هل تم تثبيت المتعاقدين؟
 

السلام عليكم
المهم المصدر الى سمعت منه الكلام ده موثوق فيه ولا كلام وخلاصاصل الكلام ده بنسمعه من يوم ما تعاقدنا

ههههههههههههه انا زيكم متعاقد مش عارف اية أخرتها

السلام عليكم أولا
انا متعاقد برضة بس رأي اننا نسافر احسن يا جماعة
لان البلد دي مش محتاجلنا ولازم ندور علي مصلحتنا ونحسب صح لان السنه بره ب 10 سنين في مصر
سلام
lilloo
:040vk0::040vk0::040vk0::040vk0::040vk0::040vk0::0 40vk0::040vk0::040vk0::040vk0::040vk0:

سمعت منين؟
انا بقالى 3سنين ونص بسمع الكلام ده
يارب يتحقق ونرتاح بقى

يا جماعة أنا حأريحكم وأقول الآتى:
أولاً : أنا بأعمل بنظام الحصة منذ عام 2000 وبالتعاقد منذ 2003 (يعنى من أول نظام العمل بالتعاقد) وكل سنة نسمع إن فيه تثبيت للمتعاقدين ويطلع كلام تخدير لأن الحكومةخايفة من إضراب المتعاقدين عن العمل وجاء لى جواب للعمل عام 2001 على أساس أننى حاصل على ليسانس آداب ودبلوم عام فى التربية وتم إلغاء التعيين لى ولكثير أمثالى وتعيين خريجى كلية التربية ومن يومها وعدونا بأن الأولوية لنا فى فرص العمل القادمة ومفيش نتيجةووعدوا المتعاقدين عام 2003 بالتثبيت بعد 3 سنوات ومفيش نتيجة وإحنا اليوم عام2009 وبرضوا بيخدرونا والحل يا جماعة يوم واحد فقط أثناء الامتحانات غياب وليس اضراب( علشان مفيش حد يزعل ) وحناخد حقنا
ثم أنا أتساءل من الأفضل لتعليم التلاميذ :خريجى الكليات أم الحاصلون على دبلوم المعلمين الذين يسخرون منا صباح مساء ويا سلام لو أنت مزعل حد فيهم يبقى كل تلاميذ المدرسة حيعرفوا أنك بالعقد وليس أساسى وكذلك لو زعلت مدير المرسة -لا سمح الله- يهددك بإلغاء العقد ولو جاء زائر للمتابعة يدخل الفصل وأمام التلاميذ يسأل أنت أساسى ولا بالعقد وطبعاً التلاميذ يفضلوا يبصوا لبعضهم وأنا أتساءل أيضاً ولا بلاش أصل الكلام حيطول
وأخيراً والله أنا أحذر المسئولين من بركان المتعاقدين الذى كاد أن ينفجر والكل منتظر البداية
وعلى فكرة والله نسيت أقول لكم إن أنا لى واحد صاحبى حاصل على معهد متوسط وبيعمل بالسعودية منذ فترة وعرفت منه أنه اشترى أرض بــ 500000جنيه نعم والله بـنصف مليون جنيه ولو جمعنا فلوس المتعاقدين كلها حيطلعوا ثلاثين خمسين جنيه ولو واحد مسئول قرأ هذا الكلام حيقول وأنت قاعد ليه وأنا حأقول طبعاً خايف لو سافرت تتوبوا وتتطلعوا صادقين فى كلامكو وتثبتوا المتعاقدين واليوم أصبح لى أسرة وأصبح السفر غير متاح وإن أتيح فبـ 20000 جنيه على الأقل ويا ترى مين بعدك يا جمل وحايقول آيه وحسبنا الله ونعم الوكيل

النهارده سمعت الكلام ده من الموجه اللى كان يشرف على الامتحانات
مش عارف صح ولا ايه
ربنا يسهل ويكون صح
انا متفائل المرة دى

وياريت نتابع سويا فى هذا الموضوع
http://www.thanwya.com/vb/showthread.php?t=81745

esawi أول مرة أشوفك متفائل كده
ايه الموضوع ايه؟

الموضوع ان فى موجه كان جاى يشرف على الامتحانات وقال ان فى قرار موجود بتثبيت المتعاقدين2006و2005
وانه سينفذ قريبا
ويؤكد على صحة كلامه ويستشهد بان هناك فجوةكبيرة فى الازهر حيث سيخرج على المعاش العام القادم عددكبير جدا من الاساسين
والله اعلم

أحلي وأصح مافي كلامك هو ما ختمت به

الله أعلم
:078111rg3::078111rg3::078111rg3::078111rg3::07811 1rg3::078111rg3::078111rg3::078111rg3::078111rg3:: 078111rg3::078111rg3::078111rg3::078111rg3::078111 rg3::078111rg3::078111rg3:

الواحد من كتر ماسمع ماعادش بيصدق حاجة
بس صدقنى انا برضه متفائل المرة دى

لا أمل
ولا حياة لمن تنادى
رئيس الوزراء رفض طلب شيخ الأزهر بتعيين المتعاقدين
خلاص مفيش أمل بلاش نتكلم أحسن فى الموضوع ده
أنا قريب جدا هسيب مجال التعليم وأشوف لى شركة اشتغل فيها أنا عندى مؤهلات الحمد لله تسمحلى اشتغل فى أى مكان غير القرف اللى أحنا فيه

طالبت لجنة التعليم بمجلس الشعب، الأزهر الشريف، بالتعيين الفوري للمعلمين الذين اجتازوا اختبارات التقدم للوظيفة في المعاهد التي يعملون بها بالمحافظات. وأكدت اللجنة خلال اجتماعها أمس بطلان إجراءات إعادة الاختبارات للمعلمين، كشرط لتثبيتهم في درجات دائمة، بعد أن منحهم القضاء الإداري حكما بالتعيين. ودعت اللجنة في اجتماع رأسه د. سيد الفيومي، وكيل اللجنة، أمس، إلي ضرورة التزام إدارة الأزهر بتنفيذ أحكام القضاء، ومساعدة المعلمين علي الاستقرار وممارسة أعمالهم في المعاهد الأزهرية.
وتقدم عدد من النواب بطلبات إحاطة حول عدم التزام الحكومة وإدارة الأزهر بتنفيذ أحكام القضاء الخاصـــة بتشـــغيل نحـــو 5 آلاف معـــلم بالمعاهد الأزهرية ممن يعملون بعقود مؤقتة، وحان موعد تثبيتهم علي درجات وظيفية العام الماضي
حد عنده أخبار عن الموضوع ده أو يعرف شخص ممن حصلوا علي أحكام قضائية بالتثبيت

اولا مسيو ايهاب اللى رفض رئيس الوزراء تعينهم هم المتعاقدون الجدد يعنى المسابقة اللى كانت المفروض تنزل فى بداية العام الدراسى الحالى ودول رفض تعيين 11الف ووافقوا على اربعة الاف فقط!

ثانيا استاذ محمد المقصود باللى حصلوا على أحكام قضائية فدول ناس متبرعة (العمالة المنضمة او المتطوعة) اللى بيدفعوا فلوس تبرع فى معهد جديد ويتعينوا بالفلوس دى
فهناك مجموعة كبيرة تعمل فى المعاهد ودفعت الفلوس على امل الضم لكن شيخ الازهر رفض تعيينهم بالرغم من حصولهم على احكام قض1ائية
وليس المقصود بهم المتعاقدين
والله اعلم