بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   كلية الطب البشرى (https://www.thanwya.com/vb/forumdisplay.php?f=524)
-   -   طب المنصورة (https://www.thanwya.com/vb/showthread.php?t=619533)

*تائبة فى رحاب الله* 22-09-2014 09:15 PM
طب المنصورة
 
السلام عليكم ورحمة الله

استفسار من الدكاترة اللى فى طب المنصورة

بالنسة للكورسات هل مهمة ولا ممكن استغنى عنها بالمواظبة على المحاضرات ؟

وازاى ادخل اول محاضرة وافهم الدكتور بيقول ايه :d

ونصآئح مذاكرة والتغلب على اللغة

وربنا يكرمكم


المؤمن الصغير 22-09-2014 10:49 PM
إذا حضرتك حضرتي المحاضرات والسكاشن ولقيتي إن كل حاجة تمام وكل حاجة مفهومة كويس وذاكرتي أول بأول فأنتي بإذن الله في غنى تام عن الكورسات.
طبعاً العكس صحيح، يعني فيه بعض الناس بتحب يكون فيه حاجة إلزامية وحد بيتابع معاهم بانتظام زي نظام الثانوية، وإلا مش هيذاكروا.
بالنسبة لأول محاضرة فإن شاء الله مع الوقت وما لا يزيد عن شهرين كل حاجة هتبقى مفهومة وإن شاء الله تندمجي في وقت أسرع من كده.
كل ما أستطيع أن أقوله بالنسبة للمذاكرة هو المذاكرة أول بأول والمراجعة الدورية للحفاظ على المعلومة ثابتة وحاضرة في الذهن دائماً.
وفقك الله لكل خير وجعلك طبيبة عظيمة خادمة للإسلام والمسلمين.

Twilight2011 23-09-2014 03:41 PM
اقتباس:
المشاركة الأصلية كتبت بواسطة المؤمن الصغير (المشاركة 6008083)
إذا حضرتك حضرتي المحاضرات والسكاشن ولقيتي إن كل حاجة تمام وكل حاجة مفهومة كويس وذاكرتي أول بأول فأنتي بإذن الله في غنى تام عن الكورسات.
طبعاً العكس صحيح، يعني فيه بعض الناس بتحب يكون فيه حاجة إلزامية وحد بيتابع معاهم بانتظام زي نظام الثانوية، وإلا مش هيذاكروا.
بالنسبة لأول محاضرة فإن شاء الله مع الوقت وما لا يزيد عن شهرين كل حاجة هتبقى مفهومة وإن شاء الله تندمجي في وقت أسرع من كده.
كل ما أستطيع أن أقوله بالنسبة للمذاكرة هو المذاكرة أول بأول والمراجعة الدورية للحفاظ على المعلومة ثابتة وحاضرة في الذهن دائماً.
وفقك الله لكل خير وجعلك طبيبة عظيمة خادمة للإسلام والمسلمين.
انا كنت هقول نفس الكلام برضه .. الدكتور وضحلك كل حاجة بس موضوع اللغة ده هيتعبك بس شويتين وده فى أى كلية من المجموعة الطبية مش الطب البشرى بس .. المهم ده ميحبطكيش لأنه شئ عادى وهتتغلبى او هتتعودى عليه فى شهر او اتنين ... عما تعرفى المصطلحات بس

