_ هو احنا فين.... والله جد انا مش بهزر

...احنا فى بلدنا والا احنا فين؟ .. اصل البلد دى غير بلدنا

.. البلد دى حالها مال م الناحيتين .

... اشى زرع فيه سرطان جبان عمال بينهش فى العيدان على هرمونات ف البرتقان ومطلعة عين الغيطان

... والفقر راشح ع الحيطان خرم الودان والحالة ( ج ) اه جبس يعنى والا العيال الغلبانين متقلوظين

على عود حديد متظبطين

.... والا الفراخ يالهوى من هم الفراخ من ورك شايل هم ومشاكل اشى الف وزة على ريش نعامة

على بيضة لسه فى ديل الحمامة يا اهل ريفنا خلاص قرفنا من دى التلامة

.... والا الشباب الغلبانين على كل امة تلاقى صايع بيبيع حشيش والبانجو باشا حاشا وماشا ما بينتهيش

بنى ادم انت ؟؟؟ طب تسوى كام ؟ عبارة تغرق ولا حد يلحق حتى الركام والاسم ال شركة (سلام)

طب سلام مربع يا جدع للحلوة عبارة السلام ..... وكمان سلام للغرقانين.

... على راى ستى كانت تقول اهى دى علامة يوم القيامة الخير فى نازل حتى المنازل بقت قمامة

يا اخواننا حد يقول لاهلى هو احنا فين ؟؟؟

احنا اكيد اكيد فى خرابة :angry: :angry: :angry:
:angry: :angry: :angry: :angry: :angry:

حسبنا الله ونعم الوكيل


فعلا البلد باظت باللى فيها


والكويس قلما اما تلاقيه


ربنا يستر


حسبنا الله ونعم الوكيل



شكرا احلام

شكرا لمرورك يا حبيبة بس برضو انتى ما قلتيليش احنا فين ؟؟؟؟

والبلد دى ملك مين؟؟؟ ملك الدكاترة والجزارين والا ملك مين؟؟؟

ملك ربنا سبحانه وتعالى اولا واخر


بس كده ملك اللى يراعى ربنا ويتقى الله

ملك اللى يخاف الجبار الذى سيرث الارض ومن عليها


وليس ملك لاحد من البشر ليست ليست ليست

سبيهم فان الله

يمهل ولا يهمل


يمهل ولا يهمل


يمهل ولا يهمل

تفتكرى خرابة؟؟؟ والا احنا فى جردل يمكن جردل او جايز كنكة اقوللك على حاجة شعارنا اليوم

تعيش ندل تموت مستور على فكرة ده بقى مكتوب فى اهم المصالح الحكومية وكما قال الشاعر

.. ولقد تفشحط الفشحاط فى سفح الحفا ببسلا يقاهو فتكورمت البوعبولى

اوجدى الفاعل بقى يا حبيبة مادام بتقولى خرابة.

اكيد ملك الله وحده وليست لملك احد من عباده اللهم انا نسالك العافية.

.... والا الشباب الغلبانين على كل امة تلاقى صايع بيبيع حشيش والبانجو باشا حاشا وماشا ما بينتهيش





بجد موضوع رائع

و الحتة اللى فاتت جى عجبتنى لان ده حال ولاد البلد يفشل هنا و هنا و هناك و هنا فيفقد ايمانه و يبعد عن دينه و يروح يتاجر فى الحشيش


و الكارثة انك تلاقيهم خريجى جامعات قال ايه محترمة


هو كل اللى بيحصل لنا ده عشان لا فى ايمان ولا اسلام ولا ضمير و لا دستور اسلامى يحكم
و كمان عشان مفيش تعليم سليم بالمرة لانه هو الذى يقوم الانسان و يبنيه



البد خربت يا اخوانا



ربنا يصلح حالنا و حالها و حال تعليمها اللى جاب لى عقدة خلاص

انا منكرش انى خلاص دراستى المدرسية قربت تخلص بس قلبى بيتقطع اكتر و اكتر ع الاجيال الغلابة اللى جاية بعدنا


ربنا يسترها بجد



اقولك احنا
فين؟؟



احنا فى غابة؟؟

عارفة ليه؟
لاننا صرنا بقانون الغابة القوى ياكل الضعيف
القوى هو الشرس الشرير و الضعيف هو الذى لا حول له ولا قوة و فى حاله


