استطلاع راى : ماهى اصعب مادة سنة اولى
 

ماهى اصعب مادة سنة اولى

انا عن نفسى رياضة بحتة هى اصعبهم

انا راجل عديت على سنة اولي ..

وبقولك ان اصعب مادة عندكوا وبالنسبالكوا هيا المحاسبة المالية

انا تجارة انجليش

بس من راى ان المحاسبة لو اتفهمت تبقى مادة هايييييييييييييييييييييييفة

انا شايفة ان المحاسبة دي مادة جميلة ولذيذة
ويليها السلوكية
ثم الادارة
ثم الموارد






والرياضة اخر حاجة

بتفرق من واحد لواحد يا هند ..

وبتفرق من دكتور لدكتور .. يعني انتي مثلا بيديكي البشبيشي ودا دكتور ماشاء الله عليه

ناس تانية بيديها دكاترة معقدين ومابيعرفوش يوصلوا المعلومة كويس

وهكذا .. دا طبعا غير الفروق الذاتية مابين شخص لشخص

غير برده واحد بيذاكر والتاني مقضيها في شوارع الكلية طول الليل والنهار !

بس انا رأيي ان المحاسبة هيا الأصعب .. لإن هيا عصب تجارة ككل

ومافيش ترم بيعدي الا مالازم تاخد محاسبة فيها

اديك قولت .. لو اتفهمت بقي :bosyht9:.. بس في الغالب المعظم بيفهم الـ journal entries

وييجي في الـ adjusting ويعك عك ماوردش علي حد :redface:

انا شايف ان مواد سنه اولى مش صعبه
بس هى بتتوقف على حاجتين
الدكتور وانت
لو الدكتور بشرح كويس وانت ذاكرت من وراه هاتبقى زى الفل
فى دكاتره بقى تانين اعوذ بالله منهم لابيفهمو ولا هما بيفهمو !!!!!!!!!!!

انا بردة شايف ان المحاسبة هى اصعبهم محتاجة فهم كويس وتركيز عالى ولو رقم فلت منك المسألة بتضيع
اقتباس
انا شايفة ان المحاسبة دي مادة جميلة ولذيذة
ويليها السلوكية
ثم الادارة
ثم الموارد
انا بحب الرياضة اكتر عشان مبتخدش وقت فى المذاكر وبتحتاج فهم بس
اقتباس
i love adjusting enteries , it is like chess and it needs first the one who loves accounting
انا بردة بحب الشطرنج بس مش فى الامتحان فى البيت بس بعدين يا علاء المحاسبة بالانجليزى دمها تقيل

بالعكس انت معاك كتاب بصراحة روووووعة انا باستمتع بية جدا وخصوصا cases الموجودة فى كل
chapter
ياراجل دى المحاسبة عربى تجيب كابة الامثلة كلها ليست من واقع الحياة العملية

كتاب المحاسبة E حاجة من الحياة وبيفتح طريقك للحياة

حاول تقرا الكتاب بعد الامتحان وانت تعرف الفرق صح

يا

اسف حرف يا اتنقل تحت غلط

فعلا عندك حق .. عشان كدا اسأل اي حد في قسم العربي وقوله انتا بتذاكر محاسبة منين ؟؟

هايقولك اجابة واحده .. يا من المحاضرة يا من الملازم .. ولو جيبتله سيرة الكتاب هايشتمك !!

جدااااااا .. يابني انتا سيبك من الكتاب ومن كل حاجة .. بص للمكان اللي انتا بتدرس فيه ..

على فكرة والله العظيم تلاته هارجع وهاقول ان بتوع عربي احسن بمليون مرة من بتوع انجليش

لإن بتوع عربي اللي بيجيبوا تقديرات في ظل الاوضاع الحالية احسن بمليون مرة من اللي مهيأله كل حاجة وفي انجليش ويجيب مقبول !!