*تائبة فى رحاب الله* 23-09-2014 06:23 PM
اقتباس:
المشاركة الأصلية كتبت بواسطة المؤمن الصغير (المشاركة 6008083)
إذا حضرتك حضرتي المحاضرات والسكاشن ولقيتي إن كل حاجة تمام وكل حاجة مفهومة كويس وذاكرتي أول بأول فأنتي بإذن الله في غنى تام عن الكورسات.
طبعاً العكس صحيح، يعني فيه بعض الناس بتحب يكون فيه حاجة إلزامية وحد بيتابع معاهم بانتظام زي نظام الثانوية، وإلا مش هيذاكروا.
بالنسبة لأول محاضرة فإن شاء الله مع الوقت وما لا يزيد عن شهرين كل حاجة هتبقى مفهومة وإن شاء الله تندمجي في وقت أسرع من كده.
كل ما أستطيع أن أقوله بالنسبة للمذاكرة هو المذاكرة أول بأول والمراجعة الدورية للحفاظ على المعلومة ثابتة وحاضرة في الذهن دائماً.
وفقك الله لكل خير وجعلك طبيبة عظيمة خادمة للإسلام والمسلمين.
جزاكم الله خيرا ^^..،، تب بالنسبة للكتب والمذكرات والمذاكرة نفسها بيقولوا لازم عدد ساعات معين ، وانا فى الثانوى مكنتش متعودة على كدة هم 3 ساعات على بعض وبقول التحصيل اهم !
ياااارب واياكم

*تائبة فى رحاب الله* 23-09-2014 06:24 PM
اقتباس:
المشاركة الأصلية كتبت بواسطة twilight2011 (المشاركة 6008490)
انا كنت هقول نفس الكلام برضه .. الدكتور وضحلك كل حاجة بس موضوع اللغة ده هيتعبك بس شويتين وده فى أى كلية من المجموعة الطبية مش الطب البشرى بس .. المهم ده ميحبطكيش لأنه شئ عادى وهتتغلبى او هتتعودى عليه فى شهر او اتنين ... عما تعرفى المصطلحات بس
جزاكم الله خيرا ^^.. ، تب ده اجيب له قاموس معين يكون افضل ولا ايه ؟

هاوى إبداع 23-09-2014 08:36 PM
انا مش من المنصوره
بس حابب اقولك رائي ووجهة نظري المتواضعه ولكي الحريه ف انك تاخدي بيه او لا
اولا بالنسبه لموضوع الكورسات ف الدكتور رد هنا ===> http://thanwya.com/vb/showpost.php?p...28&postcount=5 ربنا يجازيه خير
وبصي يا دكتوره انا عايز اقولك حاجه مهمه النجاح ف اي كليه متوقف علي
( العنصر البشري + الامكانيات )
وهتلاقي ناس كتير جابت امتيازات من غير كورسات علي مر العصور والازمان الموضوع متوقف ع الشخص نفسه وع مجهوده
ثانيا انا اسف اذا كنت صريح شويه بس مهما حد قالك ع طرق مش هتعرفي تفهمي ف الاول
وكلنا كدا ف الاول مش بنكون فاهمين ودي مش حاجه غلط دي بالعكس دي ف صالحك جدا
لانك لما تدخلي وانت حاسه انك مش فاهمه دا دافع قوي انك تجتهدي بسرعه وتبحثي وتزاكري كويس بس اهم حاجه بلاش تيأسي وحاولي تستغلي الوضع بشكل متقن
يعني مثلا موضوع اللغه دا فعلا من اكبر المشاكل اللي قابلتنا ف سنه اولي وهتكون سبب كبير ف عدم استيعابك لمعظم المحاضرات "وبرضه عادي جدا كلنا كنا كده"
الحل ان قاموسك ميفارقيكيش خالص طول سنه اولي ودايما ف دماغك ان اهم حاجه اللعه وانك لازم تكوني طالعه من اولي وانت اسأست نفسك كويس فيها
ودا عن طريق الترجمه الكتيره اي كلمه تقابلك طلعي القاموس وترجميها
واهم نصيحه زاكري المحاضرات اول ب اول
يعني لو حتي 3 ساعات او حتي ساعتين تزاكري فيهم اللي اخدتيه
وحاولي تخليكي ع اتصال دائم مع صحابك ف الكليه
بالنسبه للقواميس
حضرتك هتشتري
"القاموس الطبي" ودا مش فاكر كان ب 15 او 20 جنيه مش فاكر
"قاموس الياس" ودا بحوالي 5 او 6 جنيه تقريبا
دول القواميس اللي بنحتاجهم غالبا واللي انا جبتهم
نصيحه اخيره "عش ع قدر يومك"
في حمي الرحمن

