|
كل مايخص النتيجة من استفسارات (تقديرات / درجات رأفة .. الخ)
بسم الله الرحمن الرحيم مبروك لكل الناجحين واللي شايلين مواد ياريت يشدوا حيلهم شوية وان شاء الله ربنا يكرمهم في الترم دا ويعدوا على خير المهم دلوقتى كل اللي جاب النتيجة بيسأل سؤالين لا ثالث لهما السؤال الأول ايه هيا التقديرات وبتتحسب ازاي ؟؟؟ السؤال التانى انا شايل مواد وعايز اعرف ايه نظام درجات الرأفة ؟؟؟ فتحوا دماغكوا بقى معايا كدا السؤال الأول مبدأياً التقديرات كالآتى > بالنسبة للمواد < من صفر لـ 6 ضعيف جدا من 7 لـ 9 ضعيف من 10 لـ 12 مقبول من 13 لـ 15 جيد من 16 لـ 17 جيد جداً من 18 لـ 20 امتياز بالنسبة للمجموع العام المجموع الكلى للسنة الدراسية 200 (بواقع 100 لكل تيرم) من صفر لـ 30 ضعيف جدا من 31 لـ 50 ضعيف من 50 لـ 64 مقبول من 65 لـ 79 جيد من 80 لـ 89 جيد جداً من 90 لـ 100 امتياز كام ملحوظة بقى صغيرة كدا على التقديرات دي 1- التقدير للمجموع الكلى مابيتحسبش الا في آخر السنة (يعني الترم التاني) 2- اللي بيشيل مادة واحده بيتكتبله في التقدير العام (منقول بمادة) 3- اللي بيشيل مادتين بيتكتبله في التقدير العام (منقول بمادتين) 4- اللي بيشيل اكتر من مادتين بيكتبله في التقدير العام (باقى للإعادة) 5- لو انتا شايل مادة واحده بس مجموعك جايب الجيد (فوق الـ 130) مش هايتحسبلك التقدير وهايتكتب منقول بمادة السؤال التانى دا بقى خاص بدرجات الرأفة طبعاً أكيد تلات تربع الكلية كانت بتتكلم عن درجات الرأفة وكله بيقعد يفتى في اي حاجة ويقول اي كلام وواحد يطلع يقولك الدكتور الفلانى قال كذا والدكتور العلانى قال كذا فككوا من كل الكلام دا واقروا الكلمتين اللي هاقولهم دول للآخر 1- درجات الرأفة 4 درجات للطلبة العاديين 6 درجات للطلبة الباقيين للإعادة 2- الدرجات دي مابتضافش الا في اخر السنة يعني مافيش درجات بتتضاف في نص السنة 3- الأربع درجات دول استحالة يتحطوا في مادة واحده 4- الدرجات دي مش لكل من هب ودب يعني ماحدش يجيب 16 من 20 وييجي يقولي انا عايز 4 درجات رأفة !!! 4- الدرجات دي معمولة فقط عند تغيير الحالة سواءا على مستوى كل مادة على حدة أو على مستوى المجموع ككل يعني ايه بقى تغيير الحالة ؟؟؟ يعني لو الاربع درجات دول اتضافولك هايغيروا حالتك يعني لو شايل مادة واتحطلك درجات الرأفة دي هاتحولك المادة من السقوط للنجاح ولو انتا مجموعك جايب مقبول واتحطلك درجات الرأفة دي هاتحولك المجموع من مقبول لجيد وهكذا .... نيجي نطبق عملى بقى على الحالات اللي بتحصل الحالة الأولى شايل مادة وجايب فيها 6 او اقل (بص في رقم 3 فوق وانتا تعرف) الحالة التانية شايل مادة وجايب فيها 8 (تترفعلك في حالة انك تجيب صافى الترم التانى أو تشيل مادة في الترم التاني وتجيب فيها 8 وساعتها هايتحطلك درجتين في المادة الاولانية ودرجتين في المادة التانية وتطلع صافى للسنة اللي بعدها) الحالة التالته شايل مادتين الاولى 7 والتانية 8 (لو شيلت مادة تالته في الترم التاني هاتترفعلك المادة اللي جايب فيها 8 وتطلع السنة اللي بعدها بمادتين