|
الأمن المصري يستجوب جرحى غزة عن سلاح المقاومة
بسم الله الرحمن الرحيم أبلغ جرحى فلسطينيون تلقوا العلاج في مشاف مصرية وعادوا إلى قطاع غزة الجزيرة نت أن قوى الأمن هناك حققت مع بعضهم، وطالبتهم بمعلومات عن أماكن تصنيع الصواريخ وكيفية تهريب الأسلحة إلى القطاع. وقال عدد من الجرحى للجزيرة نت إن قوى الأمنية المصرية حققت في المشافي مع عدد منهم بشكل عنيف، وهددت الرافضين للتحقيق بالملاحقة وعدم السماح لهم بإكمال العلاج في المشافي المصرية. وأوضح المصابون أنهم بعد أن تماثلوا جزئيا للشفاء خضعوا للاستجواب من قوى الأمن المصرية الذين طلبوا منهم الإدلاء بمعلومات عن المقاومة، كما طالبوهم بعدم العودة لمساعدة حركة المقاومة الإسلامية (حماس). وقال أحد الذين بقوا للعلاج في مصر باتصال هاتفي مع الجزيرة نت إن قوى الأمن طلبت منه إبلاغ المقاومة في غزة بأن القاهرة لن تسمح لهم بتهريب السلاح إلى غزة، ولن تسمح لحماس بإعادة بناء قدراتها من جديد. وأوضح الجريح أنه فور تعافيه من الإصابة طلب منه الطبيب الانتظار في غرفة جانبية بالمشفى، ومن ثم جاء إليه محققون من المخابرات وتعهدوا له ببقاء ما يدلي به من معلومات طي الكتمان. وأضاف "سألوني عن المقاومة وكيف تخزن أسلحتها وكم يمكن أن تصمد فصائل المقاومة في غزة في وجه إسرائيل، مشيرا إلى أنهم طلبوا منه معلومات عن حركة حماس وقياداتها "المختفية". وقال أيضا إنه في البداية كان التعامل معه "لطيفا للغاية" لكنه حين أنكر معرفته بالمقاومة ضربه أحد المحققين على مكان الجرح، وقال له "لا تكذب أنت من حماس وكتائب القسام، ويجب أن تتحدث وإلا فلن نسمح لك بإكمال العلاج وسنرميك كالكلاب". |
نرميك كالكلاب
والله الواحد مش عارف يقول ايه للناس اللى بتاجر بدماء البشر دى |
ياااااااااا للدرجة دي!!! من كتر ما انا مستحقرهم مش قادر اصدق
معلش ممكن المصدر |
يا جماعة بطلو تنقلو أخبار من مواقع إيرانية بقة ... بقة الأمن المصري اللي فيه بعضه دفع حياته بسبب غزة ( ولو إنها كتير عليها) هيروح يحقق معاهم عن سلاح المقاومة؟؟؟ .... الموضوع فشنك ومن جريدة الوسط تقريبا ياريت اي خبر تلاقوه بالشكل ده اعرفه انو كده
|
مش عارف انا مش مصدق الحكاية دى ليه
لان مصابين حماس متهيالى يعنى مجوش مصر دول كانو مدنين ! مش عارف بصراحه بس انا مش مصدق دا |
مش بعيد يكون ضغط من اسرائيل
|
اقتباس:
اتفضل http://www.aljazeera.net/NR/exeres/0...B23D41630F.htm |
مش عارفة انا مش بقيت بثق فى اى حاجة متعلقة بالجزيرة اخبار كتير بتبقى كدب ع فكرة هو اللى اعرفه و اللى عندنا فى الاسماعيلية ان الفلسطينيين من ساعة ما دخلو الاسماعيلية و بيتعاملو افضل معاملة سواء من الدكاترة او من طلبة الطب اللى بيروحلهم او من الناس العاديين اللى بيزوروهم بجد معاملة جميلة و انا و الله شفتها و حتى اى حد بيروحلهم هما مش بيقولوا اى حاجة من دى خالص |
