|
اية طلبات السن؟
انا في3 ثانوي وجايبة مجموع88.8 نفسي اخش السن عاوزة اعرف هي خادت من كام السنة اللي فاتت
واية متطلبتها وخدت مجموع كام انجليزي والكلية دي في انهي جمعات بالظبت افيدوني وشكراا |
بصى ياسمسمة
كلية السن فى منها اتنين فى مصر فى جامعة عين شمس وجامعةالمنيا وطبعا عين شمس احسن من جامعة المنيا دة غير بقى الخاصة اولا الكلية بتاخد من 93 وانتى طالعة حسب تنسيق كل سنة بس مش بتقل عن كدة لما بتجيلك الكلية بتدخلى جوة تعملى تنسيق داخلى وفيه رغبات وكدة بتختارى بقى اللغة الى انتى عاوزة تدرسيها وبتكون حسب درجة الانجلش بتاعتك فى الثانوى ولو فى اى استفسارات تانية انا تحت امرك |
شكرا علي الرد
|
سؤال محيرنى جدا لوسمحتوا
هوه انا المفروض عشان ادخل قسم انجليزى اكون واخدة مستوى رفيع ولا ايه و فى اللى بيقول ان مستوى رفيع انجليزى ماحدش بيقفل و اصلا انا عايزة اخد جغرافية مش انجليزة فهل لياامل ادخل قسم انجليزى فى السن بدرجة 23.5 فى الانجليزى فى ثانية ثانوى و انشاء الله ححاول اعليها |
بسم الله مشاء الله
درجة الانجليزي حلوة جدا انتي عارفة ان 7%فقط من طلبة الثانوية العامة جايبين درجة الانجليش دي اما عن سؤالك والله اعلم ان مش لازم تخشي مستورفيع e علشان السن وخصوصا ان درجات الانجليش نازلة اوي السنة دي وبالتالي درجات قبول السن انجليزي هتنزل بس لو اختارتي مستوي رفيع e هيكون دة اضمن لتزويد مجمو اللغات عندك ويارب اكون افادتك |
اقتباس:
ربنا يوفقك بالمناسبة هوه انتى مستوى رفيع ايه ؟ شكرا تانى :) |
انا مستوي رفيع جغرفيا
لاني محتاجة درجات ومجموعي في النجليش مش وحش اوي اوي21.5 ومجموعي الكلي 88.8 |
اقتباس:
وعلى فكرة مجموع النجلش بتاعك حلو صدقينى الانجلش السنة دى كان فى النازل ومجموعك الكلى قابل للرفع وانشاء الله نتقابل انا وانتى فى الكلية :av4056bb7jp3: |
ايوة كدة نفضل نرفع في معنويات بعض
وربنا يوفقنا |
سلام عليكم انا روبي ,تالته ثانوى زيكم ,وناويه على السن بردو ان شاء الله ,انا اعرف كل حاجه عن الكليه والالتحاق بيها يعنى لو اى حد عنده استفسار هنساعد بعض ان شاء الله ,انا جبت ف تانيه 95 و22,5 انجلش بس مش ناويه قسم انجليزى ,وواخده بردو زيكم مستوى رفيع جغرافيا ,يلا ربنا يوفقنا كلنا ان شاء الله ونتقابل في الكليه
|
يا جماعة محدش يقلق فى كلية السن السنة الجاية هتبقى جديدة فى جامعة جنوب الوادى وهتاخد من مجموع صغير وبعد كدة اللى عايز يحول بتقليل الاغتراب لعين شمس يحول او يحول تانى سنة محدش يقلق يعنى
|
بجد ربنا يطمنك
ويطمنا جميعا |
بصى يا earth
اولا مش لازم تاخدى انجلش مستوى رفيع وانصحك متقربيش منه لانه مش انجلش طبيعى خدى جغرفيا مضمونة وامتحاناتها معروفة ومحدش بيقل فيها عن ال9 لاكن الانجلش دة مش هتعرفى اصلا تاخدى فيه درجة واحدة وانتى مجموعك فالانجلش حلو وكمان هما فالتنسيق بيراعوا الامتحانات يعنى انتوا سنتكوا كانت سنة سودا وامتحان الانجلش بتاعها جة صعب بس ان شاء الله السنادى هيجى حلو فشدى حيلك فيه عشان تضمنى قسم الانجلش ---------------------------------- على فكرة ياجماعة المستوى الرفيع ملوش اى علاقة بالكلية ابدااااااااااااا ولا بيأثر فيها كل الى احنا عايزين من المستوى الخمس درجات وخلاص والدرجات دية بتتضاف للمجموع ملهاش دعوة بقى بالمادة الى هتدرسيها بعد كدة فالكلية ----------------------------------- سمسمة وربى وeath عايزة اشوفوا معايا السنة الجاية فى الكلية انا اولى السن على فكرة قسم انجلش لو احتجتوا منى اى حاجة انا تحت امركوا ------------------------------------ يااسلام حرام عليك عايز تودى البنات جنوب الوادى دول احسنلهم يدخلوا تجارة ولا انهم يروحوا يوم واحد فى الجامعات دية بجد هتتعبوا اوى اوى اوى وبعدين فى حاجة كمان السن عين شمس بتدرس مواد السن المينا مش بتاخدها كان عندى واحدة صحبتى فى السن المينا ودخلت على اساس انها تقضى فيها سنة وتحول فى تانية عين شمس لما جت حولت لقت انها مكنتش بتدرس مادة اسمها محادثة فى جامعة المينيا وعادت سنة اولى عالمادة دية عشان لازم تاخدها فبجد حكاية التحويل من جامعة لجامعة دية مرهقة اوى ياتدخلوا الجامعة وتستقرى فيها يامتدخلوش وتقعدوا فالبيت اهون |
شكرا يا
Sharp Nails بجد معلومات جامدة وبالدعوات لينا عشان نحصلك وكنت عليزة اسالهل في شغل كتير لخريجي السن |
بصى ياسمسمة اولا ياستى الارزاق على ربنا
وهو الى مقدر هتشتغلى اية ولا هتلالاقى شغل ين ولا كدة انت متسبقيش الاحداث عليكى تجتهدى السنة بسنتها واطمنى احنا فالكلية الخرجين بيبقوا متميزين اوى انتى لو جايبة تقدير عالى صدقينى وكذا حد اعرفه حصله الموقف الى هقولهولك دة كانو بيبقوا جيبين تقدير عالى واول ما نتيجة رابعة تظهر الشركات هى الى اتصلت بيهم يشتغلوا معاهم واتشغلوا بالدولار كمان انت بس عليكى تجتهدى السنة بسنتها وسيبى الباقى على ربنا |
| جميع الأوقات بتوقيت GMT +2. الساعة الآن 03:46 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.