مهم لطلبة سنة أولي
 

السلام عليكم يارب تكونوا بخير الموضوع ده انا عملته لطلبة سنة اولي اللي محتاج اي سؤال او استفسار يقوله وانا ان شاء الله هحاول اساعدكم علي قد ما اقدر علي الاقل هحذركم من اخطاء انا وقعت فيها واديكم الخلاصة انا كنت هكتب الموضوع علي طول بس قولت اخليكم تسألوا وانا ارد افضل علشان اعرف ايه بالظبط اللي عايزين تعرفوه

ازيييييييييييييك يا دكتورة مرااااااااااااام
انا دخلت طب المنصووووووووووووووووورة
ازااااااااااااكر منيييييييييين ؟ ومن متاااااا ؟ من اول السنة فعلا ولا الم نفسي فى الاخر :d ؟
عملتى ايه فى سنة اولى يا دوك ؟ جبتى كااااااااااااام ؟ ^_^

حقيقى الكلية مفيهاش ترفيه ؟ من اول السنة هنحتاج دح ؟

طيب الحمد لله طب المنصورة حلوة جدا زي مابسمع عنها موضوع تذاكر منين ده بقي في آراء كتير بس انا راي انك تذاكر من كتاب القسم علشان تضمن درجات ده اللي الدكتور بيبقي عايزك تجاوب منه لما بيحطلك امتحان بس احيانا كتاب القسم بيبقي شوية باسلوب مش حلو وممكن ماتفهمش منه قوي في الحالة دي بتحتاج يكون معاك مصدر تاني وده بتبص عليه بس لما تلاقي حاجة مش فاهمها في كتاب القسم
هو انا بصراحة ماكنتش بذاكر قوي من اول السنة ودي غلطة ياريت ما توقعش فيها بس كنت بحضر محاضرات وبحاول ابقي علي اتصال يعني بالمنهج بس ده مش كفاية لازم تذاكر من اول السنة علشان تجيب مجموع كويس وماتستهونش المجموع ده هيفيد في التراكمي بعدين
انا جبت امتياز الحمد لله 88% (مش عارفة جبتها ازاي بصراحة :rolleyes: بس ربنا كبير)

لا بالعكس مين قال مفيهاش ترفيه بص انت اللي بتحدد اذا كنت هتستمتع بالدراسة ولا هتخليها عبء عليك هو طبعا لازم تذاكر من اول السنة علشان تستفاد من اللي بتدرسه والمعلومات تثبت معاك وكمان علشان تعرف تتفوق ولازم تتفوق مجموعك هيفرق معاك قوي بعدين ناس كتير اعرفهم بعد ماخلصوا الكلية بمجموع تراكمي قليل وماعرفوش يدخلوا التخصص اللي عايزينه ندموا علي انهم ماذكروش كويس قسم وقتك وهتلاقي وقت للمذاكرة ووقت للترفيه

من الاخر كدا اذاكر كام ساعة يوميا عشان نضمن مجموع عالى !!

الحقيقة أنا لسة بادىء الأناتومى يوم الأربعاء الى فات
خدت حاجات بسيطة بس من كتاب الـ introduction دة
مابدأتش المواد التانية خالص لسة و دكتور الأناتومى بيقولى أجل الهستولوجى و البيوكيميسترى و أبدأهم بعد أسبوعين كدة .. قالى ركز على الأناتومى و الفسيولوجى دلوقتى علشان هم الكبار
أية رأيكم ؟؟؟
و بعدين هى المحاضرات مهمة ولا أكبرلها ؟؟؟

على فكرة بخصوص كتب القسم ( طب المنصورة ) أنا ماشوفتش لحد دلوقتى غير أول 3 كتب من بتوع الاناتومى الى هم introduction - thorax - adbomen
طباعتهم فاخرة أوى و إخراجهم ممتازة و شرحهم جميل على فكرة

دة كورس يا فندم مالوش دعوة ببداية الدراسة :d
و هو بس الدكتور حب يبدأ يوم الأربعاء الأسبوع دة و معرفش وجهة نظره للأمانة :d
جه شرح حاجات بسيطة كدة من الكتاب بتاع ال introduction الى أنا بقول عليه
هو الأناتومى باين 6 كتب أنا ماجبتش منهم غير أول 3

الكتب مش 300 صفحة زى بتوع ثانوية عامة زى ما أنت متخيل :d
كتاب الـ introduction يادوب 45 صفحة و الدكتور بيقولى بنلخصه فى النهاية على 10 صفحات بالكتير
كتاب الـ thorax حوالى 117 صفحة و الـ abdomen تقريباً 174 صفحة
الباقى معرفش بقى لأنهم مش معايا .. أنا بتكلم على كتب طب المنصورة على فكرة معرفش النظام مختلف من كلية لتانية ولا لا
يعنى لو استثنينا موضوع الأسماء المكلكعة الى هاتقابلها ليل نهار هاتلاقى الأمور سهلة إن شاء الله
ربنا يقوينا :d

اسفة اني اتاخرت في الرد
لو ذاكرت اول باول هتجيب مجموع عالي يعني اخدت محاضرة انهردة ذاكرها انهردة يعني 4 ساعات مثلا يخلوك تتفوق

اسفة اني اتاخرت في الرد وبما ان دلوقتي الدراسة بدات فطبعا لازم تذاكر كل المواد بس الاناتومي والفسيولوجي بيحتاجوا جهد اكبر في المذاكرة وخاصة الاناتومي يعني خصصلهم جزء اكبر من وقتك بس كمان الهستولوجي عبارة عن درجات مضمونة والبايو ممكن يضيع درجات كتير لو اهملته