بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   ايه رأيكوا انتوا؟ (https://www.thanwya.com/vb/showthread.php?t=100066)

emoo 15-01-2009 07:00 PM

ايه رأيكوا انتوا؟
 
اولا
اقتباس:

بالنسبة للاقسام غير التعليمية

كله تمام عدا شغل الجامعات المصرية لازم يتظبط عن كدا



اقتباس:

شغل الجامعات
ناقص حاجات كثيرة والمضمون ملهوش دعوى اصل باي كلية



ده كلام استاذ اشرف عن شغل اقسام الجامعات
فى موضوع (نسخة تجريبية من العدد الأول للمجله-اشرافى)

و باين من كلام استاذ اشرف انه معترض على شغل الجامعات فى المجله

و لكن للاسف بدون ابداء اسباب و الكلام ده كان امام كل الامشرفين و الاداريين

انا اما دخلت الموضوع

مفهمتش وجه اعتراض استاذ اشرف بالظبط على شغل الجامعات

عشان كده رديت رد طويل و حاولت اجيب فيه كل اللى فى دماغى

و كل الاحتمالات اللى ممكن تكون عند استاذ اشرف لاعتراضه على الشغل

و الرد اهو

اقتباس:

شغل جامعات ناقص حاجات كتيره ازاى؟
ناقص كميته قليله يعنى؟
انت كنت طلبت صفحتين ونا عملت صفحتين
و لو كميه انا فى موضوع وصلنى متأخر و محطيتهوش ممكن انزله

لكن ملهوش دعوه باى كليه ازاى؟

http://www.4shared.com/file/77407146/1413c54b/___.html

ده لينك الشغل بتاع قسم الجامعات

و اليكم المواضيع

اول موضوع اسمه كيف تذاكر و تتفوق لاستاذ مينا
يمكن هوا ده فعلا الموضوع اللى ملهوش دعوه بكلية الاداب

لكن استاذ مينا شاف ان كل طلبة الجامعات داخلين على امتحانات دلوقتى
عشان كده عمل موضوع عن طرق المذاكره و كده

تانى موضوع عن كلية الحقوق

اسمه الحالات التى يجوز فيها الدفاع الشرعى بالقتل

ده بيتكلم عن قوانين العقوبات و كده
اعتقد انه ليه دعوه بكلية حقوق

تالت موضوع اسمه
لماذا يتجنب المهندسون استخدام اقلام الرصاص على المعادن؟

ده خاص بكلية الهندسه

انا شايف انه ليه دعوه برده بكلية الهندسه

رابه موضوع بيقارن بين السن و سياحه و فنادق بيتكلم عن الاتنين ببساطه

يعنى عامة
انا شايف ان مواضيع اقسام الجامعات

اما انها بتكون بتتكلم عن الجامعه او الكليه نفسها
او بتتكلم عن حاجات درسوها فى الجامعه

انت شايفها المفروض تبقى ايه؟

تبقى اسئله و امتحانات؟

فى مره قلتلكو قبل كده ان اقسام الجامعات تختلف عن اى قسم تعليمى

نفرض مثلا مشرف المجموعه الهندسيه حب يجيب اسئله
هوا طالب فى اعدادى صيدلة اسكندريه يعنى فى فرقه واحده و كليه من كذا كليه فى مصر
يعنى الاسئله مش هتبقى مفيده اوى

انا مثلا فى 3 صيدلة عين شمس
و اختى فى 5 صيدلة القاهره

فى ماده انا بردسها السنادى اختى فى 5 بتدرسها هيا هيا بنفس المحتوى

يعنى فى اختلاف فى توزيع المواد بين السنين باختلاف الجامعات

عشان كده اقسام الجامعات تختلف عن اى قسم تعليمى

لكن اما تبقى عن معلومات هما درسوها فى الكليه دى هتنفع كل طلبة الكليه دى

او معلوامت عن الكليه نفسها

عامة اللينك عندكو
شوفو كده المواضيع
و قولو انتو اذا كانت تخص اقسام الجامعات ولا لا



