|
سؤال صغير
1 مرفق
السلام عليكم و رحمة الله و بركاته يا جماعة انا عندى سؤال صغير كدة هو كان موجود فى امتحان الاوليمبياد بس هو موجود فى كتاب الوسام و الاجابة كانت 2 اوم و موجود فى كتاب الماسى و الاجابة كانت 8 اوم و المدرسين اختلفوا فيها فانا كنت عايزة اعرف الاجابة الصح ايه السؤال موجود فى المرفقات |
انا اتفق مع الماسي لان علي سبيل المثال وليس الحصر لو انت ماشي بعربيتك وقدامك شارعين واحد فاضي وواحد كله مطبات ..........وعاوز توصل بسرعه يبقي اكيد تمشي في الشارع الفاضي.......ومن هنا نقول ان التيار يفضل المرور في سلك التوصيل الخالي من المقاومات وبالنسببه للرسم اكيد التيار مش هيمر علي اول مقاومتين وتبقي المقاومه المكافئه 8 اوم في حاله التوصيل من احد طرفي الدائره وشكرااااااااا..................:romarioxp6::romari oxp6::romarioxp6::romarioxp6:
|
اقتباس:
بس هى المشكلة مش فى الكتاب المشكلة فى اختلاف المدرسين لان المدرسين بيقولوا انها ليها اكتر من حل يعنى ممكن تتحل باكتر من طريقة و دة اللى ملخبطنى |
لأ يا مان هي طبعا ً 8
لأن الإتنين ال8 متوازيين مع بعض و ال4 متوالية معاهم الاتنين في نفس الوقت....فالإجابة هتبقى (8*8)/(8+8) + 4 = 8 أوم إن شاء الله |
اقتباس:
ما شاء الله ادى اجابة جديدة انا اول مرة اسمع الاجابة دى ازاى المقاومتين 8 يبقوا توازى مش صعبة شوية اللى قالوا ان المقاومة المكافئة هتكون 8 فسروها تفسير تانى خالص غير اللى حضرتك قولته عموما شكرا على اهتمام حضرتك و ردك |
معلش ليا رأي تاني
التيار لما يلاقي سلكين ع التوازي احدهما لا يحتوي علي مقاومة لا يمر به عشان كدة المقاومتين اللي ورا بعض 8 و 4 اوم مش هيدخل فيه من اساسه و هتكون المقاومة الكلية 8 اوم ___________________________________________ بالنسبة للاولمبياد ماتبصيش ف الوسام لان الاسئلة فيه من قبل امتحان 2008 (تقريبا اتسربتله ) و بعضها متجاوب غلط الاسئلة و الاجابات النموذجية في موقع الوزارة |
اقتباس:
شكرا على رد حضرتك هو دة برضو التفسير الموجود فى كتاب الماسى بس هو ايه يمنع التيار انه ييجى عند المقاومتين 4،8 و يتوزع و يبقى المقاومتين دول توازى ؟؟؟؟؟؟؟؟؟ |
التيار سوف يمر فى السلك عديم المقاومه ثم يمر فى المقاومه 8 فقط من اى طرف لذلك تكون المقاومه المكافئه 8 اوم يعنى مفيش توازى فى الدائره
|
اقتباس:
شكرا يا مستر خلاص يعنى اتوكل على الله و لو جت لى فى الامتحان اجاوبها 8 اوم |
الاجابة الصحيحة 2
ومعلش يعني مفيش حاجه اسمها التيار مش حيمر في سلك . طالما في فرق جهد لازم التيار يمر والا لو في مقومتين متوصلين علي التوازي كان اختار الاقل ومشي فيها ومكنش بقي في قوانين توازي . الالكترونات ملهاش عقل ليها قانون واحد بس تروح للشحنه الموجبه وتتنافر مع الشحنه السالبه بس مفيش حاجه اسمها تنقي دا مش كلام علمي هو حيمر في كل الاسلاك بس هي الديره مرسومه بحرفنه انا حوضح في الصوره دي http://durore.diinoweb.com/files/resistors.JPG اولا في الصوره الاولي باين ان النقط اللي باللون الاحمر متوصله ببعض بدون عوائق يعني مفيش مقومات بينها والنقط اللي باللون الازرق متوصله ببعض بدون عوائق يعني مفيش مقومات بنها وزي ما احنا عرفين المقاومه ملهاش اقطاب يعني لو وصلتها باي شكل حتشتغل لو التيار دخل من الازرق حيمر علي الثلاث مقومات ويطلع من كل مقاومه عند اللون الاحمر ويجتمع في الطرف الثاني ولو دخل من اللون الاحمر حيمر من الثلاثه بردو وطلع من كل مقاومه عند اللون الازرق ويجتمع في الطرف الثاني صوره اتنين توضح توصيل الصوره 1 بشكل تاني وصوره 3 بردو هي صوره 1 وهي صوره اتنين يعني الثلاث مقومات متصله علي التوازي يعن مقلوب المحصله يساوي مجموع مقلوب قيم المقومات 0.25 + 0.125 + 0.125 = 0.5 والناتج النهائي هو 2 اوم اخر حاجه مفيش حاجه اسمها ليها اكتر من طريقه لانك لو وصلتيها فعلا المجموعه حتكافئ مقومه واحده في الحقيقه وهي 2 اوم |
اقتباس:
اولا شكرا على رد حضرتك و اهتمامك لكن ممكن لو فيها قلة ذوق توضح كلام حضرتك شوية لانى فى الحقيقة مش فاهمة |