مالك يا عم فامبير جى على بتوع انجلش لية :stickjo4:لعلمك بقى الدراسة فى عربى اسهل من انجلش بكتير:049gc0: اولا معندكوش درجات على الحضور ولا عندكو ميد تيرم ولا كويز ولا اسيمنت دة غير ان الدراسة بالعربى سهلة يعنى ولا محتاج ترجمة ولاحاجة منك للكتاب على طول ......وبالنسبة للتقدير بقى انا خايف السنة دى ترسى على مقبول لان الامتحانات قربت وانا لسة مش مستعد دة غير الدرجات الى ضيعتها فى الميد تيرم :giljotiiniug3:.....يلا شد حيلك انت وادعيلنا نعدى التيرم دة على خير :romarioxp6:

هههه انا معاك ان الكتاب معمول حلو بس فى مسائل محتاجة ترجمة فلازم القاموس يبقى جنبك ودى حاجة تضايق كمان عشان تذاكر من الكتاب بتحتاج وقت اكتر انا عن نفسى اليومين دول بذاكر من الملازم عشان خلاص الامتحانات اول واحد ..كل سنة وانت طيب:)

لا والله مش جاي ولا حاجة .. بس اصل كنت لسه عندكوا في المبني من يومين واتقهرت اما شوفت عدد الطلبة اللي حاضرين .. يابني داحنا في المدرج بنبقي قد عددكوا اللي حاضر دا ب20ـضعف !! .. ووالله العظيم مش مبالغة .. عايز تتفرج روح مدرج جـ و د وانتا تعرف !!

اقسم بالله العظيم تلاته انا عن نفسي مابتفرقش معايا عربي من انجليش وخاصة في الدراسة .. انتا تعرف .. انا المادتين اللي كانوا علينا انجليش في سنة اولي انا جايب فيهم امتيازات .. فامش فارقة .. ومافيش حاجة اسمها عربي اسهل من انجليش .. طالما انتا داخل تجارة وقسم انجليش يبقي غصب عنك تفهم والا يبقي ماكونتش تخشه من الاول .. مانتا ماتقنعنيش انك داخل قسم انجليش وانتا ضعيف في الانجليش وتيجي تقولي اصل الدراسة صعبة واجي انا اسألك اقولك ليه صعبة تقوم قايلي اصل انتا عربي وانا انجليش .. فيه مثل بيقول (اللي مش قد الدح ......... ) !!

الحضور ؟ .. لا هوا انتا فاكر يعني ان الدكاترة بيهمهم اللي حاضر من اللي مش حاضر ؟! .. ياعم هيا حتة ورقة بتتمرر من واحد لواحد وتكتب فيها اسمك ويقوم الدكتور واخدها ويقوم راميها في درج مكتبة وانسي ! ..

كلنا كدا والله .. وانا اولهم .. اهم حاجة بس حط في اولويتك انك تطلع صافي مش شايل اي مادة .. بعد كدا بص للتقدير

ربنا معاك ومعانا جميعاً .. ولو اني لغاية دلوقتي ماخلصتش ولا مادة !

اولا :الكتاب لو قراتة اتحداك لو سبتة قبل متخلصة كلة
ثانيا : حلول الكتاب موجودة على الانترنت على الموقع وحتلاقى اسم الموقع فى اول الكتاب
ثالثا : عندما يديك السباعى ثم مهنا لازم تلجا للكتاب لان المحاضرة ملهاش لازمة

رابعا : هو math حيجى فى chapter 1,2,3,4.7 ???? الرجاء لو عندك فكرة لحسن عادل هز (على فكرة دة
اسم اطلق علية ايام الزلزال ) مش فاهم منة حاجة

كلنا كدا والله .. وانا اولهم .. اهم حاجة بس حط في اولويتك انك تطلع صافي مش شايل اي مادة .. بعد كدا بص للتقدير



ربنا معاك ومعانا جميعاً .. ولو اني لغاية دلوقتي ماخلصتش ولا مادة ![/quote]


انا مش معاك لانى اعتقد ان سنة اولى اسهل سنة ممكن تحصل على تقدير
المواد رائعة والكتب بصراحة بتساعد على المذاكرة بدون محاضرات