المؤمن الصغير 24-09-2014 12:31 AM
اقتباس:
المشاركة الأصلية كتبت بواسطة *تائبة فى رحاب الله* (المشاركة 6008613)
جزاكم الله خيرا ^^..،، تب بالنسبة للكتب والمذكرات والمذاكرة نفسها بيقولوا لازم عدد ساعات معين ، وانا فى الثانوى مكنتش متعودة على كدة هم 3 ساعات على بعض وبقول التحصيل اهم !
ياااارب واياكم
شوفي حضرتك هو مفيش عدد ساعات محدد، أهم حاجة حضرتك حضرتك تذاكري أول بأول وتراجعي اللي أخدتيه في كل فترة حتى لا يفلت منك أي شيء وتكون المعلومة حاضرة وتكون فترة الامتحانات مجرد استرجاع لما سبق.
حضرتك لازم تحطي في بالك إن الثانوية العامة عهدها ولى، أنا مكنتش بكمل ساعتين أيامها علشان كده تعبت جداً في الكلية.

Twilight2011 24-09-2014 07:43 PM
اقتباس:
المشاركة الأصلية كتبت بواسطة *تائبة فى رحاب الله* (المشاركة 6008619)
جزاكم الله خيرا ^^.. ، تب ده اجيب له قاموس معين يكون افضل ولا ايه ؟
احنا كطلبة المجموعة الطبية عموما كلنا بنشترى قاموس المورد ولو ليكى حد فى صيدلة قبلك او طب او اى كلية طبية هتلاقيه معاه تقدرى تاخديه لأننا بنستعمله اول كام شهر وبعد كده نادر لما بنبص فيه بنكون اتعودنا والقاموس بيحتوى على الكلمات الطبية فقط ...

*تائبة فى رحاب الله* 25-09-2014 07:52 AM
اقتباس:
المشاركة الأصلية كتبت بواسطة المؤمن الصغير (المشاركة 6009058)
شوفي حضرتك هو مفيش عدد ساعات محدد، أهم حاجة حضرتك حضرتك تذاكري أول بأول وتراجعي اللي أخدتيه في كل فترة حتى لا يفلت منك أي شيء وتكون المعلومة حاضرة وتكون فترة الامتحانات مجرد استرجاع لما سبق.
حضرتك لازم تحطي في بالك إن الثانوية العامة عهدها ولى، أنا مكنتش بكمل ساعتين أيامها علشان كده تعبت جداً في الكلية.

تمام هحاول ان شاء الله :‘)

*تائبة فى رحاب الله* 25-09-2014 07:54 AM
اقتباس:
المشاركة الأصلية كتبت بواسطة twilight2011 (المشاركة 6009436)
احنا كطلبة المجموعة الطبية عموما كلنا بنشترى قاموس المورد ولو ليكى حد فى صيدلة قبلك او طب او اى كلية طبية هتلاقيه معاه تقدرى تاخديه لأننا بنستعمله اول كام شهر وبعد كده نادر لما بنبص فيه بنكون اتعودنا والقاموس بيحتوى على الكلمات الطبية فقط ...
انا معايا قاموس اسمه الرآئد بتاع اخويا هو فى طب
وهبقى اشوف قاموس المورد ده ان شاء الله
متشكرة جدا :‘)

ابانوب ايليا 26-09-2014 07:27 PM
طيب هو القاموس الطبى ده بيجيبوه من فين ؟؟؟؟؟؟؟؟؟

Twilight2011 26-09-2014 08:28 PM
اقتباس:
المشاركة الأصلية كتبت بواسطة ابانوب ايليا (المشاركة 6011502)
طيب هو القاموس الطبى ده بيجيبوه من فين ؟؟؟؟؟؟؟؟؟
من المركز العلمى اللى فى الكلية .. اكيد شفته وانت بتقدم ورقك


جميع الأوقات بتوقيت GMT +2. الساعة الآن 12:59 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.