يا جماعه انا عايز ادخل حاسبات عين شمس وانا من الشرقيه فيه حل -_-
 

سـلام عليكم

انا جايب 93.3 ومن الشرقيه وعايز ادخل حاسبات عين شمس لكن بسبب التوزيع الجغرافى مش هينفع لازم ادخل حاسبات الزقازيق

حد يعرف حل للموضوع ده او ممكن احول بعد كده؟؟

وايه رأيكم فى حاسبات الزقازيق :/

حاسبات الزقازيق ممتازه جداً .............. و ممكن بعد كدا تحول بس تقريباً على حسب الكليه بتعتك ممكن تطلب انك تكون جايب تقدير عشان تقدر تحول .... دى قوانين بتبقى داخل الكليه تقدر تتأكد من هناك بس حاسبات الزقازيق كويسه جداً

تمام (y)

شكراً لحضرتك استاذ ايهاب


ممكن الفيس بتاعك ع الخاص

وعليكم السلام :)

ايوة هتلحق ان شاء الله :)

بسبب التوزيع الجغرافي حاسبات الزقازيق .. بس انت ممكن تحول سنة تانية عين شمس بس تجيب جيد جدا على الاقل او تحول من سنة اولى على طول لان كل سنة وليها ظروفها بس عشان تضمن انك هيتقبل تحويلك لعين شمس خد شقة ايجار جديد وخد وصل الكهربا وصورة من العقد وقدمه للجامعة انك قاعد فى عين شمس عشان يقبلوك غصب عنهم .. وربنا يوفقك :)

حاسبات الزقازيق متوسطة المستوى لان انا فيها وعارفها كويس لا هي وحشة اوي ولا هي كويسة اوي :)

تمام يعنى حاسبات عين شمس تستاهل احول واسكن هناك؟؟

والزقازيق متوسطة المستوى فى ايه بالظبط المناهج والتدريس ولا المبانى والاجهزة وكده؟

شكراً

البشمهندس اكتر واحد يقدر يفيدك فى الموضوع ده لآن هوا فى الكليه دى نفسها ......... و ثانياً مش حكايت كليه حكايت اللى يشغل دماغه فى البرمجه و اللى حابب البرمجه ممكن تلقى ناس فى الزقازيق عقليات ممتازه فى البرمجه و تلقى ناس فى عين شمس بطيخ ميعرفوش حاجه ... المنهج مش هيعملك حاجه غير معظمه اكديميى بس

كلامك بيعجبني برافو عليك استمر

طبعا الواحد لازم يكون حابب الموضوع ويجتهد فيه

امممم اخد اول سنه ف الزقازيق واحول تانى سنه عين شمس كويس؟

والله يا بشمهندس مش حكايت عين شمس ولا غيروا اهم حاجه تشوف التخصص بتاعك و تشتغل فيه كورسات ... غصب عنك و تبقى متميز فيه ... هتشتغل فيه و بسرعه و هيبقى مرتب خيالى .... يعنى لو رحت عين شمس بردوا هتاخد كورسات بردوا ده اللى انا شايفه بس والله لو انت شايف حاجه تانيه دى حريه شخصيه بقا ... مقدرش اقولك لاء ولا اى حد يقدر يقف قدامك