسط الألوف ألوف وبتحاول تلوف لما الدفوف تدق تسمعك لحن السكوت بس الكلام واقف على لسان السكوت بس ياخسارة الكلام فوق الشفايف خايف يموت وأفضل أنا ... هنا ..... ســـــااااااااكت |
ياريت تقولوا لى رأيكم ايه بصراحه
|
موضوعك جميل اوى
استمر فى الكتابه والى الامام دائما |
ايه ده يا محمد ياعلي
ايه اللي انت كاتبه ده وتقولي شاعر بصراحة مش عارفة اقولك ايه قال شاعر قال شاعر دي شوية عليك يا بطل اوعى تزعل بس بوترك شوية بس روووووووعة هاروح اقرا التنية والتالتة بقى عشان اتحمست |
هو سيادتك شاعرة؟
عموما باشكرك جدا لاهتمامك |
اخي العزيز محمد علي شكراً على القصيدة .. وقد قرأتها من قبل فأعجبتني جداً .. وكنت سأقوم بنقلها في الركن الأدبي وقد قمت أنت بالمهمة نيابة عني .. لقد سبقتني إليها .. شكراً جزيلاً لك .
http://khdair.jeeran.com/archive/2008/4/520702.html وهذا هو الرابط الذي قرأتها فيه بتاريخ 18/4/2008 أخي عذراً لي سؤال هل تلك القصيدة من تأليفك أم أنها منقولة عذراً لأني عندما قرأتها كان العضو الذي قام بنقلها اسمه (عصام) فأنا أسألك لأنها إن كانت من تأليفك فاعلم ان هناك من ينسبها لنفسه على الرابط السابق فيمكن أن تنبهه لهذا الأمر .. وإن كانت منقولة أريد أن أعرف حتى أضعها بالركن الأدبي في انتظار الرد أخي الغالي |
ذكرتنى بزاجل العصر الحديث أحمد فؤاد نجم
|
السلام عليكم ورحمة الله وبركاته
أخى العزيز المشرف أشكرك جدا القصيده من تأليفى وهى منشورة على صفحتى فى جيران http://eams4444.jeeran.com/ أرجو أن تخبرنى ماذا أفعل حيال ذلك ساعدنى يا أخى أثابكم الله ومره أخرى أشكرك لهذا التنبيه ولا حول ولا قوة الا بالله لمن ينسب عمل غيره لنفسه |
أستاذى لقد فهمت خطأ أنا راجعت ذلك وانا الذى كنت أضفتها وبجوارها صورتى وبريدى eams444
معذرة أنى أسأت الفهم واتهمت أحدا بسرقتها http://eams4444.jeeran.com/photos/profile_i.jpg اضيف في 21 ابريل, 2008 05:05 م , من قبل eams4444 من مصر http://www.jeeran.com/im/countries/f...25/EG-flag.gif ساكت ساكت زى الصخر ما يقدر ينطق .. زى الحيطه ساكت ...... لما الفجر يشق الليل بفاسه البيضا... ساكت..... لما ببان الدور تدور ويجى نور بابك يخايلنى ويخيلنى بشعاعك ساكت . لما النظره تمد حبالها .. تشد السد تهد السد اللى بنوه بينى وبينك ساكت .. لما الحجر الصوان فى قلبك ينكسر وانكسر زى عود الزرع لما ينكسر (فى حضن غيطك) ساكت .. لما الرضا تكتر زراعته فى الصحارى والحنان اللى زرعته ف وسط دارى والزمان اللى ما بعته والكلام اللى بعته ..من زمان يجيى يونس السكوت ساكت لما القمر ينقسم والصبح يجيى يبتسم والورد لاحمر يترسم علشان يموت ساكت وكاتم كل الحروف شايل حروف الخوف وما باعرف ألوف وسط الألوف ألوف وبتحاول تلوف لما الدفوف تدق تسمعك لحن السكوت بس الكلام واقف على لسان السكوت بس ياخسارة الكلام فوق الشفايف خايف يموت وأفضل أنا ... هنا ..... ســـــااااااااكت |
قصيدة جميله تدل على شاعر قدير بارك الله فيك وزاد من الهامك وانتاجك الشعرى
|
أستاذى لقد فهمت خطأ أنا راجعت ذلك وانا الذى كنت أضفتها وبجوارها صورتى وبريدى eams444
