|
مســــــــــــــابقة __( خش بسرعة جاوب ) منافسة ساخنة جدا >>>> متجدد
السلام عليكم 1- لتنمية مهارات اللغة العربية بيننا 2- للاستعداد للامتحانات القادمة (بعد سنة أو خمسة) 3-لبث روح البحث عن المعلومة من جديد والاستفادة 4-لصحصحة مدرسين العربي معانا شوية (المطنشين منهم) 5-للخروج عن الموضوعات التقليدية التي تسبب حالة من .... لكل الاسباب اللي فوق دي نبدأ هذه المسابقة فكرتها سأبدا بطرح سؤال في اللغة العربية ( قواعد نحوية - شعر ومن قائل هذه العبارة -هات جمع -هات اعراب -اسئلة اختيارية -بلاغة-همزات-تاءات- فقرات وقطع واسئلتها-لطائف نحوية-أسرار اللغة والفوائد الهامة- التعبيرات و الالفاظ وانتمائها للفصحي من عدمه) كده يعني اي حاجة تحبوها اسئلة في اللغة العربية و من اسئلة الكادر او من خارجها عايزين نوسع الافق حاجة كويسة برضه هكتب سؤال حضرتك تفكر وتجاوبه و اللي هيجاوب صح له صقفة كبيرة أوي:):av4056bb7jp3: و اللي هيجاوب غلط :stickjo4: خلاص بقا هنسامحه ...هنعمل ايه يعني؟ ايه رأيكم؟؟؟ نبدأ علي بركة الله السؤال الأول أيهما أصح؟؟؟ نقول ...... -مساهمة منه لتنمية القدرات؟ أم ...... -اسهاما منه لتنمية القدرات؟ و لماذا؟ السؤال الثاني صفا لك اليوم ورقّ النسيم وجال في الأزهار دمْعُ الغيـوم يدعو الشاعر في هذين البيتين إلى: ورجّــع البلبــل ألحـانَه يقول :هيّا اطربْ وخل الهموم أ) التمتع بجمال الطبيعة . ب) التفاؤل بالحياة. ج) الزهد في الحياة . د) الإقبال على المجون ها؟ مين هيجاوب الأول؟ أول واحد هيجاوب له امتياز خاص هيبقا ليه الحق في وضع اسئلة في الموضوع في اي وقت اثناء المسابقة |
بسم الله الرحمن الرحيم
الاجابه علي السؤال الاول:اسهاما لانها المصدر الصريح من فعل يساهم وهي الادق علي ما اعتقد السؤال الثاني الاجابه الصحيحه الفقره (ب)التفاءول |
أعرب ما يأتي : يفهم فعل مضارع
اقتباس:
والثانية هي التفاؤل |
اقتباس:
هات ما فى جعبتك ايها البطل الهمام!!!!!!!!!!!!!!! هفكر شوية بلاش اخد انا الصدمة الاولى خليك - قصدى خلينى زكىّّّّّّّّّّّّّّّّّّّّّّّّّّّّّّّّّّّّّّّ!!!!!!!! !!! دائما متجدد وانيق ما انا قلتها ملكش حل بنحبك انجليزى نلاقيك - عربى نلاقيك يمكن بكرة تجبلنا هندى!!!!!!!!!!!!!!!!!!!!!!! بلاش بس رياضيات عشان متقطعش علينا!!!!!!!! خليك حلو! |
اقتباس:
ماليش دعوة قول زي مانت عايز بس ماتهربش جاوب حالا وقبل ما يخش أي مدرس عربي م اللي بيتكلمو الفصحي دول |
شريف
هي لطائف نحويه حاجه كده زي القطايف الرمضانيه |
ياللا يا جماعة
الباقي يجاوب ما تقلقوش الظاهر ان اجابتنا كلنا هتطلع غلط! |
طبعا انا لا شيء بجانب عمالقه اللغه العربيه الافذاذ ولكني كنت احبها جداا اثناء دراستي وكنت ساتخصص فيها لولا ان اخي الاكبر مدرسا للغه العربيه (علشان اسيبه ياكل عيش )ولرغبتي الشديده في سبر اغوار اللغه الفرنسيه والتي عشقتها مع اللحظات الاولي لدراستها ولكني ساجتهد بينكم في طرح قصيده اعجبتني جداا نقلا عن والدي -اطال الله في عمره- وهي في حديث نفسي بين الاب وابنه وهو يعاتبه بينه وبين نفسه عندما علم الاب ان ابنه شكاه الي رسول الله صلي الله عليه وسلم بانه اخذ ماله وجميع مايملك.
