|
لا نملك لاهل القاهرة الا الدعاء
سلام عليكم كالعادة مش عارف ابدأ موضوعى ازاى اسمعو الخبر دا بس ياريت تكملو الموضوع للاخر ( قامت القوات الاسرائيلية بشن هجوم جوى على القاهرة مما راح ضحيته اكثر من خمسمائة شهيد واكثر من الف جريح جريحا وما زال القصف مستمرا ) طبعا كله هيقول دى اشاعة وانت بتضحك علينا انا معاكو فى ده بس صدقونى بكره دا يحصل لمصر طول محنا كدا دلوقتى غزة تحت الحصار شهداء فى كل مكان قتل وجرح وهدم والعرب لم يتحرك لهم ساكنا وكل كلامهم نحن نعترض ونشجب وندين ونعمل على تهدئة الوضع الراهن فى المنطقة تخيل فى يوم من الايام ان الخبر اللى فوق دا بقا حقيقة وتخيل بردو ان اهلك هما اللى راحو جراء القصف وتخيل ان العرب لسة على جملتهم متغيرتش وفى الاخر كله حبر على ورق تخيل هيبقا احساسك ايه حط نفسك مكان اى حد فى غزة ليس لك ناصر ولا ممعين عدوك تواجهه وحدك لا احد يدافع عنك تخيل ان انك مبتسمعش غير جملة ( لا نملك لمصر الا الدعاء ) يا ترى هيكون احساسك ايه يا جماعة امتا هنفوق امتا هنتحرك خلاص العرب بقو فى قبضة الافعى (او فى مصيدة الفئران ) شايفين طبعا غزة شايفين الشهداء شايفين الاطفال يا ترى حاسيين بيهم واللا خلاص حاجة عادية اتعودتو تشوفوها انت وانتى تقدر وتقدرى تعملو حاجات كتير ادعيلهم عبر عن اللى جواك صحى اخوانك جيرانك اصحابك فى الجامعة قولهم يستعدوا لليوم المنشود يوم تنقض الوثائق والعهود ونرى اليهود على خط الحدود اتبرع ساند اخوانك اتبرع باللى تقدر عليه :::::::::::::::::::::::: احنا عملنا حاجة كويسة فى جامعتنا كل واحد فينا اتبرع بجزء من ماله لمساندة اهل غزة والحمد لله جمعنا مبلغ كبير ودا فى سبيل الله جمع اصحابك فى الجامعة وافتح باب التبرع لمساندة اخواتنا فى غزة انت كدا تبقا بتجاهد :::::::::::::::::::: :: تالت حاجة يا جماعة المقاطعة قاطع متجا تنقذ مسلما متشاركش اليهود واسرائيل فى قتل اخواتك فى فلسطين قاطع على اد ما تقدر رب جنيه تدفعه يكون رصاصة فى قلب اخوك المسلم :::::::::::::: اسف على الاطالة يا جماعة بس اعزرونى عايز اعبر عن اللى جوايا :::::::::::::::::::::::::::::::: يارب نولهالنا بعد طول صبر السنين نفرح على ارضك يا عراق وترجعى لينا يا فلسطين ::::::::::::::::::::::::::::: غزة تقول اللهم انى اشكو اليك ضعف قوتى وقلة حيلتى وهوانى على الناس دمتم فى رعاية الله |
ربنا يستر ويبقى فى تحرك ايجابيى
اقتباس:
اللهم امين لانملك الا الدعاء |
اقتباس:
شكرا على مرورك يا مصطفى يارب كلامنا يجى بفايدة ونتحرك حركة ايجابية وليست سلبية شكرا على مرورك ودمت فى رعاية الله |
اقتباس:
والله يامحمود موضوعك دا ريحنى قووووووووووووووووى لدرجة انت متتخيلهاش حاسس انى قلت الى جوايا كدة ربنا يكرمك يارب جزاك الله خيرا يابوطة فى رعاية الله |
من غير ما نتخيل هم أهلنا فعلاومن يقول غير ذلك فهو لا يدرى
