|
الموضوع شفته وممكن يعجبكم تحط اى حاجتين واللى بعدك يختار بينهم وبعد ما اللى بعدك يختار يروح حاطط حاجتين تانيين وهكذا ابدا انا اذا خيروك مابين تاكل صرصار ولا ترجع المدرسة تاانى ؟؟ |
الصرصار طبعا
هو دى فيها تردد اختار/ى بين الشغل فى اوقات الفراغ ولا اللعب فى اوقات الفراغ |
هو على حسب مزاجى
بس اختار اللعب فى اوقات الفراغ طبعاااا مش اوقات فراغ ؟؟؟؟؟؟ لو خيروك بين تغسل المواعين ولا تنزل تجيب الخضاار ^_^ |
انزل اجيب الخضار
طيب لو خيروك يجيلك انهيار عصبى ولا تدخل امتحان ثانوية عامة |
انت بتخيرنى بين حاجتين ما فيهومش اختلاف عن بعض
علشان كده انا هاختار الانهيار العصبى مش هاتفرق كتير لوخيروك ما بين الجوع و العطش |
بصراحة انا اقدر اتحمل ال2 مش بتفرق معايا يعنى
بس لو فى الحر ده اختار الجوع احسن و لو فى الشتا يبقى العطش طيب لو خيروك بين انك ترمى نفسك فى النيل ولا فى البحر؟؟ |
اختار النيل عشان ميته حلوة مش توجع عيونى لو خيرتك بين الخروج فى نزهة نيليه او انك تشوف فيلم كوميدى .. |
طبعا انا افضل النزهة النيلية لان عمرى ما عملتها و لا عمرها ما هتحصل
فبالتالى مجبرة ع الفلم الكوميدى طب لو خيروك بين انك تنط من الثانوية العامة و متخدهاش و تدخل جامعة دوغرى ع طول و لا تاخد الثانوية العامة و متروحش الجامعة . بس طبعا هيدوك المؤهل اللى هتطلبه ها.؟؟ |
طبعا انط من الثانوية العامة هو انا حنط وبس دنا حجرى كمان
طيب لو خيروك بين انك عيش حر وترفع كلمه الحق بس تتبهدل من ؟؟؟؟؟؟؟؟؟؟؟؟؟؟؟؟ ولا تعيش مذلول تحت رحمة ؟؟؟؟؟؟؟؟؟؟؟؟؟؟ |
اقول رأيي بحريه و اتبهدل مش مشكله
لو خيروك بين الخيار و الطماطم تختار مين |
لا فرق بين الاثنين
لان الاثنين بيكونوا فى طبق السلاطه ولكن انا اختار على مضد الطماطم ولو خيروك بين السفر بالباخرة او السفر بالطائرة فماذا تختار ؟؟ |
السفر با الطائره طبعا
لان سفر الباخره رخم اوي لو خيروك ما بين عمرو دياب في انك تسمع اغنيه ليه ولا محمد فؤاد |
محمد فؤاد طبعا
اولا عمرو رخم جدا رغم انه بورسعيدى محمد فؤاد حسة اعلى وصوتة احلى بكتير بس هى مسألة حظوظ لو خيروك بين رحلة الى الاسكندرية وبين رحلة الى البحر الاحمر ......... هاتعمل ايه ؟ |
هاروح رحلة البحر الاحمر بكل بساطة لانى مروحتوش قبل كدة و اسكندرية دى رحتها كتيييييييير
طيب لو خيروك بين الجلاش ولا البسبوسة هتختار ايه؟؟ |
و بعدين بقى؟؟
اللتنين بحبهم اوى...مبحبش غيرهم اصلا.. بس هاختااار.....الللل.....جلاش... طيب.. يتسرق منك شقى عمرك.. ولا تقتل حد من غير قصد؟؟ |
طب كويس انك اخترت الجلاش لانى شاطرة فى عمايله اكتر من البسبوسة بحاجة بسيطة كدة
امممممممممم ده السؤال ده بقة؟؟؟ لا يتسرق شقى عمرى احسن لان برده لو قتلت حد بنغير قصد برده هفضل حاسة بالذنب لكن اما اتسرق هزعل شوية و بعدين هروق و هاشتغل من جديد طيب................. تقوم بعملية استشاهدية؟؟ ولا تموت شهيد و انت كنت ماشى فى الشارع؟؟ |
بتهيالى اقوم بعملية استشهادية افضل احساسي ساعتها هيبقي اجمل اسال انا لو خيروك ما بين تبقي مشغول ومعندكش وقت تعمل فيه اى حاجه ولا تبقي فاضي ومش لاقي حاجه تعملها ؟؟ |
ابقى فاضية ارحم انا زهقت من المشغول دي
لو خيروك من انك تسافر تصيف مع اصحابك ولا تتعشى مع اهلك برة وتروحو سنيما |
بصراحة يعنى لا دى ولا دى هتحصل
لانهم مستحيلين شوية عندنا بصراحة طيب لو خيروك تشرب قهوة ولا شاى؟؟ |
شاى...
