الى اى ادارى فاهم؟؟؟
 

هذا الموضوع غير قانوني وممكن يضر نفسه بهذا الفعل لأن الكاتب له بدل سفر عن المأموريات التي يقوم بها حسب خط السير من مكان المعهد والمنطقة والمفروض كل مأمورية يقوم بها بتسجل في الصادر الخاص بالمعهد وبنأخذ رقم معين وعندما يذهب الى المنطقة بيختم المأمورية من المنطقة عندما يمضي الموظف المختص في المنطقة بأن الموظف المذكور حضر الى المنطقة وتم عمل اللازم معه وفي نهاية كل شهر يجمع هذه المأموريات ويعمل بهم بدل سفر ويأخذه بعد ذلك من المنطقة .
مع العلم بأن مأمورية احضار شيك المرتب لوحدها تزيد عن أي مأمورية اخرى بالضعف.

غير قانونى ويجب شكواه هو وشيخ المعهد الذى يسمح له بذلك لأنه يتقاضى راتبه مقابل ذلك ويصرف له بدل سفر عن خط السير حسب المسافة بين المعهد والمنطقة

ولا مليم الانه بياخد بدل سفر عندنا مفيش الكلام ده ممكن شيخ المعهد او الناظر يعطيه من ميزانية المعهد لكن غير كده لااااااااااااااااااااااااااااااااااااااااااااااااا اااااااااااااااااااااااا

شوف ياسيدى ببساطه المفروض الاخصائى الجتماعى يوفر له مبلغ ثم يتم تسويته من كل شيك وده بضبط اللى بعمله

الاساتذة الافاضل لايوجد اى بدلات للسفر بالنسبة للادارى او غيره لان ميزانية المعهد بتكون ضعيفة جدا وغير موجود اى بند بدلات غير للاخصائى لو مسافر للمنطقة ومعاه طلبة بس علشان ياخد الفلوس اللى دفعها فى المواصلات لازم يقدم للمسئول المالى صورة رخصة السواق اللى كان راكب معاه وياخد من السواق ايصال استلام نقدية بالمبلغ اللى دفعه وهذا ما جعلنى هذا العام اتحمل تكاليف انتقالى انا وثلاثة طالبات سافرت بهم للمنطقة يومين للاشتراك فى مسابقة اوائل الطالبات كنت اخذهم من المعهدمواصلة الى الموقف ثم نركب لكفر الشيخ ثم من موقف كفر الشيخ للمنطقة الازهرية وفى العودةكذلك وطبعا مفيش سواق وافق يعطينى لارخصه ولا ايصال وعشان كدة دفعت انا مضطرة ولما بيتكرر الموضوع ده ونرفض نسافر للمنطقة بنتحول للتحقيق

شوفوا ياجماعة من الناحية القانونية الموضوع غير قانونى لكن من الناحية العملية ممكن الإدارى يعطل مصالحكم لأنه هيصرف على حسابه ومن مرتبه لأن المناطق بتصرف بدل السفر فعلا بس كل مدة يعنى كل 3 شهور أو 4 وبتكون على حساب المواصلات فى القطار يعنى ممكن يصرف الإداري 7 جنيهات مواصلات فعلية والمنطقة تصرف ليه 2 جنيه فقط وبعد كذا شهر فالإدارى بيريح نفسه ومبيعملشى خطوط سير أصلا
ثانيا مثلا ممكن الإدارى إلى رايح يسلم مكافأة الامتحانات والمدرسين مستعجلين عليها يرسلها بالبريد وترد من المنطقة وتتاخروا فى صرفها وكذلك أوراقكم الخاصة بالتعيين والتثبيت ممكن يتأخر وبسببه تتأخروا فى التثبيت فمن باب مساعدته فى شئونكم الخاصة يتم جمع أجرة المواصلات الفعلية له لقضاء مصالحكم أما لو الناس هتقول له قانونى ومش قانونى هيوصلكم بالقانون لأنكم هتتحايلوا عليه أنه ياخد فلوس علشان يخلص المصالح لكم وهيجى فى الإجازات الى ماحدش فى المدرسين بيروح فيها وهيعرفهم ايه هو القانونى فمن باب المشاركة لا تجعلوه يتحمل تكاليف المواصلات وحده ...
هذا طبعا مع الناس المحترمة أما هناك فئة من الإداريين أعرفهم يطبق عليهم قانون الرشوة لأنهم بيأخذوا أموال من الموظفين عمال على بطال وأكثر من أجرة السكة الفعلية بكثير بل يفرضون إتاوة شهرية على الجميع هذا ما لايقبله أحد

