بوابة الثانوية العامة المصرية

ما يحدث للمصريين فى السعودية لا يرضاه اى ضمير بشر

صديق عائد من العمرة وقال لى نحن ضيوف الرحمن نعامل اسوا معاملة من قبل السعوديين
احدهم قال لى بالحرف (قال لى احد الموظفين خلى الثورة تنفعكم)!!!!!
مأساة تحدث الان فى المملكة
واهانات متعمدة وبالغة لكل ضيوف الرحمن المصريين فقط
يعنى الكيان وموقفة واضح ومعروف

ويروى ما حدث

الرحلة اتأخرت 72 ساعة يعنى 3 أيام وفيه ناس تعبانة جدا

2- محدش جابلهم أكل ولا شرب ولذلك حصل حالات إغماء خصوصا لكبار السن ( كانوا بيبيعوا ليهم باكو البسكوت الكبير ب 15 ريال )

3- العساكر والظباط كانوا متعاطفين مع المصريين وكلموهم كلام فيما معناه ان قلة الأدب دى سببها السلطات السعودية

4- اجماع الكثير من الناس فى المطار (مصريين وسعوديين ) ان سبب المعاملة دى معروف جدا وهو تأديب المصريين عشان اللى عملوه فى مبارك

والدليل على كدة ان كان فيه هتاف من ضمن الهتافات المصرية ما معناه لو عايزينه خدوه ( يقصدوا مبارك )

5- فقد الكثير من المعتمرين لحقائبهم

6- تعمد مسئولى المطار على عدم وضع أرقام على الشنط عشان المصريين ميعملوش محضر بيها

7- على ما أذكر من كلام اللى حكالى ان جه من يومين قبلها 20 أتوبيس وقالوا للمعتمرين هنوديكوا مكان ما تريدوا .. أخدوهم ودوهم الجبل

.. وسابوهم .. فاتصلوا بالدفعات اللى بعدهم وقالوا محدش يركب الأتوبيسات دى

8- كان كل شوية ييجى مسئول من الطيران يقول للمصريين اقعدوا عشان نعرف نعمل الاجراءات .. يقصد : انهم يقعدوا على الأرض تحت منه

وييجى يتحكم فيهم مما أدى الى الغضب الشديد من بعض المصريين

9 - هذا المطار (مطار جدة) معروف برداءته من ذى قبل

10 - استفزاز شديد واهمال للمصريين كأنهم مش بنى أدمين .. فهتف المصريين : ارفع راسك فوق انتا مصرى

11- التكسير اللى حصل من المصريين كان نتيجة شحنة الغضب اللى جواهم من المعاملة والتأخير الغير محتمل والغير معقول

12- اجراءات وتفتيشات كل شوية كأننا حرامية

13 - المصريين ناموا على البلاط أيام ... البلاط يا عالم خلوا عندكوا دم .. المصرى ينام عالأرض ويتهان كدة ؟؟

الناس دى معظمهم عارف ربنا ورايح يطيعه .. يعنى مش ثوار أصلا ولا بلطجية

14 - المصريين افترشوا ممر الطائرات وناموا بالقرب من الطائرات ومفيش طيارة طلعت وقتها

وحسبى الله ونعم الوكيل