الحمد لله لسة ما انجرتش لحكاية القهوة دى.... طيب... معاك كسدس فيه طلقة واحدة.. ممكن تقتل اى حد... هتقتل كونداليزا وللا بوش؟؟ |
ههههههههههه
هو انت ع طول بتتورط بعدى كدة ياماشاء الله عليك بصراحة بقة ال2 عاوزين الحرق بس خلينا نضرب الراس الكبيرة بوش طيب لو معاك لقمة عيش واحدة و عندك اخ صغير و اخت صغيرة و لازم تديها لواحد فيهم بس هتديها لمين؟؟؟!!!!!!!!!!!!! |
صعب جدا لو ينفع اقسمها يكون افضل ولو ما ينفعش هديها للبنوته لان الولد لازم يتعود يستحمل لو عندك فستان او بدله جميله بس مقاسها صغر عليك هتتصدق بيها ولا هتحتفظ بيها للذكرى .. |
لا اتصدق بيها طبعا
على الاقل يفرح بيها غيرى زى ما انا فرحت بيها فى يوم على الرغم انى احب الذكريات بشدة الا انى لا احب ان احتفظ بالملابس الصغيرة على لانها اولا : زحمة و خلاص ثانيا: غيرى اولى بيها انا مش محتاجاها خلاص طيب لو بقالك فترة مشفتش امك و اختك ....... هتفضل تكلمهم نت ولا تكلمهم فى التلفون؟؟ |
نت طبعاً
لو خيروك بين الماضي و بين الحاضر تختار مين |
اختار الماضي طبعا
لو خيروك بين انك تعيد الامتحنات ولا ترضى بالمجموع اللي هتجيبو وخلاص |
ده على حسب مجموعى بس اعتقد انى ممكن اعيد الامتحانات لان حصل معايا حاجه زى دى السنة دى بس انا مكنتش ساقطة ان كنت ناقصة درجة وربع لو خيروك بين الصيف ولا الربيع |
دى حاجة مافيهاش
جدال الربيع طبعا اكيد طيب لو خيروك بين انك تسيب حبيبتك ولا تخسر صديق عمرك؟ |
اعتقد السؤال كده مش مظبوط اعتقد انك تخسر حبيبتك ولا تخسر صديق عمرك اعتقد الصديق صعب الحصول عليه لكن الحبيبة ممكن تلاقى حب جميل لو خيروك بين انك تعيس على الارض ولا تعيش على القمر ؟؟ |
اعيش في القمر
بس لوفي اكسجين اعمل ايه في الارض لو بتحب واحدة فقيرة واهلك عازينك تجوز الغنية هتختار انهي وللبنات العكس لو جالك عريس غني واهلك مش موفقين على الفقير اللي انتي بتحبيه هتعملي ايه |
هقول اللهم اجرنى فى مصيبتى واخلفنى خيراا منها وساعتها ربنا هيحلهالى
بس اعتقد طبعا انى هتمسك بالفقير اللى بحبه انت بتحب تقرا ولا تكتب ؟؟ |
اقرا
الكتابه بتتعب الإيد اوي ههههههه لو خيروك بين تخرط ملوخيه و بين تروح السوق |
سؤال رخم اوي
اخرط الملوخيه لان مفيش حد هيشوفني وانا بخرطها لاكن السوق كل الناس هتشوفني لو خيروك بين انك تروح حفله لمحمد فاد ولا حفله لعمرو دياب |
فؤاد قصدي
|
لا ده ولا ده
هروح حفلة لاحمد ابو خاطر لو خيروك ما بين تتفرج على التلفزيون ومابين تقعد على الكمبيوتر من غير نت ؟؟ |
هي هي لان الكومبيوتر عندي في كرت tv
بس مين احمد ابو خاطر ده مطرب يعني ولا ايه لو خيروك بين تروح تحرر فلسطين ولا العراق |
يبقى الكمبيوتر...مبحبش التليفزيون اوى...غير اما يكون فيه حاجة مهمة...
