هل رسالة الماجستير بتفيد فى الشغل (ارجو الرد للاهميه)
 

انا فعلا سمعت انها لازم تكون فى مجال العمل و مع كده ليه زميلة ضافتها لمافها و بتاخد ال 100 جنية رغم ان موضوع الرسالة مالوش دعوة بالمدارس و عن المحالين للتقاعد

الأخ الفاضل اهنأك على نجاحك مقدما بالحصول على الماجستير ثم الدكتوراه إنشاء الله .
لا تتردد وأكمل المسيرة لا تعرف الخير فين من الممكن ان تلتحق بالجامعة وأعرف أكثر من واحد التحق بالجامعة ورسالنة لم تكن فيما يقوم بتدريسة ( منهم بجامعة القاهرة وعين شمس )
أو ممكن تلتحق بالتعليم الفنى وتقوم بتدريس مادة المحاسبة فى التجارى (ولماذا لا تفعل ذلك حاليا ) عندها يزيد مرتبك 100 جنية تقريبا وتحسب للحاصل على الماجستير أقدمية مدتها سنة وللحاصل على الدكتوراه أقدمية مدتها سنتان وذلك من قانون 47 في سنة 1978 باب لجنة شئون الخدمة المدنية مادة (2) وتأخذ وضعك بين زملائك
أما بالنسبة لمادة الحاسب اذا كان موضوع الرسالة يخدم المادة مثلا جزئية منها تتحدث عن الحاسب الآلى وعلاقتة بالمحاسبة أو ما إلى ذلك وأنت أعلم منى. ويوجد الكثير يفعل ذلك حتى يستفاد بعد موافقة الموجة الأول على الموضوع أو الموجة العام بالمديرية ودائما مايقفوا بجانب هذة الحالات
فى هذة الحالة يزد مرتبك وتكون الأقدم فى مستواك الوظيفى أما خلاف ذلك لاتستفيد ولكن صدقنى يابنى لاتتردد وأكمل انشاء الله من الموفقين وأقول لك يابنى لأنك من سن أولادى ( 58 عام مدير بالتعليم الثانوى)
وفقك الله

انا بكالوريوس تجارة خارجية - جيد جدا - شعبة خارجية التانية على دفعتى اعمل مدرسة حاسب اقوم بالتوجيه على المادة نفسى أكمل و اعمل ماجستير قولى ابد أمنين علما بانى مقيمة بالبحر الأحمر هل لابد التواجد اثناء الدراسة و فيه نسبة حضور وهل اقدم تمهيدى ماجستير ولا ماجستير علطول برجاء الرد للأهمية وممكن النحق بكلية اية علشان احضر وفيه مواعيد للتقديم و أمتى

استاذ احمدى والله مش عارف اقول لحضرت ايه لسانى يعجز عن الشكر بصراحه انا استفدت من كلام حضرتك جدا وطبعا شرف كبير لما حضرتك تقولى يابنى وان شاء الله ربنا يباركلك فى اولادك ويكونوا فى اعلى المناصب
بالنسبه لموضوع شغلى فى مدرسة التجاره فبأذن الله احاول فيها لان انا باخد تربوى عام السنادى وجايلى يوم تربية عملى كل اسبوع فى مدرسة التجارة بنات وده طول العام الدراسى
ان شاء الله احاول انقل مدرسة تجارة بس هل ينفع اعمل النقل وانا متعاقد ولا الافضل لما امتحن الكادر واتثبت الاول انا مش عارف ديه
بالنسبة لموضوع ارتباط الرساله بالحاسب الالى فحضرتك بجد نبهتنى لنقطه مهمه جدا وكانت غايبه عن بالى خالص وان شاء الله اروح للموجه بتاعى واقوله
شكرا جزيلا لحضرتك شكرا بجد
باااااااااااااااااارك الله فيك وربنا يخليلنا حضرتك لان وجود حضراتكم يرفع ويرقى من شأن هذا المنتدى

الله يبارك فى حضرتك وان شاء الله ربنا يقدرنى واكمل الرساله على خير
وحاليا انا ببحث عن موضوع الرساله علشان اقدمه للكليه
شكرا لمداخلة حضرتك
بااااااااااارك الله فيك وجزاك الله خيرا ان شاء الله

بالنسة للاستاذه حنان سليمان شكرا لمداخلة حضرتك وتم ارسال رساله خاصة
بخصوص موضوع الماجستير وانا تحت امرك دائما
بالتوفيييييييييييق

أنا نفسي أكمل دراسات عليا ولكني لا أعرف من أين ابدا مع العلم انا خريجة تربية لغة عربية واعمل بمدرسة ثانوي فهل يلزم التفرغ لعمل الماجستير

الأخ الكريم الذى يحضر الماجستير .. إن كنت تسعى للاستفادة منه فى وزارة التربية والتعليم فأنت بذلك تضيع وقتك فأنا حاصل على الدكتوراه ولم أستفد أى شىء منها سوى 4 جنيه علاوة الماجستير ولا زلت أعمل مدرس لغة عربية ابتدائى .
لكن إن كنت تسعى لطلب العلم لمجرد رفع شأنك وتهذيب شخصيتك وحتى تكون راضيا عن نفسك أو كنت تسعى لطلب العلم ابتغاء مرضاة الله فهنيئا لك وأنصحك بالاستمرار ولن تندم .

ربنا يبارك فيك يا استاذ شريف
استمر فى طريقك انه طريق الفلاح بإذن الله
وربنا يوفقك
انا نفس موضوعك ولكنى اكمل فى نفس تخصص الحاسب لانى خريجة تربية نوعية حاسب
وربنا ييسر لنا الخير
ومحدش عارف الخير فين