علوم حاسب
 

يا جماعة ممكن حد يرد عليا

هو علوم الحاسب فى حاسبات ومعلومات زى علوم الحاسب فى كلية العلوم وهل فى كلية علوم فى مصر فيها علوم الحاسب منفردة من غير احصاء وكده ؟؟؟؟؟؟؟

وحاجة تانية هو علمى رياضة ينفع يتخصص فى اى قسم فى كلية العلوم ؟؟

لا للأسف فى اختلافات كتير بين علوم حاسب وحاسبات ومعلومات .... فى علوم الدراسة النظرية اكتر من العملية .... متهيألى فى حاسبات عندهم هاردوير علوم مافهاش ..... فى علوم حاسب فى سنة تانية انت بتدرس بعض مواد رياضة بحتة واسم القسم اصلا رياضيات/علوم حاسب ..... وبتدرس احصاء فى سنة اولى عشان تتخصص ..........

اما موضوع الاقسام ... فعلمى رياضة ليها اقسم وعلوم ليها اقسام وفى اقسام مشتركة .........
كلامى ده كله عن علوم القاهرة فقط

شكرا ليك

بس هو تخصصى فى الكلية هيعتمد على درجاتى فى الثانوية مثلا من حيث الكيميا او الفيزيا وكده ولا بتقديراتى فى الكلية
ولو تنسيقى ودانى علوم رياضة مش هينفع اتخصص كميا وفيزيا كده ولا ايه النظام لانى بصراحة مش فاهم حاجة خالص

فى علوم القاهرة لأ ..... انت بتدخل سنة اولى عام وبعد كدة بتخصص على حسب تقديرات والمواد اللى انت واخدها ............. وجملة علوم/رياضة معناها انك دخلت علوم من شعبة علمى رياضة مش تخصصك رياضة ........ وهيبقى متاح ليك اقسام كتير مش كيمياء وفيزياء بس

انت طمنتنى اوى لانى كنت عايز يبقى قدامى تخصصات كتير ويبقى براحتى والف شكر ليك وربنا يوفقك يابو الكباتن

العفو يا فندم تحت امرك دايما :)