|
زوجة واحدة لا تكفى ..,,
السلام عليكم ازيكوا ياجماعه يارب الكل بخير ان شاء الله النهاردة الموضوع عجيب حبتين ندخل فالموضوع طبعا كلنا ملاحظين عدد البنات المهول الى فى كل حتة فالشارع بنات فالمدرسة بنات فالجامعة بنات فالتلفزيون بنات ............................................... المهم انا جيت فى بالى كدة وقولت اشوف كدة السيكشن بتاعى فيه كام بنت وكام ولد _وياريتنى ما شوفت_:blink: لقيت 60 بنت واربع ولاد طب والحل:bosyht9: البنات دية كلها هتتجوز امتى وازاى ؟؟!!! واكيد دة سبب كبير فى العنوسة ان البنات تقريبا ضعف الولاد ويمكن اكتر طب نتكلم عن الشاب الاول يجى ياعينى الشاب من دول يخلص الثانوى وفرح بمجموع حلو دخله كلية طب _وياريته ما دخل _خد عندك 7 سنين دراسة اخد شهادة التخرج وفرح يلاقى نفسه 3 سنين جيش يخرج مالجيش لسة بيقول صباح الخير يامصر:022yb4: وهو عنده كام سنة 27 دة اذا اخد الكلية صافى السنة بسنتها وكذلك نفس المعاناة شباب صيدلة وهندسة ^_^ لكن بتوع تجارة واداب والذى منه يمكن هما وخدين من الطيب نصيب المهم يعنى دول الشباب ياعينى حالهم مايل لا معاهم يعيشوا نفسم ولا معاهم يفتحوا بيت معاهم ربنا -_- طب انا جيت بصيت كدة عالنماذج الى حوليا لقيت من 37 لحد قولوا 50 سنة كدة ماشاء الله ميسورى الحال وبدل العربية اتنين وعنده شركة او مكتب او عيادة او غيره وماشاء الله يعنى ربنا فاتح عليهم وخلاص وقفوا على رجليهم وكونوا نفسهم حلو اوى :028ja7: فبقول لوحدة صحبتى اية المانع لما الراجل من دول يتجوز بدل الواحدة اتنين او تلاتة ؟؟!! _ياريتنى ما قولت برضه_كانت هتحدفنى تحت عربية :huh: هى شايفة ومقتنعة ان مش من حق الراجل يتجوز طالما الست الى متجوزها مفهاش عيب قولتلها طب ما ربنا محلل اربعة للراجل ومش لازم هو يتجوز عشان الاولانيه فيها حاجة اية المانع لما هو مقتدر انه يتجوز البنات دية وان الراجل بيقدر انه يحب اكتر من واحدة فى وقت واحد بس هى كان ردها عنيف اوى :angry2: قالتلى انا لو اتحطيت فالموقف دة وجوزى اتجوز عليا هقتله واقتلها :o بس ان من وجهة نظرى ان دة من حق الراجل وان ربنا محلل كدة ولو بصينا عليها من الجانب الدنيوى هنلاقى ان كل زوجة هتحرص انها تكون احسن واحدة فالتانين وهتحرص انها تريحه اكتر من الباقى وبكدة الكل هيكون مرتاح انا مش شايفة اي مانع من الموانع انتوا اية رأيكوا:unsure: لو كنتى بنت تقبلى تكونى زوجة تانية او تالتة او رابعة او تكونى زوجة اولى وجوزك يتجوز عليكى هتكونى راضية ولا لا؟؟مع ذكر السبب طبعا لو كنت شاب قول رأيك فالموضوع وربنا معاك^_^ |
ايه الاحصائية اللى انتى عاملاها دى بتعرفينا خيبة البنات :d دول كتار ما انا عارفة احنا عندنا الجامعة كلها بنات يا بنتى نادر بس لما تلاقى خيال ولد ماشى :romarioxp6: بس عمتا اصلا اللى بيحصل دلوقت ان الولاد عينيهم زايغة على طوول :giljotiiniug3: يبقوا ماشيين مع واحدة تلاقيهم تان يوم ماشيين مع بنات مصر كلها يبقى لما يتجوز واحدة اخرها شهر ولا سنة وتلاقيه بيقولها قوليلى مبروك هجيبلك واحدة تونسك فى البيت :d مش هعمل استطلاع حبيت بس اقول ملحوظتى |
عليكم السلام اية دة انا هرد انا مش مصدق هههههههههههههههههه بصى يانسمة وصحصحى معايا اة مش خلصتى امتحانات بقى انا احتمال ردى يكون غير كل ردود الشباب لان انا دايما غريب كدة ههههههههههههههههههه انا بصراحة مش موافق ان الواحد يتجوز اكتر من واحدة لانى محبش انى اكون غير لزوجه واحدة بس وهتعرفى الاسباب دلوقتى وهعلق دلوقتى على كلامك كلة ان شاء الله طبعا كلنا ملاحظين عدد البنات المهول الى فى كل حتة فالشارع بنات فالمدرسة بنات فالجامعة بنات فالتلفزيون بنات اة والله عندك حق يانسمة ملين البلد المهم انا جيت فى بالى كدة وقولت اشوف كدة السيكشن بتاعى فيه كام بنت وكام ولد _وياريتنى ما شوفت_:blink: لقيت 60 بنت واربع ولاد واكتر واكتر والله طب والحل:bosyht9: البنات دية كلها هتتجوز امتى وازاى ؟؟!!! واكيد دة سبب كبير فى العنوسة ان البنات تقريبا ضعف الولاد ويمكن اكتر فعلا لما عملو احصائية وجدو ان علشان يوفو العجز دة الراجل يتجوز 7 بنات بس طبعا انا مش موافق على الكلام دة خالص وهقول الاسباب دلوقتى لكن بتوع تجارة واداب والذى منه يمكن هما وخدين من الطيب نصيب انا بقى من دول الحمد لله ههههههههههههههههههههه فبقول لوحدة صحبتى اية المانع لما الراجل من دول يتجوز بدل الواحدة اتنين او تلاتة ؟؟!! لا طبعا مينفعش _ياريتنى ما قولت برضه_كانت هتحدفنى تحت عربية :huh: الحمد لله انها محدفتكيش هههههههههههه هى شايفة ومقتنعة ان مش من حق الراجل يتجوز طالما الست الى متجوزها مفهاش عيب انا موافق على الكلام دة وان الراجل بيقدر انه يحب اكتر من واحدة فى وقت واحد مين قالك ان الراجل بيقدر يحب اكتر من واحدة ؟؟ الكلام دة مش صحيح واى شخص يقول انة بيقدر يحب اكتر من واحدة فى وقت واحد يبقى كذاب معلش يعنى وطبعا كلة فاهم معنى كلامى بس ان من وجهة نظرى ان دة من حق الراجل وان ربنا محلل كدة ايوة فعلا هوة من حقة طيب تعالى نتكلم بالعقل شوية انا متجوز واحدة بسم الله ما شاء الله كاملة الاوصاف زى ما بيقولو وغير كدة انا الى مختارها يبقى زبمها اية انى اتجوز عليها اكتر من واحدة فاهمة حاجة ؟؟ ولو بصينا عليها من الجانب الدنيوى هنلاقى ان كل زوجة هتحرص انها تكون احسن واحدة فالتانين وهتحرص انها تريحه اكتر من الباقى وبكدة الكل هيكون مرتاح اة فعلا هوة هيكون مرتاح بس مش كلة هيكون مرتاح لان هيبقى فية غيرة وتنافس وهيبقى اخرتها الانفصال وبمشاكل فاهمة حاجة ؟ انا مش شايفة اي مانع من الموانع انتوا اية رأيكوا لا انا شايف لو كنت شاب قول رأيك فالموضوع وربنا معاك^_^ امين يارب بصى بقى ياستى على اسبابى فى الرفض اولا انا احب ان يكون كل اسرارى مع شخص واحد وطبعا هتبى زوجتى ثانيا انا الحمد لله اقدر اتجوز 10 بس لية ؟؟ هل هقدر انى اعدل بينهم ماظنش ابدا لانى مش هقدر احبهم كلهم او مش هقدر احب غير واحدة منهم بس والباقين هيبقو بتوع وقتهم وبس يارب تكونى فاهمة حاجة كفاية كدة دلوقتى وليا رد تانى ان شاء الله فى رعاية الله |
ههههههههههههه بقا هو ده الموضوع اللى قلتيلى عليه ليهم حق ال50 اللى دخلوا الموضوع مايردش منهم إلا اتنين بس ههههههههههه لما إنتى فى ألسن وبتقولى كده .. امال اللى يا عينى فى آداب زيى حالاتى يقولوا إيه إحنا يادوبك عندنا 30 ولد والدفعة 600 وطبعاً فى ولاد منهم زى إخواتنا البنات بالظبط!!! يعنى من الأخر نقطة فى بحر ومع إن الموضوع عجيب جداً يا نسمة إلا إنى عايزة أقولك إن فى بلد ما فى الخليج جماعة كده كونوا جمعية ضد العنوسة .. المهم وظيفتها إنها تجوز الرجال اللى يقدروا يتزوجوا أكثر من واحدة وبعد فترة .. نسبة العنوسة قلت جداً بس أنا بعارضك فى حاجة .. يا شيخة حرام عليكى ..:stickjo4: عايزة تجوزى راجل ل 3 أو 4 ستات .. هو اللى معاه واحدة قادر يستحملها:slap1qk6: بينى وبينك البنات والستات اليومين دول حاجة تخنق ..مش زى ستات زمان كان فيهم بركة وبعدين اللى بيتجوز واحدة بنسمع عن خبر طلاقهم بعد شهر دول اللى بيطلقوا أكتر من اللى بيتجوزوا يعنى مش طايقين بعض وكل واحدة عايزة تكون هى صاحبة البيت .. وانتى عايزة تجيبلها 3 كمان يعنى مش هتعرف تضحك على جوزها علشان يكتبلها كل حاجة بإسمها :( ومعلش يعنى أى واحدة أكيد هتكون مرتاحة لما تكون هى الزوجة الأولى والأخيرة وغير كـــــل ده هل يا ترى الراجل يقدر يعدل بينهم مافتكرش أبــداً أما عن سؤالك بقا اقتباس:
بجد لو هو صارحنى بكده وكان السبب مقنع فعلاً .. هروح أخطبهاله بنفسى .. لأنه ماكذبش عليا و إحترامنى وكمان لإنه عايز كده لكن لو لعب بديله .. هتكون نهايته سودا هو وهى :040vk0: |
لا انا مش موافقه خاااااااااالص ان الراجل يتجوز اكتر من واحده
هو اه ربنا محلله ده بس ليه هى مدام مفيهاش عيب يتجوز عليها ليه؟؟؟؟؟؟؟ وكمان انا بحس انه انانى لانه عايز الراحه لنفسه ومش مهم الباقى لان مراته الاولى او التانيه هيكونوا مش مرتاحين ف حياتهم ابدااااااااااااااا |
هو عمتا معروف ان فى مصر
قدام كل ولد فى 3 بنات اقتباس:
|
أه نسيت أقولك يا نسوم إنى موافقة بس أكون أنا الأولى لإنى لو مش الأولى يبقا مش هقبل أصلاً |
انتى رأيك غريب اوى اول مره اشوف وجهه نظر كده لأ وايه بنت كمان :049gc0: انا لو مكان صحبتك كنت رميتك انا تحت العربيه :stickjo4::stickjo4::stickjo4: هههههههههههههه طبعا بهزر اوعى تكونى بتزعلى بس بصراحه انتى تقبلى تكونى زوجه تانيه :romarioxp6: ياستى حتى لو الراجل ربنا فتحها عليه كفايه زوجه واحده اوى |
انا بقى شايفه ان الموضوع ده هايفتح مجال كبير للنقاش
والجدال والمرجع الوحيد فى الموضوع ده للعلماء وياريت مش نفتى واحنا قاعدين ونقول انا موافق وانا مش موافق يا جماعه مش موافقين على ايه على حاجه ربنا محللها طب ازاى؟ ازاى ربى يقول ده حلال وانتو تقولوا لا مش موافقين ومش هانعمل اينعم هى بتكون قدرات يعنى ممكن واحد يكون مش قادر انه يتجوز اكتر من واحده وواحد تانى يقدر يبقى مش نقوله لا ماينفعش ومش موافقين والجدال السلبى ده يا جماعه ربنا قال صراحة(( فانكحوا ما طاب لكم من النساء مثنى وثلاث ورباع)) طب هاتقولوا ماربنا قال برضه ( ولن تستطيعوا ان تعدلوا بين النساء ولو حرصتم) هاقولكم ان المقصود هنا العدل فى الميل القلبى يعنى الواحد مش هايقدر يعدل فى مقدار حبه للأولى عشان تبقى زى التانيه بس مش معنى كده انه بيكره التانيه يا جماعه بلاش تجادلوا فى الموضوع ده لان انتو لو اعترضتوا يبقى بتعترضوا على شئ ربنا حلله اللهم انى قد بلغت اللهم فاشهد |