لفي الرسمه بتاعة الديره اللي انت جيباها تخيلي يعني ان احنا خليناها راسيه وشوفي الصوره الثانيه حتلقيهم زي بعض
بعد كدا الصوره الثانيه هي هي الصوره الثالثة لو لسا مش فاهمه قولي ايه الجزء من الجزئين اللي قلتهم مش فهماه او الاتنين وانا اوضح اكتر |
اقتباس:
ِِِِِِِشكــــــــــــــــرا جزيلا وانا شايف ان ده هو الحل الصح ومفيش اصح من كده |
طلب صغير
يا ريت المسألة لأن أرقامها مش واضحة عندي و شكراااااااااااااااااااا :):):) |
سوري يا جماعة انا ليا رأس تاني
نفترض انها دائرتين الاولى كبيرة اليمين تبدأ ب 8 اوم وبعدين 4 اوم التانيه صغيره اليسار تبدأ ب 4اوم وبعدين 8 اوم ، صح ؟ كلنا نعرف ان التيار بيفضل انه يمشي في المقاومة الاقل ، لذا فهو هيمشى مثلا من الشمال لليمين مارا بالسلك عديم المقاومة ثم يمر يسارا بالمقاومة 4 اوم ثم هينزل :) لتحت في الدايرة الاولى ويمشي فيها بدون ان يمر بالمقاومة 8 اوم التانية ويبقى كده هو مر بالمقاومة 4 اوم بس يبقى المقاومة الكليه المكافئة 4 اوم بس عشان كده انا بتفق مع كتاب تالت :) |
يا جماعه الحل 8 اوم اكيد وتاكيدا كلامي لو شفتوا امتحان السنه اللي فاتت جاب نفس الفكره في المطلوب التاني وعشان كده عند غلق المفتاحين تصبح المقاومه 30وم فقط لان التيار يمر من خلال المفتاح ولن يمر في مقوامتي التوازي................................
|
1 مرفق
بسم الله الرحمن الرحيم قبل قراءة الرد لازم تشوف الحل فى المرفقات ________________________ عارف أول انطباع هتقول لي ما قولناش التيار هيمشى فى سلك فائق التوصيل و تبقى 8 أوم أقولك ركز لما تعمل كده و يمر التيار من 8 هتلاقى فبل النهاية فى فرع يرجعلك التيار تانى يبقى مينفعش يبقى بكده أسهل حل على ما أظن هو الحل بالطريقة اللى فى الحل حتى يا سيدى لو جربت الطريقة ده فى المسائل اللى قصدك عليها هتلاقى أن زى ما الطريقة بتقول سمى طرفين المقاومة نفس الاسم و بكده اتلغت المقاومة يعنى المقاومة بصفر أما هنا فالحل ده طريقته _____________________________________ لا تنسى الدعاء للفلسطنيين فى غزة |
كلامك صح عبد الرحمن والاجابه دي صح
شكراااااااااااااااا |
كلامك صح عبد الرحمن والاجابه دي صح
شكراااااااااااااااا |
آآآآآآآآخ ع التهييس
بصو يا جدعان انا الأستاذ اداني المسأله دي بس بدون أرقام و قال وضح إتجاه التيار ف الدائرة و المهم إن التيار كان إتجاهه كالتالي ( دا كلام الأستاذ مش كلامي ) http://www8.0zz0.com/2009/04/16/08/811625626.jpg لو طبقناها ع الأرقام اللي ف الدايره هاتطلع 2 و كسور لو الحل غلط يبقي ليه ؟؟؟ |
بصوا يا جماعة
انا اللى اعرفه ان السلك لما يكون خالى من المقاومات بنعتبره نقطة وبالتالى لما المقاومتين يكون لهم نفس النقطة هيكونوا توازى ولو طبقنا الكلام دا على المسالة هتكون المقاومة المكافئة 2 اوم |
عبدالرحمن كلامه صح قشطه ياعبده
|
دا طبعا واكيد 8 اوم لان التيار هيمر فى السلك لصغر مقاومته وبالتالى مش هيمر على المقاومات اللى تحت
|
1 مرفق
اقتباس:
شوف سؤالك فى المرفقات و هل واضح بالنسبة لك؟ و طبق الأرقام كده يمكن أكون غلطت و ربنا يوفقكم جميعاً |
888888888888888888888
اوم لان التيار هيمشي في الاقل مقاومةةةةةةةةةةةةةةةةةةةة |
اقتباس:
و الأحمر و الأزرق فروع التيار و هاسأله تاني و أرد عليك |
و ألف شكر طبعا ً ع إهتمامك
|
مشكووووووووووووووووور على المساله الجميله لو ان حلها بسيط ولا يحتاج كل هذه الاختلافات
امشى ورا التيار وحده وحده وهيا تتحل |
يا جماعة الاجابة 8 اوم انا متاكده 100 التيار مش هيمشى الا فى السلك عديم المقاومة لان لو فى سلك عديم وسلك يحتوى على مقاومه يختار فى اللى مفهوش ده كانت جزء من مسالة 208 دور اول وبعديها هيمشى فى 8 اوم وبالتالى المقاومة الكلية 8 اوم صدقونى هى
ه الاجابة والمسالة ده لو هتيجى الفكرة فى اخر السنة لايمكن تيجى بالصورة ده مينفعش التشكيك |
| جميع الأوقات بتوقيت GMT +2. الساعة الآن 05:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.