|
ضمير للبيع ..,,
ازيكن ياجماعة كيف الحال اولا كدة احب اقولكوا فالبداية انى باعترف وبقر انى كنت غلطانة لما عملت موضوع وقولت المشرفين مش بيزلوا مواضيع وانا من اول ما مسكت الاشراف عاوزة انزل الموضوع دة و مش فاضية انزله ياشماتة ابلة زوزو فيا :d المهم ندخل فالموضوع طبعا باين من عنوانه الضمير :bosyht9: الى مبقاش موجود نهائى محدش بقى عنده ضمير هحكلكوا شوية مواقف كدة مرة كنت بشترى فراخ كان فى واحدة ست بتشترى برضه الراجل حسبلها الفرخة ب32 جنية بس انا كنت واقفة وكنت شايفة وزنها فقولت اية دة ازاى تبقى كدة وب32 جنية حسبتها وانا واقفةعالسريع لقتها 25ونص:mad: قولتله ازاى حسبتها قالى عالالة الحاسبة قولتله طب ورينى كدة قالى هو حضرتك تبعها قولتله لا بس الفرخة دية تمنها كذا اتلجلج وقالى ماهى طالعة عالاله الحاسبة قولتله طب ورينى كدة مسحها وقالى احسبها تانى ممكن حد فيكوا هيقولى ما يمكن اتلخبط فالحساب هقولكوا اتلخبط ازاى وهو مش بيحسب فى دماغه يعنى ولو مكنش غلطان كان ورانى ولو كان غلطان فى فرخة اصلا 32 جنية بيهزر ؟؟!! دة موقف حصل قصاد عينى الراجل استغل ان الست عشان على قد حالها وشكلها مش متعلمة وقال ازود الحساب بس كون انه يزوده المبلغ دة كله يعنى الناس بقت بتاكل فى بعض ومبقاش فى حد بيراعى ظروف التانى زى مثلا موضوع فيفا الى عن الراجل الظابط والسواق لا بقى فى قلوب رحيمه ولا فى ضمير يصحى يقولهم لا ومليون لا كمان طب هقولكوا على حاجة كمان معلش بس عشان دمى محروق تعرفوا ان فرن العيش بيجيلوا دقيق مالحكومة لتدعيم العيش والدقيق دة ببلاش وصحاب الفرن مش بيدعموا العيش وبعتبروا الدقيق المدعم زى العادى منتهى الامان لو الواحد قالكواعن كميه المواقف الى حصلتله مش هنخلص بس انتوا اية رايكوا فالى بيحصل واية الى وصلنا لكدة ما احنا لو رعينا ربنا فى غيرنا الحال هيتصلح كتير مستنيةالارآء نورتوا :) |
اقتباس:
الموضوع منور بلمبته:d |
والله موضوع فى الجون يا نسوم الضمير ده مشكلة بلدنا الضمير يعنى كل حاجة لو الضمير كويس الشخص يكون صالح لو العكس يبقا شخص فاسد عندك مثلاً تلاقى واحد مُلتحى وبيرشدى بنقول عليه معندهوش ضمير فى شغله مثلاً مدرس مش بيشرح كويس بنسميه مش بيشرح بضمير يعنى معندهوش ضمير فى شرحه مثال تانى البياعين زى ما قلتى معندهمش ضمير فى عملهم و الطالب الفاشل اللى زى حالاتى كده مش عنده ضمير فى مذاكرته واللى بيرموا الزبالة فى الشارع ماعندهمش ضمير إنسانى ووطنى يعنى معفن واخدة بالك يا نسمة :slap1qk6: ( محدش يفهمنى صح نسوم دى زى الفل وحبيبة قلبى ) فى أمثله كتير لانعدام الضمير داخل الانسان وللأسف دى مشكلة بلدنا لو كل واحد يمشى بضميره وبما يرضى الله ماكنش ده بقا حالنا الانسان بطبيعته طماع بيحاول بأى وسيلة الوصول للمال والسلطة والنفوذ وده بيحصل بقتل الضمير وربنا يهديلنا أنفوسنا موضوع فعلاً مهم ويستاهل المناقشة جزاك الله خيراً يا نسومتى واكلت لحم طيراً يا نسومتى ورُزقت من الجنة منزلاً يا نسومتى |
ضمير ايه بس ده ماااااات من زمان الناي بقت بتاكل في بعض انا مبقتش اثق في حد و بشك في كل واحد لاني شايف ان الناس كلها ضميرها مات . انا حصلي موقف من كمام يوم نصب نصب يعني :049gc0: جاتلي رسالة على الموبايل رقم بعتلي رصيد و بعديها الرقم ده اتصل بيا لقيت واحد راجل صوته كبير بيقولي ممكن ترجعلي الرصيد اللي اتحول بالغلط ده قلتله و لا يهمك هاحولهولك تاني و من حظه الوحش اني مكنش معايا رصيد اصلا جيت احولوا الرصيد تاني الاقي الست بتقولي لقد نفذ رصيدكم عرفت ساعتها انهم بيقلدوا الرسالة اللي بتبعتها الشركة لما بيتحول الرصيد بس كنت متغاظ ااوي . الناس خلاص بقت وحشة ربنا يهديهم |
اقتباس:
كلنا لها وفعلا كما تدين تدان :( كانت تقطع صوبعينى ولا كنت عملت الموضوع ((بعد الشر عليا :d)) اقتباس:
بس طبعا محتاجة يكون فيها ضمير لو كل واحد فينا مراعى ربنا كويس البلد هيتصلح حالها هو احنا الى فيه دة مش من اعملنا ((لا يغير الله بقوم حتى يغيروا ما بانفسهم)) يعنى احنا لما نغير من نفسنا ونعدلها شوية ربنا هيبدل الحال المايل الى احنا فيه دة وانتى بتقولى ان الى ضميره صاحى بيغلط طب واية يعنى؟؟ مين فينا مش بيغلط وتجيله لحظات ضعف !! كلنا بشر وبشر يعنى بغلط وبتعلم وبصلح لكن العيب بقى انى اكرر نفس الغلطة تانى اقتباس:
بصى يازينب لو انتى المفروض تشيلى حاجات كتير مرة واحدة وهى صعبة عليكى بس لازم تشليها مش عالاقل هتشيلى جزء منها وتقولى نص العمى ولا العمى كله بظبط احنا بنعمل كدة تلاقى عندنا ضمير بس الظروف هى الى بتخليكى مش قادرة تظهريه بس لو الظروف سمحت هتظهريه ونص يعنى مثلا انا مقدرش ضميرى يخدنى واروح اقول لدكتور انت معندكش ضمير عشان بتدخل ربع ساعة وتجرى كدة بضيع مستقبلى فالحالة دية الضمير بينعدم بس لما تلاقى موقف يستحق وانك لازم تخرجى ضميرك وتصحيه اكيد مش بتتاخرى ابدااا مش كدة ولا انا كمان بخرف:unsure: اقتباس:
عن جد نورتى ياحببتى:) |
اقتباس:
|
اقتباس:
امين ياحببتى ربنا يخليكى وبجد انتى الى كلامك فالجون وقومى نزاكر بقى بمناسبة الضمير المخلع دة |
اقتباس:
حصلت معايا قبل كدة بس انا اخدت بالى على طول ان الرسالة جاية من رقم مش من الشركة دية باينة اوى حتى موضة قديمة :romarioxp6: |
موضوع جميل يا نسمة بس هانعمل ايه زى ما بيقولوا: يبقى الحال كما هو عليه و على المتضرر اللجوء للقضاء :) thanks يا قمر على التوبيك |
موضوع جااااااااااامد وفو ق الممتاز
|
عنوان الموضوع صعب قوي .... سبب لي صدمة ..لكن الحمد لله
|
لو عايزه تكتبي أمثلة كتير أوي أوي إكتب كلمة " حكومة " وبس لو لقيت ربع كيلو ضمير تعالي هاتيلي hitman وخليه يغتالني
|
فى جملة بشوفها دايما وبحب اكررها
الا وهى الضمير فى اجازة الضمير تقريبا مات مع اللى ماتو فى تلاتة وسبعين معدش حد بيراعى ربنا كله هامه حاجات دنيوية ومش مهم ضمير ولا حساب كلو نسا ان فى حساب ان فى عدل مش هنتكلم كتير فى الموضوع كل اللى اقدر اقوله ربنا يهدى ::::::::::::: دمتم فى رعاية الله |
بااااااااااااااااااااااااااااااااااااااااااااااااا اااااااااااااااااااااااة