بصوا يا جماعة نسمة برده إتكلمت على العنوسة يعنى الواحدة اللى سنها كبير يعنى فى الحالة دى ممكن تقبل تكون زوجة تانية وفكروا برده إنه مش مجرد زواج لأ ده ستر مسلمة |
اقتباس:
حبيبتى محدش قال إنه حرام هما بس رفضوا .. ودى ربنا محرمهاش .. أى حد من حقه القبول أو الرفض فى أمر الزواج ولا أنا كلامى غلط ؟؟ |
اقتباس:
اقتباس:
لا معلش حضرتك فاهمة غلط احنا مش بنعترض على جزء من القران لا حاجة لا بس احنا معترضين على فكرة ان الشخص يتجوز اكتر من واحدة وانا قلت اسبابى فوق بس دا راى يعنى مش اجبار يعنى فية ناس هتوافق وعادى جدا يارب اكون قدرت افهمك قصدنا والجملة دى الى حد ما تنقض كلام حضرتك يعنى الواحد مش هايقدر يعدل فى مقدار حبه للأولى عشان تبقى زى التانيه بس مش معنى كده انه بيكره التانيه معنى كدة ان مفيش عدل بينهم يبقى انا منذتش الاية صح ؟؟ فى رعاية الله |
اقتباس:
|
أولا أنا باحييكى على الموضوع الكويس ده . ثانيا انا موافقك فى الرأى جدا على تعدد الزوجات . لأن ده حلال فى الأسلام بدليل قوله تعالى وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ }} والرسول أعظم الخلق كان يعدد فى زوجاته مع طبعا الفارق الكبير بين البشر العادى والرسول لكن الموضوع حلال. ثانيا احنا ممكن بالموضوع ده نحل مشكلة بنات كتير ونحميهم من العنوسة لأن الجواز بقى صعب جدا . لكن فى مشكلة هل الرجل ده هيقدر يعدل بين زوجاته وهل قلبه مش هيميل لواحدة منهم ؟؟؟ وياترى هل فى بنات تقبل تكون الزوجة التانية؟؟؟
|
نيسو اعتبرينى اخدت الموضوع زى ما قولتلك فى الايميل :d سيت اقولك كمان صحيح ان اللى متجوز دلوقت مبيفكرش فى غيرها ده بيفكر يهرب منها مش علشان يتجوز غيرها ده علشان يهرب من مؤبد الزوجية :d وهو اصلا مش هيعرف يتجوز غيرها ولو عرف هتبقى وقعته . . . . . . :giljotiiniug3: اقتباس:
وانا كمان هوافق فى الحالة دى وانه يقولى قبلها علشان اكون على استعداد :d بس انا لا هكون اولى ولا تانية لانى مبفكرش فى الجواز خالص اصلى بكره الولاد كلها حبى ليهم زى حبى لاسرائيل بالظبط :romarioxp6: |
الموضوع ده بيتحط في كل منتدى وبيبقى صفحات طويلة من المناقشات والمجادلات في الخليج حتلاقي الشباب قسمين او حاجة كده زي مذهبين نص عنده تعدد الزوجات حاجة اساسية (وده النص الاكبر) والتاني وهو نسبة بسيطة لا يؤمن بتعدد الزوجات بس دول معاهم بدل العربية عشرة وبدل البيت 5 وبدل العمارة اتنين يعني دول اللى في امكانهم يفتحوا اكتر من بيت لكن في مصر معتقدش ابداً إنه ممكن نطبق تعدد الزوجات لأنه الحال على قد الحال هل اللى حيتجوز اكتر من واحدة حيقدر يصرف على عشر عيال بعد كده (ده على الأقل) انتي تقبلي تكوني إحدى الزوجات انا عن نفسي معتقدش ممكن افكر اتجوز اكتر من واحدة او بمعنى آخر - بغض النظر عن قدرتي المادية - مش حقدر احب واحدة تانية او إني اوزع حبي على اتنين بس في الآخر ده حيرجع لرغبة كلا الزوجين هو صحيح مفيش زوجة كاملة بس برده مفيش زوج كامل وكل واحد حر في الآخر |
بصراحه يا بنات عايزه اقول حاجه مهمه
طيب ايه رايكم نقول لبابا وماما يخففوا من نفقات الزواج وكفايه الاساسيات--دا هايدى فرصه لكل شاب ان يتزوج ويقبل على الزواج ماهو زى مافيه شباب كتير لم تتزوج برضو والرسول صلى الله عليه وسلم قال(اقلقن مهرا اكثركن بركه) يعنى اقبلى زوجا ترضين دينه وخلقه حتى لو امكانياته الماديه لاتسمح وثقى ان الله عز وجل سوف يكون معكما بدلا ان تسطو احداكن على حياه اخرى تفتكرى ان الزوج سيهنأ بين زوجتين؟ الا اذا كانت فيه مشكله تجبره على ذلك الزواج الثانى كمرض الزوجه وتقصيرها وبعدين انت لسه على البر ولم تشعرى بمراره ان زوج ينظر--مجرد النظره لمرأه اخرى-- لااراك اختى هذه النيران-- وبعدين اقل شبكه دلوقت 10000 جنيها دا غير الشقه لو كل بنت رضيت بالمعيشه مع حماتها وتحملتها مثل امها ماذا سيحدث امهاتنا فعلوا ذلك برغم سعه الااكن لكن اليوم فى بيت العيله لاترضى البنت الا بشقه مستقلهداخل البيت الكبير ربنا يرزق بنات المسلمين طهاره مريم عليها السلام وارزق شباب المسلمين عفاف يوسف عليه السلام --اللهم امين |
اقتباس:
اقتباس:
اخى الفاضل العدل بين الزوجات هنا معناه انه يعدل بينهم فى الماديات يعنى زى ما يجيب للبيت اول يجيب للتانى يعنى مثلا اشترى للبيت فاكهه يبقى يجيب للبيت التانى فاكهه اشترى لواحده فستان يبقى يشترى للتانيه زييها اعطى لواحده مصروف يعطى للتانيه برضه وهكذا اما العدل فى الميل القلبى فهذه ليست بيد الرجل لانه لايستطيع ان يتحكم فى مشاعره وانما هذه المشاعر من عند الله وهوه ده اللى اتذكر فى الايه يعنى مش معنى كده ان الواحد ما يتجوزش تانى عشان مش هايقدر يعدل بينهم فى الميل هوه ده برضه منطقى ؟ وربنا سبحانه وتعالى اقر ذلك فى الايه الكريمه انه الانسان يقدر يعدل بين ازواجه فى اى شئ الا الميل القلبى لانه ليس بيده وارجع فى ذلك الى كتب التفسير ان شئت لو حضرتك عندك تفسير ابن كثير ارجعله عشان تقتنع ويطمئن قلبك جزاك الله خير |
