|
وصلة نفاق !!
النهاردة وانا جاى من . . . . ركبت عربية مكتوب عليها (يابنى اركب معنا ولا تكن مع الكافرين) شفتوا الابداع شفتوا التحليل اللى من غير سقف صحيح:romarioxp6: كلام سيدنا نوح لابنه علشان مكانش رادى يركب معاهم السفينة بقى بكل بساطة جملة مكتوبة على ميكروباص علشان تجيب الزباين^_^ الراجل سواق الميكروباص معملش جريمة او حاجة عمرها ما اتعملت هو بس جدد شوية :mellow:وقرر انه يستخدم اية محدش استخدمها قبله وده طبعا اختلاف عبقرية:huh: لكن اصلا استخدام الايات والحكم استخدام تجارى هو اختراع مصرى مظنش ان فى حد ممكن ينافسنا فيه B) معظم محلات عصير القصب معلقة لوحة مكتوب عليها (وسقاهم ربهم شرابا طهورا) واكيد اكيد عصير القصب والتمر الهندى مش هما المقصودين بالشراب الطهور:huh: لكن ما يضرش . . سقع وبيع يا استاذ^_^ هو يعنى بتاع العصير هيجى ايه جنب الحلاق اللى كاتب (وجوه يوم اذن ناعمة) :rolleyes: ولا الترزى اللى شعاره (نحن نقص عليك احسن القصص) :rolleyes: كله كلام ربنا . . وكلام ربنا كله بركة :) ده الرد اللى قالهولى صاحب عربية كبدة لما سالته انت متخيل ان الكبدة والسجق والبيض بالبسطرمة-_- ممكن يكونوا مقصودين بالاية الكريمة (كلوا من طيبات ما رزقناكم) اللى انت كاتبها على عربيتك دى :confused: رد عليا بالرد ده وانا رديت عليه فى نفسى وقلت ماشى يا عم المؤمن:mellow: ربن يكملك بايمانك يا سيدى انت واللى زيك^_^ واللى زيه كتيير ما يتعدوش اللى زيه سواق تريللا كاتب على عربيته (ربنا ولا تحملنا ما لا طاقة لنا به) :huh: واللى زيه صاحب محل فاكه كان عنده كمية بلح سوقها مش ماشى وجنبه محل سمك كان سوقها ماشى الله ينور فا صاحبنا الفكهانى ده قرر انه لازم يستغل نجاح محل السمك ده علشان يصرف كمية البلح اللى عنده بس ازاى :rolleyes: تقريبا كده فر المصحف كله ملقاش اية تربط بين البلح والسمك:d مستسلمش وقرر انه يتصرف وقام معلق على المحل من برة لوحة كبيرة مكتوب عليها (اذا اسمكتم فابلحوا) :mellow: انا عارفة ان فى اعضاء كتيير ممكن تكفر اللى قال كده والراجل الفكهانى ده مع انه معملش حاجة غير انه قال اللى شافه ومع ان الراجل قال ان دى اية او حديث :romarioxp6: هو بس كتب الجملة دى صياغة بصياعة ;) توصلك ان الكلام ده ليه قدسية ما و طبعا محدش هيدور وراه و البلح هيتباع والكل هيبقى مبسوط:bosyht9: وعلى فكرة مش الناس البسيطة جداا هما اللى بيستغلوا الدين فى الترويج لبضاعتهم لاء الحكومة نفسها بتعمل كده:bosyht9: اعلانات التوعينة بتاعة التدخين والمخدرات اللى بتيجى فى التلفزيون تلاقيهم بيقولوا (ولا تلقوا بايديكم الى التهلكة) مع ان الاية تفسيرها يعيد تماما عن التفسير الحكومى ده لكن محدش من السادة اللى عملوا الاعلان ده فكر يبص فى التفسير الصحيح للاية او حتى فكر يقول الاية كاملة الاية بتقول (وانفقوا فى سبيل الله ولا تلقوا بايديكم الى التهلكة واحسنوا ان الله يحب المحسنين) يعنى الدهلكة المقصودة فى الاية هى الامساك عن الانفاق فى سبيل الله شفتوا الموضوع لا له علاقة لا بالتدخين ولا المخدرات خالص لكن مشيها وعديها^_^ وعدى معاها كمان (ان اريد الا الاصلاح ما استطعت) اللى بتتكتب على كل يفط الدعايا الانتخابيةB) تقريبا وعدى معاها كمان رجل الاعمال القبطى اللى حب يعمل وصلة نفاق فقام معلق لوحة كبيييرة مكتوب عليها (مبار شعب مصر):d الكلام ده انا سمعته فى نجوم اف ام وحبيت انقلهولكوا مش بذمتكوا وصلة نفاق :giljotiiniug3: |
معاكى حق سبحان الله
الايات القرانيه مش المفروض تتكتب فى اى مكان ليها مقامها وقدسيتها جزاكى الله كل خير اختى العزيزة جعله الله فى ميزان حسناتك فى امان الله |
شكرا على طرحك للموضوع ده لأنى فعلا اتخنقت .تخيلى واحد ترزى عندنا كاتب على المحل (انا فصلناه تفصيلا ) ايه العته ده . ولا واحد كاتب على القهوة أية (انهم فتية امنوا بربهم وزدناهم هدى ) ايه الهبل ده . فعلا الشعب المصرى يستحق جائزة نوبل للفهلوة.