الكلمة دى باااااااااااااااااااااااااااااااااااااااااالى كثير ماحستهاش فى التعاملات اليومية مع ناس كثير لكن ريقى نشف وقلبى وجعنى من كثرة قول خلى عندك ضمير لاولادى فى البيت وفى المدرسة ان شاء الله ترجع ثانى فى قاموس حياتنا اليومية ماتكونش خارج نطاق الخدمة ارجو من اى شركة محمول اعادة الشحن علشان تفعل مع 2009 :stickjo4: :078111rg3: :romarioxp6: |
يااااااااه الضمير
ده الله يرحمه من زمان اوى ضمير ايه اللى انت جاى تقول عليه معتش طبعا حد عنده ضمير خالص يمكن قليل اوى اللى لسه عنده حاجه اسمها ضمير ده احنا حتى معتش عندنا ضمير فى المزاكره اللى بنزاكرها بقت كلها مزاكره تيك اواى يبقى اشمعنا الراجل بتاع الفراخ تسلمى على التوبيك |
اقتباس:
شكرا لمرورك بس احنا مش مضطرين ولا حاجة احنا مش بنحاول نطلع ضميرنا معاهم معاهم عليهم عليهم هما مش عندهم ضمير طب يلا احنا كمان مش عندنا احنا لو هنستخدمه فى اصغر المواقف حاجات كتير هتتعدل فى حياتنا |
اقتباس:
مش للدرجاتى شكرا لمرورك |
اقتباس:
لية ؟؟؟؟؟؟؟؟ايه الصدمة فى ((ضمير للبيع)) مين يعنى عنده ضمير :) |
اقتباس:
:bosyht9::bosyht9::bosyht9: بلاش ندخل فالسكة دية اذا كان رب البيت ميعرفش الضمير فشيمة اهل البيت معندهمش ضمير بس احنا برضه لازم نغير نفسنا الاول |
اقتباس:
مش عارفة بصراحة ارد واقول اية شكرا لمرورك |
ياااااااااااااااااااه الموضوع ده جاى متأخر أوى يانسمه هو مين دلوقتى لسه عنده ضمير عارف إن فيه بس للأسف قليل وقليل جدااااااااااااااً كمان وكله بيتحجج بالظروف والزمن وتلاقى الكلمه الشهيره طالعه يعنى أعمل إيه آكل عيالى لاء ياسيدى متكولش بس أكلهم بالحلال يقولك هو أنا لقيت الحلال وقولت لاء هو فيه حد يابنى بيبقى عاوز يبقى حرامى بس أديك شايف الزمن والدنيا عامله فينا ايه عاملك فيه ايه ياعمنا الواد مصاريفه كذا والبت بتبص لزملتها وعاوزه تبقى زيها أعمل ايه يعنى ما أنا لازم أعمل كده . وللأسف بتقفى قدام الكلام والتوسلات عاجزه مستغربه طب هتقوليله إيه ده والنبى مش لاقيه كلام تايهه والسبب للأسف الفساد اللى مالى البلد الشعب كم وسبعين مليون كام ألف هما اللى واكلين الباقى والباقى بيقطع فى بعضه على الفتات للأف الموازين مقلوبه ومبقاش فيه حاجه مضبوطه والسبب فى كل ده البعد عن الدين والتمسك بالدنيا و مفيش فى إدينا غير الدعاء نقول كلنا يااااااااااااااااااااااااااااااااااااااااااااااااا ااااااااااااااااااااااااااااااااااااااارب عارفه يانسمه ممكن تقولى اللى بيسرق مش محتاج وفيه صور من دى كتير بس ده اسمه الجشع وده أكتر سبب بيخلى الناس تقطع فى بعض شايف اللى معاه ومش محتاج بيهلب طب اللى مش لاقى يعمل ايه والمشكله ان اللى بيقع دائما اللى ش لاقى الموضوع كبير والواحد لو إتكلم مش هيسكت النهارده فكفايه كده عشان مش أطول عليكى |
ايييييييييييييييييييييييييييييييييه ياقمر
