|
مش قادرة افهم الحتة دية ..,,,
السلام عليكم ازيكوا ياجماعة يارب الكل تمام ان شاء الله فى حاجة انا مش قادرة افهمها وتقريبا بقالها معايا يومين عمالة تور فى نفوخى ((كما تدين تدان)) مش قادرة افهمها قولولى لية ؟؟!! اقول لية ..,, هشرحلكوا بمثال يعنى مثلا واحد بيعامل باباه وحش يطلعله ابنه يعمله وحش وبعدين ابن ابنه يطلع وحش وهكذاا.................. طب وبعدين هتفضل السلسة شغالة لحد امتى ماكدة هيفضل كل واحد يتعاقب على الى عمله بس بجد انا مش قادرة افهم الجزئية دية ماهو لما انا اعمل غلط فى حد هيجى التانى يعمل فيا نفس الغلط وبعدين يجى غيره يعمل فى نفس الغلط مش عارفة بقى لحد فين حد هيقولى ما انتى عملتى غلط فى حد جة غيرك عمل فيكى غلط كدة خلاص خلصين هقولك لا مش خلصين الى عمل فيا غلط لية عقاب هو كمان لازم يتردله ولا اي؟؟ والله تلاقيكوا دختوا منى ولا حد فهم حاجة اذا كان صاحبة الموضوع مش فاهمه الموضوع بس بجد لو حد فاهم الجزئية دية وفهمنى اصلا مش يبخل عليا ويفهمنى زيه :( |
يا نهار ابيض
انا تقريبا مش فاهمة انا بكلم مين ايه دة تاخدى كام و تودينى فين طلعتى عينى ايه دة يا لهوى ربنا يسامحك على اللى انتى عملتيه فى دماغى دة انا هاعمل جروب على الفيس بوك اسمه اعدلوا ددماغى من اللى نسمة عملته ثانكس على التوبيك يا قمر رغم انى مش عارفة ارد ناو بس هارد ليتار اوك؟ |
السلام عليكم ورحمة الله وبركاته
بصي يا نسمة انا فهمتك كويس بصي كما تدين تدان يعني زي مبتقولي انسان بيعامل والده وحش اكيد ابنه هيعامله وحش ؟؟؟؟ طبعا لا بس مين قالك ان ابنه هيكون وحش في كله و بعدين ابنه مش شرط يعامله وحش و بعدين كما تدين تدان في كل حاجة تطبق الا الوالدين قوله تعالى بسم الله الرحمن الرحيم «و اخفض لهما جناح الذل من الرحمة و قل رب ارحمهما كما ربياني صغيرا» صدق الله العظيم فهمتي معني الاية الكريمة كويس عقوق الوالدين من اكبر الكبائر عند الله عز وجل علشان كده انا بطبق كما تدين تدان في كل حاجة الا الوالدين يعني مثلا واحد متعود علي السرقة علي طول اكيد حط هيطلع يمس له بصله زيه بالظبط لكن الوالدين لا لا لا و الله اعلم متابع ان شاء الله و ليا عودة في امان الله |
wla k2ny 2aret 7aga :D:D:D lo0o0ol
|
السؤال ده عدى عليا قبل كده وسألته لنفسي كتير طب الابن عمل كده في أبوه عشان ابوه عمل ده في جده طب وجده كان ذنبه ايه في البداية وايه اللى دخله في الحكاية ده طب والحفيد حيرد للابن اللى عمله في ابوه وبعدين يوصلوا لفين بصي عشان متتعبيش نفسك في الحكاية ده انا حقولك للتفسير اللى وصلتله على قدي دلوقتي الاب عمل حاجة في الجد بييجي الابن يردها في ابوه بس ممكن الابن ده يكون وحش اصلاً (حرامي - راجل بتاع رشاوي - سكته غلط وخلاص) وبالتالي مش لازم ييجي ابنه يرد فيه الدين لأن دول ربنا يمهلهم ولكن لا يهملهم فدينه بيتردله في الآخرة او نجيب تفسير تاني ممكن الابن يعمل حاجة في ابوه عن غير قصد ولكن بتكون نتائج هذه الفعلة هي ما فعله الاب في الجد ،،،،،،،،،،،،،،،،،،،،،،،،،،، المشكلة إني حطيت ردي اول واحد والجهاز هنج قبل ما ادوس اعتمد المشاركة رجعت لقيت 3 مشاركات قبلي اهم حاجة تكوني فهمتي مني حاجة :) |
اقتباس:
انا متفقه مع استاذ شريف برضه الموضوع مش صعب يعنى اللى بيعمل حاجه وحشه فى حد بيلاقيها والسلسله مش ممستمره ولا حاجه يعنى مثلا لو اخوكى عاكس واحده فى الشارع:angry2: ممكن انتى تلاقى برضه واحد بيعاكسك هيه كده (( عامل تعمل)) ( ويوم لك ويوم عليك)) ((اعمل ما شئت فإنك ملاقيه)) اوعى بقى تعاكسى حد احسن اخوكى يتعاكس:) هاا يا نسوم فهمتى |
استنى استنى ... انتى رايحة فين
لو افترضنا ان تفسيرك للحديث صح يبقا الدنيا كلها هاتطلع غلط وطبعا الحسبة بالشكل ده مش منطقية خالص اولا هذا الحديث ضعيف ( والله اعلى واعلم ) هذا الحديث يطبقة الله على الذين يريد ان يكفر سيئاتهم فى الدنيا فقط هناك من يعوق والدية ومن يسرق ومن يكذب ومن يزنى ومن يلعب القمار ويشرب الخمر ومع ذلك لا يلاقى تطابق مع هذا الحديث ... يعنى يسرق ولا يُسرق ...يعوق والدية وتجد اولاده مطيعين وبارين به الا تسمعى عن ابتلاء الله ؟ الابتلاء فى الغالب يكون الى سببين الاول من باب اختبار الله للعبد ان كان سيصبر او يكفر بنعمة ربه والثانى من باب التكفير عن ذنوبة فى الدنيا الاول معروف والثانى هو موضع حديثنا هناك اناس يرتكبون المعاصى ويحب الله ان يكفر عن ذنوبهم فى الدنيا وهؤلاء ينطبقة عليهم ( كما تدين تدان) وهناك اناس اجل الله حسابهم الى يوم الدين وهؤلاء لا ينطبق عليهم ( كما تدين تدان) والدليل على كلامى هو احيانا تجدى انسان ظالم او جاحد او سارق ولا تلاحظى تطابق الحديث معه ... مش كده والا ايه؟ واحيانا تجدى انسان بنفس الصفات وتلاحظى تطابق الحديث علية وبسرعة كبيرة الحقيقة انا اجتهدت فى محاولة توصيل مقصدى واتمنى ان اكون قد نجحت وهذا ماسنعرفة فى ردك شكرا لك |
اقتباس:
مشكورة اختى على موضوعك فى امان الله |
بتيجى ف دماغى كتيير دى ولو مثلا فيه واحد بيعامل والده وحش هاييجى ابنه يعامله وحش طب ابنه ذنبه ايه يتحاسب على معاملته لوالده وذنبه ايه عشان لما ييجى ابنه يعامله وحش معقدة اوى :( بس اقتنعت بكلام استاذ مجدى |
اقتباس:
الحتة دي أهم حاجة المهم: المسألة بتاعت كما تدين تدان أصلها هنا كل واحد بيظلم واحد لازم يتعاقب عليها صح؟؟ظ أه صح و العقاب يأما بيبقي في الدنيا (كما تدين تدان) أو في الأخرة يوم لا ينفع مال ولا بنين إلا من أتي الله بقلب سليم يعني العقاب هيجي هيجي و بيبقي في الدنيا قبل الأخرة إلا في حالة واحدة الإستغفار والتوبة من الظلم ده :):):):) و كلامي ده بيظهر في صورة الكهف في قصة ذو القرنين لو ركزت في بداية القصة هتلاقي إن اللي بيعمل حاجة غلط بيتعاقب في الدنيا و بعدين في الأخرة العذاب الأليم أما اللي بيعمل خير ربنا بيجازيه خير ركزي بس في أول 5 أيات من الصفحة القبل الأخيرة وده مش كلامي ده كلام الشيخ يعقوب و تقبلي مروري (و بعدين ده أمر واقع لازم التسليم بيه) و مش حاجة وحشة علي فكرة :):):):) |
والله تلاقيكوا دختوا منى
ولا حد فهم حاجة دخنا بس يالهوى منك :slap1qk6: بالظبط انا مفهمتش حاجه هههههههههه:( ده اللى حصلى بعد ما قريت موضوعك ههههه:028ja7: |
شكرا للناس الى ردت
بس برضه انا لسة مش قادرة افهمها وان شاء الله هرجع ارد على واحد واحد تانى بس مش ناو |
على القاعدة دى مش مظبوطة
وبتخالف الشرع والمنطق واحنا منقدرش نحكم على أحداث مستقبلية من خلال أفعال بتحصل أو حصلت فى الماضى واللى بيحصل مطابق للقاعدة دى بيبقى من قبيل الصدفة البحتة مش أكتر |
اقتباس:
انتى اية الى صحاكى مالنوم انتى احسن حل ليكى النوم متصحيش تانى غير لما الموضوع يخلص :slap1qk6: |
اقتباس:
شكرا ياشريف نورت الموضوع:) |
| جميع الأوقات بتوقيت GMT +2. الساعة الآن 05:32 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.