غدوتك مولودا وعلتك يافعا تعل بما ادني لديك وتنهل اذا ليلة نابتك بالشكو لم ابت لشكواك الا ساهرا اتململ كاني انا المطروق دونك بالذي طرفت فعيناي تهمل فلما بلغت السن والغايه التي اليها مدي وماكنت فيك اؤمل فليتك اذا لم ترعي حق ابوتي فعلتك كما الجار والمجرور يفعل 1- اعرب مافوق الخط 2-استخرج ثلاث الوان بيانيه مع الشرح |
اجابة السؤال الاول يقولون : إسهاما منها في تشجيع القدرات ـ والصواب : مساهمة منها في تشجيع القدرات إسهاماً هو مصدر الفعل أسهم ، وهذه تعني كما يقول إبن فارس في مقاييس اللغة أسهم الرجلان إذا إقترعا) وذلك من السّهمة والنصيب . وهذه تختلف مساهمة المشتقة من الفعل ساهم الذي يعني شارك ، فالمساهمة هي المشاركة والإسهام يعني الإقتراع . ومن هنا نلاحظ أن أية زيادة في المبني تؤدي إلى تغيير المعنى |
استاذ شريف لا تحرمنا من مسابقاتك بارك الله فيك
|
الاجابة الثانية
الاقبال على المجون لانة يريد ان يتخلى عن الهموم |
ياللا نجاوب علي سؤال مسيو وليد لانه هوا اول واحد جاوب وليه حق طرح الاسئلة |
اقتباس:
|
سؤال مسيو وليد صعب جدا
|
اقتباس:
بيني و بينك انا قاعد ابص له من ساعتها فاتحا فمي (مع سرحان غريب) تفتكر ده من ايه؟:) |
صمتى لا يعنى عدم درايتى بما يحدث حولى
و لكن ما يحدث حولى لا يحتاج الى أن اقول أى كلام |
اقتباس:
والله يا اخ خالد انا فهمت ظاهر الكلام لكن مافهمتش باطنه ياريت توضح في حاجة مضايقاك؟ في حاجة مش عاجباك؟ |
اقتباس:
أتململ : فعل مضارع مرفوع وعلامة رفعه الضمة الظاهرة على آخره . دونك : ظرف مكان والكاف نفس الكلام (( والله مش عارف مكرر نفس السؤال ليه ؟؟ ))) ما علينا بتوع لغة الفرنجه دول هنستحملهم ـــــــ أما نشوف آخرتها )) مدى : أشك في صياغتها ولكنها كما هي ( مبتدأ مؤخر مرفوع بالضمة المقدرة ) . ((((( يعني احنا ممكن نطنش على همزات ماشي ...... لكن إزاي نكتب ( لم نرعى ) ونسيب الآلف كده ماشيه على حل شعرها برغم وجود ( لم ) الصحيح ( لم نرعَ ) ( فعلتك ) برغم أني أشك أيضا في صياغتها . إلا أنها : فعل ماض مبني والتاء ( فاعل ) ، والكاف ( مفعول به ) . ــــــــــ أما بالنسبة للألوان البياينة فهي واضحة وضوح الشمس وأي طالب في الصف الأول الثانوي من فرسان الغرف الصوتية يقدر يجاوبها بسهولة . المهم : الأول : استعارة مكنية ( ليلة نابتك بالشكوى ) الليلة تشكو . الثاني : كناية في ( ساهرا أتململ ) عن الأرق وعدم النوم والقلق والاضطراب . الثالث : التشبيه التمثيلي في البيت الأخير : شبه الفعل فيك كفعل الجار بالمجرور ، وفيها نوع من الإهانة والسخرية . تمت بحمد الله الإجابة . فإن أصبتُ فمن توفيق الله الرحمن وإن أصبت فمن نفسي ومن الشيطان . وآآآآآآآآآآآخر مره يا شريف تخلي بتوع لغة الفرنجة يحطوا أسئلة لغة عربية .. إيه يعني هيه سايبه ؟؟؟؟؟؟؟؟؟؟؟؟؟؟؟؟ |
اقتباس:
بالراحة علينا شوية يا عم استاذ اللغة الجميلة انت احنا عاملين المسابقة للغلابة اللي زينا انا بنادي علي جهابذة اللغة علشان يشرفوا بس علي المسابقة مش يحلوا الاسئلة؟؟؟؟؟ يبقا احنا عملنا ايه؟؟ لو حطيت كل سؤال وحضرتك تيجي تجاوبه كده بصباع ايدك الصغير مش هيبقا في مسابقة تابعنا بس الله يكرمك وبعد من الناس تجاوب طالب منك خدمة تراجعلنا علي الاجابات وتصححها و تسلم يا باشا علي الاجابة السريعة دي |
أنا لسه راجعه ومشفتش المسابقة الا دلوقتى
عاوزين أسئلة تانى |
سؤال اخر بما ان الاستاذ وسية حل السؤال قبل ما نبدأ نفكر فيه يقولون : نسائم الصباح العليلة و يقولون: نسمات الصباح العليلة أيهما أصح ولماذا؟؟؟؟؟؟ |
اقتباس:
مستر محمد يحط الاسئلة المرة دى مش هو اللى جاوب بس بالله عليك يا مستر خليها على قدنا احنا الغلابة زى ما قالك مستر شريف بس بردو باى حال احنا ما نستغناش عنك فى التحابيش والرتوش الاخرنيه! |