ربنا يستر

والله يا حابى عندك حق احنا فعلا فى غابة بس يا عزيزتى الغابة قانونها البقاء للاقوى مش لانه قوى وبس لكن القانون الاساسى ليها هو البقاء للاصلح لان كل ما حيوان بياكل حيوان اضعف منه ده بيساعد على تطور الانواع فى الحيوانات ودى نظرية علمية سليمة لو كنتى درستى جيولوجيا وعلوم بيئة اكيد هتعرفى النظرية دى لكن فى حالة البنى ادمين دى حالة صعبة اوى

نايس يا نغم جميل قوي

منتظرين مزيدك

يا اخ خالد ما هى فعلا باظت بس ده ما يمنعش ان الخير موجود لدلا لة قول رسول الله صلى الله عليه وسلم ..

(الخير فى امتى الى يوم الدين) صدق رسول الله (ص)

انا بتناول بس بعض العيوب فى بلدى فى شكل ساخر وبتمنى طبعا انها تتغير وشكرا لمرورك الكريم.

شكرا يا نيو على المتابعة والتعليق.

كلام جمييل اوى يا نغم..

بجد والله موضوع جمييل

بس احسن حاجة....التنفيض..بيجيب نتيجة اسرع من اى حاجة

ربنا يسهل

ميرسى ليك يا احمد والجميل هو حضورك وتعليقك بس التنفيض ده انا زهقت منه فى بيتنا هههههههههههههههههههههههه.

شكرا لمرورك .

يجماعة هي اه البلد باظط وانا قلت الكلام ده في موضوع قبل كدة لازم نبدا بنفسنا احنا شباب الامة وجيل المستقبل واحنا اللي هنمسكها بعدين
لازم تغير من شخصيتك هتلاقي البلد اتغيرت لو كل واحد غير من نفسه صدقوني بلدنا طول عمرها حلوة وبخير احنا خير جنود الارض متنسوش
دي شهادة الرسول ولازم نكون قدها

والله كلامك مظبوط يا دجنوشة احنا فعلا نبدا بانفسنا ونتمسك بدين الله ..

وشكرا لمرورك الكريم.

لإحنا يا إما في ( جردل زبالة ) أو عشة فراخ

مش اوى كده يا اخ كريم بس الفساد اللى حاصل احنا برضو السبب فيه دلالة قول الله تعالى

( ظهر الفساد فى البر والبحر بما كسبت ايدى الناس ليذيقهم بعض الذى عملوا لعلهم يرجعون)

_ صدق الله العظيم_

وزى ما قلنا قبل كده كل واحد يبدا بنفسه ودى دعوة للاصلاح اولها نتمسك بدين الله قال تعالى

( واعتصموا بحبل الله جميعا ولا تفرقوا واذكروا نعمة الله عليكم اذ كنتم اعداء فالف بين قلوبكم فاصبحتم بنعمته اخوانا )

_ صدق الله العظيم _

وقال رسول الله (ص)

( من راى منكم منكرا فليغيره بيده فان لم يستطع فبلسان وان لم يستطع فبقلبه وهو اضعف الايمان)

صدق رسول الله (ص)

فيجب علينا ان نرجع لدين الله واتباع سنته الشريفة ( لا اريد الا الاصلاح ما استطعت وما توفيقى الا بالله)
...

والسلام عليكم ورحمة الله وبركاته.

تعرفوا احنا فين ؟؟؟؟

احنا فى بلدنا اللى قال ربنا عنها فى القران

( ادخلوا مصر ان شاء الله امنين) صدق الله العظيم


لكن بدعى من كل قلبى اشوفها بخير وامن وسلام ادعوا معايا وبلاش نقول احلام .

لان حتى الاحلاق ممكن تتحقق .

سعدت بردودكم كثيرا .

والسلام عليكم.

عندك حق والله اقولك احنا فين
احنا في مصر (ف)

ليه بس كدة يا نغم

ليه بتقلبي علينا المواجع


كفايانا مشاكل وهموم


أنا عارف أن دي حقيقة واقعية

بس احنا فعلا تعبانين


بجد موضوعك متميز وائع

ميرسى ليك يا اخ محمد الواقع اننا فعلا فى مصر شكرا لمرورك الجميل.

