أول تجمع ل12 عضو وعضوه بالمنتدي
 

أعضاء المنتدى الكرام

بعد التحية
لقد قام الأستاذ عبد العظيم بتجميع 9 اأعضاء وثلاثة عضوات في مكان واحد
الزمان : الساعة العاشرة مساء
البلد : قرية شبرا بخوم - قويسنا منوفية
مكان التجمع : منزل الأخت الفاضلة جميلة وهي احدى عضوات المنتدى
الأعضاء المتواجدون بتلك الصحبة الطيبة وترتيبهم
1- الأستاذ حمادة نور
2- الأستاذ عبد العظيم
3- الأخت فرولاية
4- الأخت جميلة
5- الأخت طماطم
6- قمر قمر
7- ابراهيم الصافوري
8- محمد عبد الدايم
9- ابو صالح
10 - محمد الزاملي
11- باسم محمود
12- محمود عبد العزيز

وقد قمنا بدعوة كتكوت الوادي ( المهندس اسماعيل ) ولم يستطع الحضور

وكان اجتماع طيب وجميل فقد قامت الأخت جميلة بعمل الشاي لنا
وبعد أن شربنا الشاي سويا قمنا بالتحدث والتعرف كل منا على الآخر

ثم قررنا ان نلعب مبارة بلاي استيشن فقد قام الاستاذ حمادة نور بتحدي فيلسوف المنتدى في لعب البلاي استيشن
وجلس الأعضاء في المقصورة الرئيسية يتابعون الموقف

فكانت البداية موفقة لصالح حمادة نور فسرعان ما فاز على الفيلسوف مبارتان متتاليتان
ولكن الفيلسوف أدرك خطورة الموقف لانه لو خسر المبارة الثالثة فسيهزم حسب الإتفاق

وبالفعل استطاع ان يقتنص الفوز مبارتان متتاليتان فأصبح التعادل
ووسط استمتاع الجماهير والتشجيع قامت الأخت جميلة بعمل نسكافيه للاعضاء

وبدأت المبارة الحاسمة
مبارة الفوز
بدا حمادة المبارة وكأنه يريد أن يثأر من زيزو فقام باحراز ثلاث اهداف في الشوط الاول ولم يستطع الفيلسوف أن يحرز أي أهداف وكان حمادة قد كشر عن انيابه
ولكن الفيلسوف حاول إدراك الموقف في الشوط الثاني وبالفعل وفي الدقيقة الثانية عشر والثالثة عشر استطاع الفيلسوف احراز هدفين

لتعود المبارة على صفيح ساخن مرة اخرى
وفي الوقت بدل الضائع احتسب الحكم ضربة جزاء لصالح الفيلسوف ولكن للاسف أهدرت

وأعلن الحكم صافرة النهاية وتوج حمادة نور بطلا على البلاي استيشن وكانت مفجاة للجميع ان الفيلسوف بيعرف يلعب بلاي استيشن فنحن نعلم انه مهندس فقط ولا نعلم أين تعلمه واين لعبه

وبنفس الطريقة فوجئنا بحمادة بالرغم من انه شاعر موهوب إلا انه ايضا لاعب بلاي استيشن جيد ومحظوظ ايضا

وبعد انتهاء ذلك
حدث أحد المواقف الطريفة فأثناء اعلان الحكم صافرة النهاية قام العضو قمر قمر بالتهليل وكان شديد الفرحة بحمادة

وأثناء ذلك قمت بتهدئته وأثناء محاولة امساكي به انقلبت الصينية التي بها الكوبيات وكسرت الكوبيات ووجدنا والد جميلة ووالدتها يدخلون مفزوعين من صوت التكسير وعادت الضحكات مرة أخرى
وكانت سهرة في منتهى الجمال اتمنى ان تتكرر

تحياتي لكم

ودام أعضاء بلدنا الحبيب بكل الخير

ونشكرك يا فيلسوف على تجمعينا
ونشكرك استاذ حمادة موافقتك والمساعدة على التجمع

والله لاأنكر اني استمتعت بجد وكانتسهرة جميلة جدا بجد

وألف مبرووووووووك يا حمادة ولا أنكر أنك لعيب فعلا وانت قد هزمتني وأول مرة تحصل أنحد يغلبني

و لكن كان ينقصنا اخي الفاضل المهندس اسماعيل " كتكوت الوادي "


عموما المرة الجاية يا اسماعيل تكون معانا في التجمع الأكثر من رائع

اجمل ما فى الموضوع هو التجمع
الرياضة غالب ومغلوب يازيزو
من خلال التجمع استطعت التعرف على اعضاء المنتدى
من بلدنا مع اختلاف الاعمار

والله فعلا يا حمادة انا نفسي اليوم ده ينتكرر تاني لانه بجد يوم جميل أوي أوي

أو ساعات جميلة جدا

الله

جميل هذا التجمع

دائما نتجمع فى حب ونفترق فى حب ان شاء الله

كم تمنيت ان اكون معاكم

بس مش معقولة كل ماتتجمعو تكسروا الاكواب

الناس يقولوا علينا ايه ؟؟؟

وبعدين دى مش كانت فاضية

ده كان فيها نسكافية

هههههههههههههههههههههههه

مبروك يا حماده

هارد لك يافيلسوف

برافو برافو اسلوبك فى التعليق متميز يا زاملى

تعليقك اوصلنى لحالة كأنى كنت شايف الماتش

حقيقى تعليقك جميل

استاذي محمد ابن عمي وبجد أنا بيعجبني اسلوبه أوي
ده هو اساسا كان قاعد بيذيع واحنا قاعدين

