|
هى حاسبات ومعلومات بتاخد من كام
السلام عليكم
لو سمحتم ممكن استفسر عن مجموع حاسبات ومعلومات وبتاخد من كام وكمان عاوز اعرف الافضل هندسه ولا حاسبات ؟؟ |
وعليكم السلام دى مجاميع حاسبات ومعلومات السنة اللى فاتت حاسبات ومعلومات عين شمس 384 حاسبات ومعلومات المنصورة 384 حاسبات ومعلومات منوفية 383.5 حاسبات ومعلومات القاهرة 383.5 حاسبات ومعلومات الزقازيق 383 حاسبات ومعلومات اسيوط 382.5 حاسبات ومعلومات حلوان 382.5 حاسبات ومعلومات المنيا 382 حاسب ومعلومات الاسماعيلية ج قناة السويس 381.5 |
من 91% ل 93% حسب تنسيق السنة
انا داخلها ب 93% سنة 2011 تنسيقنا كان عالى :d ربنا يوفقك ان شاء الله :) |
نسيت حاسبات بنها كانت واخدة اعلى حاسبات السنة اللى فاتت من 385 يعنى 93.9 بالظبط :) انا دخلاها ب 94.5 :) |
اقتباس:
بص الدراسة ف حاسبات بتوفر عليك حاجات كتير وبتوفر عليك تدرس مواد كتير ف هندسة مش هيبقى ليها علاقة بيك واحتمال تدخل قسم اتصالات او لا ومنه تتخصص حاسبات يعنى ف هندسة لفة طويلة اوى على ما تتخرج طالب حاسبات ( مبرمج ) لكن عندنا ف حاسبات انت بتبقى داخل عارف انت هتدرس ايه ومعظم المواد بتبقى مفيدة للمجال حتى الفيزياء والرياضة اللى بناخدها انت بتستخدمها ف شغلك كمبرمج لو انت حابب شغل الكمبيوتر والبرمجة واالحاجات دى انصحك بحاسبات انا كنت جايبة مجموع هندسة وبردوا دخلت حاسبات الحمدلله :) |
تمام بس فى ناس كتيره اوى بيقولو كفاية اسم هندسة
عالعموم ربنا يوفنا ويعدى السنه دى على خير وبعد كده نقرر بقى شكرا ليكم |
بص على فكرة حاسبات اجمد من هندسة بكتير ومستقبلها ان شاء الله افضل
احنا ف مصر لسه مش مقدرين يعنى ايه مهندس كمبيوتر ولا يعنى ايه مبرمج وهتسمع العجب اللى هيقولك انت ف معهد واللى هيقولك انت ف كلية تبع تجارة وكلام غريب احنا سمعناه كتير بس مجال الـ Computer Science من اشهر المجالات على مستوى العالم لو دورت كدة ف قائمة اغنياء العالم هتلاقى معظمهم او على راسهم اللى شغال ف المجال دة دة م الناحية المادية م الناحية التانية هو المستقبل حتى وف مصر مش بيقدروا يعنى ايه مهندس كمبيوتر بس مش هتلاقى حاجة ف مصر مبقتش تستخدم الكمبيوتر :) شوفت مش كل حاجة اسم هندسة وبس المهم انت حابب ايه وعايز ايه |
ربنا يوفقنا يارب
السنة دى تعدى باذن الله واقرر على طول متشكر جدا على توضيحك الجميل |
حاسبات افضل من وجهة نظري , بتاخد من 93-94%
|
هي حاسبات واخدةمن كام السنة دى
|
كان نفسى ادخلها !
انا مبرمج php |
| جميع الأوقات بتوقيت GMT +2. الساعة الآن 06:59 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.