اى استفسار عن التحويل للمعاهد الخاصة الهندسية جاهز للرد
 

اى استفسار يا جماعة انا جاهز للرد

تعرف حاجة عن اكادمية اخبار اليوم ؟ :)

اكادمية اخبار اليوم سمعتها حلوة والدراسة جادة وبعدين العميد بتاع الاكادمية الدكتور احمد زكى بدر وزير التعليم السابق يعنى شغل شغل ومقيدة فى نقابة المهندسين وعضو اتحاد الجامعات العرب

بالنسبة لمعهد القاهرة العالى ايوة تقعد اول سنة فية وبعدين تحول الشروق او العاشر

انا واحد صاحبى قعد سنة فى معهد عالى هندسة فى المنيا و عايز يحول لمعهد فى اكتوبر زى مدينة الثقافة و العلوم التحويل نظاموا ايه و يروح يحول امتى ؟
شكرا يا غالى :)

ايه نظام معهد العبور

معهد الجزيرة الوحيد اللي جالي هندسة ينفع اخد سنة هناك واحول لاخبار اليوم او حتة تاني
عشان هو مش معتمد من النقابة لانه مخرجش ولا دفعة بس انا كلمت النقابة وقالولي ادام معتمد من المجلس الاعلي للجامعات لما اول دفعة تتخرج بياخد كارنيه النقابة(وياريت عايز رد علي الاثنين)

spay man بص هو علشان يحول للثقافة والعلوم لازم يجيب مجموع الثقافة والعلوم وميقلش عنة وبعدكدا يروح للمعهد ويقدم ورقوا ويحول عادى

معهد العبور فى كذا واحد باسماء مختلفة ياريت ممكن توضح اكتر

messi بص ايوا تقعد اول سنة فى الجزيرة وبعدين تحول لاخبار اليوم عادى وملهاش علاقة بالنقابة لان اى معهد نزل فى التنسيق معترف بية من المجلس الاعلى للجامعات وتقدر تحول بعد اول سنة لاى معهد انت عاوز تروحة

انا جالى السلام وهو على اد مجموع بالظبط
هل ممكن احول دلوقتى لاى معهد تانى ولا لا
يعنى لو حد بيتبقى فيه اماكن

انا مجموعى 77 % وعايز اخش اكاديمية الشروق علوم الحاسب بس هيا بتاخد من 83.6%
فكرت اروح اكاديمية المستقبل واحول يا ريت حضرتك تدينى رأيك
وهل ينفع احول للشروق ف اول سنة يعنى مروحش المستقبل ؟؟؟؟؟؟؟؟

ممكن بس تقولى انى اقدر احول من دمياط الى السلاب

koka انا بصراحة معرفشى اكادمية المستقبل ديت بس انت المفروض تروح معهد نازل فى التنسيق اكادمية المستقبل مش نازلة فى التنسيق ومينفعشى تروح الشروق اول سنة لان مجموعك مش جايببة انت تروح اى معهد تانى وتقعد فية سنة وتحول تانى سنة للشروق

الاخ محمد لو انت جايب مجموع السلاب تقدر تحول لية لو مش جايب مجموع السلاب خليك فى معهد دمياط اول سنة وحول تانى سنة للسلاب

انا جايلى فى الترشيح حاسبات الشروق وعايز احول للقاهرة العالى هندسه استنى التحويل على النت ولا اروح الشروق واقولهم عايز احول للقاهره وايه رايك فى القاهره العالى

اهم حاجة تكون جايب مجموع القاهرة القاهرة العالى للهندسة علشان تعرق تحول لية لما يفتح التحويل الالكترونى حول لية لو التحويل مقبلشى خد ورقك واطلع على معهد القاهرة العالى وهوا هيحولك

معهد العبور العالي للهندسه والتكنولوجيا
"كيلو21 طريق القاهرة/بلبيس, ص.ب 27 مدينة العبور
"
----------
عاوز اقعد سنه واحول مثلا
بس سمعت ان العبور ممكن مقبلش انى احول
او الشروق ممكن يحدد الاقسام ال احولها يعنى مينفعش احول لأتصالات او مدنى لازم قسم معين

هوا لسة مخدشى المعادلة بس انتا ممكن تقعد فية اول سنة وتحول للشروق عادى تانى سنة والشروق بتقبل التحويلات وبالنسبة للاقسام روح للمعهد اللى انتا عاوز تحولة وهوا هيفهمك النظام

طب متعرفش سمعته نظامها ايه ؟

يا باشا مش بتنزل ف التنسيق ازاى دى معتمدة بس مسمهاش ف التنسيق اكاديمية المستقبل ده اسمها
المعهد العالي للدراسات التكنولوجية المتخصصة أول مصر الإسماعيلية

وده التفاصيل عنها ف مكتب التنسيق شوفها وقولى رايك
http://www.tansik.egypt.gov.eg/appli...tutions/40.htm

وهل لو فى اماكن ف اكاديمية الشروق مش ممكن يقبلوا ؟

بصراحو انا معرفشى بس انت افضى فية اول سنة ووروح للمعهد اللى انتا عاوز تروحة وكويس

انا جبت تقدير جيد فى 15مايو والشروق مش عايزه غير قسم كيميه وطبيه .ايه رايكم فى القسمين دول

هوا انتا اللى تحدد القسم اللى انتا هتدخلة مش شرط لازم يكون فى الشروق روح اى معهد كويس تانى

koka اة كدا تعرف تحول للشروق اقعد فى اكادمية المستقبل اول سنة وتانى سنة روح الشروق

