|
امتى اتغيرت حياتك؟!!!
السلام عليكم ورحمة الله وبركاته
ازيكم يا جماعه انا جتلى كده فكرة موضوع ان كل واحد يكتب ايه هى نقطة التحاول فى حياته؟ يعنى امتى كانت حايتك مش عجباك ومخنوق منها وحاسس انك نفسك تتغير وفجأ ه لقيت نفسك فى موقف حصل اتغير مسار حياتك كله وممكن العكس يكون انتا فى حاجات اتغيرت خليتك تتغير فيك حاجات كنت مش حابب انها تكون فيك !!!!!! وممكن يكون اللى غير حياتك شخص ممكن يكون صديق او قريب او اى حد تعرفه بجانب المواقف وامتى حسيت ان الدنيا خلاص وقفت ادامك مش عاوزه تتحرك وانتا ساعتها كان ايه احساسك فضلت تعيب على الزمن وتقول غدار!!!! ولا قولت لازم اعمل حاجه علشان افوق بيها نفسى وارجع زى الاول وهل عملت حاجه ولا سبتها للايام تحلهالك وسؤال اخير كل واحد يقول احساسه ايه قبل وبعد التغير هل دلوقتى ضميره مرتاح ومطمن على ان ربنا راضى عن افعاله ولا!!!!!! ولما بتنام بتروح فى النوم على طول ولا بتفضل تفكر ساعه قبل ماتنام ؟ولو بتفكر يبقى ايه اللى بتفكر فيه كل يوم قبل متنام وتقول ياااااااااه لو كنت عملت كده وبعد كدا تستغفر ربنا وتنام كفايه كده علشان شكلى غلست |
موضوع جميل وفكرة رائعة حسيت ان حياتى وقفت مممممم برغم من انى عشت ظروف كتير وحشة فى حياتى بس عمرى ما حسيت الاحساس ده حاجة غيرت مسار حياتى انى شوفت فيلم اسمه The Ultimate Gift ظهرلى حاجات كتير وبعتبره اروح فيلم شوفته فى حياتى واتغيرت مسار حياتى لما والدى اتوفى طبعا وروحت عشت مع خالتى بس انا بطبيعتى مش بحب الحزن وكده خلاص يعنى اللى راح راح وان احنا يجب علينا نستمر فى حياتنا وان الحياة دى لعبة لتكسبها لتخسرها ساعات بحس ان ربنا راضى عنى وساعات تانية بيتغير الاحساس تماما وبنام علطول انا معروف عنى انى ذكى وداهية فساعات كتير بفكر افكار وحشة فى ناس كتير ومعظمها بيبقى صح وموضوع جميل يا ايه جزاكى الله كل خير ..
|
اقتباس:
بس فى مفيش حد بيحب الحزن الحزن هو اللى بيحبنا ههههه مش اصدى بس الحزن ده عامل زى حاجه بقت فى دم الواحد ادمنها بقى قفل قافل على القلب مفتاحه ضاع ممكن اكسر القفل واموت ههههههههه بعد الشر عليا واحب ابدلك كلمة الحياه لعبه بالدنيا لان الحياه نعمه خلاص كسبناها وبنحمد ربنا عليها انما لو كلامك عن الدنيا فأنا خلاص خسرتها من زمان وبقينا انا وهى اعداء شكرا على مرورك نورت الموضوع |
اقتباس:
|
موضوع رائع بجد يا آية
بالنسبة لي قعدت أفكر أنا امته اتغيرت حياتي؟ إمته نظرت للدنيا نظرة أكثر واقعية؟ لاقيت مرات كتير يعني كل ما أكبر شوية ألاقيني كنت صغيرة قوي وأضحك على أفكاري بتاعت زمان وأكثر موقف غيرني ممكن رؤية طفل صغير توفى في يد والدته وهي بتأكله فطلب منها مياه فشرب وتوفى وكانت أكثر لحظة أثرت في وبعدها فكرت إن الدنيا مش هدف الواحد يوصله انما هي طريق ممكن يبقى طويل وممكن يبقى قصير فعلينا إننا نعمل حسابنا على طول وشكراً يا آيه على الموضوع الجميل |
اقتباس:
على فكرا كلامك صح الدنيا مش هدف ده طريق ........... ياريت كل واحد يفكر فيها كدا شكرا لمرورك |
انا الى غير حياتى الثانويه العامه بقا كل الناس حاطه امالها عليا وكانى اول واخر واحد فى العائله هدخلها وكل اما واحد يشوفنى يقولى روح ذااااكرر بصراحه حاجه تخنق بس اول اما عرفت المنتدى ارتاحت كتير وبقت المذاكره لذيذه اوى والله بحبكوم كلكوم المدرسين والطلبه
