اخبار الامتحانات معاكو اييييييييه؟؟؟
 

السلام عليكم
ازيكو.....عاملين يه؟؟
كل سنه وانتم طيبين بمناسه بدء الامتحانات وبدء عام جديد 2009 "happy new year"
انا عملت الموضوع دا علشان كل واحد يمتحن وياخد الصدمه بتاعته:giljotiiniug3: ويجى يقولنا هو عمل ايه فى الصدمه..(الامتحانات)

انا هاقولكو اول خبر
اتصلت بواحد صحبى فى سنه اولى ز
وعرفت منه امتحان الرياضه كان حلو
اللى بيديها الدكتور ناشد عبد السلام

الحمد لله بدايه طيبه للامتحانات

واولى ب كمان كان حلو والحمد لله

وعقبال الباقى ان شاء الله

كويس والله
بدايه حلوه وتفائليه
عقبال بقيت الفرق ان شاء الله

[quote=mostafa_music;1002592]السلام عليكم
ازيكو.....عاملين يه؟؟
كل سنه وانتم طيبين بمناسه بدء الامتحانات وبدء عام جديد 2009 "happy new year"


وعليكم السلام .
احنا تمام الحمد لله
وانت طيب
اما للامتحانات فالرياضه جات الحمد لله سهله :)
عقبال الباقى ياااااااااااااا رب:angry2:
و "happy new year"

بس معانا احنا مش باينه انها تفاؤلية خااااااااالص

الحد الجاي بالليل ان شاء الله هاتعرفوا بداية تفاؤلية ولااااااااا مش تفاؤلية !!

هاااااااااااااى عاملين ايه happy new year الحمدلله امتحان اولى و كان سهل بس انا بقى اللى بوظت الدنيا شويه بس الحمدلله وربنا يستر ومشيلهاش مبروك لكل اللى حل كويس واللى محلش ان شاء الله تتعوض معلش نكدت عليكو شويه باااااااااااااى:(:(

هاااااى ساره
كويس ان الامتحان طلع سهل
انتى كده شبه بتطمنينى
بس ليه بوظتى الدنيا
هو كل واحد دايما بيخرج من الامتحان بيبقى مش راضى عن الحل بتاعه
يالا ماتحمليش هم انسى كل حاجه وركزى فى الاداره

الحمد لله بدايه تفائليه برضه




مش ملاحظ انك متفائل ومتشائم فى نفس الوقت يافمبير ؟؟!!!!!

اوكى يامصطفى انا بحاول اعمل كده بس برضه ربنا يستر انا لسه خايفه المهم انتو عاملين ايه وربنا يوفقنا كلنا

و الله انا برده اتفالت انا هبدا امتحانات يوم 11 يناير هبدا باقتصاد فى المنصوره لكن انا فرحت لما جيه امتحان رياضه سهل علشان يبقى دافع امل ليا انا دلوقتى بقيت قلقان بس لانى مش عارف ايه نظام الامتحانات فى الجامعه و نظام اللجان و كده و لكن الحمد لله بدات اكون مستريح فى المواد اللى عندى و نفسى ان امتحان الاقتصاد يجى سهل علشان يفتح نفسى على باقى الامتحانات

هاي يا جماعه الحمد الله حليت كويس وانتوا عملتوا ايه ازيك يا مصطفي وفمبير وشوشو ومحمود ويويه وساره ومادا يارب تكونوا بخير وتكونوا حليتوا كويس انا مش متوقعه ان الامتحان يجي كده عقبال باقي الامتحانات المهم حتي اللي محلش كويس ينسي ويركز في باقي المواد ممكن نعوض يا جماعه الخسائر

نسيت اسلم علي فرسان الجحيم

ايه الاخبار كوين دونه الحمد الله ان الامتحان سهل عقبال الباقي

هاااااى ياجماعه
الحمد لله طلعت بدايه حلوه وتفائليه
ازيك يانسمه الحمد لله انك حليتى كويس
وانا الحمد لله حليت النهارده كويس والامتحان كان حلو وسهل