افضل رد وبالفعل انت من افضل من يتحدث عن الامور الاداريه فى المنتدى لانك عملت بها فعليا
ومع احترامى لكافه الردود فهم يتحدثون نظريا فقط لانه لم يعملوا بها

[المشاركة الأصلية كتبت بواسطة السيد جمعة http://www.thanwya.com/vb/style12/buttons/viewpost.gif
شوفوا ياجماعة من الناحية القانونية الموضوع غير قانونى لكن من الناحية العملية ممكن الإدارى يعطل مصالحكم لأنه هيصرف على حسابه ومن مرتبه لأن المناطق بتصرف بدل السفر فعلا بس كل مدة يعنى كل 3 شهور أو 4 وبتكون على حساب المواصلات فى القطار يعنى ممكن يصرف الإداري 7 جنيهات مواصلات فعلية والمنطقة تصرف ليه 2 جنيه فقط وبعد كذا شهر فالإدارى بيريح نفسه ومبيعملشى خطوط سير أصلا
ثانيا مثلا ممكن الإدارى إلى رايح يسلم مكافأة الامتحانات والمدرسين مستعجلين عليها يرسلها بالبريد وترد من المنطقة وتتاخروا فى صرفها وكذلك أوراقكم الخاصة بالتعيين والتثبيت ممكن يتأخر وبسببه تتأخروا فى التثبيت فمن باب مساعدته فى شئونكم الخاصة يتم جمع أجرة المواصلات الفعلية له لقضاء مصالحكم أما لو الناس هتقول له قانونى ومش قانونى هيوصلكم بالقانون لأنكم هتتحايلوا عليه أنه ياخد فلوس علشان يخلص المصالح لكم وهيجى فى الإجازات الى ماحدش فى المدرسين بيروح فيها وهيعرفهم ايه هو القانونى فمن باب المشاركة لا تجعلوه يتحمل تكاليف المواصلات وحده ...
هذا طبعا مع الناس المحترمة أما هناك فئة من الإداريين أعرفهم يطبق عليهم قانون الرشوة لأنهم بيأخذوا أموال من الموظفين عمال على بطال وأكثر من أجرة السكة الفعلية بكثير بل يفرضون إتاوة شهرية على الجميع هذا ما لايقبله أحد
افضل رد وبالفعل انت من افضل من يتحدث عن الامور الاداريه فى المنتدى لانك عملت بها فعليا
ومع احترامى لكافه الردود فهم يتحدثون نظريا فقط لانه لم يعملوا

اللي بياخدوا الاداري من المدرسين من غير ان تكون نفسهم راضية عنه لا يبار

خاص بموضوع الادارى الفاهم
 

الاستاذ المحترم اللى بيقول قانونى ومش قانونى هو الادارى ملزم يسافرك علشان يوديلك شغلك اذاكان عندك ادارى بيسافر يبقى تبوس ايدك وش وظهر وتحمد ربنا لان الادارى لما اتعين ماكانش من شروط تعيين انه يسافر يوديلك الشغل وكان اللى بيقول له بدل سفر عايز اعرفك ان المنطقة قصدا منطقة المنصورة وانا من المطرية كانت عملت دورة تدريبية ثلاث ايام فى المنصورة وكنا نسافر كل يوم وعندما جهزنا بدل السفر علشان نعمله ماحدش سال فينا فالاستاذ اللى بيقول فيه بدل سفر يروح المنطقة ويعرفنا هيعمل بدل السفر اذاى وياريت يكون تبع منطقة المنصورة