دا انتى شكلك الموضوع مأثر فيكى جامد اوى هو صح المواقف دى بتحصل كتير حتى انا لسه متعرضة لواحد منها قريب بس انا اللى اتنصب عليا ومكتشفتش كده غير لما روحت البيت وساعتها قولت هعمل ايه خلاص ربنا بنتقم منه ومش فى حكاية الفلوس كمان انتى ممكن يتنصب عليكى فى سر او فى كلمة انك ممكن تعرفى تقولى لحد حاجة وبعدين تلاقى ناس تانية ولا تعرفيهم ولا يعرفوكى بيكلموكى فيها ساعتها تعملى ايه؟ طبعا الانسن اللى نتى قولتيله ده اكيد ماعندهوش ضمير وغيرها كتيييييييييييييييير ممكن تتعرضى لاى موقف وفى اى مكان مع ناس فقدو الضمير هنقول ايه ده مرض ربنا ابتلاهم بيه ربنا يعفينا |
جيتي علي الجرح يا نسمة ضمير مين يا نسمة ده انا مرة كنت راكب ميكروباص و بعدين قولتله واحد من 10 فنزلت و علي اساس انه هيديني الباقي لقيته ماشي قولتله ايه بقية العشرة تعرفي يقولي ايه هو انت لسه فاكر و الله كان هيضرب و بعدين ضمير ايه وسط السرقة و النهب و ****** الاطفال و و و نرجع نقول اصل ده ضير بجد الناس دي حسابها عند ربنا ازاي بيحللوا الفلوس دي ده انا و الله لما بلاقي فلوس مش هقولك في الشارع لا علي المكتب بتاعي بسال عليها الاول و بعدين اخدها بس يلا اهو كل واحد و ضميره شكرا يا نسمة علي موضوعك في امان الله |
|
بس لوسمحت يا نور عيزه اعرف رد فعلك لما عرفتي انه بيكدب
|
بس لو سمحتي يانسمه انا عيزه اعرف رد فعلك لما حسيتي انه كداب
|
اقتباس:
عفوا !!!! الضمير موجود في كيان كل انسان وانسانة يتمتع بالصدق الداخلي مع نفسه برغم المآسي و الاهوال التي نراها ونسمع بها لكن الضمير ...ابدا لا يباع ..لانه الشئ الوحيد الذي لا يمتلكه المرء منا وانما هو [الضمير] الذي يمتلكنا نحن فكيف نبيع ما يمتلكنا الضمير هو العملة الوحيدة التي لا تتغير بتغير الظروف ولا يصدأ بتعاقب السنون وانما تزيده السنوات بريقا ولمعانا واذا كانت النماذج التي وقعت عليها عيناك تتسم بـ [ سكرة الضمير ] فهي نماذج شاذة لا تعبر عن الحقيقة التي تظهر حولنا يوميا برغم خفوتها احيانا الا انها حتما ستصبح هي السائدة يوما ما ارق تحياتي |
اقتباس:
شكرا لمرورك حضرتك :) |
الضمير موجود بس خارج نطاق الخدمة حاليا ... اعيدي الاتصال بعد كام سنة
احكيلك حكاية صغيرة : واحد اعرفه معاه عربية , و هو ماشي لقي لمبة منورة جنب العداد , زي كل الناس راح لميكانيكي , فقعد يتفحص فيها شوية كدة و قال له : مش عارف اللمبة منورة ليه . العربية تمام خالص و بعديها راح بص ف العربية تاني و قال له جرب دلوقتي ؟؟ اللمبة ما عدتش منورة .. الحمد لله .. طب ايه السبب ؟؟ فببساطة قال له اللمبة اللي مضايقاك أهي ( اصله شالها ) شوفي الضمير اللي بتسألي عليه فين ؟؟ تخيلي لو واحد ما سألش و راح واخدها و مكمل كان حصل ايه ؟؟ معلش طولت عليكي ثانكس ع التوبيك |
اقتباس:
هو مش انا ضربتك قبل كدة وقولتلك متكتبيش باحمر:slap1qk6: خالى عندك ضمير واسمعى الكلام حبة جد بقى بصى يابسبوسة لو هنقول اشمعنى الراجل بتاع الفراخ واشمعنا الراجل بتاع التاكسى واشمعنا الراجل بتاع الخضار واشمعنا الوزير واشمعنا الغفير يبقى باظت |
اقتباس:
بص يامحمد بجد لو كل انسان فالدنيا احترم دينه وعمل زي ما بيقول هنستريح كتير احنا مش جايبنا ورا غير اننا بعدنا عن دينا كتير وكتير اوى كمان ((انا عند ظن عبدى بي فليظن بي ما يشاء)) لو الواحد اعتقد ان ولاده هيموتوا مالجوع وقال ان ربنا مش هيديه يبقى ظنه فربنا هيحصل لكن لما كل واحد يرضى بالى ربنا قسمهوله وقال اكيد ان شاء الله ربنا هيبدلنى احسن منها صدقنى هنستريح اكتر الرضا دة اساس السعادة بس زي ما قولت الجشع كل واحد بيبص لنص الكوباية الفاضى بيبص للى فى ايد غيره وعايز يبقى زيه واحسن منه كمان وللاسف الانسان دة بيعيش ويموت مش راضى بالى هو فيه مهما كان |
اقتباس:
بس انتى لازم تتاكدى من حقك كويس قبل ما تتحركى خطوة واحدة مش لما تروحى البيت :slap1qk6: نورتى ياجميل |
اقتباس:
العفو ياشريف شكرا لمرورك انت بس انت لية يعنى استنيت لحد ما جيت تنزل يعنى قاعد طول السكة ساكت وجاى تتكلم وانت نازل ياعينى عليا :( |
اقتباس:
شكرا ليكى انتى ياجميل يسلملى مرورك:) اقتباس:
اقتباس:
انا نور ولا نسمة يعنى لخبطينى ياراجلة ولا نور دية كانت واحدة معدية فالموضوع ماعلينا كان رد فعلى ياستى ان اصلا الست دعت عليه وسبتله الفرخة ومشيت مش اخدتها وانا كمان مشيت مش اشتريت من عنده روحت لواحد تانى انا كفاية عندى انى عرفته انه معندوش دم وعرفته انه مش زكى يعنى عشان يعمل الحركة دية كفاية انه وقف ومعرفش يفتح بوقه بكلمة |
اقتباس:
حضرتك الضمير موجود فعلا فى كل انسان بس فى ضمير ميت وضمير صاحى ضمير بيتألم وضمير مرتاح وفي غيرهم وغيرهم بس اية اكتر ضمير حاليا هنقول الضمير الميت اغلبية الناس مبقاش عندهم ضمير باعوه عشان يكسبوا الدنيا ومتاعها نورت الموضوع للمرة التانية :) |
اقتباس:
شكرا لمرورك |
الموضوع شدني العنوان بتاعه بس أنا مستغرب إن إنتي لسه واخده بالك ضمير إيه و بتاع إيه ده مفيش حد بقي عنده دم إلا من رحم ربي تلاقي الراجل التاجر بيكلم الزبون و يقوله يا باشا يا سيدنا و أول ما يمشي بيلعن فيه و في اليوم اللي شافه ويقول عليه كلام يكرهك في الراجل من غير ما تتعامل معاه و غير كده كتير الأصحاب اللي بذمتين علي رأي المثل "معاهم معاهم عليهم عليهم" يبقي معاك صاحبك و حبيبك و كفاءة هما خمس دقايق بس يعدهم مع واحد تاني يطلع عيوب الدنيا فيك حاجة والله تشل بس نعمل إيه |
اقتباس:
معلش اصلى لسة شايفة دنيا بجد من كام يوم كنت قبلها لسة مغضة لا افقه شيء عالعموم انا تعبت مالموضوع دة شكلى كدة هقفله واجرب فى نفسى الصلاحيات اقتباس:
|
اقتباس:
ممكن نهدى ؟؟ الراجل ميقصدش يوجة كلامة ليكى يانسمة هوة قصدة ان مبقاش حد عندة ضمير الا القلة انا والله عاوز ارد فى الموضوع من زمان بس كل مرة يحصل حاجة وتعمدت بقى انى ارد دلوقتى بس والله انا لو مكانك فى الراجل بتاع الفراخ دة كنت قفلت لة محلة وفضحتة فى المنطقة كلها اقرب المواقف ليا كانت امبارح كنت راكب عربية وبحاسب فبدل اما اطلع نص جنية طلعت خمسين جنية وكنا باليل بقى ومش واخد بالى والسواق اخدها ومشى وانا ادور على الخمسين جنية مش لاقيها بس انا الحمد لله عارف السواقين كلهم بتوع منطقتنا يعنى وعملت اتصالاتى مع السواقين ههههههههههههههههه والحمد لله الخمسين جنية جت بس بالعافية فمعتش حد عندة ضمير ربنا يستر علينا يارب شكرا يانسمة على التوبيك جزاكى الله خيرا |