شكرا لتعليقك يا استاذ زيزو بس هى المواجع متقلبة خلقة مدوبينها فى الميه اللى بنشربها فى الاكل اللى بناكله حتى فى الهوا اللى بنتنفسه ومع ذلك علينا بالامل والتفاؤل طبعا

.. والابتسامة الحلوة وبكررلك تانى حمد لله على سلامتك.

موضوع رائع بجد ودة الواقع الموجود واقع فراغ بين الشباب شكرا اختى نغم

شكرا لمرورك الطيب يا اخ حمادة .

السلام عليكم ورحمة الله وبركاته
اولا احب اشكرك اختى على طرح مثل هذا الموضوع واحب اقولك نحن فى مصر نعم فى مصر بلد الامن والامان بلد الخير بلد الاحسان بلد الناس الغلابه الطيبين لو اردتى مساعده الف من يساعدك مش يقولك وانا مالى help your silf انها البلد التى ذكرت فى القران الكريم 5 مرات هيه البلد المليانه كل خير من خيرات الله التى يوجد بها بعد كل هذه السرقه لقمة عيش ناكلها ومرتبه ننام عليها
اختى لقد ذكر لى مثال بصراحه ةانا مش فاكر سمعته فين لقد قيل ان مصر مثل جراب الحاوى طبعا انتم عارفين يعنى ايه جراب الحاوى لو فضلت تاخد منها لن ولم ينتهى خيرها انها البلد التى نوجد فيها مش عارف باه انتم بتتكلمو على انهى بلد لان مصر عمرها ما كانت صفيحة زباله ولا عمرها ما كانت خرابه ممكن تقولو حكومتها اه ماشى زباله اه انما مصر فى ذات نفسها لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالا
وشكرا

اولا انا شاكرة ليك على تعليقك لكن طبعا انا والزملاء اللى ردوا نقصد الحكومة لا الارض الطيبة

اللى ولدنا ونشانا وتربينا فيها طبعا هى بلدنا وبنحبها ومعاك حق فى مثل جراب الحاوى ده

فعلا بلد بقالها الاف السنين بتتسرق ولسه اهلها عايشين

بكرر لك شكرى اخى المجاهد فى سبيل الله وخالص تقديرى وتحياتى اليك

وشكرا.

السلام عليكم

موضوع حلو نغم

بس لازم نكبر دماغنا عشان نعرف نعيش

طبعا يا مهرة ده شعار الفرافيش

طنش .. تعيش والا ايه ؟؟؟ ههههههههههههه

ميرسى لمرورك يا مهرتى.

ايه ده يا احلام؟

ليه كده بس يا بنتى؟

هو احنا ناقصين هههههههههههههههه

يلا قلبى يا اختى علينا المواجع قلبيها

ماهى خربانة خربانة هههههههههههههه

بس هو ده حالنا حنعمل ايه بس؟

وميرسى ليكى يا قمر بس الله يكرمك الحكاية مش ناقصة احنا عايزين نضحك يا بنتى

اختك غصب عنك عصفـــــــــورة
ههههههههههههههههه

رائئئئئئئئئئئئئئئئئئئئئئئئئئئئئئئئئئئئئئئئئئئئئئئئ ئع ياحلام
اختك رحمة

باظت صحيح بس اكيد فيه امل
انتي في مصر
مش سمعتي اغنيه يبقي انت اكيد في مصر
والكلام اللي طلع علي الاغنيه ونزل في المنتدي

يا بت انتى هو انا عمرى قلبت عليكى مواجع ده طول ما احنا فى الكلية او بنتكلم فى التليفون او بزورك بضحكك على طول

تنكرى يا ندلة وبعدين يا اختى اهو ده الحال مجبتش حاجة من عندى وعايزة تضحكى طيب

مرة مدرسة رياضة اتجوزت صى عالمة خلفوا شبه منحرف هههههههههههههههههههه

يللا ياللى هتبقى مدرسة رياضة هههههههههههه.

الرائع وجودك يا قمر ومرورك الجميل ربنا يخليكى ليا.

اه سمعتها هههههههههههههههه يللا بقى حسن الختام

ميرسى يا سمسمة على احلى مرور.