|
بابا مش قادر يفهمنى.... ماما مش عارفة تنزل لمستوى تفكير
السلام عليكم و رحمة الله و بركاته ازيكم كلكم؟ بعيداً عن المقدمات اللى انا اصلاً مش بعرف اكتبها اصلا دى:) فانا النهاردة جاية اتكلم فى موضوع لاحظته موجود فى مصر بالذات و الموضوع دة هو ما يسمى ب "صراع الاجيال" دايما اللى اكبر مننا سناً مش فاهمينا خالص و دايما حاسين اننا تفكيرنا غلط و احيانا كمان بيحسوا(( اننا مش بنعرف نفكر اصلاً)) و اننا مش لينا حق اننا نبدى راينا او نناقشهم فى اى قرار هما ياخدوه حتى لو كان القرار دة يخصنا احنا يعنى مثلا تلاقى واحد عايز يدخل كلية ما يقوموا اهله يقولوله لا انت هتدخل الكلية دى و مش يقبلوا منه اى نقاش كأن كلامهم دة "قرآن" و غير قابل للجدال او المعارضة و لو حد لقى والده و والدته بيتكلموا فى حاجة و هو موجود و قال رأيه للاسف رايه دة لا يُقابل إلا بكلمة واحدة "اسكت انت ، انت مش فاهم حاجة" ليه يعنى؟! و بعدين هو هيفضل لحد امتى مش فاهم و دايماً لما ييجى حد من أهلنا يتكلم عننا يقولوا "جيل بايظ مش فالح فى حاجة" احنا جيل" بايظ"!! احنا مش فالحين فى حاجة!! و ليكن بس مش كلنا و حتى لو كلنا المفروض انكم تقومونا و ترشدونا للصح مش تشتمونا و بعدين هو احنا لو جيل "بايظ" ايه اللى خلانا بقينا كدا مش هما بيقولوا " هذا الشبل من ذاك الاسد" و "من شابه اباه فما ظلم" يبقى اصلاً الجيل "البايظ" دة الكبار هما السبب فى وجوده و فى انه يبقى بايظ رغم اقتناعى التام اننا مش جيل " بايظ " و لا حاجة زى ما هما بيقولوا لاننا لو جيل "بايظ" مكانش فيه حد مننا قدر انه يبقى دكتور ناجح او مهندس كويس أو........أو......... و الامثلة على نجاح الشباب كتيرة جداً لكن بردو مصرين يطلقوا علينا لقب و ( وصمة ) الفشل السؤال بقى اللى بجد اموت و اعرف له اجابة هو : ليه كل دة؟!! ليه دايماً احنا _الصغيرين_ اللى وحشين؟ ليه احنا اللى مش بنعرف نفكر كويس؟ _مش يمكن حضرتك اللى تكون شايف الموضوع غلط_ ليه احنا جيل "بايظ"؟ ليه و ليه و ليه...... اسئلة كتيرة فى دماغى و مش لاقيالها اجابة ياريت اللى يعرف اجابتها يقولى (ملحوظة: أنا عارفة ان معظم المنتدى شباب لكن اللى بطلبه هو ان الكبار هما اللى يردوا على اسئلتى و الشباب بردو احب اعرف رأيهم فى التعسف اللى بيمارس علينا و على ارائنا). اخر كلامى: Solving of the problem is on finding out the people who will solve it حل المشكلة يكمن فى ايجاد من يستطع ان يحلها!! |
اقتباس:
بالظبط كدة :) موضوع جميل يا لمى وان شاء الله هارجع تانى عشان لازم اقوم دلوقتى فى رعاية الله وحفظه :) |
اقتباس:
اوك يا قمر و انا فى انتظارك |
من طريقة كتابتك أكيد عن تجربة معاكي ياريت توضحي ده علشان إنتي بتظلمي الكبار وهيا بترجع للأشخاص مع انو بيحصل معايا بس ولله الحمد محدش بيقدر يغلبني في وجهة نظر مقتنع بيها إلا إني مقدرش أطول مع والدي في الكلام لحد مجيت في مرة بهزر معاه مع انه هزار في حدود الأدب راح قالي إنتا قليل الأدب وقوم من أدامي قلت يبقي إنتا اللي اخترت المعامله بعد كده يجي يقولي إعمل حاجه وانا مش مقتنع بيها أقولو ماشي بس لو حاجه تخصني براضيه وبعمل اللي أنا عايزه وأقنعه بعد ما أعملها ودايما بيقتنع بس مبطولش معاه في الكلام علشان صوتي ميعلاش عليه مع ذلك هو مضايق جدا إني مبكلموش بس أعمل ايه هو اللي إختار المعاملة
