تجارة عربي متميز
 

حد عندو معلومات علي تجارة عربي متميز
وهل حد عندو معلومات تجارةانجليزي قاهرة بتاخد من كام في الانجليزي والمجموع الاعتباري

انا نفسي افهم انتو بتكسلو تقرو ليييييييييييييه ؟!!! ماعندكو المواضيع فيها كل حاجة عايزين تسألو عنها

اولا انا بسأل سؤال عايز ترد رد مش عايز ترد في غيرك يرد
لو انت عارف الرد او المواضيع الي بتقول عليها كنت تحط لينكها
ثانيا مافيش حد هنا اتكلم علي تجارة عربي شعبة متميزة خالص وايه مميزاتها
ولغاية اليوم ناس بتسأل علي مجموع تجارة انجليزي من 45 ولا من 40
وبما ان حضرتك مشرف القسم فمن واجبك ترد علي كل الاستفسارات
يبقي مين فينا الي كسلان

لا ما المشرف فامبير عامل موضوع عن كل حاجة فى تجارة ومن ضمنها تجارة مميزة وده الموضوع

http://www.thanwya.com/vb/showthread.php?t=342098

انا تقديري فى تالته الحمد لله جيد جدا . . يعنى ممكن احول رابعه مميزة
بس انا شايف ان المميزة وجع دماغ , لاننا بندخل الفاينال على 14 مش زى الانتظام بندخل على 20 درجة

بالظبط عشان كدا انا بقول المميزة دي اختراع فااااكس ومالوش تلاتين لازمة

خليك في انتظام احسن وعايش الحياة ومشهيص وفي اخر السنة بتلعب في الـ 20 مش الـ 14 !!

صحيح انتوا بتتدونا انذرات لما نقول حاجة غلط وبتبقى من وجهة نظركوا بس لكن هى عادية واجبك كمشرف ترد على اى استفسار ولو كاتبة فى موضوع تانى ممكن تقولة باحترام وبطريقة كويسة وتقلة كمان روح دور مش مثلا تعتذر لازم تبقى قدوة اومال مشرف على اية بقى ياريت قبل مطبقوا قوانين المنتدى علينا طبقوة عليكوا وونرد باحترام على بعض ربنا يهدى

هو ليه المنتدي حذف الردود بتاعت المشرف وردودر ليا

ههههه ديمقراطية دة المشرف تلاقية هو الى عمل كدة

يلا مش مشكلة كل واحد عرف نفسة
وشكرا لردك يا دكتورة

العفو ربنا يوفقك يارب

انا بقول كدة برضة :)

شكرا لردك يا محمد شيكو

اولا انا ماحذفتش حاجة والاستاذة نغم محمد هيا اللى حذفت

ثانياً انا ربنا يعلم لما ببقى فاضي مابتأخرش على حد وانا في المنتدي دا من 2007 من ايام ما اللى داخل جامعة دلوقتى كان في اعدادية ولو انا متابع المنتدي باستمرار كان زماني بقيت في مجلس ادارة المنتدي ومينا ماهر يشهد :)

ثالثا ماظنش انى اتكلمت بطريقة مش كويسة والكل يشهد انى بساعد كل الناس ومباتأخرش على حد ولو مش عارف حاجة بقول ماعرفش ومابفتيش .. بس في نفس الوقت قبل ما تسأل ابتدي اقرا الاول واعرف ولو لاقيت في حاجة مش واضحة اسأل وساعتها اجاوبك

لكن تخش على طول وتقوم رازع السؤال وتجري ولو ماردتش عليك تقول انتو منفضنلنا اهو دا اللى يبقى عيب بقى وفكك بقى من شغل واجبي كمشرف ومش كمشرف .. لو هاتتكلمي كاشراف يبقى انا مش مطالب انى ارد على سؤال كل واحد لان المنتدي هو كيان بيتم فيه التفاعل بين الاعضاء وكل واحد بيقول اللى عنده .. مش حتة مشرف وشوية اعضاء تلاميذ يسألو والمشرف يقول اه ولاء .. احنا مش قاعدين في فصل ولا في محاضرة !!

كون انى اقولك اقرا قبل ماتسأل انا ماغلطش لان هوا دا الصح .. ممكن يكون اسلوبي في توصيل الرسالة دي ليك هوا اللى خلاك تفتكر اني اجريسيف معاك بس اكيد انا ماقصدش طبعا

حتى كمان اسلوبك في الرد عليا مش تمام .. يعنى اذا كنت انا غلطت واتكلمت معاك اجريسيف انت بردو رديت رد زي الدبش اللى هوا عايز ترد رد مش عايز ترد فيه غيرك يرد .. يعنى اخبط راسك في الحيط وعنك مارديت ونخش في خناق بقى

ولا خناق ولا يحزنون .. انا مش طالب منك غير انك تقرا وبس .. فيه حاجة مش واضحة اسالنى وانا تحت امرك

انتى مش طرف في الموضوع وبالتالى انا مش هارد عليكي وماليش اي تعليق

وبالمناسبة انا قريت كل الكومنتات اللى اتحذفت ومش شايف ان ليها لازمة تتحذف اصلا ولو عايزاني ارجعها تاني ماعنديش مانع

اولا مافيش مشرف يقول (انت بردو رديت رد زي الدبش)
ياريت تنقي كلامك
ثانيا مش من حق حضرتك تطلب مني حاجة انا داخل اسال سؤال مش عايز ترد متردش كنت ممكن تحط اللينك الي فية الجواب اما تقولي كسل ومش كسل ده مش من حقك ولا تقولي والنبي لو حد رد ابقي عرفني دي مش شخصية مشرف
ثالثا طالما حضرتك بتقول انك ممسحتش الكومنتات ازاي تستطيع ارجاعها
طيب اوكي رجعها وابقي اقراها كويس