اقتباس:
ياعينى عالناس الى مش قادرة تفتح بقها فالحين بس تتنططوا عليا عالميل وتقولولى جاتك مش عارفة اية:d ماشى ياست الملحوظة نورتى ياحببتى من غير خناقات |
اقتباس:
هو انا هقولك الكلام تانى ولا اية اظن اتناقشنا قبل كدة والحمد لله اقنعت اللورد ياجماعة انه يتجوز كذا واحدة الى بعده:d بس فى حتة متكلمتش فيها حتة انه مش هيقدر يعدل بينهم طب لية يعنى مش فاهمه يعتبرهم زي ولاده الى بيعدل بنهم فى كل حاجة اصل مش دة يعنى الى مبوظ الموضوع نورت يامحمد |
اقتباس:
يتجوز احسن بدل ما يلعب كدة ولا كدة نفترض انه شاف واحدة عجبته سبحان الله كدة حبها هنقوله لا اوعى كدة كخ يابنتى الى يحبنى احب كلبه والى يكرهنى اكره ولده طالما بتحبى حد بتحبيه وبيحبك يبقى لازم تحبى الى يحبه ان شالله كان كلبه انا والله ما شايفة اى مانع وبعدين انتى بتقولى ان الست مطلعه عين جوزها طب دة ليه ؟؟؟!!! عشان هى عارفة انها لما تزعله مش هيروح لغيرها فبتنيل الى بتنيله وتقوله حط راسك مطرح ما تحط رجليك صدقينى تعدد الزوجات دة هيكون تأديب واصلاح وتهذيب:d والله حاجة حلوة طالما شرع ربنا تبقى حاجة حلوة وجداا كمان بس احنا الى مش بنطبق شرع ربنا صح وم بناخد مالدين غير الى على هوانا بالظبط كدة(( يؤمنون ببعض الكتاب ويكفرون ببعض)) ربنا يهل ونشوفلك واحدة انتى كمان :d |
اقتباس:
عشان هما عندهم مرض الغيرة:) من الاخر الستات بقى عندها مرض الغيرة مش الغيرة فى غيرة حلوة كدة خفيفة طيارى لكن الى بيعملوه بقى مر وملوش علاج وبعدين مش تقولى عليه انانى يعنى انا قدامى نموذج بنت عندها50 سنة اية المانع انى لو واحدة متجوزة انى اخلى جوزى يتجوزها وناخد فيها ثواب احنا الاتنين اية المانع؟؟؟؟؟؟؟؟؟؟؟ هو كدة مش انانى فكل الاحوال الراجل مش انانى لية بقى نسيب البنات لحد ما توصل للسن دة وبعدها تصعب علينا اية الى جرى لو الرجالة المقتدرة تتجوز كذا واحدة على قد ما يقدر ويحتسبها كدة انه عشان يعف البنات دول هيبقى انانى برضه مشكلتنا بس اننا احنا الى انانين مش بنفكر غير فى راحتنا وبس مش بنفكر فى مصلحة حد او راحة حد تانى صح ولا انا غلطانه وياعينى شكلك وجه جديد وانا نزلت طحن كدة فيكى:d |
اقتباس:
احم جة السؤال الى كنت خايفة منه طبعا اجابته عندى صريحة بالنسبالى جدااااااااا وقولتها لكذا حد بس لما هقولها كدة هقلب عليا البنات:( ماعلينا هما قلبوا خلاص انا مبخفش انا ارضى اكون اولى وتانية وتالتة ورابعة كمان طالما الانسان الى بتمناه والى رحتى معاه وطالما هو صح انا اية السبب الوحيد الى يخلينى ارفض مفيش سبب ....... هتقوليلى اية متجوز هيتجوز عليكى هقولكوا هو دة المطلوب عالاقل يحل عنى شوية:d لا حقيقى انا الفكرة دية منغششة فى نفوخى جداا وقولت لحد انى ان شاء الله لو اتجوزت واحد مستريح هجبله عروسة وهنعمل فرح كمان:av4056bb7jp3: والله والله هما الى عندهم مرض الغيرة مش قادرين يفكروا فى مصلحة واحدة تانية كل الى فى دماغ اى بنت واى ست ان جوزها يكون ليها هى وبس عندهم حب تملك ياريت لا زينب ولا اسماء يعلقوا عالرد دة لانى اتهزقت بما فيه الكفاية منكوا انتوا الاتنين عارفة رأيكوا :d |
اولا: السلام عليكم بصى يا نيسو انت بتتكلمى بس هل عيشتى الواقع دة؟ طبعا لا تعالى نشوف كلامك واحدة واحدة انتى بتقولى يكون راحل مقتدر و معنى انه مقتدر يبقى حاجة من الاتنين 1.كبير فى السن و طلع روحه لحد ما جاب الفلوس دى. 2.صغير و الفلوس دى مش فلوسه((فلوس والده و والدته)). نيجى للاولانى العروسة بردو هتكون حاجة من اتنين 1. كبيرة فى السن او زى ما انتى قولتى "عانس" 2.صغيرة و حلوة و مفيهاش عيب لو فكرتى بعقلك هتلاقى ان الكبيرلو اتجوز الكبيرة او الصغيرة هيطلع عينها ليه؟! لان الكبيرة هو و هى عارفين كويس ان هو متجوزها عشان هى خلاص سنها كبر و ممكن كمان يدخل العامل المادى فى الموضوع ازاى؟ يعنى انه يقولها ان هى اتجوزته عشان فلوسه اما بقى لو اتجوز الصغيرة فحياته و حياتها هتتقلب لجحيم ليه؟! لان هى اصغر منه بكتير و هتبقى محتاجة انها تتعامل مع حد من سنها و هو هيكون بيغير عليها جدا نظرا لانها صغيرة و جميلة و ما الى ذلك طبعا هى بالطريقة دى هتتعب و هو كمان هيتعب و الحياة بينهم هيبقى صعب جدا انها تستمر اما بقى لو جينا للصغير فدا زى ما بيقولوا كدة هيطلع " واد فافى " و مش هيعرف يتحمل مسئولية لا الكبيرة و لا الصغيرة لان الموضوع هيبقى بالنسبة له موضوع مؤقت غير دائم الكلام دة كله فى حالة انه يكون متجوز واحدة بس ايش حال بقى لو كان متجوز اتنين يا شيخة اتقى الله دة اللى متجوز واحدة بيبقى خلاص هيتهبل:romarioxp6: و بيمشى يا عينى يكلم نفسه فى الشارع ايش حال بقى لو ربنا كان بيحبه اوى و اتجوز اتنين و لا تلاتة و لا اربعة:( دة بقى كدة هيفطس يلا روحى اركبى مراجيح:slap1qk6: عند عم شنكليح و انا هبقى اجى ارد عليكى تانى |