|
اقتباس:
مين اللى اختار المعاملة ؟ خلى بالك من كلامك شوية انت بتتكلم عن بابا عارف يعنى ايه بابا ؟ شكلك مش عارف اللى انت بتعمله فى وجهة نظرك تضحية مع انه لا يمت بالتضحية بشيئ انك تعتبر عدم اطاعة والدك وتنفيذ حاجة انت مقتنع بها وتفادى بابا علشان صوتك ميعلاش ده اسمه تهريج لينا كلام بعدين !!!! متخافش مش هاسيبك ازيك يا لمى ..... عاملة ايه ؟ شكرا جداااا على موضوعك سوف احاول على قدر استطاعتى مجاراة هذا الموضوع الخطير جداااااااا تعالوا نشوف المشكلة ...... قبل ما نتكلم طبعا لازم نوضح الحقيقة هههههههههههه ان الاب كان بيلاقى نفس المشكلة مع الجد ولما طلعتم انتم قال لكم احنا كنا بنسمع كلام الكبير و الكلام الظريف ده طبعا الكلام ده مش حقيقى لان نفس الصراع كان موجود بس مع اختلاف اسلوب الجيل يعنى انا اعترف ان الجيل الجديد لديه من المعلومات ما عرفه الجيل القديم بعد ما لا يقل عن 30 سنة ودى حقيقة يعنى احنا مكناش مثلا طلبة مثلكم .... انتم حظكم فى المعلومة افضل بكتير واحنا حظنا كان افضل من اللى قبلنا وهكذا ..... بس لو قعدتم مع باب مثلا واثبتم ده .... انكم مثقفين مش هايفين .... اكيد وجهة نظره هتختلف وسوف يشرككم فى مشاكل اكبر ايضا اسلوبكم او مقدمة كلامكم بيبقى فيها شيئ من التحدى وفرض صحة رأيكم وده مينفعش وساعات تختاروا اوقات غير مناسبة لمناقشة موضوع ما وتلقوا مصير بوش احيانا ههههههههه بس القاعدة التى ليس لها استثناء ان مفيش اب لا يتمنى ان يصبح ابنه او ابنته افضل منه وطبعا المرضى النفسيين فقط يعتقدون غير ذلك .... يعنى فى ابن مثلا يقول بابا بيغير منى ههههههههه يغير من مين يا اهبل ؟ لالالالالالالالا طبعا قدموا وجهة نظركم على طبق شيك معاه كوب شاى ممتاز لبابا ويا سلام لو تشرك ماما فى الموضوع بعد ما تكون عملت معاها واجب تمام يعنى ساعدتها فى غسيل الاطباق مثلا .... نفضت معاها هههههه مثلا ونقعد ونتكلم واحد واحدة كده ....... ونطالب بحقنا فى التجربة ونفكرهم بحاجة مهمة انه لا يتعلم الا من جرب بنفسه بس طبعا طلباتنا تكون معقولة ومنطقية حتى لو كان فيها جزء من المخاطرة يبقى جزء صغير بلاش ننسى ان دول بابا وماما يعنى مفيش حد هيحبنا اكتر منهم ولا هيخاف علينا last fantasy انت بتقول انك بتنفذ اللى فى دماغك وبعدين تقنع بابا هتقعد تنفذ اللى فى دماغك لغاية امتى ؟ وهتتعلم من خبرة الاخرين امتى ؟ وابنك فى المستقبل ان شاء الله هتعامله ازاى هههههههه ؟ هتسيبوا يعمل اللى هو عاوزه لحد ما تلاقيه داخل عليك بسيجارة مثلا ؟ خلى بالك من بابا شوية وتعالى على نفسك علشان ترد واحد على مليون من الجميل ده بابا يا كابتن ههههههههههههههه |
صراع الاجيال