ان شاء الله اعمل رحلة لبورسعيد ونلم فيها الاعضاء ونيجي عندك
بس فضيلنا أجهزة عندك في السايبر وكام بلاي استيشن كدة علشان انا عايز اخد طاري من حمادة

اسف يا جماعة انى ما جيتش

مع انى والله كان نفسى احضر التجمع الظريف ده

بس انتوز عارفين بقى تاتى الرياح بما لا تشتهى السفن

حصلت حاجة بايخة كده ومنعنتنى انى اجى وكده

ياريت ماحدش يزعل منى
وان شاء الله اكون معاكو فى مرة تانية
ده اذا كنتم ناويين تكرروها يعنى

وانا بحييى صاحب الفكرة دى جدا






لتانى مرة بعتذر
انا اسف

أنا عالرف ظروفك يا بشمهندس اسماعيل ولا يهمك يا حبيبي
ان شاء الله تتكرر

الطار من حماده ده شيئ مفروغ منه

بس انا مش عندى بلاى ستيشن

لكن عندى الفيفا والموقف تحت السيطرة يافندم

ولو حماده راجل بجد ييجى وانا واريك

هههههههههههههههههههههههههه

متخافش ياحماده تعالى بس

مبيعرفش يلعب على الكمبيوتر
ولا أنا كمان
أنا عايز بلاي استيشين نبقى نأجر عند أي حد قريب

السلام عليكم
حقيقة تجمع رائع
انا هللت لان محمد الزاملى فى ضربة الجزاء اتحدانى ان زيزو هيحرزها هدف
وعندما اهدرت وصفر الحكم بانتها المباراة عقب اهدار ضربة الجزاء
قمت بالتهليل
على فكرة الاستاذ حمادة لعيب قوى
محمد الزاملى نسى حاجة
ان حمادةفى المباراة الرابعة احرز هدف عن طريق الخطأ فى مرماه
وكان السبب فى فوز زيزو بالمباراة
تعيش وتاخذ غيرها زيزو

ماشاء الله

فكره التجمع كويسه

ادام الله سعادتكم علي خير





وممكن افكر اعمل تجمع للاعضاء اللي في مدينتي ان شاء الله


بس معرفهمش كلهم لسه

بس الفكره كويسه

اجماع كان جمممميل من كلامكم بس هيعملواااا ايه بقيت الاعضااااااء المسافه بعيده

شكرا حمادة
شكرا زيزو
على التجمع الجميل وياريت يتكرر بجد كان ممتع ومن اجمل ايام حياتى حضركم عندى
مبروك حمادة على الفوز
هارد لك زيزو
وشكرا الى جميع الاعضاء الذي حضرو شكرا

شكرا يا جميلة لاستضافتك لنا في منزلكم

كان المفروض يبقى فيه اعلان فى المنتدى . ايه كان فيه وانا مأخدش بالى معلش سورى مكنتش اقصد !!

وبعدين بلاى استيشن ون ولا تو ايه يا عم الحاج فيفا وبس . واللى شايف نفسه قوى يبقى رد الرد او جينرال . !!

ده انتوا هتشوفوا ايام منى . صبركم عليا بس ..

ما شااااااء الله

اغبطكم

ياريت كل حاجة جميله فى حياتنا نواظب عليها

بجد استمتعت بطريقة كلامك محمد

وكاننا كنا معاكم

اسلوب جد راااااااااااااااائع

...

..

فعلا فكرة حلوة جدا

وايه يا اخ يورى مالك عضبى كده ليه اعصاب حضرتك شوية صحتك بالدنيا يمان

شكرا ليكم وان شاء الله يكون في تجمع على أوسع

يا ريت كل عضو من بلد يحاول تجميع اعضاء بلده

انا ناوية انا كمان

بس لازمها شوية ترتيبات وجااارى التحضير

وهما المضمونين كده حوالى 5 بنات

اما الباقي فربنا يسهل وهحاول اقنعهم

ربنا معاكم

كدة بجد يبقى أحنا بنعمل حاجة مفيدة وبنقدر نقرب كلنا من بعض من خلال ذلك التجمع

والله كان يوم جميل
ياريت كل الاعضاء
يقوموا بالخطوة دى

أنا فعلا استمتعت يا جماعة والله العظيم
كان يوم جميل اوي
وشكرا يا بشمهندس عبد العظيم على تجميعنا

وشكرا لطرح الموضوع يا محمد يا زاملي

كان يوم رائع شكرا استاذ عبد العظيم

شكرا استاذ حمادة

شكرا لمروركم
وأتمنى أن يتكرر ذلك اليوم

ان شاء الله يتكرر لاخذ بثأري من حمادة

الحقيقة يعنى ياشباب انا اد ايه مبسوط منكم اى نعم انا لسه عضو جديد بس بجد انا باحترمكم جدا وياريت كل الشباب اللى من بلد واحد يلموا بعض كده ويزوروا بعض ويوثقوا الصلة ببعض ... ولا ايه

تمام كدة

يا ريت كل اللي قيبين من بعض يتعرفوا ببعض

حقيقى لزيز هذا التجمع وله فوائد كثيرة http://smilesgate.com/smiles/27/clown1.gif

وعايزنا نرجع زي زمان يا استاذي قول الزمان ارجع يا زامان

والله نفسي في يوم ن ايام زمان

انا من يوميها شفت زينب وهبة بس
يا ترى كنت اقصد مين :p