|
((عـــــزة)) رائعة .. أحمد فؤاد نجم .. اوعى تفوتك .. هتندم ..
عزه الغرام في الدم سارح والهوى طارح معزه والحنين للقرب بارح والنوى جارح ياعزه ياابتسامة فجر هلت بددت ليلي الحزين ياندى الصبح الللي سأسأ فوق خدودي الدبلانين بل شوقهم صحى لون الورد فوقهم كل خد وشم ورده مين يدوقهم غيرك انتي ومين سواكي ياحياتي ياملاكي يانسيم الحب لما هب هز القلب هزه ياهوى الاحلام ياعزه ... الليلادي جم خدوني ياملاكي جوز تنابله ونص دسته من التيران كنت باحلم ياحبيبتي كنت باحلم بيكي انتي كنا قال انا وانتي قال ف جنينه خضرا ومحاوطها البرتقان والسيسبان وانتي جوا قرنفلايه بالعبير بتستحمي اجري يمك ياهوايا تسبقيني وتجري يمي أحضنك واشرب عبيرك من شفايفك والغصون واقفه وشايفه بتراعينا بس خايفه م العيون والعيون بتقول كلام والكلام طاير حمام بينادينا بالاغاني ويهادينا بالسلام كنت بحلم ياحبيبتي كنت باحلم بيكي انتي ايوه انتي ومين سواكي ياحياتي ياملاكي يانسيم الحب لما هب هز القلب هزه ياهوى الاحلام ياعزه وانطلق في الجو فجأه ياحبيبتي صوت مفاجأه صوت يخلي الدم يجمد اصحى يا احمد اصحى يااحمد وانتهى الحلم الجميل وابتدا الهم التقيل _ فين امام _ انتوا مين _ احنا ناس مكلفين تيجي سالك مش ح تتعب واحنا طبعا معذورين _ انتو دود الارض واللآفه المخيفه انتو ذرة رمل في عيون الخليفه انتو كرباج المظالم والمآسي انتو عله ف جسم بلدي انتو جيفه _ سكتوه ابن الكلاب سففوه من التراب فتشوا كل الاماكن طلعوا رفوف الدولاب ... كمموني يا حبيبتي كتفوني يا حبيبتي قوموني..قعدوني كل شعره في جسمي بالعين فتشوها المخده من جنانهم شرحوها وانتهى التفتيش مافيش صدقيني ماتخافيش هو فيه ياعزه عندي ممنوعات غير باحب الناس وباكره السكات؟ ... بص واحد من التنابله جوا عيني وانتي عارفه عنيه صافيه وطيبين زي كل عيون بلدنا يا حبيبتي شباكين ع القلب دوغري موصلين كان مناه يلمح علامة خوف بسيطه طب حييجي الخوف منين ابن العبيطه هو مين فينا الجبان ولامين فينا الللي خان اللي قلبه بالمحبه و بالاماني وبالربيع لاخضر مزهر والاغاني ولاكلب الصيد واسياده الاباطره أكالين لحم البشر فوق الصواني؟ هو مين فينا الجبان ولامين فينا اللي خان هو بص في عيني بصه ارتجف وف حلقه غصه واتعوج ومال وقال جملتين مش مفهومين أصله شاف صورتين جمال في العيون الطيبين مصر في العين الشمال وانتي في العين اليمين الشاعر الكبير :أحمد فؤاد نجم |
تحفه بجد
جزاك الله خيرا وفى انتظار المزيد من الاشعار الرائعه |
شكراً جزيلا لمرورك على الرائع أحمد فؤاد نجم ..
وأنا بطلب من كل اللي مر بسرعة على القصيدة يقراها والله ما هيندم بجد تحفة تعرفي بقراها كل يوم تقريباً |
العملاق أحمد فؤاد نجم .. يستحق كل تقدير واحترام لفنه الصادق الجرئ .. وشكراً جزيلاً لمرورك اختي الكريمة
|
بجد جميله جدا
وفعلا لم اندم حينما قراتها جزاك الله كل خير على تقديم هذه الاعمال المميزه لنا فى رعاية الله |
رائعه يا استاذ احمد
فالناقل والمنقول عنه مبدعين خير الابداع لاحرمنا الله من ابداعكما والله انى لفخوره بك اشد الفخر يا استاذ احمد فمواضيعك كلها فوق الممتازة جزاك الله خير الجزاء |
اقتباس:
اقتباس:
|
جميله اوي كلمتها رقيق وبتعبر على كل حاجه
جزاك الله خيرا |
بصراحه انا شفت الحلقه اللى قال فيها الشاعر الكبير احمد فؤاد نجم القصيده دى ملقتش احلى من كده القاء وبجد شكرا ليك انك اهتميت ونقلت لينا الكلام ده على لسانه .:078111rg3:
|
شكرا لك على هذه القصيدة الرائعة فكل أعمال الفاجومى رائعة وفى الصميم
|
اقتباس:
اقتباس:
اقتباس:
|
جزاك الله خيرا
|
جزاك الله الخير كله على مرورك الكريم .. وشكراً جزيلا لك أخي الكريم
|
حضرتك لو مكنتش كتبة انها بتاعة احمد فؤاد نجم كنت افتكرتها بتاعة حضرتك
بجد قصيده حلوه وجميله وكلماتها رائعه بكمعني الكلمه |
حبيب قلبي .. والله انت مجامل ومحاور .. جزاك الله خيراً على المرور والنشاط المنقطع النظير
|
| جميع الأوقات بتوقيت GMT +2. الساعة الآن 11:58 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.