زى صراع فى المينا كدا:d من المتعارف عليه ان تفكير الاجيال بختلف عن بعضه كل جيل له عاداته وتقاليده هما شايفين حاجة وحنا يمكن نكون شايفين حاجة تانية خالص فى الغالب هما بيبقو صح لانهم هما اكبر مننا واتعلمو من الحياة كتير عارفين الصح من الغلط زى ما الناس بتقول احنا بقينا فى مجتمع مفتوح( ونا بقول البرد دا جاى منين ):d كل واحد شايف انه صح حتى لو غلط ومع ذلك مبيحاولش يفكر شوية علشان يتأكد لو مقدرتش تقنع والدك او والدتك انك صح يبقا العيب فيك لانك مش متعود تتدخل فى حاجة المفروض يكون لك رالى وشخصية بس فى الحق والصح مش مجرد انك يبقا ليك رأى وخلاص موضوعك كويس بجد دمتم فى رعاية الله |
موضوع جميل جدا ومهم فعلا
بس انا اعتقد ان المشكله في انهم جربوا وعرفوا واكتسبوا خبره اه هم خايفين علينا وكل حاجه بس احنا بردو عايزين نجرب علشان نقتنع برايهم بس هم عايزين نعمل اللي هم عايزينه من غير ما نعرف ليه اه طبعا في حاجات معروف انها غلط مش معقوله نروح نجربها انا اعتقد ان ده سبب المشكله او علي الاقل معايا انا |
اقتباس:
اقتباس:
|
Last Fantasy
اسف اولا انى فكرتك بذكرى مكنتش اتمنى ان اكون السبب فى انك تتذكرها بخصوص سى سيد بقى مين قال ان بابا لما يعاملنى باى طريقة اشبهه بسى السيد اولا مفيش حاجة اسمها سى سيد دى ومش معنى كلامى ابدا انك تقلل احترامك لوالديك ..... انا كلامى على طريقة كتابتك بس شكرا لك محمود طه تعليق جامد جداااااااااااااا ههههههههههههه مجتمع مفتوح ....... مشكلة ده ف الجو اللى احنا فيه هههههههههه امال فين لمى صاحبة الموضوع ؟ |
اقتباس:
يا خبر انا اهو يا فندم انتو تؤمروا بس شوية مشغوليات بقى ثانوية عامة الله يحرقها و هرد عليكم واحد واحد دلوقت |
اقتباس:
و الله يا مستر ما بنسى حاجة بس انا مش مشكلتى فى انى اجرب لانى وقت ما كنت مسافرة جربت بما فيه الكفاية لدرجة انى قلت كفاية كدة انا مش عايزة اجرب تانى:) بس الفكرة انى مش بحس انى اصلا ليا الحق فى انى اقول رايى او اوضح وجهة نظرى انا عارفة انى ساعات بيكون كلامى غلط بس اللى بطلبه ان الغلط دة يقابل باهتمام و انى اعرف ان الشىء دة غلط و اهم من كدة انى اعرف هو غلط ليه هو دة لب الموضوع ليس الا منور يا مستر و الله:078111rg3: و عوداً حميداً |
اقتباس:
اولا شكرا على ردك تانى حاجة بجد انت غلطان مش يصح ابدا انك تقول كدة مهما حصل دة والدك و الكلمة دى لوحدها كفاية يا ريت تعيد تفكيرك و تصحح وجهة نظرك (( اللى هى مش غلط كليةً)) |
اقتباس:
بص يا باشمهندز انت كلامك صح و انا متفقة معاك فيه الا حاجة واحدة فكرة ان الكبار عارفين الصح من الغلط لا بقى الصح باين جدا و الغلط باين بردو و اللى عاوز يعمل حاجة بيعملها حتى لو الدنيا كلها قالت له لا هيعملها بردو متشنكرين جدا اوى خالث على الرد الشنيع دة |
اقتباس:
اممممممممممممممم اولا متشنكرين خالص على الرد الكميل دة بجد كلامك صح لازم يسيبوكوا تجربو عشان تتعلمو بس و انتى بتجرى متفتحيس على الرابع انا خايفة عليكى:romarioxp6: ثانيا عاش من شافك شهر مبارك ماشى ماشى لينا ميل نتخانق فيه:stickjo4: |
