|
سؤال غريب لطلبه الصف الاول الاعدادي
السيد مشرف الماده
تحيه طيبه لقد جاء في امتحان احدي مدارس كفر الدوار ( اولي اعدادي) سؤال محير لو تكرمت اجيبنا عليه وهو ماذا يحدث اذا تم الضغط علي المحار والاسماك وهل هذا السؤال من داخل المقرر وشكرا |
الاجابة لها احتمالات الاول وهو ان الضغط لو كان من رجال الامن لاعترفوا انهم من الاخوان او لو ان الضغط من القوات الامريكية لاعترفو انهم من مرتكبى احداث سبتمبر اما لو انك تسأل عن الاجابة المحتملة من السؤال هو ان المحار لن يتأثر لان له هيكل خارجى بينما تتأثر الاسماك لان لها هيكل داخلى وشكرا |
حد يجاوب من اسره العلوم
حد يجاوب من اسره العلوم
|
المحار لن يتأثر لان له هيكل خارجى بينما تتأثر الاسماك لان هيكلها داخلى السؤال من المنهج لكنه غريب فقط وشكرا |
أجاوبك يا سيدى
اقتباس:
السؤال ساهل وموجود طبعاً# فى المنهج بس هو سؤال ذكى بيقيس درجة فهم الطالب ويقصد بية ان يكون الطالب عارف اية الفرق بين السمك والمحار المحار ذو جسم رخو والدعامة فيه دعامة خارجية متمثلة فى الصدفة التى تعتبر بمثابة هيكلة العظمى بينما السمك من الفقاريات التى تحتوى على هيكل داخلى وبالتالى تكون اجابة السؤال ان لو تم الضغط على السمك سيتأثر بالضغط لان جسمة لا تحمية دعامة خارجية وانما داخلية بينما الضغط على المحار لن يؤثر علية لان له دعامة خارجية صلبة تحمية وتحافظ علية اى خدمة يا باشا لو وقف معاك سؤال علوم تانى ابقى ابعتلى أخوك وتلميذك الصغير |
اجابة جميلة يا رابح صقر ( محمد )
اقتباس:
الحمد لله اننا مش سمك ولا محار والا كانوا ضغطوا علينا |
الله ينور
شكرا للساده المهتمين واخص بالشكر أ/أحمد حمدي
|
الشكر لله
اقتباس:
لا شكر على واجب دا كل اللى فى الموقع لهم حق الزمالة فى الموقع وحضرتك لك اربع حقوق الحق الاول : حق الاسلام الحق التانى : حق القرابة الحق الثالث : حق الجيرة واننا من بلد واحدة ( العكريشة ) الحقث الرابع : حق الزمالة فى الموقع |
والله الحمد لله ياسيدى انك بتخص بالشكر
أ/ احمد لاحسن كنت هزعل اووىىىىىىىىىىىىىىىىى يعن اجاوب فى الاول تقول عايز حد من بتوع علوم امال انا ايه واجاوب تانى ويجاوب استاذ احمد تقريبا نفس الاجابة وتخصه بالشكر اشمعنى ان شاء الله طب ماشى وانا بالاصالة عن نفسى وعن كل الحضور اخص بالشكر الاستاذ صاحب الموضوع بلديات الاستاذ احمد وشكرا |
ما تزعلش يا حبيبى
اقتباس:
الاستاذ محمد الخولى بلدياتى وخصنى بالذكر لمعرفته بى لكن المقامات محفوظة يا رابح بيه ويا رب دايما رابح يا محمد على ثم انا وانت اخوة ومفيش فرق بينا بشكرك وبتمنى نكون اصدقاء ردودك تدل على خفة دمك وعلى انك راجل جدع يا ريت تعتبرنى صديقك |
اعتذار
الاخ الاستاذ/رابح
زعلك يزعلنا ورضاك يفرحنا ولك عندنا حق عرب وانا تحت امرك |
انا فهمته قصدك يا استاذ محمد
اقتباس:
يا استاذ محمد الاخ محمد على ( رابح صقر ) راجل ذى العسل وانا طيبت خاطرة وفهمته حضرتك ليه خصتنى بالذكر وهو بيحب يهزر ولو هو زعلان نروحولوة ونغرموة غداء ونصالحوة احنا منقدرش على زعل الراجل العسل ده |
طيب يا جماعة بما انكم متعاونين كده أنا عندى استفسار صغير
هل من حق واضع الامتحان أن يضع سؤال فى معلومة اثرائية و لا دى المفروض للمعرفة فقط و السؤال اللى جاء فى الامتحان هو علل : تستخدم أوانى الضغط فى الطهى مشكورين مقدما على الرد |
الاخ ابو رؤى
الانشطة الاثرائية الاصل فيها انها معلومات لتثرى عقل الطالب دونما مطالبة بحفظها والامتحان بها لكن منذ حوالى ثلاث سنوات وبالتحديد بعد اشتراك مصر فى مسابقة الأنشطة الاثرائية فى العلوم والرياضيات والتى تعرف باسم التيمز إختصارا لجملة انجليزية تعنى الانشطة التدريبية فى العلوم والرياضيات على ما اذكر ففوجئنا بامتحانات الصف الرابع والسادس انذاك وبها اسئلة من الموجودة فى الكتاب تحت بند معلومات اثرائية مما حدا بمن يضعون المذكرات بل والكتب الخارجية من وضع هذة المعلومات فى الحسبان وبالطبع نحن كمدرسين اخذناها منذ ذلك الحين - ومنذ تكرارها فى الامتحانات للابتدائى والاعدادى على حد سواء- على محمل الجد فعلى الطلبة مذاكرتها هى الاخرى مع المنهج ولا اخفيك سرا اذا قلت لك ان بعض المواد الانشطة الاثرائية بها حل وتكملة للمعلومات الموجودة بالكتاب |
| جميع الأوقات بتوقيت GMT +2. الساعة الآن 02:13 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.