اقتباس:
انا بتكلم جد والله مش اقصد حاجة ابداا بالعكس انا بحترم رأى محمود واحب اشوفه دايما وانا بجد بقول الحقيقة انى لسة شايفة الحاجات دية من قريب مكنتش متخيلة ان فى ناس كدة الواحد بيتعلم لسة مالدنيا بس يمكن انا ابتدتها متاخر شوية |
والله موضوع جميل جزاك الله كل خير
|
اقتباس:
اولا معلش انى فهمت غلط بس الجملة الى خلتنى اقول كدة هيا الجملة دى اقتباس:
ومعلش مرة تانية انى فهمت غلط فى امان الله |
اقتباس:
حمد الله على سلامتها جزانا واياكم يامحمد وشكرا لمرورك |
اقتباس:
جزانا واياكم |
اقتباس:
كان المفروض احط جنب ردى الايموشن دة:d بس كسلت افتح الايموشنز بصراحة:006et4: وانا قولت انى تعبت مالموضوع لانه عمال يقلب عليا المواجع ويشيطنى اكتر ما انا شايطة وبما انك بتحب الشياط فقولت تشيط الموضوع عارفة انا الحركات دية:p شوفتوا الايموشنز بتنقع وقت الزنقة ازاى:bosyht9: |
اقتباس:
انا بحب الشياط هههههههههههههه ماشى ياختى كل شئ بحسابة :slap1qk6: اقتباس:
وعلى راى المثل الايموشنز الابيض ينفع فى اليوم الاسود هههههههههههههه حصل خير يانسمة انا كنت بوضح ردى بس مش اكتر فى امان الله |
اقتباس:
و الله مش متأخر ولا حاجة و ده مش وحش بس الأوحش إن الواحد لما جه يتعرف علي الدنيا إتعرف عليها و هي علي حقيقتها مش زي ما ناس كتير بتحلم و تحاول تضحك علي نفسها و تقنعها إن الحياة زي ما في الحلم لأ أنا ممكن أكون أه لسه صغير في السن نوعا ما بس مريت بتجارب متخيلش إن حد في سني مر بيها ده ممكن عشان كل اللي أعرفهم ناس أكبر مني فعقليتهم أكبر و تجاربهم أكتر بس أنا فعلا مكنتش عايز أبقي كده عشان لما شوفت الدنيا علي حقيقتها إبتدت الناس تزعل مني عشان أنا إتصدمت و كان لازم أعرفهم كده و لما بقابل ناس لسه عايه في الوهم بيصعبوا عليا و بيقبي في فرق بيني و بينهم علي ما أوصلهم الحقيقة الموضوع فعلا مش سهل but i am really become stranger than wat i was in may be for the best or not but it is my life i av a lot of words inside me i canot tell any one stay in silent inside me was my choice and stile my choice و ده بيبان عليا و أصحابي ساعات بيلاحظوه بس انا فعلا بقيت غريب الأطوار يلا عشان أنا فعلا إبتديت أخرف جاااااامد _________________________________________ و علي فكرة يا محمد أنا حتي لو أي حد غلط فيا أنا مش بزعل و إحنا كلنا إخوات في بعض و بلاش كلمة شياط عشان المنتدي هنا كله شياط :):):):):):) و أنا بعدت عشان صدري خلاص ضاق و مش مستحمل أكتر من كده عشان أنا باخد علي صدري (و مش بشوط) بكتم في نفسي يلا سلام :078111rg3::078111rg3::078111rg3: |
| جميع الأوقات بتوقيت GMT +2. الساعة الآن 08:20 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.