النت مش كل حاجة برضه... مممم....موبينيل وللا فودافون؟؟؟ |
معلش يا فاروق....كتبنا المشاركتين فى وقت واحد...عشان كدة...هجاوب انا عن سؤالك...
لو مكتوبلى احرر بلد ...يبقى فلسطين الاول....اوعدنا يا رب.. ... ونفس سؤال المرة اللى فاتت |
فودافون
لانها احسن واقوى لو عايز تجيب برينتر وسكنر وممعكش غير سعر لواحد فيهم هتفضل انهي |
امممممممممممم
بصراحة انا محتاجة ال2 بس افضل البرنتر الاول لانها هتنفعنى كتييير لان لو ع السكنر اروح اشترى كاميرا ديجيتال ههههههههههههههههههههههههه طيب.... لو خيروك فى السلطة تحط دقة بفلفل ولا دقة بكمون؟؟ عارفة ان السؤال رخم و غبى كمان.. ها.؟؟؟ |
سكانر.....لحد دلوقتى بس....لانى مش بحتاج البرينتر اوى....وساعات الواحد بيحب ينزل صور حاببها على الكمبيوتر
طيب.... تطور عقلك...ولا تعمل تمارين لجسمك؟؟ |
صراحة لتنين
بس بما ان مفيش فايدة في عقلي يبقى تمارين لجسمي علشان اطول لو خيروك تروح لعمتك ولا لخالتك |
لا اروح لخالتى
لو خيروك بين صديقك او حبيبك |
بصراحة صعب الاختيار
على فكرة يا دوكو توقيعك حلو..احلى توقيع شوفتهولك لو خيروك بين الخروج فى رحله فى الغابات او فى اعماق البحار |
ياااااااااااااه
ياه الحيرة دى انا بقة بحب ال2 بس عندنا هنا فى مصر مفيش غابات فخلينا فى اعماق البحار طب لو خيروك.. بين..... انك تدخل فنون جميلة او فنون تطبيقية ؟؟ هتدخل ايه؟؟؟؟!!!!!!!!!!!! |
مع انى معرفش ايه الفرق الا ان فنون جميلة شكلها احسن لو خيروك ما بين تشوف ماتش كورة ولا تلعب ماتش كورة ؟؟ |
لأ طبعا اكيد
العب ماتش كورة طيب لو خيروك بين تروح السينما ولا المسرح |
اروح السينما احسن لو خيروك ما بين رز بلبن ولا مهلبية |
هههه لا رز بلبن
طب لو خيروك ما بين فيروز ولا بيبسى |
:P :lol: :D لا ده ولا ده
اخد سفن اب :D :lol: هههههههههههههههههههه طب لو خيروك ما بين شاورمة فراخ ولا شاورمة لحمة؟؟ يلا احنا قلبنا على الاكل هههههههههههههههههههه |
شاورمة فراخ طبعاا لو خيروك ما بين تفطر بطاطس ولا تتعشي بطاطس |
| جميع الأوقات بتوقيت GMT +2. الساعة الآن 07:46 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.