واحدبيضيع مستقبله يا جدعااان
 

.. في يوم من ايام رمضان وتحديداً يوم 14 رمضان الساعه 10 ونص صباحاً خرج واحد غلبان ومطحون من بتوع علمي رياضة جاب في الثانوية العامه 90.6 % وكان نفسه يخش علوم ويتخصص جيو فيزيا وفجاءة بقدرة قادر بيسأل موظفة في شئون طلبه علوم بنها .. قامت قايلاله ان بتاع رياضة مالوش انه يتخصص في اقسام الجيولوجيا ومالوش غير رياضة وفيزيا تبعاً للائحة الجديدة بتاعت كليه علوم جماعه بنها (( حاجة كدا شبه مدرسة ابتدائي )) .. العبد لله خرج .. وهو قفاه يأمر عيش

فقام فتح النت وعمل التماس تحويل علوم حلوان علي أمل يقبلوه في أقسام الجيولوجيا .. خصوصاً إن مجموعي يدخلني علوم حلوان مستريح ... انا بقي خايف اللايحة دي تكون عامه لكل كليات العلوم في مصر .. عارين ساعتها .. ممكن يحصل إيه ... ممكن يضيع مستقبلي وأتدمر ;) واعيش بلا هدف .. أنا عايز حد مسؤل وفاهم يرد عليا عشان انا بنهاااااااااااار

انا الصراحة اول مرة اعرف الهبل ده معروف ان علمي رياضة له كل حاجة ما عدا البيولوجي فقط لا غير ان شاء الله تلاقي في علوم الحلوان القسم اللي انتا عايزه وان شاء الله تكون الموظفة دي ولا ليها في حاجة ويكون علوم بنها بردو ينفع فيها وان شاء الله تدخل اللي انتا عايزه
ده اولا، ثانيا احنا لسة النهاردة 14 مش 15 هل الكلام ده بقى حصل السنة اللي فاتت مثلا ولا ايه هههههه

واللهي النهاردة 14 ... إخس .. انا نسيت يا برنس .. اصل الزعل مأثر عليا .. إنت ماتعرفش حالتي اييييييييييييه

يا جماعة الجيولوجيا علمى علوم يا جماعة


احنا فى طنطا الجيولوجيا علوم طول عمرها

بس في عين شمس علوم ورياضة

ولغايه السنه اللي فاتت جيولوجيا علوم ورياضة في بنها

هههههههه لا دانتا معاك واحد مدققاتي يا باشا وربك يسهل وان شاء الله بردو هتاخد اللي انتا عايزه بس قول يا رب

والنعمه انت برنس

طب قول لا إله إلا الله ومتحلفش بالنعمة تاني احلف بالله بس ولو حصل وحلفت بغير الله ناسيًا قول لا إله إلا الله

لا إله إلا الله

مفيش اكتر من الكلام فى البلد ديه

لو عايز تتأكد تروح تانى وتشوف ناس من الطلبة هناك وتسأل كام دكتور او معيد غير كده متصدقش حاجة

فعلا عندك حق من ساعة معرفت النتيجة وكل الناس عمالة تقولي مينفعش علوم فيزياء من علمي علوم بما فيهم مدرس الفيزياء بتاعي لحد مرحت الكلية وسألت بنفسي ولقيته ينفع عادي مش عارف الناس دي غيتها ايه في ان هي تحبط الواحد وخلاص يلا ربنا يوفق الجميع

ماهو دا في الكليات العادي .. لاكن فيالكليات الحلوة الجميلة زي بتاعت علوم بنها .. كدا .. بتصل بنائب المعيد زات نفسه مش عارف حاجة عن الكليه .... .. وبتوع شئون الطلبة .. سألت كذا واحد مافيش ولا واحد جاوبني الا واحدة كدا . وقالتلي الخبر الشؤم ده

تعرف اللى انت خلتنى اتشئم
علشان انا جايبه 90.6
وكمان داخله علوم بنها

علمي رياضة متاحة له كل الاقسام ما عدا البيولوجي بس أنا عايز اسالك إنت ايه الللي شدك لقسم الجيوفيزياء