و انتظرت رد استاذ اشرف على ردى

لكن للاسف دخل الموضوع و رد على استاذ محمد سرور و على ردود تانيه و كأنه مشافش ردى

انا قلت استنى يمكن يفهمنى وجهة نظره بعدين

اما دخلت انهارده

فوجئت اما لقيت العدد الاول نزل و مفهوش ولا موضوع حتى من شغل اقسام الجامعات

طيب اولا لو كان الشغل مش عاجبك كان الاجدر انك ترد على ردى

و نتناقش و نوصل لافضل شكل للشغل و نبقى متفقين

غير كده يبقى الشغل ينزل زى منا اديتهولك بالظبط

لكن انك متنزلش الشغل بدون حتى اما تبص لرأيى و لا تناقشنى

انا عملت اللى عليا و رديت فى المووضوع و وضحت وجهة نظرى

و اداريين دخلوا طلبوا انك ترد على كلامى و منهم محمود

لكن مردتش و منزلتش شغل قسم الجامعات

طيب يبقى ده معناه ان شغلى مش عاجبك

يبقى ملوش لازمه تسيبنى مشرف سوبر على اقسام الجامعات

انا اللى اعرفه انك طول منتا مقر عليا كمشرف سوبر؟

يبقى رأيى مهم و شغلى عاجبك

غير كده يبقى تحذف اشرافى

حاجه تانيه انت كده ضيعت شغلى و شغل مشرفين قسم الجامعات

و الشغل اترمى على الارض

بدون حتى ما اعرف السبب فى كده يمكن لو كنت عرفت كنا اتناقشنا و وصلنا لصوره افضل للشغل بشرط انى اكون مقتنع طبعا

انا شايف ان دى اهانه ليا و قبل ما تكون ليا اهانه لمشرفين اقسام الجامعات اللى اشتغلوا فى المجله

سوااء اتساذ مينا ماهر او محمد كوماندو او نسمه او بلال او اسلام توريزم

لانى امام المشرفين دول حلقة وصل بينى و بين الاداره على حسب الصوره النهائيه للمشرف و العضو و الادارى فى الموضوع المثبت هنا

و معنى ان شغلهم يقع كده على الارض يبقى انا فاشل فى تحريك حركة الوصل دى

و المشرفين دول بيحترمونى جدا و انا بحترمهم و بقدرهم

و مقبلش ان تيجى منى اهانه ليهم

هما ممكن يكونو شايفين غير كده او الاداره كمان شايفه ان ده مش غلطتى

لكن انا عارف اللى ليا و اللى عليا

و عارف انى كده مقصر ادام مشرفين اقسام الجامعات لانى مقدرتش اوصل شغلهم للاداره زى ما هما عايزين و زى ما هما اشتغلوا على الاساس ده

و بكده يبقى انا مش هقدر اكمل فى المنصب ده لان استاذ اشرف مقدرش انى كمشرف سوبر كان على الاقل ليا حق انه يناقشنى قبل ما ينزل المجله من غير شغلى

لذلك انا بطلب رفع اشرافى و تعيين من هوا افضل فى التواصل مع الاداره

لانى مبعرفش اشتغل فى جو ملئ بالتجاهل و عدم مراعاة مناصب المشرفين و حق كل واحد فيهم

لان بمعنى كده انى مليش لازمه

كل وظيفتى وصلت الشغل من المشرفين للاداره

و الاداره بقى تشيله او تاخد منه اللى هيا عايزاه

و ده يتنافى مع وظيفتى كوسيط تبع الصيغه النهائيه لوضع المشرف السوبر

و ارجو تلبية طلبى بسرعه و عدم التجاهل

و جزاكم الله خيرا

همس 15-01-2009 07:22 PM

مش عارفة اقول ايه

بس من ناحية اهانة فهو اهانة لا نقاش في ذلك

بس انا مش موافقة على رفع اشرافك يا دكتور ايمن

كون ان استاذ اشرف تجاهل ردك

دا مش بيقلل من قيمتك قدام مشرفين الاقسام الي معاك

لان من الاخر

دا الطبيعي بتاع استاذ اشرف :)

والكل عارف كدا

وعارف ان العيب مش فيك

العيب على الي الناس عرفاه كويس

وطبعا شئ جميل جدا الي حصل دا

وبرافو يا استاذ اشرف

روح جماعية رائعة :)

تقبل مروري

وطبعا لو انا فاضية ومش عندي امتحانات كنت رديت وقلت الي في قلبي كله

بس خير الكلام ما قل ودل برده

اصلا مش في فايدة

وعن نفسي ان شاء الله لما تيجي اجازة نص السنة

لو مش النقط اتحطت على الحروف

وكل واحد أخد حقه

من اول الاداريين لحد الاعضاء

انا كمان هنسحب من المنتدى

في رعاية الله

احترامي الفائق لحضرتك يااستاذ اشرف

MoHaMeD ELsHeRbEnY 15-01-2009 08:04 PM

اهدى يا ايمن

اهدى ياهند

اهدو كلكم ونصبر وهنشوف اية الى هيحصل

ويا ايمن

انت مش هيترفع اشرافك

لان الكل عارف ان بجد انت من افضل المشرفين

مع انى مكنتش اعرفك فى الاول

قبل الاشراف يعنى

ومكنتش موافق عليك

هههههههههههههههههه

انا مش هتكلم فى اى حاجة

غير بعد رد الاستاذ اشرف

وهنصبر كلنا لبكرة

لبعد لما الاستاذ اشرف يكون دخل

وشاف الموضوع

ماشى ؟؟

فى رعاية الله

عبقرينومان 15-01-2009 10:40 PM

حضرتك ردي كان واضح

ان شغل الجامعات مش له اي صلة بالكليات

والكلام مش محتاج تفسير

والاخت همس هدي النفوس ربنا يكركم

والاستاذ اشرف مش عادته التجاهل

والعدد الاول انا ماسك كله تنسيقه من اوله لاخره


وبالنسبة للمجلة في العدد الثاني هيكون لها محررين اكثر علشان ما نقع تاني في التنسيق للمجلة والتعب كله

