|
يا ريت حد يفهمنا كل المميزات والعيوب عن اسنان
لو سمحتم انا محتاجة للمساعدة بالمعلومات الكافية عن كلية اسنان من حيث الدراسة والمواد والادوات والمصاريف والمواعيد متاخرة ولا بدرى
|
انا كمان والله نفسى اسأل كل الاسئله دى + ايهما افضل اسنان القاهرة ام عين شمس
|
أيووووووووه
أنا كمان عايز إجابه على كل الأسئله دى |
يا ريت حد يرد
|
السلام عليكم
اولا يا جماعه او دكاتره ان شاء الله يعني كلية طب الاسنان من الكليات الممتعه جدااا وافضل من كليات كتييير في نفس الفئة ( من وجهة نظري المتواضعه ) وطبعا ان شاء الله لو حد فيكم ناوي عليها ان شاء الله يكون عنده اقتناع بيها ثانيا دراسة الاسنان سهلة ومش معقده اوي يعني بس محتاجة شغل شوية اما بالنسبة للمواد فالبداية بتكون مواد العلوم زي الكيمياء والفيزياء والنبات والحيوان وبعدها مواد لها علاقه بالتخصص ( الاسنان والفم ) بالنسبة للادوات في البداية ادوات عادية وفي متناول الجميع زي ادوات االتشريح وانابيب الاختبار والشمع والكلام دا وبعد كده تحتاجوا كونترا high speed وممكن low speed كمان وبتستخدموهم ف التدريب العملي وكده ودي اسعارها متغيرة وفي منها ياباني وصيني والسعر بيتراوح من 700 لحد 1000 بقا وكده وبالنسبة للمصاريف والمواعيد وكده فدا بيختلف من كلية لكلية وربنا معاكم |
ألف ألف شكر على المعلومات الجميله دى بس عايزين نعرف بعد التخرج ان شاء الله بتكون مجالات الشغل ايه هل هى عياده فقط و لا فى مجالات أخرى ؟؟؟؟ هل عيادة الأسنان فى مصر شغلها ممتاز و مستقبلها حلو ولا لا ؟؟؟ يعنى شوية معلومات كده عن مستقبلها و مجالات العمل و المستقبل طبعا بيد الله |
السلام عليكم... كلية طب اسنان خمس سنين وسنة امتياز وتكليف اول سنة اسمها اعدادى ودى اللى فيها مواد الحيوان والنبات والكلام دا ودى بيدهالك دكاترة علوم ودى اتلغت فى بعض جامعات مصر وبقت اولى بعد كدا هتبقى مواد من طب بالاضافة لمواد تصصية من اسنان بالنسبة لادوات فانت فى حاجات بتشتريها علاطول طول السنة بالاضافه للادوات الاساسيه اللى بتشتريها اول السنة اغلى حاجه بتشتريها هيا الهاندبيس او الكونتر اللى زميلنا قالك عليها هوا الموضوع مكلف شوية بس لا يمثل اى مشكلة على الاطلاق فى المصاريف يعنى مش هتحس بيه الا فى سنة رابعه اما بعد التخرج فانتا يا اما مستشفى او عيادة وعياده الاسنان زيها زى عيادة اى دكتور لو الدكتور شاطر اكيد الناس هتروحله بس ضيف لكدا ان عياده الاسنان لازم تكون نضيفه وفيها تعقيم كويس عشان الناس متخافش منك بس عامه عياده الاسنان شغلها كويس جدا بس حسب شطارتك وكله بيد الله
|
القاهره ام عين شمس.... انا شايف انها مش فارقة كتير بس انا على ما اسمع اقاهره افضل
|
اقتباس:
مجالات الشغل بالنسبة لطبيب الاسنان فهي متعددة وزي اي مجال طبي يعني بعد الامتياز ان شاء الله بيكون ليك تكليف بمعني اصح ( شغلك هيكون ف مستشفي زي اي دكتور) وممكن تفتح عيادة بس عيادة طبيب الاسنان مكلفة بعض الشئ اما بالنسبة للاقبال فإطمن الشعب كله سنانه بايظة :d ودا بيعتدم طبعا علي مهارتك في الشغل وسيرتك الحسنة بين الناس زي زميلنا ما قال وطبعا لو في مجال انك تسافر برااا مصر .. فطبيب الاسنان في اي بلد تانية حااااجة تانية خااالص ووضع تاني خاااااااااالص وبالتوفيق ان شاء الله |
اقتباس:
|
اقتباس:
|
يا ريت نعرف يا دكتور بيبو انت كليه ايه؟ ونصائحك لينا؟
|
اقتباس:
|
الف شكر لردك يا دوك بس انا بإذن الله عين شمس و عايز اعرف ممكن نحل مشكلة الدراسة بالانجلش اذاى خصوصا اول سنه
؟ |
اقتباس:
|
| جميع الأوقات بتوقيت GMT +2. الساعة الآن 10:14 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.