اقتباس:
افضحينا بقى افضحينا لالا انا مش مقتنع بالفكرة نفسها بس انا مقتنع براى نسمة وبعدين يانسمة مش كل البنات هتبقى موافقة زيك كدة يعنى انا مقتنع بالحتة دى فاهمة حاجة ؟؟ اقتباس:
اقتباس:
لالا دا نور اللمبة :) |
اقتباس:
هو ده رايى بس كده كده مش فارقة معايا لانى زى ما قولتلك قبل كده حبى للولاد زى حبى لاسرائيل بالظبط:friendsxs3: انتى المفروض ينسحب منك لقب فتاة ويتكتب كائن فضائى^_^ اقتباس:
الموضوع منور بلمبته اتعلموها بقى:slap1qk6: |
اقتباس:
يعنى هوا اصلا اتجوز الواحدا دى بالعافيه هيقوم يقدر على اتنين ولا تلاته هيجيبلهم شقق منين ولا ايه ولا ايه دا عايز اغاثات من الامم المتحده وحكاية بقى لو هوا قادر انه يتجوز اربعه وامكانياته تسمح دا يرجع لزوجته الاولانيه بقى لو هترضى انه يتجوز عليها مفهاش حاجه عادى لكن انا رافض اصلا ان الواحد يتجوز اكتر من واحده بس عايز اقول حاجه هوا عندك فى السيكن 60 بنت اصلا السن معظمها بنات يعنى لكن حقوق المدرج كله ولاد يعنى متهيالك ان البنات اكتر لكن الولاد كتيييييييييير جدا شكرا على الموضوع يا نسمه |
اقتباس:
جزاك الله خيرا يانسومة خليكى معايا على الاميل هاوريكى :stickjo4: |
اقتباس:
بصى انا بقول اية وانتى بتقولى اية انا بقول الراجل الى عنده فلوووووووووووووس مش الشاب يعنى الى لسة بياخد مصروفه من ابوه ميسور الحال فقط الى بايده يفتح كذا بيت وبعدين انتى لية مستغربة انى راضية لية متقوليش انه بس مجرد ايثار وان الانسان لازم يفكر فى مصلحة الغير وراحتهم يابنتى اغير لما يكون مع واحدة تانية مش مراته اه فالحاله دية اضايق واقلب عليها واطيها لكن دية زيها زيى انا وهى واحد فى حد يغير من نفسه:confused: |
بصى يا بنتى عشان انا من امبارح و انا بفكر فى الموضوع ده عشش معايا بجد :d اقتباس:
ادينا دخلنا و بالرجل اليمين كمان لما نشوف اخرتها :stickjo4: اقتباس:
اها عادى عندنا فى طب السكشن حوالى 15 بنت و 6 ولاد يا عينى حاليا بيتحيلوا عليهم عشان ينقلوهم من السكشن مش عارف ليه:d هو احنا حنكلهم يعنى:rolleyes: اقتباس:
اها كل راجل فى مصر قدامه حوالى 4 بنات تقريبا فى الخليج و صلوا ل 7 بنات فى البوسنه اللى قريته بعد الحرب الاخيره دى كل راجل قدامه 27 بنت :d لا بلاش :rolleyes: اقتباس:
هههههههههههه لا ياختى مفيش حد بيسقط عندنا فى طب:d اصل احنا عندنا دور تانى مش زيكوا :028ja7: اقتباس:
ههههههههههههه ايون ايون كلها اربع سننين و بيخلصوا يا بختهم بجد :( اقتباس:
اها عليهم حاجات كتير جدا لازم يشتغلوا و يتحملوا مسئوليه ده غير الاعداد و فتح البيت و الكلام الكتير ده بس اللى يغيظك بقى انك تلاقى 99% منهم مش فارق معاه و لا هو هنا اصلا هوفففففففففف اقولك بقى يا بنتى رايي اللولبى :d بصى معايا هنا :stickjo4: اولا ربنا محلل الحكايه يبقى هى اكيد اكيد لصالح المجتمع الاسلامى و الناس فى حاجه قريتها عن الموضوع ده اقتباس:
طويب :romarioxp6: ده لو دل على حاجه بيدل على اننا فعلا محتاجين الحكايه دى شوفى نسبه الاطفال اللى بدون اب او ام كام ده لو حنتكلم فى الموضوع ده او اضرار العنوسه مش حنخلص:bosyht9: و لو بصينا للموضوع من ناحيه تانيه اللى هى الناحيه اللى بتتكلم فيها البناويت اللى هو مش ممكن مستحيل:006et4: انا زى الفريك مش احب شريك طاب انتى تبصيلها ان انتى الفريك ليه مش تحطى نفسك مكان الشريك يعنى لو سالتى نفسك انهى احسن تقعدى بدون جواز و لا تتجوزى حد متجوز اكيد تتجوزى حد متجوز هل سعتها حتقولى لا انا زى الفريك سعتها حتكونى متعاطفه مع نفسك و بتلومى الناس اللى بيهاجموا تعدد الزوجات :rolleyes: كده من الناحيه الاجتماعيه نشوف بقى النص التانى اللى هو المحروس الراجل :rolleyes: الحكايه مش مفتوحه و مش اى حد كده لا يملك المقدره الماليه او النفسه يقدر يقول اتجوز تانى لا لازم الاتنين يبقوا متوفرين و بالعكس الجواز التانى فى اغلب الحالات اصعب من الاول للمعارضه اللى بياخدها و اللى حيتجوزها حتتشرط و الكلام ده:rolleyes: بس فيه حاجه انتى يا نسومتى بتقولى واحد مقتدر بس عايز يتجوز و بيقول عشان العنوسه و كده مش عشانه بس لما راح اتجوز راح اتجوز واحد قد ولاده طب هى دى عانس دى ما هى كده كده غالبا حتتجوز الاحسن ببقى انه يدى فلوس لاتنين بيحبوا بعض صغيرين عشان يقدروا يتجوزوا مش هو يروح يتجوز و يقول بحارب العنوسه :slap1qk6: اممممممممم نيجى للسؤال بتاع اقتباس:
امممممممم هو ممكن لو اللى عايزاه متجوز و فعلا هو ده اللى انا عايزاه بس مش اخبى عليكى حتبقى صعبه جدا:( :slap1qk6: :slap1qk6:اما جوزى المحروس يتجوز عليا :slap1qk6: :slap1qk6: ممكن برده لو فعلا هو عايز كده بس لازم يكون عنده سبب يقنعنى الاول ما انا لازم بحكم القانون ابقى موافقه و عارفه انه حيتجوز تانى و الا ممكن اطلب الطلاق بس انا بقى حقتله و اسلم نفسى :rolleyes: مش عارف ليه حاسه ان الكلام ده كله نظرى يا بت يا نسوم كان مدرس الفيزيا فى ثانوى بتاع الحصه متجوز اتنين كان بيتقال عليه كلام :rolleyes: مش اقولك خصوصا ان التانيه دى صغيره و هو اتجوزها على كبر و مش خلفت و اساسا كانت السكيرتيره بتاعته:rolleyes: يلا كفايه كده ممكن ارد تانى على الحاجات اللى استوقفتنى مش تقولى الموضوع موضوعى عارفه :romarioxp6: يلا فى رعايه الله |
اقتباس:
ماشى ياست متشكرين اقتباس:
وكفاية لية يابنتى انا قولت رأيى فى انه يتجوز قبل كدة فالردود الى فاتت بس شكرا عالمرور |
اقتباس:
يازهرة اولا ازيك شكلك جديدة منورة الموضوع بس ياستى احنا مش بنفتى ولا معترضين على كتاب ربنا ولا شرعه ابداااااااااااااااااااا نفر ايفر يعنى كلنا متفقين على انه شرع ربنا وحلال وكل حاجة بس فى ناس متقبله الموضوع وتقدر انها تتحط فالموقف دة وفى ناس لا مش هتقدر بس فنش ونورتى تانى :) |
اقتباس:
اخيرا جالى حد ينصفنى ويوافق زيى بجد شكرا عالرد فرحنى كتير والله:av4056bb7jp3: |
هههههههههه احم حلو الموضوع دا يا نسمة من ناحية الدين تعدد الزوجات سنة عن النبى ربنا حلل اربع نساء للرجل يعنى طبعا دا مش حرام نتكلم بقا بوجه عام دلوقتى فى نسبة وتناسب واحصائيات كتير اوى دلوقتى الشاب من دول يا عينى مكفى مصاريفه بالعافية وبيقعد كام سنة يجهز فى الشقة والعفش والمهر وال ........ تكاليف الزواج بقت حاجة لا تطاق ثم اساسا الستات :d طلباتها مش بتخلص كالعادة يعنى فلو اتجوز اكتر من واحدة وهو بالحالة دى يبقا عليه العوض انما فى ناس ميسر لها تتجوز واحدة واتنين وعشرة لو ينفع بس من ناحية الزوجة مين هتقبل انه تكون الزوجة رقم 13 :d ومين هترضا ان المحروس جوزها يتجوز واحدة تانية المشكلة ان الواحد لو اتجوز واحدة تانية يقولو مراته مطهقاه ومكرهاه فى الدنيا المشكلة فى مين بقا فى مجتمعنا والكلام الفاضى ده زى ما الاعلام بيصور لنا اى واحد يتجوز واحدة تانية مراته تقتله وتقتلها واحتمال تقتل نفسها متصورة انه كدا خرج عن حده مع انه بيمارس حقه الشرعى انا مع فكرة تعداد الزوجات لانها حاجة عادية جدا الناس بس بتبصلها بمنظور تانى :::::::::::::::::::: ثم الواح بيستحمل زوجة واحدة بالعافية هيستحمل اتنين وتلاتة ازاى دنتو تطهقوا بلد :d |
اقتباس:
لها جسم برغوث وساق بعوضة ووجه كوجه القرد بل هو أقبح وتبرق عيناها إذا ما رأيتها وتعبس في وجه الضجيع وتكلح وتفتح لا كان فماً لو رأيته توهمته باباً من النار يفتح فما ضحكت في الناس إلا ظننتها أمامهم كلباً يهر وينبح إذا عاين الشيطان صورة وجهها تعوذ منها حين يمسي ويصبح وقد أعجبتها نفسها فتملحت بأي جمال ليت شعري تملح وعجبى^_^ |
مدام دى حاجة ربنا حللها يبقا منقدرش نرفضها بس اكيد انا مش بقبلها فى كل الحالات بس فى حالات بتكون هى الحل الوحيد
|
السلام عليكم ورحمة الله
بداية نبدأ بالدعابة انا فاكر ان كان فى دفعة عندنا فى كلية التربية زمان لاحد الاقسام كان فيها 220 بنت تقريبا وثلاث ولاد بس كنا بنسميها دفعة البنات ... ويا عينى على الولاد كانوا مقهورين فى الدفعة دى كان ممنوع عليهم يقربوا من البنجات ... كانوا بيجيبوا كراسى ويقعدوا جنب مكتب الدكتور بعيد خالص عن البنات الله يمسيهم بالخير .. كانوا شباب زى الورد ... الله يرحمهم بقى نتكلم جد شوية مش عارف ابدأ منين .... ممكن نبدأ بقصص واقعية لناس اعرفهم لى صديق ابوه ضحك عليه وجوزه وهو عنده 20 سنة ... والله راجل طيب وعمل فى ابنه معروف بس واضح ان المعروف كان ليه كماله .... الزوجه اللى ابوها جوزها ليه بعد كام سنة من الجواز مسكته وقالت له انها جايبه له عروسه الراجل استغرب .. الوليه مالها حصلها ايه ... انا كنت سايبها الصبح بعقلها .... المهم عمل نفسه عبيط وخد الموضوع تهريج معاها لحد ما لقى نفسه متجوز الثانية على ايد مراته ... وما شاء الله عنده الان ابناء من الاثنين وعنده بيتين واولاد كتير بس انا كله ما بشوفه باضحك وادعيله .... هو اللى جابه لنفسه قصة تانيه فى عملى كمدرس باحتك بأولياء الامور وفى مرة طلب منى ولى امر اعطى درس لابنتاه فى 2ث ...انا قلت توأم لما شفت البنتين لاقيت واحدة شبهه والتانية تقريبا لاقيها مش تابعه خالص واللى شبه بتقوله يا أبى والثانية بتقوله يا بابا ...