بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   كلية الطب البيطرى (https://www.thanwya.com/vb/forumdisplay.php?f=526)
-   -   مجالات العمل فى كلية الطب البيطرى (https://www.thanwya.com/vb/showthread.php?t=350116)

nora93 04-08-2011 04:11 AM

مجالات العمل فى كلية الطب البيطرى
 
انا طالبة جديدة معاكوا اسمى ندى من جامعة القاهرة وانا بقرا عن الكلية لقيت مجالات العمل عجبتنى قلت افيدكوا

يعتبر خريجى الطب البيطرى من المحظوظين لما يمثلوه من قيمه علميه تؤهله لمجالات كبيره فى اسواق العمل المختلفه




اولا :مجــــال الرعايه الصحيه للحيوان !

1-مجال الرعايه الصحيه و البيطريه للحيوان بالعيادات البيطريه
2-الصيدليات البيطريه
3-شركات و مراكز بيع الادويه كمندوب
4-المعامل البيطريه الكيميائيه و البيولوجيا و الباثولوجيا
5-مجال تربيه الخيول و مراكز الهجن و نوادى الفروسيه



Cant See Images
ثانيا: مجـــال الانتاج الحيوانى و الداجنى و السمكى

1-مزارع انتاج و تربيه الدواجن و انتاج البيض
2-مزارع التسمين كالبقار و الجمال
3-مزارع الانتاج المكثف للحليب
4-مزارع انتاج و تربيه الاسماك
5-مزارع تربيه و اكثار النعام
6-مجال الرعايه التناسليه و نقل الاجنه

ثالثا :مجال المراقبه الصحيه على الاغذيه
1-الكشف على اللحوم فى مسالخ الحيوان و الدواجن
2-فى المستشفيات البشريه للمراقبه على الاطعمه و الماكولات
3-فى الفنادق الكبرى لمراقبه الاطعمه و الماكولات
4-فى صحه البيئه بالقرى و المدن


رابعا :مجال حمايه البلاد من الامراض الوافده و مكافحه الاوبئه
1-الحجر البيطرى فى المطارات و الموانى و الحدود و المنافذ
2-اداره مكافحه و تقصى الاوبئه
3-فحص الحيوانات المستورده الحيه و المذبوحه و الاسماك و الالبان


خامسا :مجال صناعات الغذائيه
1-مصانع و شركات انتاج اللحوم
2-مصانع الالبان و منتجاتها


سادسا :مجال صناعات الادويه و مجال الاعلاف
1-مصانع انتاج الدواء البشرى و البيطرى
2-مجال الدعايا و التسويق للدواء البشرى و البيطرى
3-مجال تصنيع الامصال و اللقاحات
4-مجال تقنيات الجوده بالمصانع و الشركات
5-مصانع تجهيز و انتاج الاعلاف

سابعا:ادارات الاحوال المدنيه و القضاء و القوات المسلحه
1-قسم الطب الشرعى و الادله الجنائيه لكتابه التقارير الجنائيه عن الجرائم
2-مشاريع الامن الغذائى فى القوات المسلحه
3-فى هيئه الشرطه لرعايه الخيول و كلاب الامن و الحراسه

,و فى طبعا مجالات تانيه كتيره مش ذكرتها زى العمل فى حدائق الحيوان و المحميات الطبيعيه لرعايه الحيوان و الحفاظ عليها من الانقراض زى احمد السقا فى فيلم افريكانوا
و ممكن تبقى معيد او تعمل فى هيئه التدريس و بالمناسبه اللى بيحطوا منهج الاحياء و امتحانات الاحياء دول خريجى طب بيطرى او دكتور تحاليل و حاجات تانيه
و لحد هنا خلص الكلام و سلام
يـــاريت تقول انت هدفك ايه من هنا و انا عن نفسى احب العمل فى مجال تصنيع

Ezel 04-08-2011 12:36 PM


طبعا لو واحد فى بشرى شاف المجالات دى كلها هيحول بيطرى :d
**********

بجد كلها مجالات حلوه جدااااااااااااا
بس انا لما سالت عرفت ان البيطرى بيشتغل اكتر من مجال !!! يعنى مش واحد
انا سمعت عن اقسم كتيييييير من اللى مكتوب بس فى اقسام / مجالات اول مره اقرا عنها !

يعنى مثلا ( 1-قسم الطب الشرعى و الادله الجنائيه لكتابه التقارير الجنائيه عن الجرائم :o )
انا نفسى لما اخلص على خير ان شاء الله
اسافر ;)

************************

شكرااااااااااااااا ع الموضوع يا د/ ندى :)

Manosh Ashraf 04-08-2011 06:07 PM

الموضوع فعلا رائع يا د/ ندى
انا منة الله معاكى فى جامعة القاهرة
و يا ريت فعلا الواحد بيقى مقتنع بمجاله
و المجال ده اكثر من رائع و الى مش مقتنع ميتعبش نفسه عشان مش هيقدر يحقق حاجة
انا عن نفسى مستنية ادرس الاول و بعد كده اشوف الشغل الانسب ليا

a*h 04-08-2011 06:09 PM

الف شكر ..... انا نفسى اتخصص قسم كيمياء حيوى بس لما يخرج يبى ايه

كيميائي طبي2011 04-08-2011 06:13 PM

اقتباس:

المشاركة الأصلية كتبت بواسطة asilhwa (المشاركة 3789926)
الف شكر ..... انا نفسى اتخصص قسم كيمياء حيوى بس لما يخرج يبى ايه

ده اسمه كيميائي طبي بس ملوش علاقه ببيطري ده علوم

nora93 04-08-2011 07:47 PM

شكرا على الرد وياريت يادكتور منة نبقى اصحاب

Manosh Ashraf 05-08-2011 12:19 PM

اقتباس:

المشاركة الأصلية كتبت بواسطة nora93 (المشاركة 3790147)
شكرا على الرد وياريت يادكتور منة نبقى اصحاب

ان شاء الله يا حبيبتى :)

عبدالله الكومى 05-08-2011 05:01 PM

اقتباس:

الف شكر ..... انا نفسى اتخصص قسم كيمياء حيوى بس لما يخرج يبى ايه



ده اسمه كيميائي طبي بس ملوش علاقه ببيطري ده علوم
حضرتك تخصص الكيمياء الحيوى غير موجود فى كلية غير كلية طب بيطرى ويمكن من اشهر الكليات فى لمجال ده بيطرى بنها والدليل على كده ان فيه ناس من علوم بيجوا يعملوا دبلومات عندنا فى بيطرى فى تخصص الكيمياء الحيوى والذى يتخصص فى هذا المجال له الحق فى ان يعمل فى معامل التحاليل البشريه

د / يارا 06-08-2011 11:03 AM

ربنا يكرمك يارب

ميرسى كتير ع المجهود الجميل دا يا دكتوره انا طالبه طب بيطرى القاهره معاكوا ان شاء الله

Hadeero 13-08-2011 11:16 AM

شكرا يا د.ندى ع الموضوع الجميل

nora93 13-08-2011 12:52 PM

شكرا على مروركم وياريت اللى عنده اى معلومات اكتر عن الكلية يفيدنا انا عرفت اننا ممكن نعمل دبلومة نفتح صيدلية بشرط ان يكون 30% من الادوية ادوية بيطرية ونشتغل فى معامل تحاليل بشرية بعد عمل دبلومة ولو عايزين نفتح معمل تحاليل يبقى نرفع قضية ولكن بتتكسب بسرعة مجرد امر روتينى

moslema until death 21-08-2011 05:41 AM

انا ان شاء الله معاكو طب بيطرى ويااااااااااااارب تعدى على خير

كيميائي طبي2011 22-08-2011 04:44 AM

اقتباس:

المشاركة الأصلية كتبت بواسطة nora93 (المشاركة 3878654)
انا هخلص المناقشة ديه فى كلمتين الموضوع ده مختص بالدكاترة البيطريين واللى ناويين يدخلوها مافيش اى حد من اى كلية تانية ليه الحق انه يدخل الموضوع اسمه
مجالات العمل فى كلية الطب البيطري مش علووووووووم وبالنسبة لتحاليل بيطرية دبلومة سنة تخلص الموضوع ابقى دكتور تحاليل بشرررررررررررررررية ولو سمحت يا كيميائى طبى متقولش انها اتلغت لان قرايبى عملوها وبيشتغلوا دلوقتى

اولا انا ادخل واعلق ع اي موضوع انا عايزه
ثانيا
الدبلومه لم تلغي زي ما قلت سابقا ولو دقيقتي في كلامي هتلاقي ده
لكن للي بقوله ان بيطري بتدرس كيميا الحيونات وبكتريا وفطريات التي تصيب الحيوان وليس الانسان
سواء داخل الكلية او الدبلومه او الماجستير الدكتوراه هذا ع عكس كلية علوم

لان ده تخصصي
وانا عارف انا بقول اية
:006et4:
وعايز اقلك ان مفيش اي دوله في العالم بتعترف بخريج البيطري ككيميائي طبي او ميكروبيولوجيست او اي نوع من انواع اخصائي التحاليل

كيميائي طبي2011 22-08-2011 05:11 AM

اقتباس:

المشاركة الأصلية كتبت بواسطة nora93 (المشاركة 3878731)
يعنى ايه مش معترف بيه برة ده انا كل ما اقرى اعلان الاقى مطلوب دكاترة بيطريين فى السعودية والامارات وانا ذوق ومحترمة الحمدلله وانا قريت قبل كدة فى رد من ردودك بتتريق على الكلية وبتقول ان البيطريين مبيشتغلوش فى مصانع ادوية زي مافى ادوية بشرية فيه ادوية بيطرية بتتصنع واختى دكتورة صيدلانية هى اللى قالتلى كدة ولو شايفة ذرة ان بيطري وحشة كانت قالتلى متخشهاش وابقى لوسمحت حاسب على كلامك ومتغلطش فى اى كلية مهما كانت كل الكليات حلوة بدال الواحد مقتنع بيها بكلامك ده بتعقدنى فى الكلية قبل ما ادخلها

لكلام للي قلته واضح
مش معترف بيه بره ككيميائي طبي او كاخصائي تحاليل طبية بشكل عام
...........................
ثانيا موضوع الادوية
الادوية البشرية في المصانع هي تقسيم بين العلميين ( علوم ) والصيادله ( صيدله )

ثالثا محدش كرهك في الكلية

اللي انا وضحته بس هو موضوع التحاليل وزي ما قلتلك اتحدي انك تجيبيلي غلط في الكلام للي قلته

nora93 22-08-2011 05:20 AM

لا حول ولاقوة الا بالله الحمدلله ان انا دكتورة بيطرية ووانا مقتنعة بيها وكفاية اني واثقة ان هم ليهم مجالات كتير ميهمنيش راى حد تانى


جميع الأوقات بتوقيت GMT +2. الساعة الآن 08:37 PM.

Powered by vBulletin® Version 3.8.11
Copyright ©2000 - 2022, Jelsoft Enterprises Ltd.