معذرة أنى أسأت الفهم واتهمت أحدا بسرقتها http://eams4444.jeeran.com/photos/profile_i.jpg اضيف في 21 ابريل, 2008 05:05 م , من قبل eams4444 من مصر http://www.jeeran.com/im/countries/f...25/EG-flag.gif ساكت ساكت زى الصخر ما يقدر ينطق .. زى الحيطه ساكت ...... لما الفجر يشق الليل بفاسه البيضا... ساكت..... لما ببان الدور تدور ويجى نور بابك يخايلنى ويخيلنى بشعاعك ساكت . لما النظره تمد حبالها .. تشد السد تهد السد اللى بنوه بينى وبينك ساكت .. لما الحجر الصوان فى قلبك ينكسر وانكسر زى عود الزرع لما ينكسر (فى حضن غيطك) ساكت .. لما الرضا تكتر زراعته فى الصحارى والحنان اللى زرعته ف وسط دارى والزمان اللى ما بعته والكلام اللى بعته ..من زمان يجيى يونس السكوت ساكت لما القمر ينقسم والصبح يجيى يبتسم والورد لاحمر يترسم علشان يموت ساكت وكاتم كل الحروف شايل حروف الخوف وما باعرف ألوف وسط الألوف ألوف وبتحاول تلوف لما الدفوف تدق تسمعك لحن السكوت بس الكلام واقف على لسان السكوت بس ياخسارة الكلام فوق الشفايف خايف يموت وأفضل أنا ... هنا ..... ســـــااااااااكت |
أشكرك يا أخى المشرف وانا الذى كنت نشرتها واسم ايميلى eams وليس عصام ,اشكر اهتمامك
|
حبيبي الغالي محمد .. آسف لذلك الخطأ الغير مقصود فقد قرأت الاسم عصام .. وهذا خطأ غير مقصود وهو في النهاية حرصاً على إبداعات أعضاء المنتدى من السرقة .. أشكرك أخي الكريم .. وتقبل تحيتي وصداقتي و يكفي أنك قد أتيت لنا بالعمالقة إلى صفحتنا وأنا أرحب بالأستاذة آمال عبد الهادي في تلك الصفحة المشرقة والتي زادتها إشراقاً فأختنا الكريمة من أنشط أعضاء المنتدى .. وأنا أفخر بزيارتها لذلك الركن المتواضع .. جزاك الله خيراً أخي محمد وإلى الأمام أخي الحبيب
|
بارك الله فيك يا أخى وأنا فخور بك وبصداقتك وجزاءك الله خيرا وأهلا وسهلاً باستاذتى آمال التى شرفتنا جميعا
|
كلام جميل ولو انى مش بفضل العامية اوى
لكن حضرتك تحاول تكتب باللغة العربية كلماتك فيها احساس ومريحه لكن هتبقى افضل باللغة العربية تقبل مرورى بدون زعل |
أنا عندى قصائد أخرى بالفصحى وباذن الله هانشرها وأشكركم على مروركم الكريم
|
اشعارك تحفة وجميلة اوى
بس لو كانت بالفصحى كانت تبقى اجمل ومنتظرين منك المزيد |
شكرا لمروركم ولديا المزيد
|
جميل ماشاء الله
بس عاوزين اكتر :) تقبل مرورى |
جميلة ..........
تسلم يمناك |
دعيت لك يا أختى
|
الله اكبر عليك انت بجد موهوب فعلا
|
أشكرك ويارب يقدرنا
|
جميل جدا
تسلم ايدك |
بارك الله فيك موهبة تحتاج للصقل والدراسة حتى تنمو وتترعرع وأول الدراسة اللغة العربية وقواعدها جزاك الله خيرا
|
كلامك جميل جدا واحساسك فيه عالى اوى
ربنا يوفقك ان شاء الله بس هوة انا عاوزة اوضح لحضرتك حاجه انا كمان عندى مدونه على جيران وفى مواضيع كتير مش انا اللى كاتباها ومش لازم اكتب تحتها منقول لان دا مش موقع وفى اقسام زى ابداعات الاعضاء او القسم الادبى يعنى ممكن يكون اللى اخدها وكتبها عنده لانه حسها جميله وحب ان هى تكون على صفحته ومش معنى انه اخدها انه بيقول ان هوة اللى كتبها ياريت تكون فهمت قصدى وتقبل مرورى |
حضرتك فهمتينى خطأ أصل أخى المشرف كان قرأها قبل كدا واعتقد انها مش من تأليفى ووضحتله كما سبق
اشكر مرورك ويارب يوفقك |
موهوب بجد
وفقك الله |
شكراا لحضرتك ع الشعر الجميل و فعلا انا مع اخواتى انه بالفصحى احسن بكتيير
|
اقتباس:
بارك الله فيكى |
شكرا يا ريحانه
اقتباس:
|
إحساس جيد ينتمي إلى المدرسة الواقعية وأتمنى لك التوفيق
|
أشكر سيادتك على مرورك وتشرفت بمعرفتك استاذا فى اللغه العربية
|
عمل جيد من شاعر جيد
جزاك الله خيرا وننتظر منك كل ماهو جديد سواء عامى او بالفصحى المهم ان يصل الى القلوب ويخاطب الوجدان والمشاعر شكرا لك |
أشكرك يا متميز وربنا يبارك فيك
|
اقتباس:
لا يا فندم انا فاهمة حضرتك تقصد ايه انا بس كنت بوضح لحضرتك انى عندى مدونه ولما اى موضوع يعجبنى بنشره على المدونه بتاعتى ومش معنى كدا ان انا اللى كاتباه يارب اكون وصلت وجهة نظرى لحضرتك |
موضوع رائع استمر عشان تحسن الاخطاء اللغويه حلو قوى الفكره والاحساس وصلنا كلنا مؤثر وهيأثر اكتر لو اللغه اتحسنت وبالتوفيق انا ديما معروف انى تحليلى لاذع بس انا بقول راى وما هو الا اجتهاد الى الامام
|
ماشى بس عاوز أعرف فين هيا الأخطاء اللغوية ممكن تعطينى مثل
|
ممكن يكون قصده انها باللغه العاميه مش باللغه العربيه والله اعلم
بس هى جامده اوى والله وكده اسهل تتفهم ربنا معاك وتسلم ايدك |
مررره حلوه
والى الامام لاكن هناك بعض الكلمات عاميه ياريت لو تحاول انك تكتبها بلغه فصحى تقبل مرورى |
يا فندم القصيده باللغة العاميه
|
ياريت يا محمد لو تحاول تكتبها كلها بالفصحى تكون احسن
تقبل مرورى |
استاذ محمد
اهنيك على القصيدة المليئة بالمشاعر الدافئة و الحيرة بل والصمت الموهبة واضحة جدا لكن كانت محتاجة لمجهود اكبر من كدة علشان تظهر بشكل احسن متزعلش مني انا بحب لما الاقي حاجة كويسة اشوفها في احسن صورها و بعدين عاوز اسالك ازاي ممكن يكتر زرع الرضا في الصحاري هي كانت زراعتة نجحت وسط الغيطان؟ مرة تانية متزعلش مني و ربنا يوفقك والى الامام دائما |
متشكر جدا يا هيثم على مرورك وعاوز أقولك على حاجه:
هل جربة الحب مع الاحب ؟! هاتستعجب بس لما تلاقى انك بتحب ومش عارف تحب ومش مصدق حبيبك انك بتحبه ومش قادر تقوله انك بتحبه ومش عارف تسكت والسكوت مش قادر يريحك تعرف لما تلاقى الصمت بقى هوه الاساس تعرف لما تلاقى الشمس مش موجوده وانت فى عز الضهر تخيل لو قلب حبيبتك دا من الحجر الصوان أنا ماشوفتش الصوان بس عارف انه نوع لا يكسر أبدا وقلبك زى عود الزرع عارف عود الزرع؟ الضعيف اللى بيجيى شوية هوا يكسروه دا أنا دا قلبى والخوف ماليه وحبيبتى مش مصدقة انى بخبها عارف ليه؟ متأكده ان مفيش حب فى هذا الزمان تخيل يبقى لازم نزرع الصحراء كلها رضا عشان ترضى يبقى لازم نلغى فكرة زراعة القمح ونزرع مكانه رضا تيجى تشاركنى ونزرع الكون رضا عشان يمكن ترضى عنى وتعرغف ان الحب شيىء موجود فى حياتنا ؟ |
نزرعها سوا يا حبيب قلبي
بس المهم جبت التقاوي انا عارف طريق الصحراء على فكرة يا استاذ محمد انا باعتبر الحب نوع من الضعف الانساني و انا دايما باكره اني احس باني ضعيف اما ان تكون المشاعر متبادلة او لا داعي للاستسلام للوهم انا شفت كتير قلبهم ذلهم و معنديش اي استعداد اني اخوض تجربة زي دي او اشعر اني بحب حد لحد الموت و بادعي ربنا يعفوا عن كل العشاق ويرحمهم من مشاعرهم قول معايا امييييييييييييييييييييييييييييييين على فكرة حتى لو لقيت تقاوي رضا وزرعتها وطلعت مش ممكن هتلاقي حد يرضى |
أدعو الله ان لاتحب عشان متدخلش فى مشاكل بس لو حبيت مره ياريت تقولى عشان أبعتلك شوية تقاوى
وشكرا لمرورك |
بارك الله فيك وزادك من نعيمه قصيده جميله وفيها نغم بين الابيات وكلماتها سهله ومفهومه منتظرين منك المزيد ان شاء الله
|
منتظرة باللغه العربيه
قصيده*ساكت* جميله منتظرين المزيد |
اقتباس:
ويفضل ساكت لحد ما الخوف يملا الفضاء وهوا ساكت لحد ما ترحل عيون الشتا وهوا ساكت وتفضل أغانيه بدون لحن تفضل اغانيه بلحن السكوت وأعيش وأموت وانا ساكت ياريت تشوفى باقى قصايدى و لأنى على وشك أنزل باقى القصايد |
اقتباس:
وياريت تعجب الجميع لأنى خايف بعد ما بدأت بالسكوت خايف هاقول ايه تانى؟! |
| جميع الأوقات بتوقيت GMT +2. الساعة الآن 11:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.