بس الله يخرب نظام التعليم اللى عودنا على المذاكرة من الملخص وبس

واكرر كتب تجارة E القاهرة رائعة ثم رائعة ثم رائعة

الكلام دا اللي يقوله واحد مر بسنة اولي .. وانا معاك في دا .. لكن انا اما قولت حاول تعدي صافي كان قصدي ان سنة اولي دائما في الترم الاول بالذات بتبقي رخمة للي لسه في سنة اولي .. لكن اسأل اي حد في اي سنة بعد اولي هايقولك سنة اولي سهلة جدا .. بس انتا ماتجيش تقيسها بمقياس انك مريت بيها .. لأ انتا قيسها بمقياس اما انتا كنت في سنة اولي ..

برده معاك في دا .. بس للناس اللي فاهمة وواعية .. لكن اللي عايز الامتحانات واقلب هايقولك كله زي بعضه !

لازلت مصر لازم نطلع المعلومة بنفسنا حتى لو 50%

الايام الجية صعبة وفعلا البقاء للاقوى

والضعيف حيتسهل (انا اسف فى التعبير)

لازم نعرف احنا نجيب المعلومة

انا بالنسبالى الرياضه صعبه شويه اصل الدكتور بتاعنا صعب شويه

وبعد كدا الاداره والسلوك اصلهم مواد نظرى وانا ملبش فى الحفظ

اولا المواد كلها جميلة ومتنوعة من فكرية وعملية لنظرية وبتعتمد علي حاجتين ان الدكتور يقدر يوصل المعلومة صح ودة مش بيحصل في معظم الاحيان لان الدكاترة من كتر ما شرحوا نفس المنهج حفظوه وبيبقوا عبارة عن شريط كاسيت واشتغل مع نفسه يعني الرياضة مثلا جميلة جدا ولو انتا مخك حلو هتفهمها وهتبقي من اسهل المواد عندك لكن لما يكون الدكتور اللي بيديك شريط وسف ومخك مش لاحق يخزن المعلومة هتخرج من المحاضرة زيك زي اللي محضرهاش اصلا وتاني حاجة انك تذاكر كل محاضرة انتا اخدتها في نفس اليوم عشان تثبت المعلومات اللي خزنتها في دماغك وفي الغالب دة مش بيحصل لان الطلبة بتبقي مخنوقة من الدكاترة ومن المواد بسبب الدكاترة ولان معظم الطلبة كسلة عشان كدة سنة اولي وبالذات التيرم الاول بيبقي رخم وبنشيل مواد عشان احنا مش مدركين لا مواد ولا شرح والكتب زبالة مكتوبة علي ورق ورق الجرايد احسن منه من الاشياء اللي بتسد نفس الطلبة عن المذاكرة دة لو فكروا يذاكروا

ودة بتوع انجليش ميعرفوش عنه اي حاجة وقعدين مريحين نفسهم في قاعات مكيفة وكتب نضيفة وعدد قليل يخليك تقدر تركز مع الدكتور حتي لو كان شريط شغال لوحده بس بيجيبوا مقبول عشان احنا الاغلب مننا متعود يتقرص الاول:abdoog8: ويشله مادة ولا اتنين او يجيب مقبول وبعد كدة بنشد حيلنا وتلاقي التيرم التاني احسن من مواد ودكاترة ومذاكرة عشان نبقي خلاص ادركنا كل دة وعرفنا علاجه

بس انا بقي عارفة دة كله وعارفة العلاج والحمد لله لسة مخلصتش ولا مادة بس المحاسبة مخلصة التلتين منها
حد يقولي اعمل ايه؟؟:confused:

علي فكرة اسهل مادتين الرياضة والمحاسبة بس لو كان ربنا وعدك بدكتور ابن حلال وبيفهم وفهمتهم وحليت عليهم تمارين بدوام عشان متنساش القوانين او طريقة الحل وربنا يوفقنا كلنا