ياجماعه انا جالي كليه حقوق بس انا مجموعي يجيب اكاديميه الاعلام وهندسه6 اكتوبر احول ازاي هل استنى التحويل الالكتروني ولا اروح الاكاديميه

بس بيقولو معهد دمياط بيعمل مشاكل فى التحويل

لو سمحت معهد القاهرة العالى تخصص علوم الحاسب احسن ام معهد العالى بالتجمع الخامس تخصص علوم الحاسب احسن؟؟

بصراحه انا خايف ليكون قسم اتصالات فى مودرن اكاديمى مش حلو .وبسمع ان الشروق حلوة جدا مش عارف اعمل ايه

السلام عليكم
محتاج مساعدة ضرورى
انا دلوقتى ازهرى و عملت معادلة لمجموعى طلع 87 و بالمستوى 89.2
و عايز ادخل اى معهد هندسه بشرط انى احول منه تانى سنه لمعهد كفر الشيخ اروجوك افدنى اروح فين و اى معهد اروحه عشان اعرف احول منة و شكرا

طب انا جايب 81 ومش لاقي معهد خاص لو تعرف اي معهد لسه فاضي السنادي

انا جالى تجاره وانا علمى رياضه 93 % .. وجيت احول فى التحويل الالكترونى ملاقيتش ولا معهد هندسه اعمل ايه

yasmin بصى انتى تحولى الكترونى الاول ولو التحويل الالكترونى مقبلشى تروحى الاكادمية وتحولى من هناك

mohmed alm بالعكس انا لية واحد صاحبى حول معهد دمياط واتقبل عادى مفيش مشكلة

ابو الدكتور علة ما اعتقد ان اجمد معاهد علوم الحاسب الشروق والعاشر والسلاب مش عارف بقى معهد القاهرة دا

elsayed mohy بص يا سيد انت قدامك معاهد كتير تقدر تدخلها بمجموعك دا زى الثقافة والعلوم والاهرامات وكتير تقدر تقعد فيها سنة وتحول من غير ما تشيل مواد معاك

iislam hendawy بص يا اسلام تقدر تروح معهد المدينة هو واخد اقل من 81 فى المية وبعدين او فية معهد اسموا النييل هيفتح السنادى بس منزلشى التنسيق روح كلمهم وهما هيخدو الورق بتاعك ويقبلوك

mohmed arafa بص ياريس عادى خالص لان فى التحويل الالكترونى مينفعشى تحول لمعهد هندسة الا لما تكون فى معهد هندسة مناظر لية انت هتروح للمعهد اللى انتا عاوز تحول لية وتقدم ورقك فية ومتقلقش خالص وهما هيقبلوك

ربنا يطمن قلبك يا ريس ^_^

أنا كنت فى العريش السنة اللى فاتت وخدت اعدادى وطلعت جيد الحمد لله وجبت بيان حالة ورحت قدمته فى السلاب وقالولى اطمن بس الوزارة هتبعتلهم انى مقيد على بداية امتحانات الترم الاول يعنى هفضل كل ده مش مقيد بس هحضر وكل حاجة لكن مقلق من الموضوع ده !!

انا جالى معهد دمياط بس انا كان نفسى السلاب وعايز اقعد سنة فى دمياط واحول السلاب بس فى ناس بتقول ان معهد دمياط بيعمل مشاكل عشان محدش يحول

الله يكرمكم
حد يفيدنى

عاوزاروح الشروق وفارق معايا نص درجه

اعمل ايه؟

الاخ محمد 1428 بص يا ريس متقلقشى من الموضوع دا عادى خالص الامور ديت روتينية وبتحصل مع اى حد بيحول الان هما لسا بيجمعوا التحويلات وبعديت يودوها الوزارة والوزارة بعد كدة بتوافق عليها

الاخ mohmed alm مفيش مشاكل ولا حاجة روح انت بس حول وهما هيقبلوك مفيش مشكلة بس لازم تكون جايب جايب المجموع بتاعة وميقلش عنة

حد السيف للاسف مينفعشى تحول لان لازم تكون جايب الحد الادنى او يزيد عنة روح حول اى معهد تانى واقعد فية سنة وبعدين حول الشروق

طب لو سمحت بعد اذن حضرتك يا بشمهندس انا عايز اعرف هو ( معهد المدينة العالى للهندسة بشبرا منت ) معتمد ولا لا ولو انا قاعدت اول سنة فية وبعدين عايز احول لاى معهد غيرة زى طيبة او العاشر او زى اكاديمية مودرن اكاديمى هيبقى فية مشكلة فى التحويل ولا لا بالله عليك حد ترد عليا او اى حد يعرف يرد انا تعبان بسبب الموضوع د وشكرا واسف اذا ازعجت حد .

amrcapo بص يا عمرو باشا مفيش معهد نازل فى التنسيق الا ويكون معتمد من المجلس الاعلى للجامعات ووزارة التعليم العالى فانتا عادى هتقعد فية سنة وبعدين تحول عادى خالص ومتقلقشى واى خدمة يا ريس

طيب انا عايز احول من معهد اللى انا فية للمعهد العالى للهندسة والتكنولوجيا بالمنصورة .... والدرجات طلعت والحمد لله نجحت وبتقدير كمان عايز اعرف بقى اية اللى لازم اعملوا علشان اعرف احول لان المعهد اللى انا فية مش راضى يدينى الملف بتاعى ففى ناس قالولى روح الوزارة ..؟؟ فعايز اعرف اية الاجراءات اللى لازم اعملها علشان اخد ورقى من الوزارة

drmohmed بص انت تروح معهد االى فى المنصورة وتقولة انا عاوز احوا عندكو وهوا هيقوللك على اللى انتا هتعملوا