|
هااااام /// حتي لا يقال عنّا بقالين وبياعين !!
الصيادلة الجداد والقدامى كرهوا المهنة والكل أصابه الأحباط الشديد ... العدوى أنتشرت بين كل الصيادلة والداء العضال يكاد يفتك بالمهنة .............................. .
هل نجلس نترحم على مجموع الثانوية العامة ونلوم أنفسنا بعدم دخول كلية الطب ؟؟؟؟؟؟؟؟؟؟؟؟ أم نجلس نكتب قصائد رثاء في المهنة ونبكي على الأطلال؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟ أم نترك المهنة كلية حتى لا يقال عنا بقالين ؟؟؟؟؟؟؟؟؟ كل هده الخواطر تدور في عقول الصيادلة هده الأيام والكل حانق وغير راضي عن المهنة .................. أولا نبحث عن الأسباب التي أدت الى هدا الأنهيار ثانيا نبحث عن الحلول المقترحة للعلاج ****************************** ****************************** *** أولا مقدمة لابد منها : *************** كانت مهنة الصيدلة مهنة عريقة والكل يتسابق اليها ويفضلها عن الطب لقصر مدة الدراسة والعائد المادي الكبير والحصول في النهاية على لقب دكتور أما الأن استبدل المجتمع كلمة دكتور وقالوا عنا بياعين وبقالين .... وأنا شخصيا لا أجد في كلمة بياعين أساءة مبالغ فيها للصيادلة لأننا فعلا نبيع الدواء فما الأشكال في دلك ؟؟؟؟؟ وأيضا الأطباء بياعين لأن المريض يدخل الى الطبيب يتحدث معه دقائق معدودة وبعدها يدفع فلوس !!!!! والناس دائما تدفع فلوس لما تشتري شيء أدن الطبيب يبيع ولكنه لا يبيع دواء أنما يبيع كلام !!!!!!!!!! فالمريض حصل من الطبيب على كلام ونصائح والطبيب حصل على المال .. وأيضا الصيدلي يبيع الدواء والمريض يدفع المقابل !!!!! ادن فالكل يبيع !!!!!!!!!! ****************************** *********************** ثانيا الأسباب التي أدت الى هده المحنة : ***************************** 1- تنازل الصيدلي عن مهنته وكرامته وبيع اسمه لصيادلة أو غير صيادلة من أجل 400 جنية أو أكثر 2- جري الصيدلي وراء الدبلوم وتعليمهم بدل الصيدلي من أجل التوفير 3- انتهز الأسيستانت ( الدبلوم وغيره ) فرصة عدم تواجد الصيدلي بكثرة في الصيدلية وبدأ يصرف الروشتة ويصف الدواء ويشخص المرض !!!!!!!!!!!!!! 4- أهتمام بعض الصيادلة بالحصول على عدد وفير من الصيدليات ( الأحتكار ) مما قلل فرصة الصيادلة الجدد من وجود أماكن للترخيص مع أن الرزق بيد الله 5- أهتمام بعض الصيادلة بالبونص والخصومات والمحروقات ونسوا الكثير عن كيفية عمل الدواء 6- لا يكلف بعض الصيادلة نفسه عناء البحث عن update بحجة أنه لا يملك حق التشخيص فنسى كل شيء خاص بالمرض وبالدواء ألا من رحم ربي 7- أنتشار ظاهرة التسجيل مدير بدون حضور وما فيها من شبهات لا تخفى على أحد مما أوقع الصيدليات في مشاكل أخطاء الأسيستانت 8- كثرة مستحضرات التجميل والكريمات والشامبوهات والبامبرز وأمواس الحلاقة وخلافه مما جعل الصيدلية أقرب الى السوبرماركت منها الى صيدلية دواء 9- لجوء العديد من الصيادلة الخريجين الى فتح صيدلية كأن الصيدلي ليس له عمل غير فتح صيدلية مما زاد عدد الصيدليات بشكل مرعب ومخيف 10- معظم طلاب الصيدلة لا يتدربون بشكل كافي أثناء الدراسة تكاسلا والأكتفاء بملأ استمارة التدريب من أي صيدلية مع أن هدا التدريب سينفعهم ويرحمهم فيما بعد من الشعور بالمهانة أمام