آمين

اصعب حاجه الرياضه بصراحه
والمحاسبه والله تافه جدا جدا
والاداره جميله برده

بيتهيألي والله اعلم انك في مجموعة هـ .. مش صح برده ؟؟؟؟

يعني بيديكوا شوقي بشادي .. صح ؟؟؟

يعني مش فاهمين حاجة في المحاسبة .. صح ؟؟؟

نصيحة مني ليكي لوجه الله .. شدي جامد اوي اوي اوي على المحاسبة عشان الدكتور دا شراني وبيشيل كتير جدا جدا .. السنة اللي فاتت كان بيدي مجموعة (و) وشيل 3/4 المجموعة المادة !! .. والسنة دي احتمال كبير ان صبري العطار هوا اللي يحط الامتحان لمجموعة (ز) و (هـ) .. والله اعلم ..

المحلسبة كدة شكلها جيكسب

شكرا يا vampire

ااه وللاسف في مجموعة ه

وان شاء الله هحاول اشد حيلي شوية بس انا مش خايفة من المحاسبة قد الموارد مادة رخمة جدا جدا والمحاسبة مقدور عليها اسهل ما فيهم هي والادارة
واذا كان صبري العطار اللي هيحط الامتحان احتمال يكون حلو احسن لو حطه شوقي بشادي
اولا مفيش حد بيفهم منه حاجة خالص ثانيا لو حد فاهم حاجة من اي مصدر اخر وبعدين سمعه بيبوظ كل المعلومات اللي عنده

ربنا يسامحه

قصدك ربنا ياخده !!

تعرفي ان دا بسببه ماحولتش انتظام .. وبسببه مادخلتش قسم الاكتواري اللي كنت عايزة

وبسببه دافع 350 جنيه زيادة عن المصاريف بتاعة انتظام .. وبسببه مخليني انزل الصبح بدري عشان احضر محاسبة اولي !!

الاتنين وجهين لعملة واحده .. زي الجنيه المصري كدا .. شوقي بشادي على الوش وصبري العطار على الضهر

والعبي بقي ملك وكتابة وتوقعي مين فيهم هايحط الامتحان ..

انا توقعي ان العطار هوا اللي هايحط .. لإن شوقي بشادي هوا اللي حط بتاع السنة اللي فاتت لمجموعة (هـ ، و) لإن كان هـ بيديها العطار .. ربنا ياخدهم هما الاتنين قادر يا كريم !!

بص بعد اللي انتا قلته معنديش اي حاجة اقولها

no comment

ومعلش وشد حيلك كلنا لها وفي نفس الموقف تقريبا ومركب واحدة مصير الطالب في ايد الدكتور

بس هو بصراحة العطار احسن من شوقي انا حضرتله محاضرات كتير بس في نفس الفكر عندك حق الاتنين وجهين لعمله واحدة

وربنا معانا اصل اللي زيهم بيبقوا ماسكين في الدنيا باديهم وسنانهم

المحاسبة رائعة

الى بيدينى د.سعيد الضو حاجة رائعة

اه سعيد الضو اسم مشهور فى الكلية .. وبيقولوا عليه كويس فعلا

لكن ناس بقي زي شوقي بشادي ، صبري العطار ، احمد الصباغ ، ايمن عشوش ، منصور حامد

اهي ناس زي دي من اخنق ما يمكن ان تتخيل !!

ربنا معانا جميعا

انا اكتر مادة بكرهها بأمانة .. موراد .. economic resources

اسهل حاجة الرياضة .. والادارة والاقتصاد الجزئى حلوين شوية .. والمحاسبة جميلة .. بس لسة ملمتهاش كلها ..

وربنااا معانا .. لأن الفاينال بتاعنا يوم 3\1 .. السبت الجاى يعنى .. واول يوم ادارة

لسة مفتحتش اى مادة على فكرة ..!


استر يارب

هاى ياجماعه انا شايفه انا المحاسبه صعوبتها فى ان احنا ممكن نتكب حاجه واحده غلط وتضيع مجهودنا كله بس الاقتصاد ارخم خصوصا ازا ما اخدناش درس فيه او الدكتور طلع شرحه وحش اوى والاداره سهله والرياضه تافهههههههههههه جدا وتتقفل ومضمونه
بس بجد لو زاكرنا باهتمام مش هيبقى فى حاجه صعبه ولا ايه

عموما انا بدات اغير رائى فى الرياضة


شكرا على ردك

على فكرة الاقتصاد عندنا فلى القاهرة الترم الثانى

اه ومادة سئيلة ورخمة وغتتة وتبته وكل حاجة تتخيلها ..

