السلام عليكم



اكيد كل واحد فينا نفسه يدخل كلية معينة

وكانت هدف له واجتهد لتحقيقها


فممكن كل عضو يقول الكلية الى هو عايز يدخلها؟وليه هو عايز يدخلها؟


وانشا الله ربنا يحقق لكل شخص الى بيتمناه



(عايز اعرف رايكم فى الموضوع؟)

شكرا اوى يا ملاك....هو الموضوع حلو والله..

بس انت كدة بتقلب المواجع...

انا كان نفسى قبل كدة فى هندسة....انا كنت شايف نفسى كدة...مهندس...

لكن بعد اللى حصل فى طلبة علمى رياضة....خلاااص...باتمنى الحق فنون تطبيقية ..لانى بحب الرسم والتصميم اوى فى الحقيقة

انا حلم حياتي اني ادخل كلية الطب

مش عارف ليه هي بالذات بس نفسي ادخلها

ادعولنال ربنا يسترها في النتيجة[/color]

ميرسى يا احمد على ردك الجميل

وانشاء الله هتدخل هندسة


وانت يا اسلام انشاء الله هتدخل طب وهتكون اكبر دكتور فى الدنيا بس متنسناش


عايزين نشوف باقى الاعضاء؟

السلام عليكم

والله انا مش عارفة ادخل ايه!!
انا مش شايفة ان فى حاجة حلوة او ممكن يكون فى كلية حلوة لكن انا معرفهاش

بس المشكلة ان الطلاب بيتبهدلوا فى الكليات و لازم يمروا من مشاكل رهيبة
و انا كطالبة فى ثانوى مش عايزة اصلا الشحططة دى بس نعمل ايه هى الدنيا كدة

و من المشكلات اللى بيمروا بيها طلاب الجامعة:
المواصلات
الدروس المش مفهومة
المواد اللى الواحد مش بيعرف ايه المنهج اصلا
و كتييير كتييير

بصراحة كدة لو عليا انا عايزة اعد فى البيت بس نعمل ايه؟؟

على العموم انا علمى و مستانيه المجموع عشان اشوف لو هكمل علمى و لا لأ
و على العموم انا هحاول بقدر الامكان ارضى بأى نتيجة او اى كلية


و عايزة اقول حاجة كمان يعنى اللى بيعد سنين كتيير يدرس طب مثلا ....ممكن يكون اخره يشتغل فى تأمين صحى ب300 ج فى الشهر

انا حاسة انى احبطكم .....انا اسفة مش قصدى بس خليكوا دايما علرفين ان القدر خير حتى لو مش باين كدة

و اتكلوا على الله

سلام
smileheart :)

يارب يا اسلام يارب يا خويا ندخل مع بعض طب اليكس بس موش عارف موش مدي امان للمصححين

بس ربنا كاتب للواحد احسن حاجا وانا مؤمن بقضاء ربنا المهم الواحد عمل اللي عليه وبس

انا بقة علمى رياضة


و دخلت علمى رياضة عشان كلية من الاتنين نفسى ادخل اى واحدة فيهم و ده ان شاء الله راح يتحدد فى الصيف القادم ان شاء الله



الكليتين اللى انا بحبهم بجد هما الفنون التطبيقية و الفنون الجميلة

ربنا يسهل و يوفقنى و ادخل واحدة منهم باذن الله


انا لما قلت لبابا كدة فرح بيا اوى و قال لى انى بفكر صح و ان كدة احسن لى من هندسة كمان و بصراحة ده اللى مشجعنى بجد خصوصا ان والدى استاذ جامعة فى هندسة



و شكرا ع الموضوع الجميل بجد


و ياريت فعلا اللى يعرف معلومات بجد عن اى كلية منهم يقول لى برده لان محدش هيقول لى اصلا من البيت
عندنا كل واحد يشوف طريقه بنفسه و ربنا يسهل

و ان شاء الله اللى يعرف معلومات عن اى كلية يقول لغيره عشان كلنا نستفاد بجد

شكرا ع الموضوع الخفيف و الظريف بجد
و جزاكم الله كل خير

ليه كده يا smile heart دا انتى حتى اسمك معناه القلب المبتسم


ليه الاحباط ده بس انا عايزه اعرف انتى عايزة تدخلى ايه؟

وانشا الله هتدخليها

وانت انشاء الله يا محمد هتدخل طب وطب اسكندرية كمان


وبكرة تقول مروة قالتلى ومتنسنيش بالهدية لما تدخل

انا ان شاء الله داخل حقوق انجلش

انشاء الله تدخلى فنون جميلة وتكونى ليكى مستقبل عظيم


وانت يا ميزو عايز تكون محامى ولا قاضى ولا وكيل نيابة

دي ارادة ربانية
وانا عن نفسي اتمني ادخل
هندسة او حاسبات ومعلومات

هنـــــدسة بترووول

انشاء الله يا كريم هتدخل كلية حاسبات ومعلومات وعلى فكرة مستقبلها احسن من هندسة حاليا


وانت يا msh هتكون مهندس بترول قد الدنيا كلها

طب و اشمعنى فنون جميلة...؟؟ طب ما فنون تطبيقية احلى؟؟

متزعليش اوى كده انشاء الله هتدخل فنون تطبيقية


يارب تدخلى الحاجة الى فيها الخير ليكى