والله يا جماعه مقصدي حاجه بس أنا كتبت الرد الأولاني وأنا مضايق أنا ببايا فيه عيب وهو عيب في كل الناس بتوع زمان بس مع ذلك فرض عليا إني أنفذله اللي هو عايزه هو عيب إن كل حاجه بيبقي عايزها برفكت وكمان عمره مفكر في مره انه غلط في فعل حصل بس بردو مهما كان هو والدي يعني مثال بسيط لو واحد واقف تحت الشمس في عز الضهر وجه واحد صحبه ساله إنتا أسود ليه الطبيعي ترد تقول أصل كنت واقف تحت الشمس طريقة والدي أصل الشمس جات وقفت فوقيا بنفس المعني في كل حاجه أنا مش زعلان ولا حاجه يعني أنا بعاملهم بحيث ميزعلوش مني ولا أزعلهم مني بس في نفس الوقت صمتي بيحسسهم اني زعلان فيزعلوا فهيا تركيبة صعبة دا غير أني متربي يعتبر وحيد وعشان كده أحب أقعد لوحدي كتير ومبحبش الكلام الكتير ولا الاصوات الكتيرة وكمان طول مابقعد علي الكمبيوتر بسمع موسيقي كيني لو حد عارفها يعني المفروض يعرفوا كده بس يللا
|
اقتباس:
هههههههه انا اكتر حاجة عجبتنى موضوع الموسيقى الكينى دى كينى ازاى يعنى ههههههه مش كينيا دى اللى بيجيبوا منها الشاى ههههههههه عموما ما علينا انت بس قلت حاجة كنت عايزة استفسر عنها منك دة بعد اذنك طبعا اقتباس:
بيرجع الامور للظروف زى انت مش نجحت ليه يقول اصلى مش ذاكرت و والدك يقول الامتحان كان صعب انا دة فهمت صح و لا ايه؟ |
موضوع بجد جامد قوى بس مش عارفه انتو زعلانين من الاوامر اللى بيقولوها ببساطه خالص الممنوع مرغوب يعنى لو باباك عرضك فى موضوع تبقى هتموت طب لو سابك بعد كده هتختار انتا بنفسك الحاجه اللى اختارها والدك لانه اكتر الناس خوف عليك بجد بجد انا مفتقده الكلام ده اوى نفسى كده بابا وماما يعرضونى فى حاجه ينقاشونى نفسى احس بالاهتمام ده وانى مقدرش اعمل حاجه اللى لو كانوا مقتنعين بها وازعل لو مقتنعوش واحاول مره وعشره بس للاسف مفيش كلام من ده فى بيتنا بابا يقولى اللى شيفاه صح اعمليه وماما تقولى اعملى اللى يريحك تعرفوا انتا بتحايل عليهم يسئلوا عليا فى الدروس لكن مفيش فايده على لسانهم حاجه واحده بس احنا واثقين فيكى مش عارفه محسسنى انى هدى شعراوى معرفش ليه ثانكس لمى على التوبيك |
اقتباس:
يا حول الله يعنى لا كده عاجب ولا كده عاجب هههههههههههههه احنا مش ننكر فن فى بعض الاهالى متسلطين جدا والبعض الاخر لا بس انا عاوز اسال سوال فى الاول كده انت لما جيت تختار كليتك انت اللى اخترتها ولا اقعدت تتناقش معاهم ولا هما اللى اختارو لك الكليه زى ناس كتير هما اما يختارولك كليه مش بيغصبو عليك لكن بيتختاروها لانهم انها اكار حاجه هتنسبك ولو انت اخترت الكليه اللى انت عاوزها وهما مش عازينها ولا قدر اللى حصلك حاجه فيها شوف بقه اللى هيحصل قلنالك من الاول دى كليه وحشه وهينكدو عليك هو انا بصراحه مش عارف الحكايه دى مشكله ولا لا واذا كنتم بتقولو دى فى مصر بس فانها هنا بس لسبب انتم عارفين ان الغرب لو الولد كمل 18 سنه خلاص ينسى اهله ويعتمد على نفسه بقه |
اقتباس:
كل المشكلة ان الاهل فعلا وجهة نظرهم صح في كل حاجة هم بيقولوها عن تجربة بجد انا مش مش بسمع الكلام بس بقول ان بابا بيعملني اني صغيرة وحاجات كدا ولما يقول ع حاجة بعملها بس في مرة بقا لقي اني زعلت انه بقول لي اعملي كذا وكذا قال لي خلاص اتصرفي براحتك وفعلا اتصرفت لوحدي والله اتمنيت انه يرجع يقول لي لا تاني عرفت ان كل كلمة هو بيقولها عشان مصلحتي وعشان هو بيحبني مش عشان حاجة تانية وماما برده بس احنا بنحب نجرب وهم بقا مش عايزينا نتعب عشان كدا بيقدموا الحل ع طبق من ذهب بجد موضوع هايل بس ع فكرة دا جيل بايظ فعلا جيل بتاع الجيل ف شعره ههههههه |
