|
اقتراح (المنتدى مغلق للصلاة)
سلام عليكم
م الاول كدة ومن غير زعيق انا جربت اكتب ف قسم الاقتراحات علاطول ومنفعش قالولي اكتبيه هنا وهما هينقلوه :( المهم عارفين فكرة اليافطة بتاعت (المحل مغلق للصلاة) ايه رايكو لو نعملها هنا ف المنتدى يعني مثلا حد من المديرين الله يكرمهم ويجعل كلامنا خفيف عليهم يوقف المنتدى كدة (زي مايكون بعد الشر مسروق) :d لمدة خمس دقايق بس حتى ويكتب انه المنتدى مغلق للصلاة حتى لو الصلاة بتاخد اكتر من خمس دقايق اهو تبقى مجرد تذكرة لانه كتير لما يبقو قاعدين ع المنتدى طول النهار بينسو نفسهم خالص عن نفسي كنت كدة واصلي الفرض متاخر بقى وبتاع زمان بقى ايام الشباب قصدي لما كنت باقعد كتير :d وزحمة الردود والمواضيع تاخدنا فاضل ايه فاضل ايه اه حد ينقل الموضوع بقى :d |
طب الناس الى هنا
حد من قاهره وحد من اسكندريه وحد من اسوان مش هيبقى نفس توقيت الصلاه بس هيا فكره حلوه بس فيه حاجه يعنى لو اتعمل كدا والمنتدى اتقفل الناس هتقوم تصلى ؟:d |
اقتباس:
عاملة حسابي وفكرت فيها ممكن يعملوها بمعاد اكتر مدينة متاخرة (بيتهيالي هي اسكندرية) بحيث نضمن انه باقي المدن اذن فيها اقتباس:
بس اكيد ناس كتير كدة هتقوم مش شرط كلهم م الاخر انا عايزة اخد ثواب وخلاص متعقدوهاش بقى :( |
الموضع تم مناقشته اكثر من مرة وباكثر من حل
ومازالت المشكلة قائمة الاذان حيكون على مدينة اية وعلى اى بلد اعتقد ان المسجد عندما يناديه الاذان فيه وجب على الجالس على الجهاز ترك الجهاز ومازالت مشكلة التوقيت قائمة |
اقتباس:
والمدينة نخليها اكتر مدينة متاخرة ف التوقيت تقريبا على حد علمي اسكندرية والفرق بين المدن مش كبير اوي على الاقل احسن من انه ياخر الصلاة ساعتين تلاتة ولا للادان اللي بعده ويا استاذي انا مش باتكلم عن ناس افاضل ربنا يكرمهم بيقومو علاطول اول ما يسمعو الادان باتكلم عن نفسي مثلا وعن ناس كتير عارفة انهم كدة :( |
افضل حل اننا نستنه لغاية ما يوحده الاذان :d
زى ما كانه بيقوله وبعد كده ننفذ الفكرة انا شايف ان الفكرة قديمة شوية اتناقشة قبل كده كتير المنتدى مش بيلهى حد عن الصلاة اللى عايز يقوم يصلى يتفضل مفيش حاجة هتمنعه عن الصلاة غير حجة هو هيبررها لنفسه ثم انا عايز اعرف فى اولا هاك بخصوص الموضوع ده ممكن يركب ولنفرض ان الساعة اتغيرت بعد كده ايه هيكون الوضع ولنفرض ان الهاك ده حصل فيه مشكلة وانتدى اتقفل فترة طويلة صدقينى كده الوضع كويس والحلال بين والحرام بين شكرا على الفكرة يا محتاسة :) |
فكرة جميلة
وقد فشل موضوع توحيد الاذان من قبل الازهر |
اقتباس:
والساعة اما تتغير بتتغير على البلد كلها وبعدين قلنا تذكرة هتخسرو ايه يعني :angry2: بل بالعكس هتاخدو ثواب حد كان مكسل بلاش احباط بقى :( اقتباس:
بس المعلومة دي معناها انك حضرتك مؤيد ولا معارض عشان انا هيست بجد :) |
ياشيخة ياريتك كنتى قولتيلى ان هو دة الموضوع
اقولك اية بس؟؟ ماعلينا بجد فعلا الموضوع دة اطرح كذا مرة ولا حياة لمن تنادى بس فالاول وفالاخر دية حكاية مبدا ومش لما هنقفل المنتدى هما هيقوموا يصلوا ما ممكن يلعبوا جيم على ما يفتح بس يابنتى جزاء الله خيرا عالفكرة يلا بقى اعملى حسابك ان الموضوع هيطير كمان شوية :d |