(مثل المؤمنين فى توادهم وتراحمهم و تعاطفهم كمثل الجسد إذا اشتكى منه عضو تداعى له سائر الجسد بالسهر و الحمى ) فمن لم يجد ذلك فى نفسه فليراجع إيمانه |
فكرت بالفعل ان ده ممكن يحصل فى يوم من الايام
ولم اجد اجابه على سؤال دار فى نفسى ماذا سافعل وقتها ؟ |
وعليكم السلام ورحمة الله وبركاته
ربما لن يصدقني أحد إن قلت أني تمنيت أن أكون من أهل غزة أو أن يحدث ما كتبتموه لنا بهذا الموضوع العجز ... والقهر ... والهوان الذي نعيشه أصعب ميليون مرة مما يراه أهل غزة الآن لا نملك لأهل غزة إلا الدعاء ولا نملك لأهل القاهرة إلا الدعاء ولا نملك للشعوب المسلمة المضطهدة من حكامها إلا الدعاء نسأل الله لأهل غزة فرجاً عاجلاً لا آجلاً ونصراً مؤزراً يكتبه الله لها في هذه الآونة |
اقتباس:
اقتباس:
اقتباس:
بادينا بنموت اخواتنا من غير ما نحس ربنا يهدينا مش عارف اقول ايه اقتباس:
اقتباس:
دمت فى رعاية الله |
اقتباس:
عن ظهر قلب بس للاسف محدش بيعمل بيها العرب دول مش اخوة وحكام العرب مش اخوات وغزة دى مش جزء من بلد عربى يعنى اخواتنا شوفى بقا العرب عملو ايه وقفو مكتوفى الايدى ولا حول ولا قوة الا بالله ربنا يهديهم شكرا على المروور ودمتم فى رعاية الله |
اقتباس:
ان فى حد بيفكر لسة الناس فى غيبوبة تامة مش متوقعين ان دا ممكن يحصلهم فى يوم من الايام بس بردو موصلناش لاجابة وقتها هنعمل ايه يا ترى هنستنى مساندة اى بلد عربية ومش هيدخلو حتى بعد خراب مالطا واللا هندافع عن ارضنا لوحدنا ونبقا شهداء واللا هنطاطى ونسلملهم الارض من غير حاجة حسبنا الله ونعم الوكيل منورة يا ميس رانيا دمتى فى رعاية الله |
دائما العرب كده
عاملوا ايه معنا فى اى حرب من حروبنا مع اسرائيل وقفوا يتفرجوا علينا واحنا بنحارب ولا هيتحركوا مع غزة واحنا ال علينا الدور بعد فلسطين يارب اجحمهم فى اماكنهم وانصرنا اخواننا فى غزة وفلسطين واجعل معبر رفح مفتوحا فتحا مبينا لاخواننا لمد يد المساعدة ونصرة الفلسطينين |
اقتباس:
شكرا على المرور ودمتم فى رعاية الله |
اقتباس:
اقتباس:
اللهم امين لا عملو كتير وقفو يتفرجو علينا والوقفة بتوجع الرجلين يعنى عملو مجهود اهو احنا دايما كدا كله بيقول ياللا نفسى بكره يجولنا وهنشوف هيعمل ايه بس هيعملولنا ايه احنا كنا عملنا حاجة علشان يقفو جمبنا محنا زيهم وهما زينا اللهم اتنا نصرك الذى وعدتنا اللهم امين شكرا على المرور ودمتم فى رعاية الله |
اقتباس:
هل أنا ممن يجاهد البطانية ساعة صلاة الفجر ؟؟ هل تجاهد نفسك عند أكلة شهية هل تجاهد نفسك فى الغيبة والنميمة والكذب . هل تجاهد جلوسك على النت بالساعات . هل تجاهد كثرة الحديث مع الأصدقاء وتضييع الأوقات هل وهل وهل ما أيسر الإدعاء وما أسهل الكلام لكن الفعل شىء آخر ليكن كل منا صادق مع نفسه |
عارف يا محمود انا فكرت مليون مرة قبل كده فعلاا ان ده هيحصل فى يوم من الايام وكل ما التخيل يجيلى مش عارفة اقولك بجد بكون ازاى يمكن معتقدش ان الخيالات والصور اللى بقعد افكر فيها واللى بيحصل فى غزة ياترى هيكون احنا شكلنا وحالنا ازاى مين هينجدنا:( ومين معيينا دلوقت العرب كلهم سايبيين غزة يمكن بيساعدوهم بس بشوية الامدادات اللى بيبعتوها ولما بيقولوا بعتنا كام طن والحاجات دى كلها بالنسبالهم لاتعنى شئ خالص دى حاجات قليلة محدش فكر من الدول دى انه يبعت جيش انقاذ اشمعنى عمالين يقولوا اوروبا بس اللى تبعت :confused: مسالة معقدة انا مش سياسية وسياسية بس يمكن بقول اللى جوايا ومش عارفة اقوله كمان بالنسبة للتبرعات احنا عندنا فى الكلية وفعلاا كلنا بنتبرع والله يوميا اقتباس:
|
السلام عليكم ورحمة الله وبركاته
أعجبني عنوان موضوعك للغاية ولما قرأته ازداد اعجابي به ولكن دعني اذكرك بأشياء أننا لم نبيع ارضنا لليهود أننا في اكتوبر وقفنا يد بيد مسلم ومسيحي ضد العدوان أننا شعب تحمل كثيراً من أجل النصر أننا عندما حاربنا لم يمد أحد لنا يد العون إلا قليلا أننا لا نملك فتح وحماس ونزاع كبير على الحكم أننا خير الاجناد في الأرض هذه الكلمات يجب ان تذكرها أولاً قبل أن تتخيل ولو للحظة أننا يمكن أن نكون بنفس الموقف ولكن الوضع الحالي أن أهلنا واصدقائنا في غزة هم في الواقع المرير ولأننا كوطن عربي مشتت لا يمكن أن يتحد الكل سوياً لا نملك لهم سوى الدعاء ووالله إن الدعاء أشد قوة على أعدائنا من الاف القنابل النووية انتهت كلماتي المتواضعة تحيتي واحترامي أحمد نور |
اقتباس:
زى ما الرسول قال معظم الناس مش بيجاهد نفسه من الحاجات دى مع انها الاصل الكلام ببلاش علشان كدا الناس بتتكلم كتير انما الفعل مين يفعل مين يبقا اد كلامه ربنا يهدينا شكرا على المرور ودمتم فى رعاية الله |
اقتباس:
شكرا يا ترافيل على المرور ودمتم فى رعاية الله |
بص يا محمود انا تقريبا معاك فى كل اللى انت قولته بس فيه حاجة فى فلسطين و العراق مش عندنا هى انهم عندهم حاجة لطيفة كدة اسمها الاقتتال الفلسطينى الفلسطينى و صراع السنة و الشيعة و دة كان سبب كل اللى بيحصل لهم دلوقت و الحمد لله اننا مش عندنا انقسامات طائفية و لا كلام من دة تانى حاجة بقى _و دى انا احترمتك جدا عليها_ هى انك مش قلت نروح نجاهد و نطالب الحكومة بفتح باب الجهاد و الكلام الفاضى اللى الناس بتقوله دة ثانكس على التوبيك |
اقتباس:
دمت فى رعاية الله |
اقتباس:
طب ما عندك فى المحروسة اخوان وانصار سنة وحكومة ومعارضة وحزب واللا دى مش انقسامات لا دى انقسامات ونص المشكلة مش فى الانقسام الفلسطينى ولا السنة ولا الشيعة المشكلة فى الانقسام العربى العربى :::::::::::::::::::::: مين قال انى مش عايز جهاد من جهز غاذيا فقد غذا يبقا نساندهم باموالنا ودا اقل حاجة نقدر نعملهم وطبعا عمرى ما هستنا الحكومة تفتح باب الجهاد لان دا عمره ما هيحصل ::::::::::::::::::::::: منورة الموضوع دمتى فى رعاية الله |
اقتباس:
ماشى بس اللى بيحصل عندنا دة اسمه خلافات و دة عمره ما ادى اننا نقتل بعض انما هما قعدوا يقتلوا فى بعض دى حاجة تانى حاجة مش صح ابدا انك تقول عايز احارب لو فكرت شوية و سالت نفسك ليه كل الدول العربية حاليا بتايد مصر و موقفها حبا فينا مثلا لاطبعا دة بس عشان تبقى مصر اول بلد تطلع جيش دة ان فكرت يعنى فيخرج جيش مصر اللى هو غير مؤهل اصلا و يباد و يرتاحوا منا معلش يعنى عندى سؤال صغير اشمعنا المصريين اللى كل الناس مش طايقينهم ليه احنا اللى نحارب بس هما كان كل اللى فى البلاد العربية ماتوا و لا راحوا فى مصيبة عايزين تحاربوا يبقى العرب كلهم مش المصرييين بس يا اما بقى تروحوا تحاربوا فى اسكندرية و بعدين انت خيلتنا ما تثبت على اسم بقى:angry2: |
اقتباس:
|
اكتر حاجة بتوجع اوى لما بتشوف كلام اهل غزة ناس بيوتها اتهدمت واتشردوا وبقوا ف الشارع وبيقولوا خليهم يعملوا اللى يعملوه ايه يعنى بيدمروا الحجارة ؟ وايه يعنى بيقتلوا اولادنا ؟ هايموتوا شهداء فى سبيل الوطن واللى بيحصل مش بيزيدهم غير عزة وكبرياء اقتباس:
|
اقتباس:
اقتباس:
السلام عليكم ورحمة الله وبركاته صبرا اهل مصر فانا موعدنا قد اقترب اولا بس يا جماعه احب اعلق على كلام الاخت اولا هما عملوا كتير اوى وكانوا من ضمن الاسباب الى خلتنا نقف على رجلينا فى حرب 73 منقدرش اننا ننكر ده دور العراق ودور السعوديه ولبيا وغيرهم ممن امدونا بالسلاح من خلف ظهور الاتحاد السوفيتى الى امتنع من اعطائنا اسلحه حديثه مثل التى كانت تمتلكها اسرائيل المشكله مش فى كده المشكله انهم لو احنا دخلنا حرب دوقتى مع اسرائيل مين الى حيقف معانا خلاص وانا ولله اعتقد من خلال فكرى السياسى البسيط ان كل الى بيحصل ده موقف او سياسه يهوديه لتشويه صورة مصر وللاسف قد ساقت الابل امامها وهو العتول مبارك السؤال هنا لو مصر دخلت حرب ميين الى حيقف معانا بعد ما ظهرت حكومتنا المشرفه على التلفاز ويقول ان فلسطين محتله ويحق للمحتل ان يسمح بدخول المواد الطبيه او الغذائيه من معبرنا احنا ولا لا اااااااااااااااااااااااااااااااااااااااااااااااااا ااااااااااااااااااااااااااااه يا عرب |
اقتباس:
ميملكوش حاجة غير كدا وحنا السبب اصعب حاجة فى الدنيا انك تحس ان فى حد مسلط عليك وانت مش قادر تعمل حاجة اللهم ثبت اقدامهم يارب العالمين دمتم فى رعاية الله |
اقتباس:
مين هيبقا معانا طبعا ولا حد هيسأل فينا احنا العرب كدا اخدم نفسك بنفسك دافع عن ارضك بنفسك اتقتل لوحدك يتهدم عليك بيوتك لوحدك كله لوحدك متستناش مساعدة عرب وسلام يا حكومة شكرا على المرور يا احمد دمت فى رعاية الله |
| جميع الأوقات بتوقيت GMT +2. الساعة الآن 02:34 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.