اقتباس:
|
حضيف رأيي بسرعة كده ما شفت افكاركم
يمكن أحد الاسباب اللى بتخلي الآباء يقولو كده علينا إنه مش مقتنع بفكرة إنه "عيل صغير(بالنسبالهم)" يدي رأيه لناس ليهم خبرة في الحياة ده سنين يعني انت حتفهم اكتر مني والحكاية ده تبدأ في الزوال تدريجياً مع كبر الشخص بس في الآخر حتفضل في نظر والديك صغير حتى بعد ما تتجوز |
لا ترغموا اولادكم على ادبكم... فانهم خلقوا لزمان غير زمانكم
اقتباس:
المقوله دى قالها على بن ابى طالب رضى الله عنه وارضاه بمعنى ان المشكله السبب فيها الاباء لانهم عايزين يحاسبوا ولادهم بمنطق زمنهم - الابقاء طبعا - ورافضين نهائى انهم ياحسبوا الاولاد بمنطق زمن الاولاد نفسم هنا دور الابن او البنت وده عن تجربه شخصية حاول تفكر فى قرارات كتتتير قبل عرضها عليهم وقبل تنفيذها علشان يكون عندك ردود مقنعة جدا لهم مع الاخذ فى الاعتبار ان ارائهم كثيرا ما تكون صائبة لكن الي بيحكم الموضوع ما هو القرار؟ ومتى ينفذ؟ ولماذا اتخدته؟ وما يترتب عليه من تبعات؟ والحمدلله بيكون عندى رد على الاربع اشئله وبعدها بيكون واضح القرار خاص بى لوحدى ولا متعلق باحد؟ ارجو ان مشاركتى تفيد |
اقتباس:
وأنا معاك يا ريس ههههههههههههههههه |
السلام عليكم ورحمة الله
موضوع جميل جدا وهادف جدا اقدم لك خالص شكرا لطرح هذا الموضوع المتواصل بين الاجداد والآباء والابناء اولا لازم نتفق جميعا ان والدينا لا يشغلهم شيئ فى الدنيا سوى مستقبلنا ورفعة شأننا وان يشاهدونا افضل منهم عن نفسى كنت احاور والدى( رحمة الله عليه) فى شئون كثيرة منها العامة والخاصة بحياتى الشخصية او فى شئون البيت بشكل عام او فى شئون الدنيا كلها وكنا احياننا نتفق واحيانا نختلف واحيانا يوافقنى على رأئيى ( حسب نوع المشكلة او الحوار الدائر بيننا ) لكن لم يكن هناك مصطلح اسمه اعمل الى انا عايزة طالما شيئ يخص حياتى الشخصية حياتك الشخصية ايه بس؟؟؟ الا تعلم ان حياتك الشخصية جزاء من حياة ابويك؟؟ انت مهما كبرت ومهما تعلمت ومها رحت وجيت انت فى النهاية جزاء من حياتهم وهم كل حياتك الا تعلم ان والدك يعمل ليل ونهار من اجلك انت؟ تفتكر ليه ؟؟ لاحظ انه شخصيا ليس له مصروف وانت واخواتك تستهلك معظم دخل البيت الناتج عن تعبة ليل ونهار من اجلك يعنى مثلا ممكن والدك يقعد بالسنة والاثنين لا يشترى لنفسة شيئ وفى المقابل لك مشترياتك ومستلزماتك تقريبا كل موسم ومناسبة وعيد ناهيك عن مصروفات المدرسة او الجامة والدروس وخلافة ................... الم تلاحظ هذا؟؟ والدى كان ينصحنى كثيرا فى بعض امور حياتى مثل اختيار اصحابى والاماكن التى كنت اتنزه فيها وكان رأية مخالف تماما لرأئى كان مثلا يحزرنى من صديق معين وانا كنت استغرب جدا وكنت معترض جدا بسبب وجهة نظرة فى هذا الصديق الوفى الطيب الخدوم تعرفوا صاحبى ده دلوقتى بيشتغل ايه؟؟؟؟ يعتبر اكبر نصاب فى بورسعيد وانا كنت اول ضحياة اظن دلوقتى بقا ماينفعش نقول حياتى الشخصية وانا اعمل الى انا عايزة وان فرصتنا فى التنوير والحصول على المعلومات اكتر بكتير من فرصة آبائنا ومع ذلك هو طلع صح فى كل شيئ وانا طلعت غلط فى كل شيئ عارفين ليه؟؟ لانه يوجد عامل مهم جدا مهما تقدمنا فى التجارب والحصول عن معلومات وامكانية حياتنا المختلفة عن حياتهم عارفين ايه هو العامل ده ........... هو عامل الخبرة بالتأكيد والدك ووالدتك خبراء فى الدنيا اكتر منك وثق تماما انهم لا يريدون إلا مصلحتك فلا تدع مكان للغرور وتقولى اختصر معاه فى الكلام علشان صوتى مايعلاش .... لا والنبى روح خده قلمين !!!!! وآخر يقولى لى انا مش فاهم هما بيتدخلوا فى حياتنا كده ليه؟ الى انتم فيه ده اسمة تهريج على فكرة انا من جيل الوسط يعنى اصغر من والديك واكبر منك او بمعنى اصح كان لى اب والان لى اولاد ... يعنى تقدروا تقولوا ( ارض محايده) شكرا لك |
صراع الأجيال
مفيش حاجه بالأسم صراع الأجيال لأنك لو إختلفت مع زميلك بقى صراع أجيال طبعاً لا .
أنا عايز أسئلك ليه بتطلب منهم أنهم ينزلوا لمستوى تفكيرك؟!!! طب ليه مترفعش أنت مستوى تفكيرك ليهم؟!!!! ليه عايز تغيرهم و مش عايز تغير نفسك أنت لتتوافق معاهم؟!!! الحياه صعبه و للأسف الوالدين لا يستطيعوا مناقشتك لتعبهم . حاول تجد الطريقه الملائمه للتعامل معهم و حاول كسب ودهم و حبهم ثم أعرض و جهه نظرك بهدوء و حاول تفهمهم و بلاش العصبيه لانها تهور و ده اللى بيفهموه و ده صحيح بس مش دائم فيرفضوا أو يعارضوا لانك حسستهم بعصبيتك أنك متهور فيفضلوا الرفض بدون سبب قوى علشان يأخذوا وقت للتفكير و ده لتهورك فالموضوع يكبر و يكون اقناعهم أصعب عن لو تكلمت بهدوء و بلاش التعميم فى عرض موضوعك لانه خطأ و ما بنى على باطل فهو باطل فتكون الحلول لا تناسبك . أنا عايز أقول اننا بنتناقش فمفيش داعى للردود الحساسه اللى بتظهر فيها العصبيه و لانها بلا نتيجه عبر عن رأيك بهدوء حتى يسمع . و السلام عليكم و رحمه الله و بركانه:) محمد الهوارى |
اقتباس:
|
اقتباس:
نشتري ناس من برة مش تعبانين ولا نطبق نظام الاحتراف في المنازل؟ :) |
اقتباس:
ممكن بردو لا يا محمد هما ساعات بس بيبقوا مش قادرين يسمعوا لنا لسبب او لاخر و احنا كمان لازم نقدر ده شكرا على ردك منور |
اقتباس:
اولا شكرا على رد حضرتك بس واضح ان حضرتك مش فهمت وجهة نظرى مش عارفة ليه رغم انى شايفة انها واضحة جدا |
اقتباس:
اهلا اهلا نورتونا و انستونا طبعا كلامك صح و ممتاز كمان بجد ربنا يحفظك و يكتر من امثالك |
اقتباس:
بجد بجد انا مبسوطة جدا لان حضرتك رديت على موضوعى بجد الموضوع زاد شرف بمجرد رد حضرتك عليه انا طبعا مقدرش اعارض حضرتك فى رايك دة بس اعتراضى على حاجة واحدة بس هى وصفنا باننا جيل فاشل بس |
اقتباس:
لان دى مهنتة واكل عيشة وربنا مايجعلنا من قطاعين الارزاااااااااااااااااااااااق |
اقتباس:
ثانيا كلمة جيل فاشل هى كلمة توصيف لحال الشباب .... يعنى ايه الكلام ده ؟؟ يعنى هى كلمة مختصرة لاحوال وظروف الشباب وطبعا اشكال الفشل مختلفة منها الفشل اللا إرادى ومنا الفشل الارادى يعنى هناك شباب كتير جدا كانو هم السبب فى فشلهم وهناك اا شباب كانت الظروف الصعبة او البيئة او احوال المعيشة كانت هى السبب فى فشلهم والمحصلة النهائية واحده انهم فاشلين ولكن لا ننكر ابدا ان هناك كتير جدا شباب موفقين ومنظبطين بس المثل العسكرى بيقول السيئة تعم والحسنة تخص واظن فيما سبق ملخص لمفهوم كلمة ( شباب او جيل فاشل) من وجهة نظرى ولعلمك الخاص ابائنا فى نظر ابائهم كانو جيل فاشل برضة واجدادنا فى نظر ابائهم ايضا جيل فاشل والسبب هو اختلاف الطباع والظروف باختلاف الزمن والعصور وايضا وجهات النظر تختلف من جيل لآخر وبكرة افكرك لما ربنا يكرمك وتتجوز ويهديك الله هدية الدنيا من الاولاد هاتقول عليهم نفس الكلام وساعتها هاتفتكر كلام والدك ووالدتك ومع ذلك هاتقول على جيل اولادك جيل فاشل مع العلم ان للظروف دخل كبير جدا فى هذا الفشل شكرا لك |
اقتباس:
شكرا لحضرتك على توضيح الصورة اللى انا غلبت على ما وصلت لها بجد شكرا جدا |
اقتباس:
اقتباس:
اقتباس:
|
اقتباس:
أنا قرأت الموضوع تانى و اللى عايز أقوله أن غالباً كل الناس مقتنعه برأيها أنه صح و ده مش شرط و عالشان أفهمك صح لازم أناقشك لو مفيش مناقشه كل و احد مننا مش هيفهم الثانى و بعدين أحنا للأسف بنخذلهم كثيراً و بعد كده عايزه ثقه مستحيل بصى لازم الشباب يثبتوا لأهلهم أنهم محل للثقه و بعد كده يدور على القبول أو الرفض. أكبر خطأ "اعتقاداً من بعضهم"أنك تحسسيهم أنهم مخطئين و خاصه أمام الآخرين و ده خطأ و بعدين ربنا خلق لنا أذنين و فم واحد علشان نسمع ضعف مبنتكلم أنك مستمعه فده ميزه مش عيب. طبعاً فى فرق كبير بينك و بين اللى اكبر منك بساعه بس السؤال اللى عايزك تجاوبينى عليه هل عملتى حساب الفرق ده و حاولتى تقللى الفجوه الكبيره ولا سبتيها تكبر؟؟؟وأزاى؟؟ بصى فى ناس كبيره منسمعلهاش زى الناس الصغيره تماماً و ده لأنهم بيعكوا صح بصى الإنسان ثقه فلما مثلاً أقول لو ساعدتك فى حل عده مشاكل هتسمعينى بعد كده صح لكن دلوقتى الشباب لما واحد يقولوا أبوه هات عشره عيش بيتخانق و يعمل مشكله علشان الطبور قصدى مبيعرفش يتصرف مين هيسمحله بالكلام أصلاً أزاى. يا شباب أبنوا الثقه بينكم و بين ابويكم يسمعولكم لكن نسقط فى الأمتحان و نقول أحنا هايلين فده طبعاً خطأ . والسلام عليكم و رحمه الله و بركاته منتظر ردك محمد الهوارى |
اقتباس:
تختار الوقت المناسب للحوار يكون موضوعك جاد و هادف تفهمهم قبل متطلب منهم أنهم يفهموك ميبقاش كل همك نفسك تنقشهم بأدب و هدوء و متعليش صوتك أنا عايز اسئله أنت عارف ثمن البنطلون اللى أنت بتليسوه جه من أين و ازاى محواتش تسأل نفسك السؤال ده قبل كده جاوب علي وأنت هتعرف . عاماً كل الآباء و الأبناء بتعبوا علشان أولادهم البعض بيتعب علشان المال فقط و ده خطأ بس لو تقدر تستغنى عن الكمبيوتر و الموبايل و تعد معاهم ساعتين قول!!!:) |
اقتباس:
|
السلام عليكم