اولا الموضوع دا احنا ناقشنا اكثر من مره وموضلنا لحل لان مش كلنا من القاهره فى الى قى اسكندريه والى فى المنصورة وجميع المحافظات فدى مشكله فلو عملنا كدا هيكون على توقيت القاهره
|
اقتباس:
هي الاخبار السعيدة كلها بتيجي مرة واحدة قلنا مجرد تنبيه اقولك واعمل حسابي ليه انا اهو بطلب ان الموضوع يتشال مع انه مش صعب يتنفذ :( اقتباس:
|
انا بحاول اعمل بحث عن اي هاك ينفذ الفكرة واول ما هلاقيه هركبه وهنفذ الفكرة
وربنا يجازيك خير على الفكرة |
اول حاجه احب اشكر صاحب الموضوع علي الفكره الجميله بجد:)....بس أبقي كلم استاذ عصام صوت الحق وان شاء ربنا هينفذ طلبك...:) |
ياريت نقدر نشوف هاك ينفذ الفكرة
الاقتراح دا قديم قوى وموصلناش له لحل بس عبقر وعد انه هيشوف هاك ووع الحر دين عليه ونحن فى انتظار الهاك |
على ما أعتقد إن الموضوع ده إتنقشنا فيه كتير وإتكلمنا فيه كتير وغالباً الكل موافق يبقى إيه اللى معطل الموضوع أكيد مفيش **** أو إحنا مش قادرين نوصل لبتش يبقى ياريت لو حد يقدر يجيب ال**** ده يجيبه وأهو الأستاذ أشرف موافق والأغلبيه موافقه وأنا عن نفسى موافق |
اقتباس:
جزانا واياكم ولو لا قدر الله منفعش نخليها حتى حان الان موعد اذان كذا ف اول السايت بخط واضح دة في حال انه الموضوع الاولاني منفعش اهي تبقى حاجة احسن من مفيش :) اقتباس:
هي المشكلة انه طلع ان الفكرة اتطرحت قبل كدة كتير من غير ما تنتهي بحل بس الحمد لله انه الادارة شافت الموضوع واوك هابعت لينك الموضوع لاستاذ عصام :) اقتباس:
المنتدى كله قام عليا وانا مكنتش اعرف انها اتطرحت قبل كدة مش مشكلة المهم اننا احييناها :) يا مسهل يارب الحمد لله انه فيه بارقة امل |
اقتباس:
واكيد عارفة انه محدش رافض ومحدش لما يسمع هيرفض وخلاص مادام الموضوع وصل للادارة اهو تقدرو تحذفوه ياريت |
اللي عايز يصلي مش مستني لا مغلق للصلاة ولا غيره ... اللي عايز يصلي بيصلي ولو ايه بالذي ,,, ولو الموضوع مجرد للتذكرة ,, ففي تصميم شهير اوي في اغلب المنتديات ,, بيذكر بالصلاة ,, بيبقى زي الأعلان الفلاشي في أول المنتدى من فوق او اخره من تحت ع العموم براحتكو .. واللي الأدارة تشوفو اعملوه ,,,,, :078111rg3: |
اقتباس:
جزاكى الله كل خير |
الفكرة مككررة قبل كده و هي بجد فكرة حلوة
بس قالوا مش هتنفع علي العموم جزاكم الله خيرا في امان الله |
م الاخر برغم تكرار طرح الفكرة وبرغم اي عائق ده فرض علي كل مسلم (((( و ذكر فإن الذكري تنفع المؤمنين )))) الأمر بالمعروف أمر الهي علي كل مسلم مش عايزين نقول (اللي عايز يصلي مش مستني لا مغلق للصلاة ولا غيره ) لازم نفكر بعض وندعو بعض لكل خير و إلا تبقا سلبية ان كل واحد يقول ((( وانا كلامي هيعمل ايه..والمفروض هوا يعمل من نفسه ))) لازم نخاف علي مصلحة بعض احنا اسرة واحدة ومادام ادارة المنتدي موافقة وبتبحث عن حل فالموضوع منتهي ان شاء الله ومنتظرين ربنا يسهل وتتنفذ الفكرة فكرة رائعة يا طالبة الخير ياللي مش محتاسة |
اقتباس:
مش هتتحل اصل هنا فى منتدى بوابة الثانوية لو فى مشكلة اما تتحل بمشكلةتانية او مش هتتحل اقتباس:
|
يا جماعة والله فكرة حلوة وانا كنت منفذها
لو حد من الادارة عايز الهاك يقول او يراسلني علي الميل |
| جميع الأوقات بتوقيت GMT +2. الساعة الآن 08:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.