|
الوداع
أنا هانى
interpreter خلاص يا جماعة هريحكم منى ومن مشاكلى اللى مش عارف هى فين أصلا للأبد بس قبل ما أمشى عندى كلمتين محشروين فى زورى لازم أقولهم الادراة ظلمتنى جامد جامد أوى وأنا مش مسامح فى حقى ويوم لما نقف خصمين أمام المولى هطلب منه حقى وأكيد ساعتها هنعرف مين الظالم ومين المظلوم أنا اللى حصلى فى المنتدى ده مش حصلى فى حياتى كلها رغم انى مسجل من شهر اا بس اتهنت جامد ومش عايز أقول اتمسح بيا البلاط اشتركت فى منتديات من كل أنحاء العالم بتلت لغات وفى كل الاديان السماوية والارضية كمان (صنع البشر ) ومش حصلى اللى حصل هنا عارف ان المنتدى مش يهمه أصلا واحد زى وانى مفرقش معاه فى حاجة بس هو كان يهمنى لانى اتعرفت هنا على ناس كنت أتمنى أتعرف عليهم أكتر من كده بس برده أنا استفدت كتير من المنتدى كفاية أوى انى اتعرفت على واحد زى نجم المشاعر يا أصحابى الميل بتاعى مع نجم المشاعر لو فيه حد اتجنن وفكر انه يكلمنى هتوحشونى والله من فضل الادراة لو لسه فيه ذرة عدل من المشرفين أو انصاف الموضوع مش يتحذف ممكن يكون القسم العام مش مكانه بس أنا معرفش مكانه فين أكرر تانى يا ريت الموضوع مش يتحذف سلام |
بالتوفيق ان شاء الله
بس بصراحة الكلام اللى انت قلته تستاهل الوقف عليه يا هانى ومتنساش انك ازهرى يا بطل عموما ربنا يوفقك |
سبحان الله العظيم
صبرا جميلا والله المستعان |
هو مين عاوز ايه :confused: طب اعتقد انك المفروض تقول ايه اللى حصل هو انا تابعت المشكلة من الاول وعرفت بعد كده ان عضويتك رجعت تان خلاص ايه اللى حصل ووقفك تان وليه بدل ما كل شوية بتنزل مواضيع متكلمتش مع مستر/عصام (صوت الحق) او اسلام (المرشد) او محمد السادات |
اقتباس:
أزاى يا بشمهندس تعاقب انسان على أفكاره ومعتقداته أنا فعلا أزهرى بس مش بالضرورة يكون فكرى زى الازهر وشيوخه ما علينا ده مش موضوعنا دلوقتى وربنا يوفقك انت كمان وتبقى أكبر بشمهندس فى مصر عارف ايه هى أكتر حاجة وجعتنى لما بقيت سبب فى ايذاء غيرى لومبروزو لما اتوقف هو كمان عشان بيدافع عنى |
اقتباس:
وأنا فى ايدى ايه غير الصبر بس بجد انا حسيت بالمهانه ومش مسامح أى حد ظلمنى أعرفه أو مش أعرفه |
اقتباس:
وبصراحة أنا زهقت ومليت من الكلام وشكلاا لحضرتك |
اقتباس:
مع انه خارج الموضوع لما تقول كلام حصل من واحدة قبل كدا فى اميركا والدنيا قامت عليها وشيوخ الازهر والعلماء والكل عارضها ونتا تيجى توافق على حاجة زى اللى هيا عملتها مع انك مش مفتى الديار المصرية ولا عالم ولا انا افقه شىء فى الدين ولا انت وتقول كدا يبقا تستاهل الوقف يا هانى ومتشكر يا هانى ربنا يوفقك |
اقتباس:
مين دى ؟ وعملت ايه ؟ وبعدين مش لازم أبقى مفتى ولا شيخ من الازهر عشان أقدر أعير عن رؤيتى لموضوع ما وبعدين مشايخ الازهر نفسهم كل واحد ليه راى يخالف رأى الاخر كده ولا أنا غلطان واختلف الفقهاء أكيد لسه فاكر الكلمة دى لما كنت فى ثانوى وعلى كل أستاهل ولا مش استاهل كله محصل بعضه خلاص والحكم بنا هيكون العدل يوم العدل |
بالرغم من انى مش اعرفك بس بجد صعبان عليا انك تسيب المنتدى وبجد كانت ردودك مميزه بس اللى انت شايفه صح اعمله :) |
الموضوع فيه حاجة غلط
عمتا هو عبقرينومان هو اللى وقفك بس انا اتكلمت معاه وان شاء الله يكون فى حل للموضوع ده |
محمود معلش عايز اقول حاجه
هوا لو اتوقف عشان تفكيره وكلامه يبقى مش كدا مش صح لانك بتوقف حد اذا خرج عن قوانين المنتدى يعنى قال لفظ خارج او شتم حد او كدا لكن دا بيفكر فى حاجه وقالها سواء بقى تفكيره دا صح او غلط ميستحقش الوقف لانه بالطريقه دى برضه تفكيره الغلط لسه فى دماغه انت المفروض بدل متوقفه عشان تفكيره تحاول تقنعه بالصح وهوا يا يقتنع يا ميقتنعش بس يبقى عملت الى عليك مش توقفه على طول |