والاستاذة همس اكيد انتوا لو شفتم دورك في المجلة كنتم عرفتم اني لازم استلم الشغل منسق مش جايبة لي 6 صفحات عن موضوع واحد للركن العام وبالردود وكلام عامي وغير مراجع وغير منسق

وفي الاخر زعلانة

ولو سمحتم اقرؤا ملف المقاسات والادوار الموجود في قسم المجلة واعرفوا الدور كويس وشوفوا الملفات التي استلمتها منكم

ويا ريت يا اخت همس اسلوبنا يكون اعلى من كدا شويا

لان اسلوبك في حده وانا مش عاجبني الاسلوب ده

همس 15-01-2009 10:46 PM

والله انا وضحت لحضرتك الوضع والي حاصل


حتى شغل الركن العام كنت مستلماه ىخر حاجة


ومش كان عندي وقت حتى ادخل افتح الميل ولا اعمل اي حاجة

بسبب امتحاناتي

ومع ذلك


دخلت وعطلت نفسي


وبعدين الركن العام جت عليه ؟؟

بعدين انا مش جيبالك انت يا استاذ اشرف

انا جايبة عشان كان شغل مطلوب مني وعملته وقتها على قد وقتي ومقدرتي

شوف كان جاي ليا كام قسم وكام حاجة

وكمان مش عاجب حضرتك ؟؟؟


وبعدين ليه بتنكر

ايوا حضرتك اسلوبك فيه تجاهل


دي الحقيقة

وانا مش بكذب

ومهما كان الحق هقوله

لاني مش بخاف غير من ربنا

واذا كان اسلوبي فيه حدة

فاسلوب حضرتك مش عاجب حد من اول الاعضاء لحد المدرسين

وشوف كام مدرس قالوا لحضرتك ايه لما مش عجبك شغلهم

وبعدين كتر خير حضرتك

ربنا يقدرك وتتشتغل في المجلة لوحدك

مش عارفة حضرتك بتلمح من الاول

ان مش في لحد اي دور في المجلة

وبعدين ايمن رد في الموضوع وقال وجهة نظره

وقال ايه مش عاجب حضرتك

وحضرتك مش رديت

نقدر نسمي دا ايه ؟؟

بلاش تجاهل

خليها

ignore

في رعاية الله

همس 15-01-2009 10:54 PM

عموما انا برده الغلطانة

اني فكرت اضيع وقتي

بس الحمد لله كنت بعمل لوجه ربنا

يعني مش مستنية حضرتك تقول ليا رأيك

كفاية الواحد مستحمل بجد بقاله كتير التقليل منه ومن دوره

في رعاية الله يا استاذ اشرف

همس 15-01-2009 10:58 PM

اقتباس:

المشاركة الأصلية كتبت بواسطة همس (المشاركة 1027940)
عموما انا برده الغلطانة

اني فكرت اضيع وقتي

بس الحمد لله كنت بعمل لوجه ربنا

يعني مش مستنية حضرتك تقول ليا رأيك

كفاية الواحد مستحمل بجد بقاله كتير التقليل منه ومن دوره

في رعاية الله يا استاذ اشرف


ومش هقول غير حسبي الله ونعم الوكيل بجد

بجد بجد يا استاذ اشرف حسبي الله ونعم الوكيل

لا حول ولا قوة الا بالله

عبقرينومان 15-01-2009 11:12 PM

اقتباس:

المشاركة الأصلية كتبت بواسطة همس (المشاركة 1027947)
ومش هقول غير حسبي الله ونعم الوكيل بجد

بجد بجد يا استاذ اشرف حسبي الله ونعم الوكيل

لا حول ولا قوة الا بالله


مش هرد عليك

عبقرينومان 15-01-2009 11:18 PM

اقتباس:

المشاركة الأصلية كتبت بواسطة همس (المشاركة 1027940)
عموما انا برده الغلطانة

اني فكرت اضيع وقتي

بس الحمد لله كنت بعمل لوجه ربنا

يعني مش مستنية حضرتك تقول ليا رأيك

كفاية الواحد مستحمل بجد بقاله كتير التقليل منه ومن دوره

في رعاية الله يا استاذ اشرف


يعني لو دوركم في المجلة هي نقل الملفات من المشرفين

كان سهل جداااا انا اقول للمشرفين يرسلوا لي الملفات

انما دوركم كان واضح جدا وهو استلام الاعمال سليمة من المشرفين وفي حالة اي اخطاء حلها وتنسيقها

وكنت محدد مقاسات للاعمال

وبعدين بالله عليك انا مخنوق فبلاش اتكلم ده الوقت علشان ما حدش يزعل من كلامي

لا اله الا الله

همس 15-01-2009 11:23 PM

وانا قلت ان

مش كان عندي وقت

وعملت على قد ما كان وقتي

سامح ليا

وكمان شغل العام

نسمة سلمته ليا في الاخر خالص
يعني مش لحقت

اعمل اي حاجة فيه

عموما

الله المستعان

ولو حضرتك مخنوق

مش اكتر من خنقتي

بسبب كلام حضرتك

لسا هنزعل يا استاذ اشرف ؟؟

احنا زعلانين من زمان

الله المستعان

الله المستعان

الله المستعان

لا اله الا انت سبحانك اني كنت من الظالمين

بجد الواحد خلاص تعب

انا مش بقيت قادرة استحمل اساسا

الاسلوب دا

همس 15-01-2009 11:30 PM

عموما هجيب الكلام الي كنت كتباه لحضرتك عن الشغل

وبالنسبة لموضوع العام

ياريت تروح تشوفه كويس

مش فيه ردود ولا حاجة

هو دا كلام العضو

وهو كاتبه بالعامية

وعلى فكرة

مش انا الي بختار المواضيع

الموضوع تم التصويت والاعضاء اختارته

ياريت حضرتك تراجع كلامك تاني

وآدي

كلامي الي قلته لحضرتك في الرسالة


عشان الامور تبقى واضحة قدام الخلق كلهم



كنت عاوزة أقول لحضرتك حاجة بالنسبة لشغل االاقسام الدينية و المطبخ حضرتك كنت طالب صفحتين كل صفحة 3 اعمده الشغل اللى جالى خلص فى 4 صفحات انا حاولت على اد ما اقدر اظبط الفونتات و اشيل الزيادات و خلص معايا فى 4 صفحات و معتقدش انه ينفع يتشال منه اكتر من كده

برده بالنسبه للقسم العام حضرتك طالب عمود من صفحة للعام و الموضوع اللى جالى واخد 3 صفحات و نص عمود و ايمن برده قالى ان هوا قعد يظبط كتير بالنسبه لقسم الجامعات و من حظه الكويس ان مش كل المشرفين اشتغلوا و خلصوا معاه فى صفحتين زى ما حضرتك طالب ده بعد ما ظبط فيهم كتير و بيقول انه ميعتقدش انهم هيتظبطوا معاه تانى فى صفحتين

يعنى واضح ان المشكله عامة عند كله فياريت حضرتك تشوف حل يعنى لو تزود عدد الصفحات لكل قسم او كده يعنى
انا قلت اقول لحضرتك على المشكلة اللى قابلتنى

و اسفة على التأخير مرة تانية



الكلام دا وصل لحضرتك او لا ؟؟

ولا انا مجنونة ومش بفهم

مش عارفة بجد

اقول ايه

حسبي الله وكفى

عبقرينومان 15-01-2009 11:31 PM

انا هقفل الموضوع شويا ومش عايز حد يرد ممن يستطيع الرد في هذا القسم

Dr.ahmed91 15-01-2009 11:32 PM

امتحانات..امتحانات..عندي امتحانات..مش قادر اقرا ولا كلمة

يوم 29 ان شاء الله

ربنا معانا

همس 15-01-2009 11:32 PM

1 مرفق
وهجيب كمان شغل القسم العام

خلي الناس تحكم

تقول مين الي مستهتر بكلام التاني ؟؟

ومين الي متجاهل التاني

دا حتى الكلام الي في الرسالة حضرتك مش رديت عليا فيه

بجد ضيعت وقتي وخلاص

بس ان شاء الله ربنا هيديني على قد نيتي

كل الي في الموضوع دلوقتي

يشهدوا بالحق

ويقولوا مين غلطان

ياريت الكل يشوف الملف في المرفقات

ويحكموا:mad:

همس 16-01-2009 07:11 AM

معلش يعني يا استاذ اشرف اظن حضرتك قلت هقفل الموضوع شوية

والشوية عدوا الحمد لله

والموضوع لازم يتفتح عشان الناس تقول رايها

في رعاية الله


جميع الأوقات بتوقيت GMT +2. الساعة الآن 03:05 AM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.