ميرسى كتير لمى على الموضوع هو بجد موضوع جميل جدا ومهم اوووووووووى بصى انا شايفه انه طبيعى جدا صراع الأجيال ده اكيد طبعا فرق السن اللى بيكون موجود بيكون سبب فى عدم تفهم الكبار للصغار دى عشان اختى اصغر منى شويه حاسه ان جيلها غير جيلى وكمان الزمن بيتغير يعنى هما كان عندهم مفاهيم واسلوب معامله غيرنا دلوقتى دى حاجه حاجه تانيه ان مش كل الأبهات والأمهات مع اولادهم كده يعنى انا عندى فى البيت قبل ما بيعملوا اى حاجه بياخدوا رأينا ويمكن الحاجه دى تكون تخصهم هما وكتير كمان بيتنازلوا عن رأيهم لما بنقول رأى تانى احسن لكن مش معنى كده انهم دايما موافقين على كل اللى بنعمله اكيد بيكون عندهم اعتراضات كتير على اللى بنعمله وده طبيعى لأننا اكيد بنغلط ويمكن الغلط ده من وجهة نظرنا صح وحكاية اننا دايما من وجهة نظرهم فاشلين ومش فاهمين حاجه فى اى حاجه دى غلطتنا احنا هما ليه فاهمين عننا كده؟؟؟؟؟؟؟؟؟؟؟؟ حاجه من اتنين اما احنا فاشلين فعلا........................... او احنا اللى موصلين لهم الفكره دى عننا وفى الحالتين احنا اللى غلطانين معلش انا عارفه انى طولت بس انا شايفه انه طبيعى يكون فيه عدم التفاهم ده |
اقتباس:
وانتي عارفة انا كتير بتناقش مع بابا وماما وبطلي منهم انهم يفهموني احيانا تكون النتيجة بالاجاب والاغلب تكون بالسلب وميرسي ليكي يا لمي علي الموضوع العسل الده |
اقتباس:
ربنا يكرمك يا رب ميرسيهك معاكى يا قمر ربنا يقدرنا اننا نثبت اننا شخصيات كويسة و نقدر نفكر و نعمل حاجة لينا و لمجتمعنا و ديننا |
اقتباس:
اولا ربنا يكرمك و يجازيكى خير على ردك بجد كلامك صح فعلا بس احنا لازم نعمل اللى علينا عشان نثبت اننا بنفكر صح و بطريقة كويسة |
جميل اوي الموضوع دا :d
اختلاف او صراع الاجيال زي ما بيسموه اولا هو مش شمكله بالمعني المعروف هو اقرب لطبيعه انسانية نتيجه اختلاف العصر او القيم والمبادئ غير الفتره الزمنية اللي بيمر بيها الشاب او الفتاه بتتميز بطباع بيغلب عليه حب الجدل او الفضول او نوع من السخط ودا بيكون لفتره محدوده أو زي ما بيقول الاستاذ العقاد ف كتابه " أنا " ان الانسان ترقي ف العقائد كما ترقي ف العلوم فقد عبد الانسان الشمس ثم اعتقد ان الشمس تدور حول الارض ثم انتهي الي ان الارض هي التي تدور حول الشمس ورغم ذلك لم ينكر أحد وجود الشمس فالشمس موجوده دائما وكل الاعتقادات صحيحه دائما وصحتها مرتبطه بعصرها وظروفها فالمفهوم الديني يتغير من عصر لاخر وهو صحيح ف كل عصر فالذين امنوا بأن الله صنم لم يكونوا علي خطأ فهذا أقصي ما يستطيع العقل الانساني أن يدركه في ذلك الوقت والذين يرون ان الله اثنين وثلاثة فهذا أيضا يتفق مع قدره العقل وطبيعه العصر والمرحله التاريخية التي يعيش فيها هؤلاء ومعني الذي قاله الاستاذ العقاد أن اعتقاد الشباب في مرحلة القلق والحيره وتكوين الذات والاستقلال بالرأي ...مسألة طبيعية ولابد أن تتغير هذه الحاله النفسية او اليقين الفلسفي بالاحتكاك او اكستاب الخبره او بمعني تاني اذا ما عرفنا أكثر وفكرنا أعمق :) شكرا ع الموضوع الكميل |
اقتباس:
شكرا شكرا يا رب يكون الرد مفيد |
اقتباس:
منور و الله بجد ردك مقنع و كميل لا غبار عليه زى ما بيقولوا |
| جميع الأوقات بتوقيت GMT +2. الساعة الآن 05:51 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.