اقتباس:
طب كويس ان فيه حد حس بيا هو انا سبته بمزاجى بصراحة كده الناس جبتها على بلاطة وأنا مجبر أعمل كده ومرسى ليكى |
اقتباس:
اختلف الفقهاء مقالوش اختلف الطلاب ولا اختلف طلاب الازهر كل واحد ليه دور بيقوم بيه مينفعش انا ابقا مدير بنك دلوقتى ولا انت تنفع تبقا مفتى وتعبر عن رايك حضرتك تعرف ايه عن الدين علشان تقول انا رايىى كذا ووجهة نظرى كذا مش هقولك اكتر من اعقلها وتوكل |
اعتبر الموضوع منتهى
وبالتوفيق ان شاء الله |
اقتباس:
لان الوقف اتشال من عليك عمتا استنى شوية لغايت ما نعرف فى ايه ومتمشيش |
اقتباس:
مين عبقرينو مان ده أنا معرفهوش بس تعرف رغم انك اللى وقفتنى أول مرة بس محدش وقف جنبى غيرك وغير لومبروزو ولومبروزو خلاص اتوقف ربنا يسترها عليك أحسن انا بقيت ماركة مسجلة للاجرام |
اقتباس:
الموضوع مش بالسن يعنى لو دخلت أشهر المواقع الدينية والاجتماعية والسياسية هتلاقينى هناك مش عايز أقول اسماء عشان بتقولوا ده محالف وعلى فكرة أنا مش بعتبر نفسى من طلاب الازهر لانى فكرى مختلف عنهم فى حاجات كتير وانا أصلا محضرتش فى الازهر كنت بمتحن فى السفارة وأنا فى كندا تالتة بس اللى حضرتها فى مصر على فكره كنت فكرك بتفكر بشكل تانى خالص غير ده |
اقتباس:
هو الاستاذ اشرف مدير الموقع عمتا متفائل خير وان شاء الله الموضوع هيخلص والايقاف هيترفع بس الصبر |
اقتباس:
أخير لقيت حد فى مصر بفكر كده |
اقتباس:
انه قال حاجة مخالفة فى الدين اقرأ قوانين المنتدى كويس عموما انا مش مع وقفه على كدا بالعكس انا نفسى اصححله كلامه بس المشكلة مش معايا ونا اساسا معرفش مين اللى وقفه عموما هما بيقولو ان العضوية رجعت وفى حاجة تقريبا غلط :::::::::::::::::::: ونا مش ضده ولا حاجة محترف الادسنس كان بيقول اكتر من كدا ومع ذلك انا كنت اول المعارضين على وقفه كنت بقول لازم نصححله مش نوقفه بس الظاهر ان الحكاية فيها لبس واسلام هيشوف المشكلة :::::::::::::::::::::::::::::::::::::::::::::: واسفين ياعم هانى لو احنا مقصرين معاك شويتين ربنا يوفقك |
اقتباس:
يا بشمهندس الدين مش حكر على حد ومفيش حاجة اسمها مسلمات كل فكر قابل للنقاش واى فكر يحتمل انه يكون غلط وممكن فيه حاجة تبقى من المسلمات قرونا من الازمان وبعد كده نكتشف اننا كنا غلط والامثلة كتيييييييييييييرة زى موضوع الختان مثلا أنا ممكن أكون غلط وانت ممكن تكون غلط وغيرنا ممكن يكون غلط والبرهان والادلة هى التى نثبت مين اللى صح وفى النهاية لازم هيفضل فيه اختلاف لحد يوم الحق (ولا يزالون مختلفين ) |
اقتباس:
أنا اللى أسف |
اظن بعد الكلام اللى اسلام قاله انه هيشوف الحكاية
يبقا الموضوع ملوش لازمة وانك هتفضل معانا ايه رايك بقا احذف الموضوع دا |
بعد اذن المشرف الادارى محمود
الموضوع مش هيتحذف ياريت تيقفل بس ويفضل لغاية ما عبقرينومان يدخل يشوفه او الاستاذ عصام يبص عليه |
تم وقف العضو صاحب الموضوع
وتم التأكد من اكثر من مصدر بأن العضو يقوم بوضع مواضيع وردود تبيح ما لم يحله الشرع ولن نرضى أبداً أن يكون بالموقع من هو صاحب فكر جديد فالعضو ينقل عن موقع القرآنيين والقرآنيين هم الذين يؤمنون بالقرآن وينكرون السنة ولهذا تم وقف العضو نهائيا وأي عضوية سيتم انشائها سيتم وقفها للابد ولو مائة الف عضوية هيتم وقفها ورجاء اغلاق ملف مشكلة هذا العضو |
على فكرة يا استاذ اشرف
هو نفسه امير الظلام والله اعلم وهو نفسه العندليب برده |
| جميع الأوقات بتوقيت GMT +2. الساعة الآن 11:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.