|
ليه كل ده بيتقال بس
السلام عليكم ورحمه الله وبركاته
النهارده لقيت موضوع على منتدى اخر ضحكنى شويه بس لقيته صح...وكملت انا كمان بشويه من عندى يارب الموضوع يعجبكم وتقولولى ردودكوم ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟! ليه لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟ ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟! طيب لو كان الحب اعمى ..ليه واكلين دماغنا بالحب من اول نظرة؟ لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟ الأخرس بيكلم نفسه إزاى؟ ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة! ليه البنات بتفتح بقها وهيا بتحط (ماسكرا) ؟ إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟! ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟! ليه الناس مابتقولش (الرياضة فايز ومهزوم) غير لمّا تتغلب؟ ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟ ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟! ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟! ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة! :)))))))))))))) ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟! لما تيجي تتصل بواحد.. ليه الأرقام اللي بترد غلط.. ما بتكونش مشغولة؟! إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟! ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟! هل حصل فعلا فى يوم من الايام أن فيه واحد (ضرب عصفورين بحجر)؟ ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟!). ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟! ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟! بيقولوا (لكل قاعدة استثناء)..طيب ايه الأستثناء بتاع القاعدة دى؟ ليه لما حد يحب يدي معلومة بيبدأ الجملة بكلمة (بيقولك)، (بيقولك العربيات رخصت)! ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟! طيب ليه المذيعة بتقول أعزائي أفراد الأسرة.. وهى ما تعرفش حد فينا؟! يارب يكون الموضوع عجبكم ومستنى ردودكم |
بصراحه جامد وبالذات المقولة دي
اقتباس:
|
اقتباس:
ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟! ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟! عشان هي كده ....واحنا متعودين على كده .... وهي حلوة كده :) موضوع جميل والف شكر |
اقتباس:
|
موضوع حلو ودمه خفيف
لكن ما تدقش (هتقوللى ليه ما أدقش؟) خلاص دق براحتك إنت اللى هتتعب !!!!!!!! |
هههههههههههههههههههه
موضوع حلو بس عادى يعنى مدقش على راى ميس هدى |
اقتباس:
|
اقتباس:
|
ليييـــــه ؟؟؟؟
فى حاجات كتيرة غامض تفسيرها بالنسبة لنا مع انها حاجات تافهة اوى بس اسبابها عميقة اوى بس للاسف فيه كتير مننا مش عارف يوصل لى ليه دى لان هو كده دا مجتمعنا اللى احنا عايشين فيه بيسال ليه فى حاجات غريبة ومش متوقعة وهو متاكد ان مش هيلاقى ليها اجابة تسلم ع الموضوع دومت بخير احتراماتى |
اقتباس:
|
thanks
very nice topic |
لا بجد موضوع جميل اوى
مرسى كثير ليك شكلك هترجع تمتعنا بمواضيعك من جديد عموما انا مستنياها فى رعاية الله |
هناك سؤال يحيرني جداً .. لماذا ونحن ننتمي لأمة عربية ولغتنا عربية كريمة عظيمة .. لا نتحدث بها .. ونستبدلها بلغة لا تتصل إلى أي لغة من اللغات الحية ولا اللغات الميتة .. بل هي أشبه بالثوب المرقع بألوان مختلفة .. سؤال هام كنت أتمنى أن يضاف إلى تساؤلاتك .. جزاك الله خيراً أخي الكريم .. مع أني أكتب الشعر في بعض الأحيان بالعامية .. مع شدة اعتزازي وحبي للفصحى ولكن هناك من الموضوعات التي أضطر لكتابتها بالعامية لأني أريد أن تصل لقطاع كبير من المتلقين ..
|
ههههههههههه حلوة اوى
بس شكلك متأثر بأعلانات رامز جلال بتاعة رشيدى الميزان بس بجد جامديييييييييين |
شكرا على ردودكم جميعا وان شاء الله اتظرو المزيد
|
| جميع الأوقات بتوقيت GMT +2. الساعة الآن 01:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.