بالرغم من اني جايب فيها امتياز والحمدلله .. بس بتخنق منها !!

انا بالنسبه ليا هى الاداره ارخم ماده و اغلسهم كلها حفظ حفظ لكن اجملهم الرياضه و الاقتصاد الجزئى و المحاسبه معقوله الدكتور اللى بيشرح لنا رجل كويس و محترم قوى و كل همه انه يطلعنا محاسبيت كويسن لكن عيبه الوحيد انه بيشرح كانه بيقرا ورقة جرنان

مافيش مواد صعبه فى سنه اولى فى الترم الاول ......الترم التانى الله أعلم

انا والله زاكرت مادة الموارد ومادة السلوكيه قبل الامتحان فى الخمس ايام بس من المراجعه النهائيه وكنت منفضلهم طول السنه

والحمد لله شبه قفلتهم والاداره كنت مزاكر نصها فى الدراسه ونصها فى المراجعه وقفلتها والرياضه نفس الكلام وان شاء الله اجيب الدرجه النهائيه فيها

اما الــــــــــــــــمــــــــــــحــــــــــــــــــ ــاســــبـــــــــه هى الماده الوحيده اللى كنت بزاكرها جامد وكنت باخد فيها درس زى ما فامبير قالى وكنت شادد عليها لدرجة ان قبل امتحان الاداره قعدت ازاكر شوية محاسبه وكنت فاهمها ومطبق عليها كتير

وفى الأخر احتمال اشيلها او اترفع بدرجات الرأفه بسبب الامتحان اللى حطوا شوقى بشادى

سبحان الله تشوف شوقى بشادى وهو بيشرح تحس انه حـمار ومش فاهم حاجه فى المحاسبه تشوف امتحانه تحس انه عبقرى ودماغه عاليه اوى

وعلى فكره اصعب امتحان محاسبه يحطوا بشادى هو بتاعنا


المحاسبه كماده لذيذه جدا وسهله جداااااااااا واسهل ماده كمان فى حاله واحده لو فهمتها بمعنى ان يكون الدكتور اللى بيديك بيفهمك

انما لو ما اتفهمتش هتحس انها اوحش ماده تقابلها من اولى ابتدائى لحد اولى كليه

هههههههههههه .. والله يا احمد انا مش عارف اضحك على اللي انا فيه ولا اعيط على نصيبي الاسود

السنة اللي فاتت اللي حطلنا الامتحان كان شوقي بشادي .. وقولت انا اللي مهمل في المحاسبة وانا اللي مابفهمش فيها حاجة والراجل كويس .. وحاولت بقدر الامكان اني اجيب اللوم عليا من كل النواحي .. السنة دي بقي ماقدرش اقول غير حاجة واحده .. حسبي الله ونعم الوكيل فيه سواءا كان شوقي او العطار !!

انا ياما حليت ميزانيات وقوايم دخل .. وعمري ماشوفت قايمة دخل ولا ميزانية بالطريقة اللي جت في الامتحان دي .. بس صراحة انا بحيي شوقي بشادي على المسألة بتاعة الميزانية اللي حاطتها .. لإن اللي مش فاهم محاسبة وواخدها كحفظ مش هايحط سن القلم في المسألة دي نهاااااائي !

اؤيدك في دي تمااااااااااما .. ولو تفتكر قولتلك الكلمتين دول في الاول خالص قبل الدراسة وزعلت مني .. اديك انتا بنفسك اللي بتقول اهو ..