امتحانى مجموعه (ز) ياريت كل واحد يقول مجموعته
والامتحان كان بتاع الدكتو حسن عبيد والدكتور محمد رئيف
اه بامناسبه الدكتور محمد رئيف عدى علينا فى اللجنه وكان بيطمن علينا

والحمد لله

امتحان مجموعه د كان جامده دكتور انور عبد الحميد

ازيك يافرسان الجحيم
خليك دايما متفائل
الحمد لله انا تفائلت بامتحان سنه اولى والحمد لله الامتحان طلع النهارده حلو و لذيذ

عايزين لما تمتحن نطمن عليك بقى
يالا باتوفيق ان شاء الله

والله انا بفرح جداا لما اعرف ان الامتحانات جت سهله
عقبال الباقى يارب
نفسى فى مره الامتحانات كلها تطلع حلوه:(

ازيكوا كلكوا وازيك يا نسمة شكرا علي السؤال

الحمد لله امتحان مجموعة ه كان حلو بس المشكلة انه كان طويل شوية كان محتاج تلت ساعة زيادة بس ويتفنش اصل دكتور وحيد عبد الباري الجزء بتاعه كان 5 اسئلة حليت منهم 3 والجزء الاول كان بتاع دكتور علي شاكر الحمد لله خلصته كله وكنت متاكدة من حله كمان

الحمد لله علي كل شئ ربنا يوفقنا في اللي جاي ان شاء الله وشيدوا حيلكوا يا جماعة

وعلي فكرة يا مصطفي انتا وفامبير كلامكوا بيقلقني من السنة الجاية
كفاية انا قلقانة من السنة دي لوحدي

الامتحان دا ماينفعلوش غير كدا .. http://l.yimg.com/us.yimg.com/i/mesg/emoticons7/112.gif

الاتنين انيل من بعض http://l.yimg.com/us.yimg.com/i/mesg/emoticons7/14.gif ..

انا اللي حصل معايا الآتي .. روحت الصبح عادي جدا .. وكلي نشاط وحيوية .. وواقف معا صحابي عادي جدا

والاقي واحد صاحبي يسألني على حقوق السحب العامة .. اني افتكرها مش عاااااااااارف !!

وهيا دي اللحظة اللي بدأت انسي فيها كل حاجة .. ودخلت الامتحان وانا دماغي دي معمولها formating خلقة !

هوا برده عشان ماجيش على الدكاترة اوي .. الامتحان كويس .. دا بالنسبة للنقود والبنوك ..

اما التجارة الخارجية فكان طويل بغبااااااااااااء ! .. زي مايكون الدكتور كان بينتقم مننا ..

لا والمهم الدكتور جايلنا في الامتحان بيعدي علينا .. وفي منتهي البرود يقول ها يا جماعة اخبار الامتحان ايه؟!

والله كان نفسي اقوم اضربه .. طبعا مشي الدكتور من هنا .. والمعيدة اللي واقفة علينا عمالة تشخط وتنطر ..

عليها صوت مسرسع يخلي الواحد يستفز http://l.yimg.com/us.yimg.com/i/mesg/emoticons7/22.gif .. وكان نفسي اقوم اضربها برده

ملخص الكلام .. اني كنت داخل الامتحان دا وكان هدفي اني اعرف اخلع منه بتقدير كويس ..

بس اتصدمت فيه .. هوا اي نعم ان شاء الله معدي فيه ..

بس الواحد صعبان عليه انه طلع عينه فيها وفي الاخر مانجيبش فيها تقدير

ياستي عدي من السنة المنيلة دي الاول وبعد كدا اما توصلي لتانية يبقي يحلها الف حلال

وبعدين شئ طبيعي ان تانية تبقي صعبة .. واما توصليلها هاتتلاقيها فعلا صعبة

وعلى فكرة .. احنا مش عشان في تانية بنقول عليها صعبة ..

لأ هوا معروف في تجارة ان سنة تانية دي بيسموها البكالريوس الاصغر ..

بمعني ان يكاد يكون استحالة ان حد يعرف يجيب فيها جيد جدا الا قلة قليلة ..