أما لو طلعت صافى الترم التانى هاتشيل برده المادتين) الحالة الرابعة شايل مادتين الاولى 8 والتانية 8 (لازم تطلع صافى الترم التاني عشان الرأفة هاتتحطلك في المادتين دول وتطلع صافى لكن لو شيلت مادة زيادة عليهم هاتطلع بيهم كلهم) الحالة الخامسة شايل مادة واحده وجايب فيها 7 (تترفعلك بشرط انك تطلع صافى الترم التاني لكن لو شيلت مادة معاها الترم التاني هاتطلع بالمادتين) الحالة السادسة شايل 3 مواد 8 / 8 / 7 (هاتترفعلك المادتين الاولانيين وهاتشيل المادة التالته اللي انتا جايب فيها 7 ودا في حالة واحده بس انك تطلع صافى الترم التانى غير كدا هاتعيد السنة للأسف) الحالة السابعة شايل 3 مواد 5 / 6 / 6 (اقفل الموضوع واخرج وماتجيش تانى) !!! أظن انا كدا جمعت كل الحالات اللي المعظم تعرض عليها وفى النهاية نصيحة من أخ ليكوا أظن انتوا اتعلمتوا كويس من الترم دا وخدتوا خبرة ياريت بقى اللي ييجى يذاكر ويخش الامتحان يطير فكرة درجات الرأفة دي من دماغه واوعى يعتمد عليها كل واحد فيكوا يخش الامتحان عشان يجيب الدرجة اللي هوا عايزها .. مش عشان ينجح وخلاص وعموما أى سؤال انا تحت أمركوا |
جامد اوووووووى الموضوع ده يا فامبير
|
معلش استفسار ادارة الاعمال جبت فيها 12 والمادة دى بينى وبين نفسى كنت حاطت فى دماغى ان اجيب فيها 19 واللى كان بيدينى المادة دى د\ احمد فهمى جلال هل ممكن تفرق لدرجة دى واية اللى اقدر اعملة خصوصا ان لولا المادة دى كان زمانى جايب امتياز
|
لاحسن ان هتجنن ومادة زى دى ممكن متدنيش ثقة فى بقية الدكاترة بعد كدة وهل لو عملت التماس ممكن يجيب نتيجة
|
اقتباس:
زعلتني بجد .. يعني جت ع المادة دي وماتعرفش تشد حيلك فيها وتجيبلك فيها 18 ولا 19 عموما يالا كل اللي ربنا يجيبه كويس .. كله خير خير بس عموما ان شاء الله عايزك تستمر على المستوى اللي انتا فيه دا وبإذن الله اتوقعلك انك تطلع من الاوئل بالنسبة لسؤلك بقى .. مافيش وسيلة رسمية غير انك تعمل التماس في شئون الطلبة بتاعة الكلية ودي بـ 10 جنيه .. وهاتنزل بعد اسبوعين غالبا من دلوقتى بس المشكلة ان نسبة النجاح في التظلم قليلة جدا جدا جدا يعني ممكن من ضمن 2000 مقدمين تظلم يعدلوا في درجات 4 او 5 بس فانتا لو عايز تقدم مافيش مشاكل .. ولو مش عايز برده مافيش مشاكل كدا كدا انتا ماشاء الله يعني جايب درجات ممتازة ربنا يقويك يابنى .. ونصيحة منى ليك ابقى اعمل تحرير للرد الاولانى عشان هاتتحسد |
اقتباس:
|
موضوع فى وقته شكرا يافامبير على التوضيح
|
السلام عليكم ورحمه الله وبركاته
متشكر جداً يا فامبير اقتباس:
يضافله درجات الرأفة يبقي 130 ( جيد ) ... ؟؟؟ ولا ايـــه ؟؟ |
السلام عليكم
لو سمحت ممكن تفدني انا جايب 6قي المحاسبه و7في السلوكيه و7في الموارد
وانشاء الله هشد حيلي الترم االثاني ياتره في امل اني اعدي :blush: اسف اللأطاله |
ارجوك يافامبير قولى اية العمل
انا مدبلر السنة دى وكان عليا 100 جنية من السنة اللى فاتت والسنة دى لسة مدفعتش مصاريف وجيت اشوف النتيجة لقيت لقد تم حجب نتيجتكم قولى ادفع الفلوس واعرف النتيجة امتى وازاى واسف على الاطاله |
