استفسار خاص بسياحة وفنادق المنصورة
 

السلام عليكم
انا ناوى ان شاء الله على سياحة وفنادق المنصورة قسم ارشاد سياحى
انا سمعت ان الكلية هى الى بتعين الخرجين بعد ما يخلصوا دراسة علطول وانها المسؤلة عن تعيينهم
هل دة صحيح؟
كنت عايز استفسر تنسيق سياحة وفنادق المنصورة السنة دى كام
ومصاريف كل سنة كام
كمان سمعت ان كل سنة فى تدريب شهرين
فى بلد سياحى اية هى البلاد دى ؟

بالنسبة لاول استفسار ممكن تقولى سمعت حكاية ان الكلية بتعين الخريجين فين ؟ وانا اول مرة اسمع الحكاية دى الصراحة

ثانيا تنسيق سياحة وفنادق المنصورة السنة دى فهى واخدة من 75.7% ادبى و 82% علمى والمصاريف عادية خالص فى حدود 200 جنية كده .

وفى تدريب فى الصيف فعلا لمدة شهرين بيبدأ من اول سنة ماعدا فى قسـم الدراسـات السيـاحية فالتدريب من سنة تانية ,,, يعنى مثلا لو انت ناوى على ارشاد سياحى فاول سنة بيبقى فى برنامج معين بتمشى عليه يعنى فى شوية محاضرات فى الكلية وشوية رحلات لمكان سياحى معين بتحددة الكلية يعنى مثلا حلوان , المتحف المصرى , الاقصر , كده يعنى .

لكن خد بالك قسم ارشاد سياحى مفيهوش هزار يعنى لازم تحضر علطول وكمان فى ابحاث بتعملها علطول عليها درجات .

اصل انا سمعت فى اعلان الكلية القديم الى كان بينزل عن الحكاية دى انهم يعينوا
لاكن ارشاد سياحى انا دلوقتى فى 3 لاكن متقن للغة الانجليزية والالمانية وواخد كورسات فيى اللغتين دول لو ربنا ماردش انى اشتغل مرشد ممكن اسافر برة اشتغل مترجم او مدرس لغة ثانية ؟
واية هى الرحلات العملى الى فى قسم دراسات سياحية
والف شكر على ردك

تقريبا اقل رحلات علمية للاماكن السياحية بتبقى فى قسـم الدراسات السيـاحية وكمان فى قسم فنادق اما فى ارشاد فالرحلات لازم تكون موجودة علطول فى الصيف واثناء الدراسـة .

وده لان طلبة الدراسات السياحية معظم شغلهم بيبقى فى مكاتب شركات السياحة والطيران والحجز والادارة وكده يعنى

طيب انا لو خريج ارشاد هتعين فى شركة سياحة ولا انا وشطارتى ؟

الشغل فى شركات السياحة عموما بيبقى الاولوية للخبرة السابقة , يعنى لازم تكون اشتغلت فى شركة سياحة قبل كده على الاقل سنتين , وده متوفر فى قسم الدراسات السياحية لان بيبقى فى تدريب صيفى فى اى شركة سياحة سواء انت عارف شركة بتتدرب فيها او الكلية بتوزعك فى محافظتك بالاضافة كمان للدراسة النظرى فى الكلية فى مواد ادارة شركات السياحة ومكاتب السياحة والحجز والكلام ده .

وانت ممكن تتخرج من قسـم ارشاد سياحى وتاخد خبرة من شركة سياحة مش عارف ازاى بقى بس اكيد لازم واسطة عشان تاخد الخبرة دى وفى الاخر طبعا لازم تكون فاهم شغل شركات السياحة بيبقى ازاى .

وممكن تتخرج من ارشاد سياحى وتشتغل مرشد سياحى تابع لشركة سياحة وكمان ممكن تشتغل فى تنظيم الرحلات بس دى عايزة خبرة ولغة .

المنصورة
 

يعني هيا الدراسة والمواد بتكون عربي ولا انجليزي ؟؟
وبيكون ليا كم لغه ادرسها ؟؟
يريت حد يفيدني