يعني الامتيازات اعتقد انها بتبقي واحد او اتنين بالكتير اوي !

وبعدين عايزك تعرفي ان سنة تانية فيها 5 مواد .. كل مادة انيل من التانية

يعني عندك نقود وبنوك دي كلها اقتصاد .. مادة صغيرة بس جبارة ..

عندك التسويق .. 21 فصل .. لو جدعة افتكري فصل واحد فيهم في الامتحان !!

في الانتاج حوالي 20 فصل تقريبا .. والكتاب 650 صفحة ! .. يدينا ويديكي طولة العمر

المادتين الوحيدتين اللي كويسين نوعا ما هيا المحاسبة والكمبيوتر ..

ولو ان برده المحاسبة فيها لعب جامد بس سهلة نوعا ما

ماهو دا اللي غالبا مابيحصلش ! .. نقفل السنة في حساب صافي خسائر .. عمرها مابتبقي ارباح ابدااااا !

ازيكم يا شباب الامتحانات يعنى كانت كويسه النهارده انا مجموعه ب وبرضو يا فامبير الدكتو دخلنا وقال هاااااااااا الامتحان عامل ايه ؟؟؟ المهم يالاااا ماده وراحت لحالها عقبال ما نسمع اخبار كويسه عن التسسسسسسسسسسسويق

كويس والله ان امتجان الرياضه مر بسلام ياله

عقبال التسويق

هو كتير شويه بس سهل ياله ربنا يستر فى الباقى


ونبى ادعولى اصلى مرعوب اوى وهنيالك يافاعل الخير والثواب

معلش يافامبير ان شاء الله في المواد التانيه تجيب تقدير

روح يا na2l يرزقك بامتحان سهل ولجنه سهله ودرجات ع الارض وتقديرات طايره ربنا يوفقك في التسويق

ياسلام
مين قدك ياعم
اخدتلك دعوه زى الفل

يافمبير انت احباط ثم احباط ثم احباط من هنا للصبح !!!!!!!!!
احمد ربنا
مش جايز الامتحان كان يبقى وحش وتبقى طالع وتقول يارب انجح بس او على الاقل اجيب 8 واخد درجتين رأفه
ومش جايز كمان انك كنت ممكن تبقى شايلها وتجيب تقديرات فى باقى المواد ومتعرفش تحول زى السنه اللى فاتت
انت قولت بنفسك انك مش هاتجيب تقدير فى الماده دى فاحمد ربنا انك هاتعدى منها وشوف بقيت المواد
وبعدين كل واحد يقول انا هاجيب فى الماده دى كذا وتلاقى حاجه تانيه خالص
انا قولت السنه الى فاتت انى شايل الموارد يعنى شايلها والحمد لله لقيت نفسى جايب 10

السلام عليكم جميعا و يا رب تكونو كلكو بخير
و انا تمام الحمد لله يا نسمه وشكرا ع السؤال المهم انتى عامله ايه


فامبير انا شايف انك بتحبطنا من السنادى والسنه الجايه كمان
يا عم جاملنا وقول تانيه سهله وكدا عشان الواحد يذاكر بنفس :(
ع العموم ربنا معاك ومعانا يا رب

يا رب تنجح (بس انا مش عارف مين يدعى لمين ):confused:

تسلمى يانسمه :078111rg3: وعقبال الكل والتسويق بيقولو ا انه سهل

المشاركة الأصلية كتبت بواسطة نسمه عبد اللطيف http://www.thanwya.com/vb/life/buttons/viewpost.gif
روح يا na2l يرزقك بامتحان سهل ولجنه سهله ودرجات ع الارض وتقديرات طايره ربنا يوفقك في التسويق




هى كمان الدعوات بقت منظورة فى البلد دى

مين دا اللي سهل ؟!

حرام عليك يا راجل !! .. 21 فصل كل فصل فيه حاجات ماشاء الله وتقولي سهلة ؟!

دا غير كمان ان الدكتورة اللي بتدينا سمعت انها قالت ان الامتحان جاي نصين .. نص نعيط فيه ونص نحل فيه !!