طبعا امال حتقوله يا ماما المهم بعد كام شهر باسأله هما ليه مش شبه بعض هما اكيد مش توأم وفى واحدة سقطت سنة المفاجأة انه قالى ان اللى شبه دى مش بنته دى بنت مراته الثانية وان اللى مش شبه هى اللى بنته طالعة شبه جدها فعرفت انه تزوج امرأة ارمله يراعها هى وبناتها وهو يكفلها هى واولادها لدرجة انه لا فرق بين بناته وبناتها والغريب ان بنت مراته شبهه وبنته شبه جدها .... سبحان الله قصة تالته اعرف واحد تزوج امرأة تصغره ب 13 عام وانجب منها 4 بنات ماشاء الله اكبرهم فى 5 ابتدائى يواظبون جميعا على حفظ القرآن وفى رمضان يقيمون الليل فى المسجد مع امهم والتى عمرها الان 33 عام وزوجها 46 عام وله منصب فى الدولة ولكن بينهم مشكله صغيرة خالص عايزة تجوزه واحدة تانية ... وخد بالك انها 33 عام وهو 46 عام يعنى هى لسه صغيرة فى السن وهو قارب على ال 50 المهم هو بيحاول يهرب منها وهى مصرة على ذلك الامر فاشتكاها لى وقال لى حاول تقنعها انه تنسى الموضوع فى وجوده طبعا وقلت اسمع منها يمكن اعرف اوفق الاراء بينهم فاا بها تقول جملة واحدة وتنهض (( انا عايزاه يتجوز علشان يفتح بيت مسلم ويكون اسرة مسلمة تانية واكون السبب فيها فيكون لى بكل عمل صالح يخرج من هذه الاسرة اجر فيه ....ثم ان البنات الكتير دول مين اللى ح يتجوزهم ... ولا انا علشان اتجوزت خلاص انسى اخواتى فى الله .."" لن يؤمن احدكم حتى يحب لاخيه ما يحب لنفسه "" قالتها وغادرت المكان واخيرا قصة للشيخ محمود المصرى ابكتنى اتصلت به فتاة تسأله " يا شيخ انا لم اتزوج حتى الان وقد كبر سنى ...انا ايه ذنبى ان ربنا لم يخلقنى جميلة ... انا اتعلم امور دينى كما امر الرسول وهذا بيدى ولكن ليس بيدى ان اكون جميله ..فما ذنبى ...لما يعزف عنى الرجال !!!!!!!!!!!!!!! واخيرا ادعوا لله ان ييسر لكل رجل ان يفتح اكثر من بيت مسلم كل من فيه ينطق بلا اله الا الله محمد رسول الله |
السلام عليكم ورحمة الله وبركاته جميل موضوع ممتاز حقيقى عجبنى ردك اوى يا نسمه ياااااااااااااااااااااه بس مين يسمع ومين يقرا ياريت يا نسمه تعملى وتنشرى رائيك ده وتقنعى بيه صحباتك ربنا يستر علينا وعليكى باه بعد ده المهم ندخل فى الموضوع اولا ردى حينقسم لقسمين اول قسم قسم دينى بحت وتانى قسم رد رجل من الرجال الى ان شاء الله فى يوم من الايام بس ادعوا انتم بس سيكون زوج الرد الدينى اولا تفسركم للايه غلط كتير يا جماعه العلماء وضعوا شروط لتيسير الايه دى ازاى تبقى زوجتى مريحانى واروح اتزوج عليها واقولها اه ما ربنا قالى كده لا كده غلط وضعلنا شروط لو اتحققت فى الزوجه لنا الحق اننا نبص لغيرها لما يطبن لنا من اليتامى وده مش بيجى الا لما بنكون مخنوقين من الزوجه الى تحت ادينا بسبب اهمالها فينا وده الى بيخلينا نبص تانى الاية صريحه اننا نجوز الزواج بواحده واتنين وتلاته واربعه بس فى هناك قوانين وضعوها لنا الفقهاء ومواضع مينفعش اننا نتجاهلها علشان نص صريح نيجى للرد التانى علشان بس مش بحب اطول فى حاجات مشتركه بين عقل الرجل وعقل المراه الى هيه الانانيه سواء باه الانانيه دى كا صفه او كا فعل وطبعا بتختلف من شخص لاخر بمعنى ايه ليه انتم فاكريين ان الراجل ممكن بسهوله انه يقدر يسيب زوجته ويبص لغيرها بالعكس كل راجل برضه بيحب انه يكون الشخص الوحيد الى فى حيات زوجته زى ما الزوجه بتحب انها تكون الشخصه الوحيده فى حيات جوزها بس باه المشكله فى تطبيق ده من ناحية الزوجه ليه بيقولوا ان الست بسبع ارواح مش علشان بتموت سبع مرات او ولا بيتنجوا من الموت سبع مرات او كده لا اطلقوا عليها كده علشان لازم تحافظ على جوانب وهى يعنى مش تدخل المطبخ وتقشر بصل بالهدوم الى حتنام جمب زوجها بيها ما طبيعى حتى لو بيموت فيها حيتخنق منها ويبص لغيرها مش تهتم بزوجها وتهمل فى شقتها برضه حيمل ويبص لغيرها برضه مش تهتم بزوجها وشقتها وتسيب عيالها برضه حيمل ويتخنق ويبص لغيرها مش برضه تهتم بنفسها ويتحرق البيت مينفعش الست بسمع ارواح علشان هيه لازم تهتم بكل الجوانب دى وفوق كل ده تكون مبسوطه لانها ممكن تدخل الجنه لانها بتهتم بده بس يكفى بس انه ممكن متدخلش الجنه لو ليله بس نام زوجها وهو زعلان منها دى تكفى يعنى كل ده يرجع للست هيه الى بايديها انها تتحكم فى كل ده وتمنع ده انما من ناحية الشرع تعرفوا ان فى حكم ان عقد الزواج التانى بيكون باطل اذا لم تعلم الزوجه الاولى انا اسف على الاطاله فى حاجات كتير كان نفسى ابينها بس علشان مش بحب اطول هههههههه قال كل ده ولسه مطولتش بس ان شاء الله لو احتجت رد تانى حدخل وارد |
أنا واثق ان الرجل المصرى مش ممكن يفكر يجوز تانى أصل الواحد بينفذوا فيه حكم الأعدام مرة واحدة بس مابيتعدمش مرتين هههههههه واكيد لايلدغ المؤمن من جحر مرتين :):)
|
اقتباس:
انا ممكن اقبل على حسب الموقف يعني لو انا الاولانيه مثلا وفي ظروف جامدة واسباب مقنعة انو يتجوز انا اللي هدورلو على عروسه واجوزهالو لو انا التانية بقى وواحد جايلي مراته مش فيها اي عيب او اي حاجة وعاوز يتجوزني طبع مش هوافقك لانه زي ماتجوز عليها هيتجوز عليا ومش بعيد يطلقنا لو عاوز واحده تانية انما لو واحد مضطر مثلا انه نفسه في اطفال ومراته مش يتخلف ده اوافق ودي الحاجة الوحيده اللي تخليني اوافق اني اكون زوجة تانية بس مش في اي عمر يعني مثلا مش ابقى عيله عندي 20 ولا واحد وعشرين وجاييلي واحد سبعة وثلاتين ومتجوز واوافق طيب مانا ممكن يجيلي احسن ومش لازم ابدأ حياتي مكلكعة وانا ممكن ابدأ مستقرة توبيك جامد يانيسو:078111rg3: |