حلو اوووووووووووووووووى الموضوع دا يا فميبر انا عارفة انى نتيجتك لسة ماطلعتش بس يارب تجيب امتيااااااااااااااااااااااااز
|
مجهود كبير واللة يا فامبير احنا المفروض نعملك تمثال جمب العيوطى ...كنت عايز اسألك سؤال هو ينفع الواحد يستعمل الاربع درجات رأفة عشان يرفع التقدير يعنى لو فاضلة على التقدير الى بعدة اربع درجات وهو ما استعملش الرأفة يخدهم ولا هما ثلاث درجات بس ........ ربنا معانا نتيجتنا شكلها الاسبوع الى جى
|
ن صفر لـ 30 ضعيف جدا من 31 لـ 50 ضعيف من 50 لـ 64 مقبول من 65 لـ 79 جيد من 80 لـ 89 جيد جداً من 90 لـ 100 امتياز |
انا دلوقتى جايب فى مادة 8 وواحدة 7 والى جايب فيها 8 انا كنت عامل حسابى مش اقل من 14 او 15 فا انا هروح اعمل التماس وان شاء ربنا ينصفنى بس ياريت تقولى الالتماس ايه نظامه
حسبى الله ونعم الوكيل |
اقتباس:
|
اقتباس:
في الحالة دي هايحطولك 3 درجات في السلوكية أو الموارد على حسب نصيبك وهاتشيل المحاسبة و مادة تانية معاها من السبعتين التانيين لكن لو شيلت مادة اضافية الترم التاني حتى لو جيبت فيها 8 للأسف هاتعيد السنة في كل المواد اللي انتا شيلتها |
اقتباس:
تروح بإذن الدفع دا للخزنة بتاعة الكلية (هاتلاقيها قدام مدرج ج ، د الناحية التانية) هاتديله اذن الدفع والفلوس .. هاتستنى شوية لغاية ماينده اسمك ويديك 3 ورقات ورقتين كبار + ورقة صغيرة .. الورقة الصغيرة دي مهمة عشان هاتستلم بيها الكارنيه المهم هاتروح بالورق دا للشئون تاني ومعاك صورة شخصية وتقوله انا عايز اعمل اثبات دفع مصاريف .. وتديله الصورة هما من جوا هايقوموا شايلين الحجب على النتيجة ويعلنوهالك بعدها باسبوع كدا تروح تستلم الكارنيه بتاعك وقشطة اوي ربنا معاك يا بوب |
اقتباس:
اقتباس:
التلات درجات دي بتبقى في حالة المواد بس |
اقتباس:
وكدا كدا مافيش تقدير بيتحسب في الترم الاولاني .. احنا مابينا وبين بعض كدا بنحسبه جزافا مش اكتر لكن رسمياً مافيش تقدير في الترم الاول |
اقتباس:
هايقولك قولي عدد المواد واساميهم .. مع ملاحظة ان كل مادة بتعملها التماس بتدفع عليها 10 جنيه هايديك اذن دفع تروح تدفعه في الخزنة اللي هاتتلاقيها زحمة طحن طبعا الدفع هايقى في الخزنة اللي جوا المبنى الرئيسي مش الخزنة اللي بتدفع فيها المصاريف بعد ماتدفع استنى اسمك يتنده عليه .. هاتاخد الورق وترجع بيه للشئون وتديهولهم ويبقى تمام كدا .. استنالك بقى شهرين ولا حاجة على بال ما نتيجة الالتماس تطلع وربنا يكرم |
طيب انا دلوقتى جايب فى الرياضة 7 وفى المحاسبة 4 انا بقى لو طلعت الترم التانى صافى الرياضة ديت تترفع و اطلع بمادة واحدة بس وهى المحاسبة ممكن الشرح
|
اقتباس:
يعنى الدرجات دى مش بتتضاف الا لو كانت هتغير حالتك مثلا من النجاح للسقوط او عشان ترفع تقديرك او عشان تطلع صافى لكن انت فى الحاله دى مينفعش تترفع فى ماده وتشيل ماده واحده بس معلش انا اللى رديت عليك اصل انا زيك كده بالظبط |
جزاك الله خيرا يا فمبير
|
اقتباس:
انا اخرى جيد جدا ..دا ان جت اصلا !! عموما ربنا يجيب اللي فيه الخير .. انا سايبها على الله وعايش تيجي حلوة بقى او تيجي وحشه مش فارقة |
السلام عليكم
لو سمحت انا جايبه 7 فى السلوكيه مجموعى كله 63 والسبب طبعا ماده السلوكيه الله يسامح الى كان السبب والى منكد على الطلاب كلهم فى الماده اعمل ايه استنى الرافه ولا اقدم التماس وهل فى فرق بين الالنماس والتظلم ولا الاتنان واحد لو سمحتوا ممكن تجوبوا عليه فى اسرع وقت اسفه على الاطاله :( اميره بكلمتى |
طيب انا لو فى اخر السنة طلعت بمادتين كل واحدة 7 ومادة ثالثة جايب فيها 4 هل هعدى و لا هعيد السنة
|
اقتباس:
عشان كدا ان شاء الله تشدى حيلك كدا الترم دا وظبطى حالك واطلعى صافى (بجيد) عشان يحطولك الرأفة في السلوكية وتطلعى صافى أو تحولى انتظام (لو كنتى انتساب يعني) اقتباس:
|
ميرسى على ردك السريع وجزاك الله خير
معلش انا بتقل عليك يعنى فى امل ولو واحد فى الميه ان الالتماس يترفع واعدى الترم ده انا محبطه ولو محصلش حاجه هياثر معايا جامد الترم التانى ميرسى مره تانيه ولو تعرف الالتماس ده بيتقبل على اى اساس |
اقتباس:
ولا تتجاوز الـ 2 % من عدد اللي مقدمين التماسات وعموما قدمي براحتك .. ماحدش هايقولك حاجة يعني اقتباس:
لا كل اللي بيحصل انهم بيعملوا لجنة كاملة اسمها لجنة الالتماسات بيرأسها دكتور من الدكاترة وغالباً بيكون وكيل الكلية وبيفتحوا ورق الاجابة بتاع الطلبة اللي مقدمين التماسات وبيعيدوا تجميع الدرجات من اول وجديد للمادة المتعلق بيها الالتماس دا وبالتالى الالتماس مابيتمش فيه اعادة تصحيح الورقة عشان كدا نسبة قبول الالتماس ضعيفة جدا .. لان غلطات التجميع بتبقى قليلة الا اذا بقى كان مثلا الدكتور كتب 5 بدل 15 او حط 8 بدل 18 .. او 1 بدل 10 .. كدا يعني .. فالحاجات دي بتتراجع في الالتماسات لكن كتصحيح مافيش طبعا .. طالما الدكتور حط الدرجة عمر ما الورقة تتصحح تاني حتى لو كان التصحيح غلط .. الدرجة اتحطت خلاص انسى |
اقتباس:
|
ممكن اسال سؤال لية نسبة الظلم كبيرة اووووووووووووووووووى السنة دى هما بيحبطونا من اول سنة والالتماس نسبة ضعيفة طب نعمل اية نسبها على الله اكيد شايلنا احسن المهم نرضى بالامر الواقع فى مادة جايبه فيها 5 ومادة 6 وانشاء الله هطلع صافى الترم التانى بس يبعدوا عننا الظلم كدة ايه نظامى
|
لو سمحت يا فمبير
كنت بسألك لو بتعرف اى حاجه عن التقديرات فى جامعة حلوان (تربيه تعليم اساسى درسات) او بمعنى اصح يعنى ايه(راسب تحريري) ويعنى ايه صعيف ويعنى هوا كده هيطلع تانيه بيهم ولا ايه لو عدى الترم التانى صافى باذن الله لو تعرف رد عليا ولوسمحت بسرررررررعه علشان هوا حالته متدمره وربنا يوفقكم الترم التانى والسلا عليكم |
اووووووووووووووووووووووووف
اسف |
اقتباس:
لازم تطلعى صافى السنة الجايه أو انك تشيلي مادة فيها 7 (هايتحطلك فيها 3 رأفة) أو تشيلي مادة فيها 8 (هايتحطلك فيها 2) أو تشيلي مادتين فيها 8 (هايتحطلك في كل واحده 2) وأى احتمال تاني غير التلات احتمالات دول للأسف هاتبقى مهددة انك تعيدى السنة بالكامل (انا آسف انى بقولك كدا .. بس دا الواقع ولازم اعرفك) لكن من الاخر .. المادتين بتوع الترم دا معاكي السنة الجايه بدون نقاش شدى حيلك بقى وذاكرى وربنا يوفقك |