اقتباس:
|
اقتباس:
المشاركة الأصلية كتبت بواسطة محمد عبد العظيم وسية http://www.thanwya.com/vb/life/buttons/viewpost.gif وآآآآآآآآآآآخر مره يا شريف تخلي بتوع لغة الفرنجة يحطوا أسئلة لغة عربية .. إيه يعني هيه سايبه ؟؟؟؟؟؟؟؟؟؟؟؟؟؟؟؟ شفت يا عم طب لما مسيو وليد يحط اسئلة بالشياكة الفرنساوى دى امال بتوع العربى يحطوا ايه بقا!!!!!!!!!! ربنا يستر علينا |
بارك الله فيكم وجزاكم خيراً وأنا معكم بإذن الله تعالى
|
اقتباس:
صقفة كبيرة اوي لـ نعمة محمود الاجابة صحيحة نسائم على وزن فعائل ومفردة نسيمة على وزن فعيلة مثلها في ذلك مثل صحيفة وطريقة ووديعة وجمعها صحائف وطرائق وودائع ، أما جمع نسمة فهو نَسَمٌ أو نسمات |
السؤال الخامس يقولون : هذا بئر عميق و يقولون : هذه بئر عميقة أيهما أصح؟ هات دليل علي اجابتك |
هذه بئر عميقة
|
اقتباس:
الاجابة صحيحة لأن كلمة بئر مؤنثة كما جاء في الآية 45 من سورة الحج { وَبِئْرٌ مُعَطَّلَةٌ وَقَصْرٌ مَشِيدٌ } وجمع بئر آبار وتُصَغَّر على بؤيرة . |
بما انك جاوبتي سؤالين صح يا استاذة نعمة
ياريت تتحفينا بسؤال من عندك |
اقتباس:
|
معلش انا ركزت في البداية علي الاخطاء اللغوية الشائعة كبداية فقط و بعد كده هنخش في المفيد السؤال: يقولون : ملفت للنظر ويقولون: لافت للنظر أيهما أصح؟؟؟؟ |
b الصحيح لافت للنظر : أسم فاعل
لفت :لافت فعل:فاعل |
هو كله
عربي عربي مفيش حاجة تانية |
اسمحولى اسأل سؤال
قول الرسول صلى الله عليه وسلم : ( ما من مولود إلا يولد على الفطرة فأبواه يهودانه أو ينصرانه أو يمجسانه" والمطلوب اعراب كلمة مولود |
اقتباس:
انتي كده خدتي كل اعمال السنة :) |
اقتباس:
والله شكر ا انك رجعتنا لجمال اللغة العربية وأنا كنت متخيلة ان اللغة الفرنسية نسيتى اللغة العربية لكن الحمد لله اطمنت على نفسي شكرا مستر شريف |
اسمحولى اسأل سؤال
قول الرسول صلى الله عليه وسلم : ( ما من مولود إلا يولد على الفطرة فأبواه يهودانه أو ينصرانه أو يمجسانه" والمطلوب اعراب كلمة مولود هو السؤال ده شفاف محدش شايفه |
فعلا كسرتوا الملل موضوع جميل جدا وحى ,صحيح أنا لست متخصصة فى اللغة العربية لكننى أحبها جدا
لكن الأستاذ الفاضل /شريف والأستاذة الفاضلة/نعمة مش كنا نبدأ بالعربى للجميع على قد حالنا ؟؟؟حتى اللى مثلى يعرفوا يجيبوا . |
اقتباس:
يادايب في النسيم وساكن في القمر جمالك الوسيم معلمني السهر النسيم جمعها نسائم ونسمه جمعها نسمات |
طب اما اخلص شغلي وارجع لكم بليل
اما اعدتكم في بيوتكم ياجهابذه اللغه العربيه |
اقتباس:
هل الصواب أن نقول منطقة تعبئة وتجنيد الجيزة أم منطقة الجيزة للتعبئة والتجنيد |
فعلا لم يكدب ولن يكدب من يقول عنك عبقرى الكادر
|
اقتباس:
هههههههههههههههههههههه الشاعر ده منين بالظبط؟:078111rg3: |
اقتباس:
و الله العظيم أول ما شوفت السؤال ده فطست علي نفسي م الضحك مش عارف ليه |
اقتباس:
متهيألي مولود اسم مجرور و لا في خدعة في السؤال؟؟؟؟؟ |
اقتباس:
كلمات:ايمن بهجت قمر الحان :حمدي صديق توزيع:الشركه العربيه للادويه |
اقتباس:
شكرا علي مرورك يا عبقري البحيرة |
اقتباس:
ومفيش خدعه ولا حاجة |
السلام عليكم ورحمة الله وبركاته
والان أول يوم لى لدخول المنتدى من قبل الوقفة أعاد الله العيد علينا جميعا وعلى الأمة الاسلامية بالخير والبركات اللهم أمين وفكرة الأستاذ شريف الحقيقة حلوة وجديدة وتعطينا احساس بجو السمر والمسابقات وهو جو نفتقده فأجمل تحية له لأفكاره المثمرة أما سؤال أستاذة نعمة عن اعراب مولود فأعتقد اسم مجرور بمن وعلامة جره الكسرة وان كان خطأ فأرجو التصويب |
| جميع الأوقات بتوقيت GMT +2. الساعة الآن 10:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.