كل كلمه ذكرتيها صحيحه 100%
للاسف القانون عندنا غريب جدا وكما ذكرت فى ردى السابق هناك فرق من يعمل فعليا ومن يعمل نظريا
وتصديقا لكلامك كل عام يتم نقل الكتب الدراسيه من مخازن القطاع الى المعهد وطبعا الكتب لاتكون فى المخازن
مجتمعه بل دائما يكون على مراحل وطبعا لابد من استلام الكتب وتوزيعها اولا بأول
وطبعا هناك مصاريف لنقل الكتب ولابد حسب القانون احضار صورة بطاقه السائق وتوقيعه على وصل استلام
نقديه للنقل وطبعا لايوجد سائق ممكن يوافق على ذلك
نروح للنشاط الرياضى يتم اقامه مباريات بين المعاهد ويقوم المشرف الرياضى بالذهاب مع التلاميذ
الى المعهد الذى تقام فيه المباراة وطبعا الذهاب مع عشره تلاميذ يكون بمصاريف !!!!
ومهما تحاول تقول يكون الرد احنا عارفين لكنه القانون
ماقصدته من هذا هو ردى على من يقول هناك مصاريف للتنقل حسب القانون المصاريف
تكون جنيهات لاتتعدى 10ج والواقع انك صرفت اضعاف اضعاف هذا الرقم
ومن يقول من ميزانيه المعهد التى لاتتعدى 600ج فى العام حسب حجم تلاميذ كل معهد
وهذه المصاريف تصرف منها نقل الكتب والنقل يتعدى نصف الميزانيه والباقى
المفروض ادوات مدرسيه وادوات كهربائيه وادوات سباكه وادوات نجارة وادوات تصوير
وحبر للتصوير وادوات لامتحانات النقل
كما قلت هناك فرق بين النظرى وبين العملى

سؤال بس يا أستاذ سعيد
هل ما ذكرته يحدث في التربية و التعليم ؟و أين دعم المنطقة للمعاهد ؟
والباقى المفروض ادوات مدرسيه وادوات كهربائيه وادوات سباكه وادوات نجارة وادوات تصوير
و أين هي الادوات المدرسية و الكهربية و السباكة و النجارة و التصوير...هذه البنود عادة لا يسمع عنها في الازهر
و من المفترض أن يكون هناك دعم للأنشطة من قبل المنطقة لكن ؟؟؟؟؟

تعرف أخي الفاضل سعيد
رحلونا عن معهدنا و دمروا معهدنا الاعدادي و آخر ثانوي هم أكبر معهدين بالمحافظة
بحجة الترميم للمعهد الذي استمر لمدة عامين و داخل على الثالث
لن اتحدث عن طول المدة ( التي يضحك منها الجميع ) في حين ان مدرسة للتربية و التعليم قريبة تقوم بترميم أفضل مما قاموا به مراحل بشكل سنوي ...و أذكر العام الماضي أن مدرسة قامت بالترميم و الصيانة و دهان المدرسة بالكامل خلال اجازة نصف العام فقط
دعنا من كل هذا ( خليهم يقعدوا 10 سنين حتى ) لكن
هناك بجوار المعهد استراحة لوكيل المنطقة و المستشارين ( هبقى اصورها لحضرتك )
تم ترميمها بترميم خرافي و دهان اسطوري ...من أي بند مالي هذا الاسطوري و هو ليس معهد
اما المعهد فقد ترمم و لكن يعني بقى أفضل مما كان عليه بمراحل
لكن من الذي كان يستحق الترميم بشكل أفضل
هل الاستراحة التي لا يزورها احد الا بين الحين و الحين أم المبنى التعليمي !!!
كل شئ في الازهر ماشي بالعكس
اما الشئ الثاني
أن النقود التي رمموا بها المعهد كان يمكنهم بناء خاص بمعهدها الاعدادي الذي دمروه بجعله فترة ثانية و دمروا الثانوي بجعله فترة صباحية ...قبل أن يهجرونا معا للترميم المزعم
و أن مسألة الفترتين من وجهة نظري لا تسمى تعليما من الأساس
حسبي الله ونعم و الوكيل