بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   كلية طب اسنان (https://www.thanwya.com/vb/forumdisplay.php?f=528)
-   -   لكل من سيدخل طب اسنان اسئلتكم هنا هنرد عليها (https://www.thanwya.com/vb/showthread.php?t=138310)

thedentistmod 18-07-2009 12:17 PM

لكل من سيدخل طب اسنان اسئلتكم هنا هنرد عليها
 
لكل من سيدخل طب اسنان اسئلتكم هنا هنرد عليها
منتظرين
:):):)

Dr. R KH 18-07-2009 07:37 PM

انا ان شاء الله هكتبها رغبة اولى بس انا من المنصورة و سمعت ان اسنان المنصورة صعبة وده اللي مخوفني
و ياريت حضرتك تكلمنا عن طبيعة الدراسة في اسنان وهل هي بتحتاج جهد كبير اصل انا بيجيلي حالة نفسية منحاجة اسمها مذاكرة
ومتشكرين ع الموضوع

Dr/Fatma 18-07-2009 10:48 PM

معلش أنا عندى شوية اسئلة

1- هل الدراسة فى طب اسنان غير مناسبة للبنات؟

2- ماعدد سنوات الدراسة بالامتياز واللذى منه؟

3-ما المواد التى يتم دراستها فى الكلية ؟

لو افتكرت اسئلة تانية هبقى اكتبها

مشكور على الموضوع

hamada_92 19-07-2009 07:49 PM

معلش انا عاوز اعرف مواد الاسنان وهل هى اسهل من الطب وكمان بالنسبة لمستقبلها احسن ولا الطب ؟
ويا ريت ترد علينا انهارده قبل ما نسجل رغباتنا وهل هى اوحش بالنسبة للبنات فعلا؟ وشكرا ارجو الرد

حنان سليمان 20-07-2009 12:21 AM

لو انت طالب ثانوية عامة وجبت 98% بامانةكنت هاتختار ايه اختار حاجة واحدة بشرى ولا اسنان ولا صيدلة وليه وهل انت ندمت على انك دخلت اسنان وبرضه ليه برجاء سرعة الرد علشان تساعدنى انىاخد قرار ولك جزيل الشكر بسرررررررررررررررررررررررررررررررررررررررررررررررر رررررررررررررررررررررررررررررررررررررررررررررة مستنى الرد

Bent 3bdo 20-07-2009 01:02 AM

عمالين يقنهونى بطب اسنان او طب
بس انا بكره الاحياء بجد
ادعولى بقى

thedentistmod 21-07-2009 07:27 PM

اسف للتاخير فى الرد لكن الموقع كان واقع
اقتباس:

انا ان شاء الله هكتبها رغبة اولى بس انا من المنصورة و سمعت ان اسنان المنصورة صعبة وده اللي مخوفني
و ياريت حضرتك تكلمنا عن طبيعة الدراسة في اسنان وهل هي بتحتاج جهد كبير اصل انا بيجيلي حالة نفسية منحاجة اسمها مذاكرة
ومتشكرين ع الموضوع


اسنان المنصورة او غير المنصورة مفيش حاجة اسمها صعبة
لازم تذاكر من اول يوم و بس
طبيعة الدراسة عامة فى الكليات الطبية عايزة مذاكرة و جهد و اهتمام سواء الاسنان او الصيدلة او البشرى لكن اسنان فيها فرق ان البجزء العملى فيها كبير اوى خصوصا فى اخر 3 سنين
اقتباس:

هل الدراسة فى طب اسنان غير مناسبة للبنات؟

2- ماعدد سنوات الدراسة بالامتياز واللذى منه؟

3-ما المواد التى يتم دراستها فى الكلية ؟
1/ الدراسة مناسبة للبنات عادى بس عايزين شوية جهد بدنى زيادة حاجة بسيطة يعنى لو بنت ضعيفة اوى اوى يبقى مينفعش
عدد السنوات 5 سنين + سنة امتياز
الدراسة تكون فى اول سنة فى كلية العلوم تدرس فيها كمياء و فيزياء و نبات و حيوان و انجليزى و ده سنة تمهيدى مش مهمة بعد كده
بعد كده اربع سنين اول سنتينبتتعلم فيهم نظرى كاساس للمهنة و للسنتين الاخرتين زى مثلا تشريح الفم و الاسنان و خصائص مواد طب الاسنان و بتشتغل بس على موديلز صناعى و بالنسبة لاخر سنتين و دول اهم سنتين بتشتغل على انسان حقيقى و بتدرس فيهم كل تفاصيل التعامل معاه و علاجه
المواد كتيرة منها الحشو و الاستعاضة و التيجان و الجسور و الجراحة و التقويم و حشو العصب و امراض الفم و غيرها
اقتباس:

معلش انا عاوز اعرف مواد الاسنان وهل هى اسهل من الطب وكمان بالنسبة لمستقبلها احسن ولا الطب ؟
هى اسهل من الطب بس فيها جزء عملى اكتر من الطب بكتير
المستقبل ده بيختلف من واحد الى واحد تانى و ملوش قاعدة معينة و ربنا يكرمك
اقتباس:

لو انت طالب ثانوية عامة وجبت 98% بامانةكنت هاتختار ايه اختار حاجة واحدة بشرى ولا اسنان ولا صيدلة وليه وهل انت ندمت على انك دخلت اسنان وبرضه ليه برجاء سرعة الرد علشان تساعدنى انىاخد قرار ولك جزيل الشكر بسرررررررررررررررررررررررررررررررررررررررررررررررر رررررررررررررررررررررررررررررررررررررررررررررة مستنى الرد
طب حقولك حاجة انا كنت جايب 99.1% فى ثانوى
و داخل اسنان بمزاجى
انا كنت من الاول لاغى صيدلة من دماغى اما بشرى فاللى منعنى منه طول فترة دراستته
طب الاسنان حلو و جميل و لذيذ بس عايز ايدك تكون خفيفة شوية و ده بيجى بالتعود


Dr.genius2009 21-07-2009 08:33 PM


عدد السنوات 5 سنين + سنة امتياز


لو سمحت الاسنان خمس سنين ولا ستة؟؟

thedentistmod 21-07-2009 08:54 PM

اقتباس:

المشاركة الأصلية كتبت بواسطة dr.genuis2009 (المشاركة 1428075)
عدد السنوات 5 سنين + سنة امتياز


لو سمحت الاسنان خمس سنين ولا ستة؟؟

الاسنان خمس سنين دراسة فى الكلية و بعد ما تخلصهم بيبقى فى سنة امتياز بتقضيها فى المستشفى العام تبع محافظتك و ممكن تقضيها فى مستشفى الجامعة و ده سنة اجبارية لكن مش بتذاكر فيها اى حاجة
الطب البشرى مثلا 6 سنين دراسة و سنة امتياز فى المستشفى العام او مستشفى الجامعة
:)

thedentistmod 21-07-2009 08:56 PM

سنة الامتياز بتكون شغل و كشف ع المرضى و تشخيص امراض و كده

Dr.genius2009 21-07-2009 09:25 PM

انت متأكد؟؟؟

معلش انت في جامعة ايه؟؟

أنا عايز عين شمس

moustafaatchy 22-07-2009 01:25 AM

انا عايز استفسر عن مستقبل طب الاسنان ( يعني شغلها وفلوسها) ، وهل الحصول على شغل فلوسه مناسبة صعب ؟ ، ولا اذا كنت جايب امتياز ربنا هيسهلها ؟

thedentistmod 22-07-2009 01:51 AM

اقتباس:

انت متأكد؟؟؟

معلش انت في جامعة ايه؟؟

أنا عايز عين شمس
الكلام ده فى كل جامعات مصر و انا متاكد من اللى بقوله 100%
اقتباس:

انا عايز استفسر عن مستقبل طب الاسنان ( يعني شغلها وفلوسها) ، وهل الحصول على شغل فلوسه مناسبة صعب ؟ ، ولا اذا كنت جايب امتياز ربنا هيسهلها ؟
المستقبل مش مضمون فى اى حاجة فى الدنيا و الاسنان شغلها موجود و له مميزات لكن فى النهاية بتختلف من شخص الى اخر يعنى فى فرق لو واحد يسافر الخليج او يفتح عيادة او يحضر تبع الجامعة و كده يعنى
تقديرك فى الكلية بيبقى له تاثير بس مش كبير
و الله الموفق

mohammedone 25-07-2009 06:33 AM

هل اول سنة بتبقى فى كلية العلوم ؟؟؟؟؟
و بنروح كلية الاسنان ولا لا
فى السنة دى

واحدة وخلاص 25-07-2009 08:48 AM

انت متاكد لو البنت ضعيفه اوى يبقى مينفعش
طب ممكن احول من صيدله لاسنان بعد اعدادى من غير اعادة السنه


جميع الأوقات بتوقيت GMT +2. الساعة الآن 01:09 AM.

Powered by vBulletin® Version 3.8.11
Copyright ©2000 - 2020, Jelsoft Enterprises Ltd.