هههههههههههههههههههههههه
هو انا هرد على كل دة ازاى لا لازم ارد والله ان شاء الله هرد لما افضى بس مبدأيا عجبنى رد بنت الاسلام والمجاهد اووووووووى وشكلنا كلنا هنضرب مرة واحدة فالموضوع دة:d انا عن نفسى اضربت خلاص الدور والباقى على الى لسة مضربش زى اسلام المرشد كدة ان شاء الله البنات ليها وقفة فالشعر دة :giljotiiniug3: |
السلام عليكم
ازيك يا نيسو؟؟ من زمان يا شيخة متكلمناش من دقيقة واحدة اان عملت التصويت وصوت اهو لحد ماالناس اتلمت عليا بس رأيي بقى قلته ليكى على الميل موضوع عجيب زى صحبته تسلمى ياقمر |
اقتباس:
ياسلام ياختى طيب انا وانتى والزمن طويل ربنا يدينى طولة العمر واشوف كدة لما يتقدملك عريس هتعملى اية:romarioxp6: اقتباس:
كلام مظبوط بس دية زي ما قولت قدرات كل واحد يقدر يعدل ويوزع اهتمامه وحبه بنهم وغيره لا وشكرا لمرورك ورأيك اقتباس:
كل اب وام بيفكروا ازاى يعيشوا بناتهم احسن عيشة كل واحد عاوز بنته تبتدى من مكان ما انتهت فى بيت ابوها يعنى تعيش فى نفس المستوى قليل اوى لما تلاقى اب ولا ام يقبلوا بواحد على قد حاله وانتى لما تيجى تقولى لباباكى خف شوية عليه هيقوله اسكتى انتى انتى هتعرفى مصلحتك اكتر مننا الموضوع دة امر مفروغ منه شكرا لمرورك اقتباس:
هقول تانى الست بطلع عين جوزها وعين الى جنب جوزها كمان وتقوله عجبك على كدة عجبك مش عجبك انت حر لكن لما هى تكون عارفة انها لما تزعله هيسبها ويروح للتانية يبقى هتتعدل وتتظبط وبعدين فى ناس كتير فى عندهم 30 سنة وتلاقيهم ماشاء الله معاهم ومستريحين اية بقى المانع انه يتجوز واحدة تانية وزى ما فى بنات بتحب الواد الفافى الصغيور فى بنات تحب الراجل الناضج الواعى الى عقله كبير شكرا لمرورك ياايوى نورتى |
اقتباس:
لية بتبصى على نص الكوباية الفاضى لية متقوليش صحبتى مثلا شافها وعجبته ما تيجى اجوزك جوزى يازوزو والله يوم المنى تخيلى احنا الاتنين على واحد هيبقى انسان جميل اوى مكتوباله الجنة والله اقتباس:
لية مش تاخدى مراتاته دول على انهم اصحابك مش عدوين وتخلصى ليهم زي صحابك او اخواتك لية مش كلنا نريح بعض اقتباس:
|
اقتباس:
اقتباس:
NO COMMENT لما البنات تبقى كده اومال الولاد يبقوا ايه ملائكة نزلوا من السما مبيعملوش الغلط ووشهم جميل يجيب الرزق كله :huh: |
اقتباس:
والله انا مستغربة من الولاد الى مش راضية دية^_^ اقتباس:
لا والله؟؟؟؟؟؟؟؟ ماشى ماشى :stickjo4: شكرا لرأيك يامحمود والحمد لله انى لقيت حد تانى موافق:av4056bb7jp3: |
اقتباس:
يعنى هو يجى ياخد اذنك فى حق من حقووووووووووووقه نفترض ياستى انه شاف واحدة عجبته حبها هتقوليله لا عليك غضب ربنا لو اتجوزتها هيكون قصادك حل من اتنين يااما هتقلبى عليها واطيها وتقوليله طلقنى وهات الشقة والعفش والمؤخر وممكن يعملها ويبقى اسمك مطلقة ولا حد بعدها هيجوزتك او هتنكدى عليه وتعيشيه وتعيشى نفسك فى نكد ونار مبتهداش ابداا دة هيكون اول تصرف التصرف التانى انك هتعقلى وتفهمى ان دة حقك وتاخدى الموضوع ببساطة جداا وبكدة هتكسبيه وتكسبى راحتك وتشترى دماغك اقتباس:
|
اقتباس:
مش لما ابقى اتجوزه اصلا ابقى افكر فى الموضوع ده والله انتوا كلمنجيين بس ساعة الجد هتولعوا فيه وفى اللى هيتجوزهم وفى نفسك مؤخرا وتبقوا تقولوا كده من الغيرة ما قتل :d اقتباس:
هو ده الكلام ولا بلاش شايفين الاخلاص :d |
اقتباس:
الناس كلها تختلف في المسألة دي من ولاد أو بنات عشان هي أكيد مش حاجة سهلة علي البنت لأن الغيرة عندهم قاتلة(زي صاحبتك) :giljotiiniug3: و الولاد هو قادرين علي مصاريف واحدة أو لاقين أساسا يتجوزوا و بعدين هو حد بيرمي بنفسوا في النار :):):):) بس مع كل ده فهو حقه الشرعي و لو البنت علي تدين و علم إستحاله هترفض إتباعا لزوجات الرسول صلي الله عليه و سلم و الصحابة و كفاية كده و إدعولي عندي إمتحانات و بموووت :):):) |
بس هو يفكر بس كدا !!! طبعا انا عن نفسي هقتله واحطه ف أكياس ولا أقولك خسارة فيه ههههههههههههههههههههه نوفر حق الأكياس;);) طب انا عندي فكرة احسن احنا نقتل البنات ونخلي عددهم اقل من الاولاد وكدا يبقي حلينا المشكلة:p بصي هي فعلا مشكلة ان البنات عددها زاد بس نعمل ايه بقا بس انا فعلا مقدرش ان اتجوز واحد متجوز اللي ف حال واحدة لما تكون اللي متجوزها ماتت بعد الشر ع كل الناس شكرا ع الموضوع:006et4: |
| جميع الأوقات بتوقيت GMT +2. الساعة الآن 01:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.