انا هاقولك على حاجة .. كان فيه معيد محاسبة بيدينا accounting في الترم التاني .. وطبعا المجموعة بتاعتنا كلها كانت طالعة لا تفقه شئ في المحاسبة عشان عم شوقي ربنا يكرمه كان مظبطنا .. فاتقدر تقول المجموعة كلها كانت طالعة محبطة الترم التاني بسببه .. فطبعا من المعروف ان الـ accounting معتمدة اعتماد كلي على محاسبة الترم الاول .. فالمعيد دا كان طالع روحه معانا بسبب كدا .. هوا بيشرح على اساس اننا فاهمين.. واحنا ولا فاهمين ولا حاجة .. فجاي بيسألنا انتوا مين كان بيديكوا الترم الاول ؟؟ .. قولناله شوقي بشادي .. فاضحك .. بس طبعا مايقدرش يشتم فيه .. فقالنا مشكلة دكتور شوقي انه بيدي اعلى من المستوي اللي المفروض يشرح بيه .. وهوا من المفروض انه مايديش سنة اولي اصلا .. دا المفروض يبدأ يدي من سنة تالته ورابعة .. وهوا دا كان التفسير الوحيد اللي خلانا كنا مش فاهمين حاجة منه .. هوا بيشرح في وادي واحنا في وادي تاني

اها .. انا شوفت امتحان مجموعة (و) اللي بيديها البشبيشي .. امتحان والله العظيم تلاته اللي مايجيبش فيها امتياز يبقي حرام عليه !

وعموماً .. انا بس بدعي ان اعدي منها واخلص .. عشان انا لو شيلت المحاسبة دي تااااااني .. بعون الله هاتسمعوا خبر اغتيال شوقي بشادي قريباً !

وعموماً .. انا بس بدعي ان اعدي منها واخلص .. عشان انا لو شيلت المحاسبة دي تااااااني .. بعون الله هاتسمعوا خبر اغتيال شوقي بشادي قريباً !

هو انت وقعت مع شوقى بشادى تانى ولا ايه؟؟؟؟؟؟؟؟

انا كنت حاطت فى دماغى ان كل سنه بيتغير الدكتور بتاع المجموعه

يادى النيله يعنى انا لو شيلت المحاسبه ممكن يدينى الزفت ده تانى السنه الجايه

لأ انتا فهمت غلط

انا اللي بيديني في مجموعتي صبري العطار .. وصبري العطار دا عامل الكتاب معا شوقي بشادي

فا كل واحد بيدي مجموعة .. بس واحد بس اللي بيحط الامتحان ..

واللي حط الامتحان السنة اللي فاتت والسنة دي هوا شوقي بشادي

السنة اللي فاتت كان امتحان مجموعة هـ زي بتاع و .. لإن الاتنين كان بيديهم العطار وبشادي

ونفس النظام السنة دي برده .. مجموعة هـ و ز نفس النظام ..

ههههههههههههه مش فارقه كتير العطار يدينى وبشادى يحط او العكس انا كنت خارج من الامتحان وسامع الدعاوى عليهم هما الاتنين

ربنل يشل ايديهم عشان يبطلوا يلعبوا بيها فى الامتحانات

:av4056bb7jp3:يا جماعه انا شايفه ان اصعب ماده هى الرياضه فعلا بالذات للى كان ادبى ومدرسى رياضه 2 لان هى بتسهل شويه
وبعدين يا جماعه انتوا لسه بتقولوا ياهادى امال لما تطلعوا رابعه زى هتعملو ايه فى التكاليف ولا الضرائب ولاالاحصاء ولا.......................................
انا من جامعه الزقازيق وعموما الى بيحدد صعوبه المواد هو الدكتور حسب طبيعته هو اذاكان طيب ولا رغم وعايز يسقط الدفعه
وربنا معاكوا:078111rg3:

الله يبشرك بالخير انا لسه فى سنه اولى و متعقد من الاداره و الحمد لله بتاسس فى المحاسبه و لكن الرياضه ماده روعه للناس بتوع ادبى و الناس بتوع علمى الرياضه الواحد بيحس انها ماده كول كده مش زى بقيت المواد و اى ماده فيها ارقام زى المحاسبه كده برده لانها بتعتمد على اللى بيشغل مخه