اقتباس:
|
اقتباس:
لان مافيش أمل انها تترفعله .. لان كل اللي حصل انه هوا عك في الامتحان التحريري عشان كدا ماحطلوش درجات أعمال السنة .. وبالتالى شالها اقتباس:
وبما ان هوا سنة اولي 2010 .. فابينطبق عليه اللائحة الجديدة اللي هيا بتقول ان النجاح بيحسب من 60% من مجموع المادة الكلى فاتقدير ضعيف دا ممكن يتضافله درجات الرأفة اللى هيا تقريبا 12 درجة بشرط اساسى .. انه لازم يطلع صافى الترم التانى واضافة درجات الرأفة دي بتبقى شئ تناسبى واللى يقدر يحسم الأمر دا وكيل الكلية فايفضل انه يروح يسأله بنفسه عشان يعرف هايتضافله الرأفة ولا لأ |
اقتباس:
فا زهقت مع انى والله حرام اشيل سلوكية بس الحمد لله وهقدم التماس وتروح عليا ال10 باوند وخلاص:d |
اقتباس:
|
انا شايل مادة جايب فيها 4 ومادة جايب فيها 7 مفيش امل خالص حتى لو طلعت الترم الثانى صافى ان المادة اللى جايب فيها 7 تترفع واطلع بالمادة اللى جايب فيها 4
|
اقتباس:
|
يا جماعة انا جايب درجاتى كده
15 10 7 4 5 هو انا كده هعيد السنة لو مجبتش مواد الترم التانى ولا هطلع بمادتين لو عديت نضيف و مجبتش مواد الترم التانى |
اقتباس:
|
:oالسلام عليكم ورحمه الله وبركاته
لو سمحت يافمبيرو انا جايب 7 7 6 سألت حضرتك قولتلي لو طلعت صافي الترم التاني هيترفعلك سبعه من دول واطلع بمدتين السوال بقا واحد قالي ان درجات الرأقه 6 يعني هيتحطلك 3هنا و3هنا واطلع بلماده الي جايب فيها 6 !!! هل هذا صحيح؟؟؟ واسف لو طولت علي حضرتك |
اقتباس:
اقتباس:
|
يعنى اكيد ان لسة فى درجات رأفة لان انا سمعت ان هما لغوها
او فى اتجاه لألغائها لانها غير دستورية......هل الكلام دة صحيح |
اقتباس:
|
طيب يا مان انا حوارى طويل فاستحميلنى لانى بجد مش فاهم
دلوقتى انا فى تانيه تانى سنه ليه والسنه اللى فاتت اللى كانت اول سنه فى تانيه كنت شايل مادتين من اولى " يعنى ولعت" المهم ماده اولى الترم الاول عديت منها وشلت 3 من تانيه وعيت السنه فى الترم التانى خت 2 من تانيه كمان وبقى معايا 5 من تانيه والماده التانيه بتاعه اولى جبت فيها 8 واتقلى لانى عايد ف التامنيه دى معايا يعنى ماده اولى معايا تمام السنادى بقى يبقى معايا 3 اول و2 تانى + فى التانى ماده اولى فى الترم الاول عديت من اتنين والتالته جبت فيها 8 .. السؤال بقى اخيرا هل ليه درجات رأفه ف السنادى ولو عديت من 3 التانى ان شاء الله تترفع 8 واعدى صافى وهل اكيد معايا ماده اولى دى حواااااااااااااار بس بجد انا مش فاهم ومستنى الرد |
اقتباس:
|
بلييييييييز
دلوقتي انا جايبة الترم الاول في مادة6 لو غبت مثلا من مادتين الترم التاني يرفعولي المادة اللي جايبة فيها 6 ده ولا هعيد السنة مادام غياب معلش هتعبك ومرسيه علي المجهود الجميل
|
اقتباس:
ثانيا: انتى ليه عايزه تغيبى فى المادتين التانيين دول يعنى؟ |
| جميع الأوقات بتوقيت GMT +2. الساعة الآن 01:01 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.