استفتاء : أحسن لغة ممكن تدرسها فى سياحة وفنادق
 

زى ما قال الاخ sympathique كلية السياحة مبتهتمش باللغات جامد اوى ولكنها بتخليك متواصل مع اللغات علطول عشان متنساش اللغة
اما بالنسبة للغات فمن نظرى الفرنساوى والايطالى اسهل لغتين ومشهورين فى مصر اوى كلغة بعد الانجلش علطول ومطلوبين فى الشغل جامد
ولكن اهتمامك الاول المفروض على الانجلش وبعدين تيجى حكاية اللغة التانية دى لان الانجلش لغة دولية و عالمية ومنتشرة فى العالم كله

ان شاء الله هاخد ايطاليانو لاني كنت باخدو في الثانوية وكمان انا بمووووووووووووووووووووووووووت فيه لانها لغه جامده والجرامر بتاعها زي العسل


بس ان شاء الله هاخد كورسات ايطاليانو وبعد كام سنة كده هاخد الماني كورسات برضه

انا بقى اخدت صينى
انا اصلا كنت باخد ايطالى فى ثانوى و هو لغة جااااااااااااامدة اوووووووووووووى بجد سهلة جدااااااااااا
بس للاسف انا فى سياحة الفيوم ومش فى عندنا ايطالى هما كل اللى عندنا اربع لغات يا بانى وده صعب مووووووووت وفرنساوى وانا بكره اللغة دى و المانى ودى لغة انا مش مقتنعة بيها اصلا عشان رخمة اوووووى بس فمش لاقيت غير الصينى وبصراحة انا اقتنعت بيه جدااااااااا و فى ناس كتير اخدوها و قالولى انها سهلة وممتعة بس لازم اخد فى كورسات عشان اكون فيها احسن
وانا كمان نوية اخد كورسات ايطالى فى الاجازة او لما اخلص عشان بجد هى لغة ممتعة جداااااااااا

شكرا جدا على النصيحة دى يا sympathique و انا قررت انى اخد ايطاليانو خلاص

بس هو من ناحية الشغل فى السياحة مين هما اكتر ناس بيكونوا شغالين

اللى واخدين ايطالى ولا فرنساوى ولا المانى ؟؟؟؟؟؟؟؟؟؟؟

انت لو معاك انجليزى هتشتغل اوكى

بس طبعا اى لغة تانية كله بيشتغل بغض النظر عن كون اللغة ايه؟

بس اللى شغال حاليا فى سوق السياحة

روسى وايطالى

مفيش حد معاه لغة مبيشتغلش الا اذا كان هو مش عايز يشتغل

انا متوافق مع الراجل الطيب ده sympathique

انا محدد انى حاخد روسى وايطالى

احترامى لكم

انا المانى ان شاء الله وهاكمل فى تانية قورصات للغات تانية اسبانى وروسى

ياجماعة انا سياحة وفنادق حلوان ولما سالت قالولى ان مينفعش اختار لغة وان الغة التانية اللى كنت بدرسها اجبارى

انا رايح تانيه ان شاء الله وهدخل قسم درسات فندقيه

و واخد المانى

بص هو طبعا اكيد رايك مهم ويحترم بس انا داخلة انشاء الله ارشاد بس فى حلوان وسالت واحد اعرفة اكبر منى فى القسم هو كمان واخد المانى قالى اللغتين بنيقى متقنينهم كويس وغير كدا لو انت او اى حد دخل على موقع جامعة حلوان وشاف الكلية من على الموقع هيعرف ان فيها معمل لغات
اى نعم الكلية مش متخصصة فى تدريس اللغات زى الالسن وزى اداب اقسام اللغات ولكن دا مش معناه ان احنا مش بنتعلم لغات او ان احنا مش هنبقى متقنين اللغات بالعكس مجال الكلية اصلا بيعتمد على اللغات والفرق ما بينى وبين خريج مثلا السن انجليزى او المانى او ما بين خريج اداب انجليزى او اداب المانى انى ولا بدرس ادب ولا شعر ونقد ولامسرح ولا روايات انجليزى لكن كلغة زيي زيه بالظبط لان الحاجات دى كلها ممكن اكتسبها بالقراية ودا رايي

انا متفق معاكى فى كل كلمة قولتيها يا nosa kamanosa