|
اقتباس:
والدليل ان ديه بعض الاحاديث التي انسبتها الزنادقة للرسول صلي الله عليه وسلم والحديث الكاذب الذين انسبوة الزنادقة علي الرسول هو (من اسمك فليتمر) هو بالطبع حديث كاذب ولكن قيل بالفعل من قبل احد الزنادقة ويوجد من تلك الاحاديث الملفقة الكثير حوالي 12 الف حديث تقريبا والله ورسوله اعلم ومن تلك الاحاديث ( لو علمتم ما بالدجاج لوزنتم ريشة وعظامة بالذهب) هههههههههههههههه ديه من ضمن الاحاديث الكاذبه التي الفقتها هؤلاء الزناديق للرسول صلي الله عليه وسلم |
بجد موضوع جميل يا بت يا زنوبه انا صراحه عمرى ما شوفت الحاجات دى خالص انا اخرى اللى شوفته بتاع محلات العصير ( كلوا من طيبات ما رزقناكم ) بس صراحه عمرى ما فكرت فيها كده كنت بقول بيبقوا بيتبركوا بيها يعنى مش اكتر :romarioxp6: بجد اللى بيعملوا كده تقول على ربنا فعلا عشان هما بيحطوا معانى تانيه للايات غير اللى ربنا يقصدها ربنا يرحمنا بجد :( فى رعايه الله |
موضوع رائع ولظيظ يا ترافل انا كل ما اشوف الكلام باضحك وادعى لهم بالهداية فمثلا واحد تاجر فاكهة كاتب "ولولا اذ دخلت جنتك قلت ما شاء الله" :( وواحد عجلاتى (( دراجات )) كاتب "وخلق الانسان من عجل " :huh: وجزار كاتب "ان الله يأمركم ان تذبحوا بقرة":rolleyes: وواحد بتاع فراخ كاتب "ولولا اذ دخلت جنتك قلت ما شاء الله":( انا لما عرفت موضوع بتاع الفراخ دة تخيلت انه عنده حديقة زارعها كلها فراخ وبط وارانب :d |
هههههههههههههههههه
زوزو انتي نسيتي الي قلتلك عليه في حكاية ولا تلقوا بايديكم ... بس بجد موضوع تحفة بجد تسلم ايدك وال ايه كنتي عاوزة تسيبي المنتدى دا بعدك ان شاء الله ونسيب التميز دا كله يروح فين ؟؟ :) موضوع جميل بجد وان شاء الله ليا تعليق اخر |
ده مش نفاق يااومي ايه اللي جاب النفاق هنا ده جهل على غباء هما اصلا مش عرفين معنى الاية ولا بتتكلم عن ايه بس فيها اسم من الحاجة اللي بيعملوها هههههههههههههه عجبتني اوي نحن نقص عليك احسن القصص استغفر الله العظيم انا بشوف (وسقاهم ربهم شرابا طهورا) و (كلوا من طيبات ما رزقناكم) |
اقتباس:
جزانا واياكم خيرا اسعدنى مرورك كتيير :) |
ياريت لا يتم الخروج عن الموضوع والنقاش في غير الموضوع
تم حذف الردود السابقة لانها خارج الموضوع :) |
فى هذا الزمن سوف نرى العجائب
|
اقتباس:
ازاى اقتباس:
:confused: الترزى صح اللى كتبها جايبها فعلاا كده :mad: ربنا يهديهم :giljotiiniug3: شكرا على مرورك |
هههه هههه .. فعلاً وصلة نفاق .. ونسيتي تقولي اللي كاتب على باب العمارة اللي عاوز يبيع الشقة فيها بالشيء الفلاني .. "ادخلوها بسلام آمنين" .. دا غير الأمثال الشعبية وأغرب حاجة شوفتها مكتوبة على تاكسي .. خلاااااااااااااااااااص هبيعهاااااااا .. طبعاً عشان خايف من الحسد .. ولو فتحنا في الموضوع دا مش هنخلص .. ناهيكي بقى عن الآيات اللي متعلقة في البيت عندنا عشان البركة تحل .. طبعاً كل دا كلام فارغ وطبعاً أنا عاوز اقول حاجة عشان محدش يكتب بعدي "وختامه مسك" بتهيألي الآية دي أنا استغلتها صح .. يلا ربنا يوفقكم ..
|
اقتباس:
مرورك اسعدنى احمد :) |
اقتباس:
اما بالنسبة للزنادقة دول فهم ناس قامو بمجاهرة العصيان لله عز وجل بس بصراحة الموضوع رائع بس مش اروع من صحبتة طبعا |
| جميع الأوقات بتوقيت GMT +2. الساعة الآن 10:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.