انا معتقدش ان ده حصل ....وبعد كده ايه مصلحه مصر في انها تعرف مكان تصنيع الصواريخ
|
العرب كلهم شتمونا و ده بفضل البيه الكبير
|
اقتباس:
مش عارف ليه الكل متخيل ان مصر فى ايد مبارك المشكلة ان محدش فاهم حاجة فى حاجة بلاش نتكلم فى الساسية خلينا فى التربية والتعليم احسن |
اقتباس:
وهذا رابط من نفس الموقع يشير إلى أن مفتي الشعودية يرفض مقاطعة المنتجات الغربية http://www.aljazeera.net/NR/exeres/6...21C5BD2282.htm علماً أن الكثير من السعوديين نفوا مثل هذه الفتوى بل إن فضائية الأقصى ... المعروفة أن رئيسها قيادي في حركة حماس اتصلوا على الهواء مباشرة برئيس لجنة الإغاثات بالهلال الأحمر المصري ليستفسروا منه عما كتب عبر الفضائيات فرد عليهم : اتقوا الله في مصر وضرب لهم العديد من الأمثلة التي حرص فيها المصريون على تقديم الدعم المعنوي قبل الطبي لهؤلاء المرضى بل ان منتديات حماسية .. أشار بعض الأعضاء فيها أنهم تلقوا العلاج في مصر وعادوا ولم يذكروا المعاملة التي وجدوها إلا بكل خير ... عموماً لو كانت قناة الجزيرة فعلاً قد قابلت هؤلاء المرضى الذين يقولون أنه تم استجوابهم لكانوا - وبكل جرأة كما يدعون - قد نشروا المقابلات مباشرة على الفضائيات فهي قناة تعرض الرأي والرأي الآخر :) |
والله بعد الموقف المصرى الجبان والمتحالف مع اسرائيل والذى فضحة الشعب العربى مممكن اصدق طبعا
خصوصا ان الباشا حسنى مبارك ظهر على حقيقتة ورفض قمة الدوحة وهلما جرا |
الجزيــــــرة !!
آه اهلا وسهلا بلاش كلام فاضى وفارغ حضرتك كنت شوفتهم بيعملوا كده ؟؟؟؟؟ مش عاوزين بقى نقول الجزيرة دى مين اللى بيمولها ؟ |
امم معترضين على الجزيرة صح قناة النيل للاخبار قناة جميلة ولذيذة تتفرج عليها تحس ان الحياة لطيفة وظريفة ودمها خفيف ثم اللى دخلين يدفعه عن الحكومة وشغلين محامين ليها انتوا مشفتوش تصريحات السادة المسئولين فى مصر قبل وفى وسط وبعد العدوان كفاية ان الحرب اعلنت من القاهرة كفاية اغلاق المعابر ومصر كانت جزء من الحصار كفاية انتهاك الاجواء المصرية من الطائرات الاسرائيلية وضرب المنازل المصرية على حدود رفح هقول ايه ولا ايه احلى حاجة فى الشعب المصرى انه ميحبش يشوف الحقيقة ابدا او ديما بيكون عارفها ومش مصدقها الحكومة تقول ولا الضاليين الشعب وراها من غير تفكير يقول امين طبعا ما احنا شيفين كل خير من الحومة الشباب متجوزين وكل واحد عنده عربية وشقة وفيلا بيصيف فيها بنفطر مربى وعسل ونتغده رومى ونتعشاء كل يوم براه هقول ايه بس الشعب المصرى شعب جميل وعشرى من كتر ما عاشر الحكومة حبها ولو عملت فيه ايه بيتهيقلى الشيطان لو مات الشعب المصرى ممكن يخرج وراءه فى جنازنه ومش بعيد يذكر محاسنه شعب جميل :) |
| جميع الأوقات بتوقيت GMT +2. الساعة الآن 02:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.