|
مشكله حصلت في اول اسبوع من الكليه
السلام عليكم
انا طالب في كليه صيدله جامعه فاروس اتمتع بقدر من الوسامه و الشياكه و هي دي المشكله اللي حصلتلي كنت في يوم خارج من الجامعه لاقيت بنت معايا في الكليه (جنسيتها سعوديه) ماشيه ورايا و بتعاكسني مع العلم انها محجبه و كمان لابسه عبايه بس الحمد لله قدرت اتحكم في نفسي و احافظ عليها و عليا من الفتنه و مشيت من دون ما ارد عليها في اليوم ده انا كرهت نفسي و مازلت مكتأب حتي الان كرهت شكلي و شعري الطويل لدرجه اني روح حلقت شعري زيرو و في اليوم اللي بعده قررت اني اعطيها كتيب للشيخ ياسر برهامي بيتكلم عن الحجاب الشرعي و بينصح البنات بشويه حاجات بس الظروف مسمحتش اني اقدر اديها الكتيب ان شاء الله اديهولها يوم تاني بس ايجابيات الحكايه دي اني عرفت ان ربنا استجاب دعايا في ليله القدر لما قلت اللهم اصرف عني كيدهن و سلبيات الحكايه ان الزمن اللي احنا فيه ده اخر الزمان المتمسك بدينه كالقابض علي الجمر الله المستعان علي بنات اليومين دول يا ريت لو حد عنده اي اقتراح ليه ينصحني بيه |
بارك الله فيك
وربنا يبعدنا ويبعدك عنهم دول طريقهم ملوش نهاية اللهم أحفظ شباب وفتيات المسلمين .أمين يارب العالمين |
جزاك الله خير يا استاذ محمد
بس هتفاجئ لما تسمع بقي اللي حصل لما اعطيتها الكتيب بتاع ياسر برهامي مع العلم انه بيتكلم باسلوب سهل و ميسر و كل كلمه يقول يا فتاه الاسلام يا من ترغبين في الجنه و كلام رائع بعد ما عطيتهلها مفيش خمس دقائق لقيتها بتقولي ايه الهدف من ده قولت انك تقريه قالت و ايه الكلام اللي مكتوب في ده انت ازاي تعمل كده قولت و الله ده مش كلامي ده كلام ربنا و لو مش عجبك انتي حره بس الكلام ده انا مقتنع بيه و هو ده نظامي قالتلي هو انا كلمتك و لا فتحت معاك حوار اصلا قولت لا لا ابدا اكيد انا اللي غلطان قالت طيب خلاص انا تفاجئت في بجاحه بالشكل ده بس مرديتش اقولها انتي نسيتي انتي عملتي ايه لان كان في واحده صحبتها معاها محبتش اكسفها قدمها و كمان مكنتش عايز حد يعرف الحكايه دي عشان ده في اهانه ليه المهم اخدت الكتاب منها و قولتلها ده لو مفيهوش كلام ربنا كنت سيبته ليكي بس اخاف ترميه علشان كده انا احتفظ بيه احسن |
عادي يا مسلم دي ابسط حاجة ممكن تحصل دي كدا مش حاجة وحصلت معايا قبل كدا كتير بس الحمد لله وممكن تفأجي انها تجيلك البيت زي ماحصل معايا ههههههه بس انا عرفت اتصرف واسأل الله ان يثبتك ع ايمانك ودينك وربنا يحفظك يا بوب
|
اللهم عافنا واعف عنا
وعلي طاعتك اعنا و من شرور خلقك سلمنا.. |
| جميع الأوقات بتوقيت GMT +2. الساعة الآن 10:33 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.