|
ايهما افضل طب الاسنان ولا الطب البشري
يا جماعة الخير انا طالب مصري حاصل على الثانوية السعودية هذا العام ومجموعي 96.7 % ومش عارف اكتب رغباتي ازاي وقت التنسيق السنة اللي فاتت اللي اخدوا الثانوية من هنا بالمجموع ده يا دوبك لحقوا صيدلة انا عاوز اخد رأيكم في سنة الفراغ :) وعاوزاعرف ايهم افضل الطب ولا الاسنان ولا الصيدلة من حيث المستقبل المهني سنوات الدرسة الخ ....... شكرا |
يا رب وفقنا جميعا |
إن شاء الله ربنا يوفقك وتدخل طب أسنان
بس تدعي ربنا انك تحصلها و تطولها |
يا رب
بس برضو محدش علق ولا قال اي حاجة |
|
اقتباس:
بص انا انصحك بأسنان لو لحقتها مش عشان انا طالب فى اسنان كان مجموعى 99 السنه اللى فاتت والحق اى كليه عايزها بس بعد استخارة ربنا واستشارة ناس كتير فعلا فى رأيى اسنان افضل كليه اولا سنوات الدراسه طب بتقعد 6 سنين و السابعه امتياز ومش تقدر تفتح عياده الا بعد تحضير ماجستير او دبلومه على الاقل .. أما أسنان 5 سنين دراسه والسادسه امتياز ويحق لك فتح عياده وانت فى سنة االامتياز لأنك بتتخرج اخصائى مش محتاج تحضر حاجه عشان تتخصص زى طب .. وصيدله هما خمش سنين دراسه وهى كليه جميله جدا بس عدد المتخرجين فيها كبير جدا يعنى فى المنصوره عندنا دفعة طب فوق الالف وصيدله نفس الموضوع واكتر من طب واسنان دفعتنا 400 بس ودى اكبر دفعه جت فى اسنان المنصوره أم بالنسبه للدراسه فأكيد اصعبهم طب هى الدراسه معظمها نظرى وحفظ بحت على حسب ناس فى طب فى سنه رابعه واكبر بيقولولى اسنان الدراسه فيها عملى اكتر من نظرى فده بيخلى الدراسه ممتعه اكتر وصيدله الدراسه معظمها كيميا وكويسه بردو المستقبل ده حاجه بايد ربنا بس احنا بناخد بالاسباب وشوف انت واسأل عشان محدش يعترض معايا بس عن نفسى لما اخترت اسنان طب بعدنى عنها عدد سنين الدراسه كتير اوى ده غير لو ليك جيش زيى كده ربنا يكون ف عونهم بجد وصيدله عشان الخريجين فيها كتير اوى ومستقبلهم فى مصر مش قد كده كمندوب او كواحد واقف ف صيدليه مش بيشتغل بالعلم اللى درسه ونظرة المجتمع ليه مش قد كده بيظلموهم رغم ان فرصتهم فى السفر احسن من اسنان كمان بس اسنان سنينها معقوله وشغلها فى مصر وبرا مصر كويس جدا ودراستها ممتعه بعد سنة الاعدادى وصلى استخاره فى الاول وشوف هترتاح لايه بس معتقدش ان التنسيق هيقل كتير وربنا يوفقك:) |
اقتباس:
|
بصراحة انت كولد التلات كليات ينفعوا بالنسبالك
بس مازلت الطب متالقة لانك قدامك اكتر من تخصص ومجال تقدر تختار الي يناسبك وبالنسبة للدراسة فهي دراسة ممتعة جدااااااااا (انا خلصت اولي طب علي فكرا) اما اسنان فهي كلية كويسة بردو ويمكن زي ماالدكتور || Dr sCorpion || قال ان مزيتها انك بتبقي متخرج متخصص بس بالنسبة للسنوات الدراسة هي سنة بس الي فارقة بس هي شغلها متعب جداااا وميناسبش البنات صيدلة كويسة ودراستها سهلة للي بيحب الكيمياء بس مجال شغلها ميرضيش طموحك بمعني انك بتبقي صيدلي في صيدلية او مندوب في شركة ادوية وفي الاول والاخر القرار طبعا قرارك واهم حاجة صلاة الاستخارة انا ايام التنسيق كنت محتارة جداا وكنت كاتبة الصراحة في الاول اسنان وبعد صلاة الاستخارة غيرت في اخر يوم الرغبات وكتبت طب وماندمتش بعد مادخلتها بجد كلية جميلة جدااا واي حد خايف انه ياخد القرار ويدخلها انا بنصحه انه مايخفش ويتوكل ويدخلها ودراستها مش رخمة ولا حاجة بالعكس ممتعة للغاية ربنا يوفقك |
صيدلة حلوة اوي للبنت وطب برضو
اما انت كولد انصحك بطب او اسنان ولكل واحد فيهم مميزات و عيوب مثل اسنان اللي اعرفو انها بهدلة اوي وطب بالنسبالي كثير سنينها اوي وبرضو القرار لحضرتك صلي صلاة استخارة وربنا معاك ويسهك ويوفقك يارب |
بسم الله الرحمن الرحيم
الاجابة ج |
كل الناس بتقول ان اسنان طريقها اقصر
5 سنين و السادسة امتياز ز بتتخرج اخصائى يعنى مش محتاج لاى حاجه علشان تفتح عيادة و لو عاوز تكمل دراسة بعد اسنان و تاخد ماجيستير و دكتوراه و كده ..الحاجات دى لنفسك لكن انت تقدر تفتح عيادة من غير الحاجات دى..بعكس طب لكن اسنان فيها عيب واحد وهو ان عيادة الاسنان مكلفة جدااا |
شكرا يا جماعة لمروركم ادعولنا بقى مستنين النتيجة تظهر الاسبوع ده
نتيجة تنسيق المغتربين |
| جميع الأوقات بتوقيت GMT +2. الساعة الآن 09:05 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.