ربنا يستر والله في المادة دي .. عشان انا اساسا الترم دا مرعوب وعلى اخري ..

هو ممكن يكون سهل بس رخم فى نفس الوقت!!!:040vk0:
وبعدين التسويق عندنا طويييييييييييييييل جداااااااااااااااا
اهو مش انا لوحدى اللى بقول فامبير كمان بيقول

انا مش بحسد انا بقر بس

[quote=mostafa_music;1009864]هو ممكن يكون سهل بس رخم فى نفس الوقت!!!:040vk0:
وبعدين التسويق عندنا طويييييييييييييييل جداااااااااااااااا
اهو مش انا لوحدى اللى بقول فامبير كمان بيقول


يابنى والله سهل اللى عايز حاجه فيه او اى سؤال

الكتاب عندك اعتمد على نفسك :abdoog8:

انا مش بحسد انا بقر بس[/quote]


اممممممممممممممم :stickjo4:

النهارده صحبتي 3ز قالت ان تمويل كان حلو

:049gc0:عقبال كل الامتحانات امين يارب

الصراحه بقي انا معرفش التسويق سهل ولا اصل مفتحتوش قبل كده للاسف

انا قولت معانا استاذ فى السويق تقولى الكتب عندك
الكتاب منيل بستين نيله


كويس خير ان شاء الله انا المفروض كنت اتصل بواحد صحبى فى 3 بس نسيت!!:redface:

:confused:انا زي ده في التسويق

:slap1qk6:ازيك يا مصطفي اتصل بيه عشان مايزعلش

نفسى اعرف حولتى ازاى السنه اللى فاتت!!!!!
يعنى انتى مش بتحضرى الكمبيوتر واكيد كنتى مش بتحضرى التسويق ولا ذاكرتيه(مع انى زيك تمام لاول مره بذاكره!!)
بس كنت بحضر الكمبيوتر
والتسويق بحضر محاضره واسيب محاضره
بس على فكره التسويق ارحم بكتيييييير من النقود والبنوك

ازيكم جميعاااا وازيك يا نسمه انتى شكل دمك زى العسل بس ياريت تخبطينى دعوه زى دى كده اشمعن na2l ربنا معاكى يارب انتى وكل الشباب اللي هنااااااا ومعايا انا كمان

كفايه والنبى :abdoog8:ايه هايحصلى تانى موبيلى اتسرق
قريت يا مصطفى و انتى وشيماء كل ده علشان دعيتلى نسمه يامفتريين

لا ياراجل !!

حلوة اوي حكاية ان الكتاب عندي دي !

اذا كنت بذاكر من الملازم ومش قادر عليها .. تقولي ذاكر من الكتاب ؟!

عموما الحمدلله حاليا انا في الفصل الـ 11 .. واهو يعتبر انجزت فيه كويس ..

يالا ربنا يوفقنا جميعاً

اللللللللل
كده يتسرق منك الموبايل
يالا خد الشر وراح... الجمله دى تفكرنى بفيلم بخيت وعديله 2 ساعه المرايه لما طقت
هو كان غالى ولا ايه
ربنا يعوض عليك

ازيكم جميعا وازيك يا نسمه وازيك يا مصطفي ويا فامبير وبرنسيس يويا وازيك يا فرسان الجحيم يارب يوفقكم كلكم وادعولى ربنا يسترها بكره ويوم الحد في التسويق

ازيك يا na2l يالاااا علي راى مصطفي خد الشر وراح ربنا يعوض عليك وتجيب واحد احسن منه
بس هى تيجى علي قد كده

ازيك انتى:078111rg3: انا الحمد لله تمام

ياله الحمد لله انها جات على الموبايل

اة اسمى هو

na2l = نائل

عادى يعنى ولا يهمك بتحصل فى احسن العائلات

ازيكو ياجماعه
عاملين ايه
الحمد لله امتحان الاداره لسنه اولى( ز )طلع سهل وحلو للدكتور هشام البحيرى

امتحان الاداره كان عامل ايه معاكم يا ترى؟؟؟؟؟؟؟