الأسيستانت الخبرة ****************************** ****************************** **** ثالثا الحلول المقترحة لحل المشكلة : ************************* 1- أن نتقي الله عز وجل في مهنتنا ولا نبيع اسمنا لصيادلة أو غيرهم 2- ألا نستخدم الدبلومات في الصيدلية 3- ادا كان لابد من وجود مساعدين في الصيدلية فليكن طالب صيدلي أو كيميائي على الأقل درس كيمياء 4- ادا كان لابد من وجود الدبلومات في الصيدلية يقتصر عملهم على التنظيف وترتيب الأدوية والجرد وأحضار النواقص والفكه وبيع المستحضرات التجميلية أما صرف الروشتة فلا وألف لا 5- يتعلم الصيدلي كل شيء عن patient counseling وينظر الى مرضاه نظرة فاحصة ليعرف من ينفع معه تطبيق هدا العلم 6- أن يعمل الصيدلي ملف لكل مريض مزمن يصرف روشتة من عنده بها التاريخ المرضي والعلاج والتحليلات حتى يستطيع معرفة مستجدات المرض وتداخلات الأدوية ( خاص فقط بالمرضى الدائمين للصيدلية أصحاب الأمراض المزمنة ) 7- يحاول الصيدلي الحصول على دورات أسعافات أولية لأن الصيدلي يعتبر طبيب أستقبال وطوارئ في صيدليته 8- يتعلم الصيدلي أعطاء المحاليل الوريدية التي لا يستغنى عنها بعض المرضى ولا يجدون من يعطيها لهم في المنزل ( خاص بالمريض الدائم التعامل مع الصيدلية ويكون بيته قريب منها حتى لا يتلرك الصيدلي الصيدلية فترة طويلة ) 9- الالمام بكافة التحاليل الطبية والنسب الطبيعية لها لأن العديد من التحاليل يحضرها المرضى مع الروشتة 10- مساعدة النقابة للصيادلة في الدورات العلمية الدورية وبسعر رمزي ولا يقتصر على النقابة العامة وأنما النقابات الفرعية أيضا للسهولة على الصيادلة 11- تشديد العقوبة على عدم وجود مدير بالصيدلية فهدا هو سبب البلاء الأساسي 12- تشديد العقوبة على صرف أدوية جدول بدون روشتة طبيب 13 - تجديد كارنيه مزاولة المهنة بعد عمل أختبار كل فترة لمعرفة مستوى الصيادلة العلمي وتقيمهم 14- تقليل أعداد الطلبة المقبولين في القطاع الطبي بصفة عامة والصيدلة بصفة خاصة 15- من لا يجد طموحه في صيدلية خاصة فمجالات العمل المتاحة للصيادلة أصبحت كثيرة جدا الأن ولعدم التكرار وأرجاع الحق لأهله فقد كتب الدكتور خالد أبو زيد في هدا الموضوع كلاما قيما في المنتدى في قسم حياة الصيدلي العامة ( مجالات عمل أخرى للصيادلة ) لمن أراد الرجوع اليه ****************************** ***************** أحب أقرأ مشاركاتكم معي وأضافة أسباب وحلول جديدة حتى لا يقال عنا بقالين تمت بحمد الله منقول ، بقلم : د/ محبة المدينة |
كلام حضرتك جميل لكن فكرة الصيدلى بقال دى ناتجة عن جهل بعض الناس مش اكتر
لان الصيدلى فى مصر مهم جدا للطبقات الفقيرة والمتوسطة أحيانا واللى بيعتمدوا على الصيدلى بدل ما يروحوا لطبيب يكلفهم كشف مرتفع وأدوية غالية عشان يتقال عليه دكتور شاطر وياما ناس جابت مجموع طب ودخلت صيدلة وانا ليا زمايل دخلوا صيدلة وكانوا يقدروا يدخلوا طب أو أسنان |
اقتباس:
بس العيب علي الدولة برضو لأن مفروض تهتم بالصيادلة اكتر من كده انا عن نفسي دخلت صيدلة بسبب التنسيق :d كانت رغبة تانية بعد اسنان يارب بس الامور تتحسن الفترة الجاية عشان علي الاقل حتت السفر برة تقل |