|
السنة اللى فاتت
لما تعرفت على شاب يمنى اسمه وائل وبنت كانت يهودية اسمها ماريا دول كانوا اكبر كارثة فى حياتى |
السلام عليكم بصى انا اغلب لحظات حياتى نقاط تحول لانى بحب دايما اصلح اى عيب فيا بس كانت اكبر نقطه تحول فى حياتى فى تانيه ثانوى تقريبا قربت من ربنا اوى وكنت ببكى وانا بدعيله وربنا كرمنى الحمد لله بس يا خساره مبقتش اقدر ابكى تانى ونفسى ترجع الايام دى الجامعه والعالم المفتوح دا اثر فيا كتير اوى تانى نقطه تحول بصى انا بكلم بنات كتير بس فى واحده عرفتها وحبتها غيرت فيا كل حاجه وحشه (مش كل حاجه اوى يعنى ) ودى كانت تانى اكبر نقطه تحول شكرا لموضوعك تقبلى مرورى |
السلام عليكم ورحمة الله وبركاته اولاً فى درستى فى علم النفس ان الانسان بطبيعته بيتغير تلقيئاً كل خمس سنين من ناحية التفكير وكل حاجة بس فى سيتى وايشن الشخص بيتغير بالانطباع نقطة التحول اللى عندى نقطة تحولى بعد وفاة والدى الله يرحمه اتغيرت كتير وبس وشكرا على التوبيك يا اية |
نأسف للإطالة
اسمعوا وعوا نقطة تحول حياتي من الاسوأ إلى الاحسن وانا في الصف الثاني الثانوي كنت بصلي بخشوع وكنت احب اسمع عمرو خالد وكانت احلى ايام حياتي بضحك من قلبي لان كنت حسة ان ربنا راضي عني بالرغم ان كنت علم رياضة ومش فاهمة حاجة في البطاطا وحولت في 3 لأدبي واستمر الموضوع معايا لغاية 2كلية احب الاعمال الخيرية وجمع التبرعات وزيارة دار الايتام والحمد لله ومقدرش اقول ان الموضوع ظل كما هو في3و4 كلية انحدر المؤشر قليلا ولكنني سيطرت على الموقف ورجعت تاني لأحلى حياة مع الله ولكن دوام الحال من المحال بعدما أنهيت دراستي رزقني الله بشاب لطيف وخطبني لم يكن ملتزم مثلي ولكنني ظننت أني أستطيع تغييره ولكن بالعكس تركت صلاة السنة واحدة تلو الاخرى وتركت المصحف يوما تلو الاخر واصبح هو الهواء الذي اتنفسه وهو عالمي كله ولكنني ظللت اصلي فالصلاة في دمي منذ صغري ولكن بعدما افترقنا لم استطيع ان اعود لمثل ماكنت عليه ويااسفاه على العمر الذي فارقت فيه جنب الله فاستغفر الله واتمنى ان تعتبروا من هذه القصة ولكن السبب في ان اتركه لقد فقت وقلت لنفسي هاهو حالي ونحن مخطوبون فمابال حالي اذا صرت في بيته وارجو ان يتقبلني الله وان يعوضني خيرا منه أو ان يصلح حاله وحالي ونعود بس تعرفوا ياشباب انا لم اعد كالماضي فانا الان كتلة حزن متحركة
|
اقتباس:
على فكرا أوعى تزهق من روح زاكر دى دى أجمل كلمه أنا عن نفسى عدت سنه كامله علشان مكنش حد بيقولى روحى زاكرى وبعدين ندمت وانتا مش اول واحد بس با لنسبه ليهم أهم واحد شكرا لمرورك يلا روح زاكر |
اقتباس:
على فكرا انتا ليك نقطة تحول تانيه هى لما دخلت الجامعه وبعدت عن(صاحبة القلوب الطيبه) الشرقيه ها صح ولا ايه شكرا لمرورك |
اقتباس:
ثانيآ لازم تبكى لازم لازم أعمل أى حاجه أغصب على نفسك أقف واقفه مع نفسك تانى وتالت ألحق نفسك قبل ما تبقى مع التيهين أنتا عامل زى أخواتى بس أخواتى قلبهم جمد على كل حاجه أنما أنتا باين كدا فى أمل ثالثا حبيبتك اللى غيرتك ناوى تخطبها ولا هتخلع!!!! |
اقتباس:
وربنا يرحم والدك ويكون فى الجنه أن شاء الله وشكرا على المعلومه الجميله دى شكر لمرورك الكريم |
| جميع الأوقات بتوقيت GMT +2. الساعة الآن 06:19 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.