&&تجمع طلاب طب بيطري الوادي الجدي&&
 

انا حابة يبقي التجمع بتاعنا بيطري الوادي يكون هنا
نناقش فيه المواضيع اللي ف بالنا
:039uw8:

وبما اننا كلية مبتداه ف الوادي الجديد واحنا اول دفعه فيها فدي دعوه لخريجي الطب البيطري او الدفعات اللي اكبر مننا من الجامعات المختلفه يدخلو ويشاركونا الحوارات ويفيدونا بخبراتهم
وكمان يدونا نصايح ازاي نزاكر علشان نعرف نجيب تقديرات كويس
فنرجوا الاهتمام من الجميع
تحياتي

شكر للدكتورة شيماء معاذ علي الأهتمام بالآخرين من دفعة بيطري
ونرجوا من خرجي دفعة بيطري اسيوط او طلاب بيطري اسيوط المشاركة وافدتنا في مواد السنة الدراسية التالية ولكم منا كل الشكر والأحترام
kh.7‏

احب اضم صوتى ليكم ونلاقى مشاركات اكتر

السلام عليكم ورحمة الله
يا جماعه ده رجاء
ممنوع اي كلام خارج عن لياقه الادب والاخلاق
وبلاش دبش ومعاذ دي لو سمحتوا ننادي بعض بالاسماء عادي اوكي
واي حد هيخالف الحاجات دي هيتم حذف الموضوع فبلاش تعرضونا لكده يا جماعه

تفتكروا كليتنا ممكن تنزل تنسيق عام السنه دي
لو حد عنده اي فكره او معلومه اذا كانت الكليه هتنزل تنسيق علي مستوي الجمهوريه او لاء يقولنا

أنا بأيد كلام د.شيماء وفعلا ياريت ننادي بعض بأسماءنا وكلامنا ياريت يكون ف حدود الصداقة

هو لو الكلية نزلت تنسيق عام هتاخد من مجموع الطب البيطرى العادى ولاهتاخد من مجموع مقارب من اللى فات يعنى مثلا ممكن تاخد فى الثمانينات ولا فى التسعينيات

لاء طبعا
لو الكلية نزلت تنسيق عام هتاخد من %95 مش ممكن تاخد اققل
يا ريت حد لو يعرف معلومه اذا كانت نزلت او لاء يقولنا

للاسف يا جماعة وده خبر لسه عارفاه حالا من تنسيق القبول بالجامعات
كليتي الطب البيطري والزراعه اقليميتان
لان الغرض من انشاءها خدمه ابناء الوادي الجديد فقط
زي كلية تربيه كده بالظبط مازالت اقليميه حتي الان

ده اكتر خبر زعلني بجد
يا ريت يكون فيه حزم شديد في اختيار المجاميع
لان بجد كده حرام يا جماعه
يتساوي ابو تسعين مع اللي جايب 70 حرام بجد
يا ريت حد مسؤل يستحيب دي كليه طب يعني هتطلع دكاتره مش بياعين بطاطه

بجد خبر يدايق جدا إن بيطري الوادي هتفضل إقليمي لإنه بجد كان نفسنا تبقي فيها طلبه من بره مش بس مقتصرة ع أبناء الوادي وبس

إيه الناس بطلت تشارك ولاإيه
عايزين مشاركات جديد من كل الناس

نفسى ادخل طب بيطرى
 

السلام عليكم ورحمة الله وبركاته

انا عمرو احمد من المنصورة انا من دفعة 2009 وكنت عايز ادخل طب بيطرى والحمد لله ضاع منى البطرى على درجة ونصف فدخلت علوم ولكن للاسف رسبت ولما سمعت عن كلية طب بيطرى الوادى الاقليمية حبيت ادخلها ولازم طبعا ان يكون الطلاب من الوادى الجديد فلازم طبعا اغير محل الاقامة بس مش عارف ازاى ياريت حد يجاوبنى!!!! وهل ممكن الكلية تقبلنى لما اغير محل الاقامة ولا ايه؟؟؟؟؟؟
افااااادكم اللله

للاسف يا عمرو هيه مش مسالة تغيير محل اقامه اقليميه يعني لازم تبقي حاصل علي شهادة الثانوية العامة من الوادي الجديد
بس مبدائيا كده عندنا امل ان السنادي يكون فيه جديد لان فيه سنه اولي وبما اننا ف سنة الفراغ فسنه اولي هيه فقط عدد الطلاب الراسبين وهمه السنادي 8 بس فمش معقول هتكون الدفعه 8
اتنمي بجد انك تقدر تحول واوعدك بمجرد ما تظهر نتيجة التنسيق هسالك بنفسي ف الكلية وهرد عليك
ويا رب اجيبلك البشري اللي بتتمناها

بسم الله الرحمن الرحيم
تسعد محافظة الوادي الجديد بحضور القوافل الطبيه البيطريه للعام 2010
وذلك بالتعاون مع كلية الطب البيطري جامعة اسيوط
الحقيقه بجد يا جماعة القافله دي رفعت من معنوياتنا كتيييييييييييييييييير
وبالفعل كانت فيه مشاركات ايجابية كتيير من طلاب كلية الطب البيطري فرع الوادي الجديد
والحمد لله تم الاستفاده من جميع الخبرات للاساتذه العظماء الذين تفضلوا بالتعامل معنا بكل التواضع والاحترام
ولنا الفخر كسنه اولي اننا شاركنا ف القافله الطبيه لانها تسمح لطلاب الفرقه الرابعه فقط
وتم التعامل مع طلاب من الفرقه الرابعه جامعة اسيوط وايضا الخريجين الجدد والمعيدين والاساتذه
والحمد لله كانت الزياره الاولي لمدينة الخارجه
شملت قرية جناح يوم السبت 18/7/2010 وقرية قرمشين ببغداد يوم الاحد 19/7/2010
وتم التعامل مع الحالات وتقسيم فرق العمل الي الجراحه والدواجن والتوليد والرش
وكانت التدريبات ممتعه جدا وبالذات اليوم لانه قد اجريت عملية جراحية ولاول مره لنا نتعامل مع هذه الحالات
وغدا تواصل القافله مسيرتها في مدينه الداخله بقري بلاط والراشده لتعود مره اخري يوم الاربعاء لانهاء مهمتها مره اخري في قريه الجزائر بمدينة الخارجة

ايضا تم حضور ندوة علمية بمديرية الزراعه مع مدير الطب البيطري بالوادي الجديد وشهد الندوه طلاب من كلا الكليتين باسيوط والوادي الجديد
فكل الشكر والتقدير للدكتور طلبة يونس عميد الكلية الذي سمح لنا بالمشاركة مع اهذه القوافل ولنا الفخر باننا احد اعضائها
والشكر ايضا لكلية الطب البيطري الام بجامعة اسيوط التي احتضنتنا

الطلاب الذين شاركوا بالقافله وهم (الفرقه الاولي بيطري الوادي)
شيماء محمد معاذ
رغده محمد يسري
امل ابراهيم ابو زيد
ميار عبد الخير
اماني صفوت
اهداء اسعد سعيد
اسلام احمد
فاطمة شريف زمال
شيماء عبد الهادي عبد المنعم


:022yb4::022yb4:انتظروني قريبا بالمفاجاة وهي مقاطع فيديو تصويريه ومجموع من الصور لمشاهد قيام القافله بالعمل
وذلك خلال الايام القادمه


معلش طولت عليكم اووووووووووووووي
اشوفكم علي خير واخبار جديدة:av4056bb7jp3::av4056bb7jp3: