يا جماعة انا عرفت سبب رحيل نغم

والسبب يا جماعة ان هنا فى المنتدى فى ناس ما بتحبش الخير لحد ابدا

ودايما بتتمنلها الشر ............الغيرة يا جماعة والحقد

ليه كده ليه نحقد على غيرنا

وعلى فكرة فى ناس هنا المنتدى سورى(مش محترمة)

انا اسفة فى الاسلوب بس بجد موجودين هنا هما اينعم نسبة بسيطة لكن للاسف موجودين

والسبب يا احبابى ان نغم حتسيبنا انها اتهانت من انسان ما هنا معانا

وانا عرفت اللى حصل بالظبط يا جماعة واعتقد ان نغم معاها حق فى انها تزعل وتغضب

لكن اعتقد بردو انها مش معاها حق انها تسيب المنتدى بسبب شخصيات (............)

انا اسفة على اسلوبى بس بجد اللى اتعمل فى نغم ما ينفعش يتقال فيه اقل من كده

لكن اوعدكم ان نغم حترجع تانى

وده كمان سبب اللى خلى كتير مننا يسيب المنتدى بسلبية من غير ما يحل مشاكله (الغيرة ) يا احبابى

لازم نحل مشاكلنا ومانمشيش كده بسلبية
اختكم
عصفورة

ياريت نعرف هو مين بجد

عادى دى مافيهاش حاجه

انتظروا بعد ايام اسلوب جديد وفكر واسع لتفادي مثل هذا المشاكل
وكما عاد من ترك الموقع سابقا ستعود نغم
ان شاء الله

لا حول ولا قوة الا بالله


تانى برده


ان شاء الله ترجع تانى هى وغيرها من اللى احتفوا الفترة دى
لان فعلا كثيرون اختفوا



و نحن بالانتظار استاذ عبقرينومان



ربنا يسهل

لازم تقوليلنا مين العضو عشان نعرفه ونعرف ليه بيعمل كده
وكان قصده ايه ولازم نعرف ايه المشكله اللى حصلت عشان نقدر نحلها
لازم تساعدينا يا عصفوره عشان نقدر نواجه الشخصيات اللى بتعمل كده
عشان مش كل شويه عضو يسبينا ويمشى من نغير من غير ما نعرف ايه اللى حصل
لو فيه عضو او عضوة حصلها موقف من اى عضو من اعضاء المنتدى لازم نواجهم
او نوصل الموضوع لاى مشرف او عضو يثق فيه

انابقالى فتره مش بدخل بس ده لانى كنت بسمع اللى بيحصل فى المنتدى ومكنتش قادره ادخل
وكنت زعلانه جداااااعلى المنتدى
بس انا عايزه اعرف ايه اللى بيحصل؟؟
ياااااااااااريت نساعد بعضنا ونواجه المشاكل بدل ما نهرب منها
ونرجع كل اللى مشى وسابنا

لا داعى لاعطاء الامر اكثر من حقه
فقط احب اقول اننا نتمنى نغم ترجع
وياريت مش نقلب فى القديم
اللى حصل حصل مش هنغيره
بس مش عايزين ندى للموضوع اكبر من حقه

هو اه مش هنغيره بس ع اساسه بنحط قواعد و بتدور عجلة الحياة

مش هنغيره بس ممكن نعدله و نحوله

جزاك الله خيرا اكيد
بس بدون ذكر اسماء او تلميحات

كنا معكم فى حلقه من حلقات مسلسل الاطفال اليومى

انتظرونا غدا فى حلقة جديده ومثيره من مسلسل(المختفى وانا)

طيب ليه بدون ذكر اسماء
ما هو لو فضل بدون ذكر أسماء الى بيعمل كده هيزيد فيها
والأعضاء كلها هتشك فى بعضها

لو مش اهتمينا
اظن انه فى الاول وفى الاخر انسان
يعنى بيحس
والتجاهل احساس سئ جدا

مستحيل الكل هيتجاهل فى نفس الوقت

هو احنا فين

مستحيل الكل هيتجاهل فى نفس الوقت
؟
مش واضحه

يعنى لو حد كبر دماغه ونفض مش كله هيعمل كده ولازم هتفضل فى مشكله