يادكتور احنا فى مصر معنداش للاسف وعى باى حاجه يعنى الصيدلى اسمه بياع والجراح اسمه جزار والعلاج الطبيعى اسممه مدلكاتى وطبيب الاسنان اسمه حلاق مخلعاتى ...........والصبى اجره العربيه اسمه باش مهندس ههههههه والله انا بضحك كل ماافتكر الكلام ده.......المشكله فى وعى الشعب وثقافته حضرتك عايز ايه من دوله نص اللى فيها امين لايعرفوا القراءه ولا الكتابه ......بس يارب حاجه تتحق من كلام حضرتك
amr khalifa faculty of pharmcy at cairo university |
بجد كلام حضرتك صح جدا وان شاء الله ربنا يقدرنا احنا وكل صيادله المستقبل اننا نغير المفهوم ده ونراعي ربنا في مهنتنا
و شكرا جدا علي الموضوع الاكثر من رائع |
اقتباس:
معاك حق والله يا دكتور عمرو خاصة حتت الصبي اللي اسمه بشمهندس :d والله احنا غلابة ، مفيش مريض يقدر يعتب باب العيادة الا وفي جيبه الكشف ، حتي لو قعد مع الدكتور خمس دقايق يدفعله من 30 لـ 50 ج وبيكون فيه اكتر من كده وومكن يوصل لـ 200 ج او اكتر كمان وده حسب شهرة الطبيب ، انما احنا ، الراجل يدخل يرغي معاك بالساعة وفي الاخر ممكن ميشتريش منك :d |
اقتباس:
يارب بجد ، عشان كده محتاجين ننشر الموضوع ده لكل الصيادلة ، ويارب بس المسئولين في البلد يقدرونا شوية عن كده العفو :) |
انا فكرت كتير اكتب في الموضوع ده بجد
فشكرا لحضرتك يا دكتور .....و يا رب وضع المهنة يتحسن ان شاء الله |
اقتباس:
|
للرفع يا شباب
|
السلام عليكم جزاكم الله خيرا موضوع رائع بل اكثر من رائع:av4056bb7jp3::av4056bb7jp3: |
موضوع رائع وتحليل دقيق قيم
قرأته حرف حرفا وافدت منه كثيرا المشكلة ان الصيادلة بالفعل يفتتحون اكثر من صيدلية ويستجرون بنات "دبلوم صناعة او تجارة " للعمل بالصيدلية |
فعلا مشكلة حكاية اكثر من صيدلية ، انا مع وجود عامل ف الصيدلية بأي مهل حتي لو مش متعلم خالص من باب توظيف الناس ولكن تكون مهمته هي تنظيف الصيدلية ، يجيب طلبات للدكتور من برة ، انما يصرف روشتة لأ ولا الف لأ
|
والله فعلا الموضوع رااائع
بس المشكلة انو الجشع لبعض الصيادلة خلى الناس تعاملهم كأنهم بياعين بيجروا ورا الفلوس ونسيوا انها مهنة عظيمة انك تدى للمريض الدواء اللى يشفيه بإذن الله بس اللى انا اعرفو ان فى ناس كتير بتقتنع بكلام الصيدلى عن الدكتور وده طبعا مش صح بالرغم من انى دخلت صيدلة والحمد لله وده برضو يمكن يكون ناتج عن قلة الوعى بس فعلا اقتراحات حضرتك جميلة جدا وياريت الموضوع يثبت عشان تعم الاستفادة وانا عن نفسى كنت عارفة ان بعض الناس بتقول بياعين على الصيادلة ومكنتش اعرف حلول المشكلة دى بس الحلول اللى حضرتك قدمتها معقولة جدااااااا شكرا على الموضوع الرائع |
اقتباس:
لا الناس مش بتثق ف الصيدلي اكتر ولا حاجة ، بس الفكرة ان الاستشارة ببلاش عكس الطبيب ، دلوقتي لو مريض دخل اتكلم معاكي ساعة مش هيدفعلك غير تمن الدوا ويمكن ميشتريش منك ف الاخر ، انما لو دخل علي الطبيب واتكلم معاه خمس دقايق لازم يدفع كشف ، دي برضو مش عاملة تقدير منهم للصيادلة ، مفيش هيبة زي هيبة الطبيب كده ، بس اتمني بس وزارة الصحة تهتم بالصيادلة شوية والنقابة لازم تاخد قرارات ترفع من قيمة الصيدلي في المجتمع . . ربنا يكرمنا جميعاً ان شاء الله ، وشكراً لحضرتك علي المشاركة الجميلة :) |
| جميع الأوقات بتوقيت GMT +2. الساعة الآن 07:08 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.